ARYNews.tv | Urdu – Har Lamha Bakhabar

Tag: سرتاج عزیز

  • وزیراعظم کادورہ امریکا20سے23اکتوبر کو ہوگا، دفترخارجہ

    وزیراعظم کادورہ امریکا20سے23اکتوبر کو ہوگا، دفترخارجہ

    اسلام آباد: دفترخارجہ کا کہنا ہے وزیراعظم نوازشریف بیس سے تئیس اکتوبرتک امریکا کا دورہ کریں گے۔کشمیری رہنما علی گیلانی
    کودورے کی دعوت دی ہے۔

    ترجمان دفترخارجہ قاضی خلیل اللہ نے میڈیا بریفنگ میں کہا کہ وزیراعظم نوازشریف کا دورہ امریکا بیس سے تئیس اکتوبرکوہوگا۔ وزیراعظم امریکی صدربراک اوباما سے ملاقات میں خطے کی صورتحال پربات کریں گے،دورے میں معیشت کی بحالی سمیت اہم امورپربات چیت ہوگی۔

    ترجمان نے کہا کہ وزیراعظم نوازشریف نے کشمیری رہنما علی گیلانی کوپاکستان کےدورے کی دعوت دی ہے۔گذشتہ کئی سال سے پاکستان میں مقیم بھارتی لڑکی گیتا کی واپسی کے بارے میں ترجمان کا کہنا تھا گیتا کی واپسی پربھارت کے جواب کا انتظارہے۔

    ترجمان نے کہاکہ سابق وزیرخارجہ خورشید قصوری کی بھارت میں کتاب کی رونمائی کی تقریب میں خلل ڈالاگیا۔

    انہوں نےکہا کہ پاکستان نےبھارت کی جانب سے سرحدی خلاف ورزی اور بھارتی جارحیت سے متعلق اقوام متحدہ کوتین ڈوزیئرزدےدیئے ہیں۔

  • سرتاج عزیز کی زیرصدارت دفترخارجہ میں بین الوزارتی اجلاس

    سرتاج عزیز کی زیرصدارت دفترخارجہ میں بین الوزارتی اجلاس

    اسلام آباد : وزیراعظم کے مشیر برائے قومی سلامتی امور سرتاج عزیز کی زیر صدارت دفتر خارجہ میں بین الوزارتی اجلاس منعقد ہوا۔

    جس میں اقوام متحدہ کے سال 2015 کے بعد کے ترقیاتی اہداف کے ایجنڈے کے حوالے سے  پاکستان کی تیاریوں کا جائزہ لینے کے لئے غور خوص کیا گیا۔

    اس موقع پر منصوبہ بندی، ترقی کے وفاقی وزیر اور اصلاحات احسن اقبال، وفاقی اور صوبائی حکومتوں کی جانب سے سینئر حکام نے شرکت کی۔

    اجلاس سے خطاب کرتے ہوئے سرتاج عزیز نے کہا کہ  پاکستان کی ترقی ،ضروریات اور ترجیحات کے حوالے سے میلینئم ڈیولپمنٹ کے اہداف کے حصول کی تکمیل کیلئے مربوط نظام وضع کرنا ہوگا۔

    انہوں نے کہا کہ اس سے قبل ترقیاتی اہداف کے ایجنڈے کے مقاصد کے حصول کیلئے پاکستان کی کارکردگی ناکافی رہی ہے، اجلاس میں بتایا گیا کہ اقوام متحدہ کی جنرل اسمبلی کے رواں ماہ کے آخر میں ہونے والے اجلاس میں مذکورہ ترقیاتی ایجنڈا اختیار کیا جائے گا۔

    پاکستانی وفد کی قیادت وزیر اعظم میاں ںواز شریف کریں گے، جنرل اسمبلی کے اجلاس میں پیش کئے جانے والے ایجنڈے میں اقتصادی، سماجی اور ماحولیاتی مسائل کے 17 مقاصد اور 169 اہداف پر مشتمل پائیدار ترقی کے  طول و عرض کا احاطہ کیا گیا ہے۔

    ایجنڈے میں غربت اور بھوک کا خاتمہ صنفی مساوات اور خواتین کو بااختیار بنانے کے حصول، جامع اور پائیدار اقتصادی ترقی اور مکمل اور پیداواری روزگار کو فروغ دینے، تعلیم، صحت، پانی اور صفائی ستھرائی کے لئے توانائی تک رسائی کو یقینی بنانے، موسمیاتی تبدیلی سے نمٹنے اور پائیدار تحفظ کو یقینی بنانے اور اس کے قدرتی وسائل کی اہم ترجیحات شامل ہیں۔

