Tag: سردار عثمان بزدار

لاہور: وزیراعلیٰ پنجاب سردار عثمان بزدار کا کہنا ہے کہ کرونا کے خلاف کام کرنے والے ڈاکٹرز کو 1 ماہ کی اضافی تنخواہ دی جائے گی۔

تفصیلات کے مطابق لاہور میں وزیراعلیٰ پنجاب عثمان بزدار نے میڈیا بریفنگ کے دوران کہا کہ کروناوائرس کی وجہ سے بےشمار لوگوں کا روزگار متاثر ہوا۔

سردار عثمان بزدار نے کہا کہ 25 لاکھ گھرانوں کو 4 ہزار روپےمالی امداد دی جائےگی، 15ارب روپے کے صوبائی ٹیکسز بھی معاف کیے جا رہے ہیں۔

انہوں نے پنجاب میں فرنٹ لائن کے پیرا میڈیکس اسٹاف کے لیے ایک ماہ کی اضافی تنخواہ کا اعلان کرتے ہوئے کہا کہ ڈاکٹرز اور ہیلتھ پروفیشنلز ہمارے ہیروز ہیں، پنجاب حکومت ڈاکٹرز اور طبی عملے کو سلام پیش کرتی ہے۔

وزیراعلیٰ پنجاب کا کہنا تھا کہ قیدیوں کی سزا میں90 روز کی کمی کا اعلان کرتے ہیں، سنگین جرائم میں ملوث قیدیوں کی سزاؤں میں کمی نہیں ہوگی،انڈر ٹرائل قیدیوں سےمتعلق سفارشات جلد حکومت کو دیں گے۔

اس سے قبل عثمان بزدار کا کہنا تھا کہ کرونا وائرس کو سائنیٹفک انداز میں ٹریٹ کیا جائے،مستقل خاتمہ چاہتے ہیں۔ وزیراعلیٰ پنجاب کا کہنا تھا کہ 200 بستروں پر مشتمل فیلڈ اسپتال جلد از جلد قائم کرنا چاہتے ہیں۔

واضح رہے کہ پاکستان میں بھی کورونا وائرس کی وبا تیزی سے پھیل رہی ہے اور متاثر افراد کی تعداد 1415 تک جا پہنچی ہے ، سب سے زیادہ کیسز صوبہ سندھ میں رپورٹ ہوئے جبکہ وائرس سے اب تک 12 افراد جاں بحق اور 29 مریض صحت یاب ہوچکے ہیں۔

لاہور: وزیراعلیٰ پنجاب سردار عثمان بزدار نے اپنی اور کابینہ ارکان کی ایک ماہ کی تنخواہ کرونا بچاؤ فنڈز میں دینے کا اعلان کر دیا۔

تفصیلات کے مطابق لاہور میں پنجاب کابینہ کے اجلاس کے بعد میڈیا سے گفتگو کرتے ہوئے وزیراعلیٰ پنجاب نے کہا کہ محکمہ صحت کو جاری کیے گئے 11 ارب روپے کی منظوری دی۔

انہوں نے کہا کہ محکمہ صحت کو ہدایت کی گئی ہے کہ ذاتی تحفظ کے آلات کی خریداری فوری طور پر مکمل کی جائے جبکہ 8 لیبارٹریز کو فعال کیا جائے،اس سلسلے میں 62 کروڑ روپے کے فنڈز فراہم کر دیے گئے ہیں۔

سردار عثمان بزدار کا کہنا تھا کہ صوبائی کابینہ کے اجلاس میں غور کیا گیا کہ اس مرتبہ زکوٰۃ کی کٹوتی جلد کر دی جائے، اس حوالے سے وفاقی کابینہ کو تجویز دی جائے گی۔انہوں نے کہا کہ اس کے علاوہ تمام اضلاع میں بیت المال فنڈز ریلیز کیے جا رہے ہیں۔

وزیراعلیٰ پنجاب نے کہا کہ نجی اسکولز کی فسیوں کے معاملے پر ایک کمیٹی بنائی ہے جو ایک ہفتے میں رپورٹ دے گی۔

