Tag: سرجانی ٹاؤن

کراچی: شہر قائد کے علاقے سرجانی ٹاؤن سیکٹر 15 میں ڈاکوؤں کے ایک گروہ نے شہریوں کو یرغمال بنا کر قربانی کے جانور لوٹ لیے۔

سرجانی ٹاؤن پولیس کے مطابق سیکٹر پندرہ میں 6 سے 8 رکنی گینگ نے واردات کی، ڈاکوؤں نے پک اپ اور موٹر سواروں کو ویران علاقے میں لے جا کر یرغمال بنایا۔

ڈاکوؤں نے 2 شہریوں کو باندھ کر قربانی کے جانور خالی پک اپ پر منتقل کیے، ڈاکوؤں نے ایک پک اپ اور موٹر سائیکل کو بھی روکا، پک اپ پر 3 گائیں لدی ہوئی تھیں، تاہم پولیس کو دیکھ کر ڈاکو 2 گائیں چھوڑ کر موٹر سائیکلوں پر فرار ہو گئے۔

پولیس حکام کے مطابق موٹر سائیکل اسکواڈ نے کارروائی کر کے ایک گائے اور سوزوکی پک اپ کو لٹنے سے بچا لیا، موٹر سائیکل اسکواڈ نے بتایا کہ اندھیرے کے باعث کارروائی میں معمولی تاخیر ہوئی، تاہم علاقے میں گشت بڑھا دیا گیا ہے۔

کراچی : کیٹل فارم میں ڈکیتی کی بڑی واردات، ڈاکو لاکھوں مالیت کے مویشی لوٹ کر فرار

واضح رہے کہ عید الاضحیٰ آتے ہی کراچی سمیت سندھ کے شہروں میں ڈاکوؤں کا رخ قربانی کے جانور لوٹنے کی وارداتوں کی جانب ہو جاتا ہے، چار دن قبل بھی کراچی میں ایک کیٹل فارم میں ڈکیتی کی بڑی واردات میں 10 سے زائد ڈاکو باڑے سے لاکھوں مالیت کے مویشی لوٹ کر فرار ہو گئے تھے۔

یہ واردات کاٹھوڑ کے قریب واقع کیٹل فارم پر کی گئی تھی، ڈاکوؤں نے 13 بیل اور بچھیا لوٹ لیے تھے، کیٹل فارم انتظامیہ نے بتایا کہ رات 2 سے 4 کے درمیان 10 سے زائد ڈاکوؤں نے واردات کی، ڈاکوؤں کا گروہ ٹرک بھی ساتھ لایا تھا، چھینے گئے مویشی کی مالیت 30 سے 40 لاکھ روپے کے لگ بھگ ہے‌۔

کراچی: شہر قائد کے علاقے سرجانی ٹاؤن میں چھت منہدم ہونے سے گھر کے تمام افراد زخمی ہو گئے، جب کہ ایک بچی جاں بحق ہو گئی۔

تفصیلات کے مطابق کراچی کے علاقے سرجانی ٹاؤن سیکٹر 4 ڈی میں مکان کی چھت گر گئی، حادثے میں زخمی ہونے والی 12 سالہ بچی دوران علاج جاں بحق ہو گئی، چھت کے ملبے تلے دب کر 9 افراد زخمی ہو گئے تھے۔

پولیس کا کہنا ہے کہ حادثے میں زخمی 8 افراد عباسی اسپتال میں زیر علاج ہیں، زخمیوں میں میاں بیوی اور ان کے 6 بچے شامل ہیں، زخمیوں کو طبی امداد کے لیے عباسی شہید اسپتال منتقل کر دیا گیا ہے جہاں ان کی حالت خطرے سے باہر بتائی جا رہی ہے۔

ادھر سندھ کے شہر سانگھڑ کے سیال گوٹھ میں کچن میں آگ لگنے سے جھلس کر زخمی ہونے والی لڑکی چل بسی ہے، گزشتہ روز 16 سالہ لڑکی چولہے میں گیس لیکیج سے آگ لگنے سے جھلس گئی تھی، پولیس کا کہنا ہے کہ 70 فی صد جھلسنے والی لڑکی کو تشویش ناک حالت میں اسپتال منتقل کیا گیا تھا، لڑکی نے زخمی ہونے کے بعد ویڈیو بیان میں کچن میں آگ سے جھلسنے کا بتایا۔

کراچی: شہر قائد میں ایک ڈمپر نے باپ بیٹے سمیت 3 افراد کی جان لے لی۔

تفصیلات کے مطابق کراچی میں ڈمپر حادثات نہ رک سکے، ایک اور افسوس ناک حادثے میں ایک خاندان کی زندگی کا چراغ گل ہو گیا، یہ واقعہ سرجانی ٹاؤن میں ناردرن بائی پاس پر پیش آیا جس میں ایک ڈمپر نے کار کو ٹکر ماری۔

ریسکیو حکام کے مطابق اس حادثے میں کار سوار باپ بیٹے سمیت 3 افراد جاں بحق ہوئے ہیں، جاں بحق افراد منگھوپیر کے علاقے گل محمد قلندرانی گوٹھ کے رہائشی تھے۔

یاد رہے کہ 9 مئی کو بھی کراچی میں ہیوی ٹریفک نے ایک فیملی کو اجاڑ دیا تھا، جب ایک ٹرک نے موٹر سائیکل سوار باپ بیٹے کو کچل دیا تھا۔ یہ حادثہ اورنگی 15 نمبر میں تیز رفتار ٹرک کی ٹکر سے پیش آیا تھا۔

کراچی میں تیز رفتار ٹرک نے باپ بیٹے کو کچل دیا

پولیس کا کہنا تھا کہ باپ اور بیٹے کی جانیں لینے کے بعد ڈرائیور ٹرک سمیت فرار ہو گیا تھا، جاں بحق باپ بیٹے کی شناخت عرفان اور منصور کے نام سے کی گئی تھی، پولیس کے مطابق بیٹا فرسٹ ایئر کا طالب علم تھا جسے باپ کالج چھوڑنے جا رہا تھا، جاں بحق افراد کا آبائی تعلق گلگت سے تھا جب کہ وہ منگھو پیر کے رہائشی تھے۔

کراچی: سرجانی ٹاؤن سیکٹر الیون اے میں چھری کے وار سے ایک شخص قتل کردیا گیا، واقعہ کے بعد بہن اور بہنوئی فرار ہوگئے۔

تفصیلات کے مطابق کراچی کےعلاقہ سرجانی ٹاؤن سیکٹرالیون اے میں ایک شخص کو چھری کے وار کرکے قتل کردیا گیا۔

پینتالیس سالہ عبدالعلیم بہن بہنوئی کے ساتھ رہائش پذیر تھا،پولیس نے بتایا کہ عبدالعلیم جھگڑے کے دوران گھریلو چھری لگنے سے جاں بحق ہوا۔

پولیس کا کہنا تھا کہ واقعہ کے بعد بہن اور بہنوئی موقع سے فرار ہوگئے تاہم آلہ قتل برآمد کر کے تحقیقات شروع کردی ہے۔

یاد رہے کراچی کے علاقے اورنگی ٹاؤن فرید کالونی میں شوہر نے بیوی کو چھریوں کے وار کر کے قتل کر دیا تھا۔

پولیس کے مطابق واقعہ مومن آباد تھانے کی حدود میں پیش آیا، خاتون کی شناخت ثنا کے نام سے ہوئی پولیس کے مطابق خاتون کو اس کے شوہر عارف نے قتل کیا اور گھر سے فرار ہو گیا تھا۔