  • امریکی صدر کے معاون خصوصی برائے قومی سلامتی کی سرتاج عزیز سے ملاقات

    امریکی صدر کے معاون خصوصی برائے قومی سلامتی کی سرتاج عزیز سے ملاقات

    اسلام آباد: امریکی صدر کے معاون خصوصی برائے قومی سلامتی ڈاکٹر پیٹر لاوے  کی پاکستانی وزیر اعظم کے مزیر برائے قومی سلامتی سرتاج عزیز سے ملاقات کی ہے۔

    ڈاکٹر پیٹر لاوےکے ہمراہ امریکی سیکٹری برائے اسحلہ کا عدم پھیلاو مس روز گوٹیمائیلر اور سفیر رچرڈ اولسن بھی موجود تھے۔

    ملاقات میں افغانستان میں حالیہ سیاسی اور سیکورٹی پیش رفت ، پاک بھارت تعلقات اور پاک امریکہ باہمی تعاون سے متلعق امور زیر غور آئے۔

    پاک  امریکہ تعلقات میں حالیہ بہتری کو سراہتے ہوئے سرتاج عزیز نے اس باہمی تعلق کو ایک نئے اسٹریٹیجک سطح تک لے جانے کی ضرورت پر زور دیا۔

    مشیر خارجہ نے دہشتگردی کے خلاف پاکستانی کوششوں اور پیش رفت کو واضح کیا۔

    اس کے ساتھ ہی ان کا کہنا تھا کہ پاکستان پڑوسی ممالک کے ساتھ  عدم مداخلت اور پُرامن تعلقات کی پالیسی پر گامزن ہے۔

  • بھارت سے تمام معاملات پر مذاکرات ہوں گے، سرتاج عزیز

    بھارت سے تمام معاملات پر مذاکرات ہوں گے، سرتاج عزیز

    اسلام آباد : وزیر اعظم کے مشیر برائے امور خارجہ سرتاج عزیز نے کہا ہے کہ پاک بھارت تنازعات پر قومی سلامتی مشیروں کے مذاکرات کامیاب نہ ہوئے تو پاکستان معاملہ بین الاقوامی سطح پر اٹھائےگا۔ بھارتی الزامات پر شدید تحفظات رکھتے ہیں۔

    اسلام آباد میں میڈیا سے گفتگو کرتے ہوئے سرتاج عزیز نے کہا کہ بھارت سے تمام معاملات پر مذاکرات ہوں گے،پاکستان مقبوضہ جموں و کشمیر اسمبلی کو غیر قانونی سمجھتا ہے۔

    انہوں نے کابل بم دھماکوں کی سخت الفاظ میں مذمت کی۔ان کا کہنا تھا کہ پاکستان ،تحریک طالبان اور افغان حکومت کے درمیان سہولت کار کا کردار نبھاتا رہےگا۔

    انہوں نے بتایا کہ ستمبر میں دولت مشترکہ کانفرنس میں شرکت کے لئےساٹھ سے ستر فیصد مندوبین نے پاکستان آنے پر رضا مندی ظاہر کر دی ہے ۔

    علاوہ ازیں ترجمان قومی اسمبلی نے کہاہے کہ صوبائی اسمبلیوں کی کانفرنس میں مقبوضہ کشمیر قانون ساز اسمبلی کے وفد کی شرکت اقوام متحدہ کی قرار دادوں سے انحراف ہوگا۔

    بھارت کی وفاقی اور صوبائی اسمبلیوں کے اسپیکروں کو کانفرنس میں شرکت کی دعوت دی ہے ۔۔مقبوضہ جموں و کشمیر اسمبلی کے وفد کو مدعو نہیں کیا جائےگا۔

  • پاک بھارت مذاکرات کی تاریخ ابھی طے نہیں کی، سرتاج عزیز

    پاک بھارت مذاکرات کی تاریخ ابھی طے نہیں کی، سرتاج عزیز

    اسلام آباد : پاکستان اور بھارت کے درمیان متوقع مذاکرات کی تاریخ کا تعین نہ ہوسکا، مشیر خارجہ سرتاج عزیز نے کہا ہے کہ پاک بھارت مذاکرات کی تاریخ ابھی طے نہیں کی گئی ہے۔

    تفصیلات کے مطابق اے آروائی نیوز سے خصوصی گفتگو کرتے ہوئے مشیر خارجہ سرتاج عزیز کا کہنا تھا کہ پاک بھارت مذاکرات کے ایجنڈے کے حوالے سے مشاورت جاری ہے تاہم مذاکرات کی تاریخ ابھی طے نہیں کی گئی ہے۔