انہوں نے کہا کہ صوبائی کابینہ نے صوبے میں 10 ہزار ڈاکٹرز وپیرامیڈکس کی بھرتی کی منظوری دے دی ہے، اس میں ریٹائرڈ ڈاکٹر بھی شامل ہے۔ بلدیاتی انتخابات سے متعلق سردار عثمان بزدار کا کہنا تھا کہ ہم ایک آرڈیننس لا رہے ہیں جس کے تحت انتخابات کو 9 ماہ کے لیے ملتوی کر رہے ہیں۔

وزیراعلیٰ پنجاب سردار عثمان بزدار نے اپنی اور کابینہ ارکان کی ایک ماہ کی تنخواہ کرونا بچاؤ فنڈز میں دینے کا اعلان کیا ہے۔

پنجاب میں کرونا وائرس کا پہلا مریض دم توڑ گیا

واضح رہے کہ صوبہ پنجاب میں کرونا وائرس کا پہلا مریض دم توڑ گیا جس کے بعد ملک میں کرونا وائرس کے باعث انتقال کرنے والے افراد کی تعداد 7 ہو گئی۔

لاہور: وزیراعلیٰ پنجاب سردار عثمان بزدار نے ماسک،حفاظتی کٹ، سینیٹائزر کی مقامی سطح پر تیاری کی ہدایت کر دی۔

تفصیلات لاہور میں وزیراعلیٰ پنجاب سردار عثمان بزدار کی زیر صدارت کرونا وائرس سے متعلق اجلاس ہوا جس میں کرونا کے معاشی اثرات کاجائزہ لینے کے لیے وزیر خزانہ کی سربراہی میں کمیٹی قائم کر دی۔

اجلاس میں فیصلہ کیا گیا کہ ڈپٹی کمشنر کی سربراہی میں سول سوسائٹی ارکان پر مشتمل کمیٹیاں بنائی جائیں گی، ڈسٹرکٹ کمیٹیاں کرونا سے نمٹنے کے لیے مقامی سطح پر اقدامات کرسکیں گی۔

وزیراعلیٰ پنجاب نے ماسک،حفاظتی کٹ، سینیٹائزر کی مقامی سطح پر تیاری کی ہدایت کرتے ہوئے کہا کہ این ڈی ایم اے پنجاب کو ایک ہفتے میں 10 ہزارحفاظتی ملبوسات فراہم کرے گا۔

سردار عثمان بزدار کا کہنا تھا کہ ایک ہزار حفاظتی کٹس پہنچ گئی، 5 ہزار مزیدکٹس جلد پہنچا دی جائیں گی، ڈاکٹروں اور طبی عملے کی حفاظت کے لیے تمام تر اقدامات کریں گے۔

انہوں نے کہا کہ ماسک وغیرہ کی ذخیرہ اندوزی کرنے والوں سے سختی سے نمٹا جائےگا، پنڈی اور لاہور میں کارروائیوں کے دوران 90 ہزار ماسک برآمد کیے گئے۔

وزیراعلیٰ پنجاب نے کہا کہ ملتان کی لیبر کالونی میں 3 ہزار سے زائد مریضوں کے لیے قرنطینہ قائم ہوگا، تعلیمی اداروں کے ہاسٹلز کے کمروں کو آئسولیشن کے لیے استعمال کیا جائے گا۔

سردار عثمان بزدار کا کہنا تھا کہ بس اسٹینڈز پر دیگرصوبوں سے آنے والے افراد کی طبی چیکنگ کی جائے، مرکزی اور ضلعی سطح پر کرونا آگاہی کے لیے ہیلپ لائن قائم کی جائے۔

پنجاب میں کرونا وائرس کے 8 کیسز کی تصدیق

اس سے قبل وزیراعلیٰ پنجاب سردار عثمان بزدار نے صوبے میں کرونا وائرس کے 8 کیسز کی تصدیق کی تھی۔

