Tag: سرجانی ٹاؤن

کراچی : سرجانی ٹاون میں رینجرز نے کاروائی کرتے ہوئے بھاری اسلحہ برآمد کرلیا ہے جب کہ رینجرز کی جانب سے سینٹرل جیل میں بھی سرچ آپریشن کے دوران کالعدم تنظیم کے کارندوں سے پوچھ گچھ کی گئی ہے۔

رینجرز ذرائع کے مطابق سرجانی ٹاون سیکٹر بی میں رینجرز نے ایک مکان پر چھاپہ مار کر بھاری اسلحہ برآمد کرلیا ہے برآمد کئے جانے والے اسلحے میں ہیوی مشین گن،ایل ایم جی ،جی تھری رائفل سمیت دیگر اسلحہ شا مل ہے اسلحے میں آٹھ سب مشین گن،چار ایم ایم رائفل بھی شامل ہیں۔

رینجرز ذرائع کے مطابق مذکورہ کارروائی ایک سیاسی جماعت کے عسکری ونگ سے تعلق رکھنے والے گرفتار ملزم کی نشاندہی پر کی گئی
دہشتگردوں نے اسلحہ زمین میں دبا کر واش روم بنایا گیا تھا۔

دوسری جانب رینجرز نے سینٹرل جیل میں سرچ آپریشن کرتے ہوئے مختلف بیرکس میں موجود کالعدم تنظیم کے کارندوں سے بھی پوچھ گچھ کی اور بعض افراد کے سامان کی تلاشی بھی لی۔

گزشتہ کچھ دنوں میں کراچی آپریشن میں مزید تیزی آئی ہے اور قانون نافذ کرنے والے اداروں نے خفیہ اطلاعات پر چھاپہ مار کارروائی کرتے ہوئے نہ صرف یہ کہ نامی گرامی مجرموں کو گرفتار کیا ہے بلکہ زیر زمین چھپایا گیا اسلحہ بھی بر آمد کیا ہے۔