    ان کا کہنا تھا کہ پاکستان اور بھارت کے درمیان مذاکرات ہونا پہلے سے طے ہیں ،پاک بھارت ملاقات میں پاکستان کے موقف کو واضح انداز میں پیش کیا جائے گا۔

  • بھارتی وزیر نے کھلے عام دہشتگردی کی حمایت کی،سرتاج عزیز

    بھارتی وزیر نے کھلے عام دہشتگردی کی حمایت کی،سرتاج عزیز

    اسلام آباد : مشیر خارجہ سرتاج عزیز نے  کہا ہے کہ  بھارت نے کھلے عام دہشت گردی کی حمایت کی ہے، تفصیلات کے مطابق مشیر خارجہ سرتاج عزیز نے بھارتی وزیر دفاع منوہرپاریکر کے بیان پر شدید رد عمل کا اظہار کیا ہے۔

    اپنے ایک بیان میں سرتاج عزیز کا کہنا ہے کہ بھارت پہلا ملک ہے جس کے وزیر نے کھلے عام دہشت گردی کی حمایت کی ہے۔

    انہوں نے کہا کہ پاکستان ہمسایہ ممالک  کے ساتھ بہتر تعلقات کی پالیسی پرعمل پیرا ہے۔ سرتاج عزیز کا کہنا تھا کہ بھارت کی طرف سے بیان دہشت  گردی میں ملوث ہونے کے خدشات کی تصدیق کرتا ہے۔

    واضح رہے کہ بھارتی وزیر دفاع  منوہرپاریکر نے کہا ہے کہ اب غیر ریاستی عناصر کو دہشت گردی کے لئے استعمال کیا جائے گا۔

    یعنی جو کام بھارتی فوج کر رہی تھی۔ اب وہ کام ریٹائرڈ فوجی، پولیس اہلکاروں اور ہندو شدت پسندوں سے لیا جائے گا۔ اور دہشت گردی کا جواب بھی دہشت گردی سے دیا جائے گا۔

  • پاکستانی اعلیٰ سطحی وفد سعودی عرب پہنچ گیا، پرتپاک استقبال

    پاکستانی اعلیٰ سطحی وفد سعودی عرب پہنچ گیا، پرتپاک استقبال

    ریاض : یمن کے تنازعے کے پرامن حل کیلئے پاکستانی وفد سعودی عرب پہنچ گیا ہے، سعودی وزیردفاع شہزادہ محمد سلمان نے پاکستانی وفد کا پرتپاک استقبال کیا۔

    یمن کے بحران کےپرامن حل اورمحصور پاکستانیوں کی وطن واپسی کیلئے وزیراعظم کی ہدایت پر وزیردفاع خواجہ آصف کی قیادت میں اعلٰی سطحی وفد ریاض پہنچ گیا ہے۔

    وفد میں مشیرخارجہ سرتاج عزیز سمیت فوجی افسران بھی شامل ہیں۔ریاض کےبین الاقوامی ہوائی اڈے پر سعودی وزیردفاع شہزادہ محمد سلمان نے پاکستانی وفد کا پرتپاک استقبال کیا۔

    پاکستانی وفد سعودی عرب کے فرمانروا شاہ سلمان بن عبدالعزیز سے ملاقات کریگا جس میں یمن کے جنگی بحران اور وہاں محصور پاکستانیوں کی واپسی سمیت سعودی عرب کی سالمیت اور تحفظ کیلئے تمام تروسائل فراہم کرنے کا وزیراعظم کا پیغام پہنچائے گا۔

  • الطاف حسین کے مسئلے پر وزیرِداخلہ نے تحقیقات کے احکامات دیئے،سرتاج عزیز

    الطاف حسین کے مسئلے پر وزیرِداخلہ نے تحقیقات کے احکامات دیئے،سرتاج عزیز

    اسلام آباد :مشیر خارجہ سرتاج عزیز کاکہنا ہے کہ ایم کیو ایم کے قائد الطاف حسین کے مسئلے پر وزیرِ داخلہ نے تحقیقات کرنے کے احکامات دیئے ہیں۔

    اسلام آباد میں افغانستان کانفرنس سے خطاب کے بعد میڈیا سے گفتگو کرتے ہوئے مشیر خارجہ سرتاج عزیز کا کہنا تھا کہ برطانوی حکومت کو الطاف حسین سے متعلق تمام کیسز کے حوالے سے پاکستان اعتماد میں لے گا۔

    مشیر خارجہ کا کہنا تھا کہ الطاف حسین کا معاملہ وزارتِ داخلہ کا معاملہ ہے، انکا مزید کہنا ہے کہ وزیرِ داخلہ نے برطانوی ہائی کمیشن سے الطاف حسین کے مسئلے سے متعلق رابطہ کیا ہے۔