لاہور: وزیراعظم عمران خان نے وزیراعلیٰ پنجاب کو ذخیرہ اندوزوں اور ملاوٹ مافیاکے خلاف آپریشن تیز کرنے کی ہدایت کر دی۔

تفصیلات کے مطابق لاہور میں وزیراعظم عمران خان سے وزیراعلیٰ پنجاب سردار عثمان بزدار نے ملاقات کی جس میں وزیراعلیٰ نے پنجاب میں جاری ترقیاتی منصوبوں سے متعلق وزیراعظم کو بریفنگ دی۔

اس موقع پر وزیراعظم عمران خان نے وزیراعلیٰ پنجاب کو ذخیرہ اندوزوں اور ملاوٹ مافیا کے خلاف آپریشن تیز کرنے کی ہدایت کرتے ہوئے کہا کہ عام آدمی کو ریلیف دینے کے لیے یوٹیلیٹی اسٹورز پر 15 ارب کا پیکج دیا۔

وزیراعظم پاکستان نے کہا کہ آٹے اور چینی کی سرکاری قیمتوں پر فراہمی کو یقینی بنایا جائے، انہوں نے اشیائے خورونوش کا مصنوعی بحران پیدا کرنے والوں سےسختی سے نمٹنے کی ہدایت کی۔

ملاوٹ کرنے والے عوام کی زندگیوں سےکھیل رہے ہیں، وزیراعظم

یاد رہے کہ دو روز قبل وزیراعظم عمران خان کا کہنا تھا کہ بچوں کی صحت سے کھیلنے کی اجازت کسی صورت نہیں دی جاسکتی، دودھ،گوشت،دالوں جیسی اشیا میں ملاوٹ قبول نہیں، ملاوٹ کی وجہ سے متعدد بیماریاں پیدا ہوتی ہیں، ملاوٹ شدہ اشیا کے استعمال سے بچوں کی نشوونما متاثر ہوتی ہے۔

لاہور: وزیراعلیٰ پنجاب سردار عثمان بزدار نے واٹر میٹرز لگانے کی منظوری دے دی، پروگرام پر 10 ارب 30 کروڑ روپے لاگت آئے گی۔

تفصیلات کے مطابق صوبائی دارالحکومت لاہور میں وزیراعلیٰ پنجاب کی زیر صدارت پرائیوٹ پارٹنرشپ پالیس، مانیٹرنگ بورڈ کا اجلاس ہوا جس میں لاہور میں واٹر میٹرز لگانے کی منظوری دے دی، پروگرام پر 10 ارب 30 کروڑ روپے لاگت آئے گی۔

اجلاس میں لاہور رنگ روڈ سدرن لوپ تھری کے منصوبے کے ایگریمنٹ پر دستخط کی منظوری دی گئی، معاہدے پر رواں ماہ دستخط ہوں گے، 10 ارب لاگت آئے گی۔

وزیراعلیٰ پنجاب کی زیر صدارت اجلاس میں بتایا گیا کہ پنجاب میں 500 بستروں پر مشتمل 10 نئےاسپتال بنائے جائیں گے، ایشیائی ترقیاتی بینک کے ساتھ مفاہمتی یادداشت پر دستخط کی منظوری دے دی گئی۔

سردار عثمان بزدار نے زیرو ویسٹ مٹیریل ریکوری فسیلٹی کی تجویز پرعملدرآمد نہ ہونے پر برہمی کا اظہار کرتے ہوئے کہا کہ فائل کو ادھرادھر گھمانے سے کام نہیں چلے گا، مجھے آئندہ اجلاس میں اس پر پیش رفت چاہیئے۔

یاد رہے کہ تین روز قبل وزیراعلیٰ پنجاب سردار عثمان بزدار کا کہنا تھا کہ کسی کو میرٹ کے خلاف کام کرنے دیا ہے اور نہ کرنے دوں گا۔ عثمان بزدار کا کہنا تھا کہ اراکین قومی و صوبائی اسمبلی میرے دست و بازو ہیں، منتخب نمائندوں کی عزت پر حرف نہیں آنے دوں گا۔