    یاد رہے کہ گزشتہ روز وزیرِ داخلہ چوہدری نثار کی برطانوی ہائی کمشنر فلپ بارٹن سے پنجاب ہاؤس میں ملاقات ہوئی تھی، جس میں متحدہ قومی موومنٹ کے قائد الطاف حسین کے خلاف ثبوت اوردیگر تفصیلات برطانوی ہائی کمشنر کے حوالے کردیں۔

    ملاقات کے دوران چوہدری نثار نے رینجرز کی جانب سے متحدہ کے قائد کے خلاف رینجرز کی جانب سے درج کرائی گئی ایف آئی کی نقل ، ایم کیو ایم کی متنازعہ سرگرمیوں پر رینجرز کی جانب سے مرتب کردہ رپورٹ اور ایم کیو ایم کے مرکز اور الطاف حسین کی رہائش گاہ نائن زیرو پرچھاپے کے دوران برآمد کیا گیا اسلحہ اور مفرور افراد کی گرفتاری تفصیلات پرمبنی مکمل رپورٹ فلپ بارٹن کے حوالے کی گئیں۔

    واضح رہے کہ پاکستان اور برطانیہ کے درمیان انسدادِ دہشت گردی کا معاہدہ موجود ہے اوراسی معاہدے کی بناءپر پاکستانی حکومت کی جانب سے انتہائی سخت ردعمل کا مظاہرہ کیا گی

  • بھارت ذکی الرحمان لکھوی کی رہائی پر بےجا مداخلت کررہاہے، سرتاج عزیز

    بھارت ذکی الرحمان لکھوی کی رہائی پر بےجا مداخلت کررہاہے، سرتاج عزیز

    اسلام آباد: مشیر خارجہ سرتاج عزیز نے کہا ہے کہ بھارت ذکی الرحمان لکھوی کی رہائی کے معاملے پر بے جامداخلت کر رہا ہے۔

    اسلام آباد میں میڈیا سےگفتگوکرتےہوئےمشیرخارجہ سرتاج عزیزکا کہنا تھا کہ ذکی الرحمان کا کیس پاکستان کی عدالت میں زیر سماعت ہے۔

    سرتاج عزیر نے کہا کہ لکھوی کےمعاملےسے بھارت سے مذاکرات پراثر نہیں پڑے گا، انہوں نے کہا کہ پاکستان نے بھارت کو یاد دلایا ہے کہ سمجھوتہ ایکسپریس کے معاملے پر بھی تاحال کوئی پیشرفت نہیں ہوئی۔

     مشیر خارجہ نے کہا کہ پاکستان بھار ت کے ساتھ آبی تنارع پر اپنے حقوق کا تحفظ کرے گا، ان کا کہنا تھا کہ تاپی منصوبے پر اگلے سال سے کام شروع ہوجائے گا۔

    مشیر خارجہ نے بتایا کہ افغانستان نے تاپی منصوبے میں سیکیورٹی کیلئے یقین دہانی کرائی ہے۔

  • ملک کے دفاع کی بھرپور صلاحیت رکھتے ہیں، سرتاج عزیز

    ملک کے دفاع کی بھرپور صلاحیت رکھتے ہیں، سرتاج عزیز

    اسلام آباد: مشیر خارجہ سرتاج عزیز نے کہا ہے کہ ملک کے دفاع کی بھرپور صلاحیت رکھتے ہیں۔

    افاف کالج آف سائنس اینڈ ٹیکنالوجی کی تقریب سے خطاب کرتے ہوئے مشیر خارجہ سرتاج عزیز کا کہنا تھا کہ افغانستان کے ساتھ اعتماد کی فضا بحال ہوئی ہے، افغانستان اپنی سرزمین پاکستان کے خلاف استعمال نہیں ہونے دے گا۔

    مشیرخارجہ کا کہنا تھا کہ تعلیم کے فروغ کے ذریعے دہشت گردی پر قابو پایا جا سکتا ہے، انہوں نے کہا کہ آپریشن ضرب عضب کامیابی سے جاری ہے۔

     پاک بھارت مذاکرات پر ان کا کہنا تھا کہ مذاکرات سےسرحدی کشیدگی کم ہوگی، بھارت کے ساتھ کشمیر سمیت تمام امورپر مذاکرات ہوں گے۔

     سرتاج عزیز نے کہا کہ سیکریٹری خارجہ سطح کے مذاکرات بھارت نےملتوی کیے، اسی نے بحال کیے۔