Tag: سردار عثمان بزدار

  • وزیراعلیٰ پنجاب سے چیف سیکرٹری اور آئی جی پنجاب کی ملاقات

    وزیراعلیٰ پنجاب سے چیف سیکرٹری اور آئی جی پنجاب کی ملاقات

    لاہور: وزیراعلیٰ سردار عثمان بزدار کا کہنا ہے کہ عوام کی فلاح کے منصوبوں کی بروقت تکمیل ہماری ترجیحات ہیں، ہمارا ایجنڈا صرف عوام کی خدمت ہے۔

    تفصیلات کے مطابق وزیراعلیٰ پنجاب سے نئے چیف سیکرٹری پنجاب اعظم سلیمان خان نے ملاقات کی۔ وزیراعلیٰ نے اعظم سلیمان کو تعیناتی کی مبارکباد دی اور نیک خواہشات کا اظہار کیا۔

    سردار عثمان بزدار نے کہا کہ پنجاب حکومت نے شفافیت، کرپشن فری کلچرکی پالیسی اپنائی، عوام کی فلاح کے منصوبوں کی بروقت تکمیل ہماری ترجیحات ہیں۔

    وزیراعلیٰ پنجاب نے کہا کہ ہمارا ایجنڈا صرف عوام کی خدمت ہے، صوبے میں میرٹ کے کلچرکو فروغ دینا ہے، انتظامیہ غیرجانبدار رہ کر فرائض سرانجام دے، میری تمام تر سپورٹ انتظامیہ کے ساتھ ہوگی۔

    بعدازاں وزیراعلیٰ پنجاب عثمان بزدار سے آئی جی پنجاب شعیب دستگیر نے ملاقات کے دوران امن وامان، عوام کے جان ومال کے تحفظ کے لیے اقدامات پر تبادلہ خیال کیا۔

    وزیراعلیٰ پنجاب نے کہا کہ عوام کے جان ومال کا تحفظ پولیس کی بنیادی ذمہ داری، اولین فرض ہے، پولیس کو بہترامن کے لیے جانفشانی سے فرائض سرانجام دینا ہوں گے۔

    سردار عثمان بزدار نے کہا کہ پولیس کو قیام امن کے لیےعوام کی توقعات پر ہر صورت پورا اترناہوگا، قیام امن، جرائم کے سدباب کے لیے وسائل کی فراہمی میں کمی نہیں آنے دی جائے گی۔

  • کوئی غلط فہمی میں نہ رہے، تحریک انصاف کے اتحادی ہیں، چوہدری پرویزالٰہی

    کوئی غلط فہمی میں نہ رہے، تحریک انصاف کے اتحادی ہیں، چوہدری پرویزالٰہی

    لاہور: اسپیکر پنجاب اسمبلی چوہدری پرویزالٰہی کا کہنا ہے کہ وزیراعلیٰ پنجاب کے ساتھ کھڑے تھے، کھڑےہیں اور رہیں گے، کوئی غلط فہمی میں نہ رہے، تحریک انصاف کے اتحادی ہیں۔

    تفصیلات کے مطابق وزیراعلیٰ پنجاب عثمان بزدار سے اسپیکر پنجاب اسمبلی چوہدری پرویزالٰہی نے ملاقات کے دوران باہمی دلچسپی کے امور، سیاسی صورت حال، فلاح وبہبود کے اقدامات پر گفتگو کی۔

    وزیراعلیٰ پنجاب نے کہا کہ عوام کی ترقی وخوشحالی کے لیے مل کر کام کر رہے ہیں اور کرتے رہیں گے، پنجاب کی ترقی کے سفر میں اتحادیوں کو ساتھ لے کرچلیں گے، مل کر عوام کی خدمت کرتے رہیں گے۔

    سردار عثمان بزدار نے کہا کہ غلط فہمیاں پید اکرنے کی سازش کرنے والے کامیاب نہیں ہونگے، ایک دوسرے کے تجربے سے فائدہ اٹھا کر فلاح وبہبود کا مشن پورا کریں گے۔

    انہوں نے کہا کہ فلاح و بہبود کے وہ کام کر رہے ہیں جو سابق حکمران نہ کر پائے، عوام کو کھوکھلے نعروں سے بہلانے کا دور گزر چکا، پاکستان تبدیلی کی راہ پر چل پڑا ہے، نیا بلدیاتی نظام عوامی خدمت کو نئی جہت دے گا۔

    دوسری جانب اسپیکر پنجاب اسمبلی چوہدری پرویزالٰہی نے کہا کہ وزیراعلیٰ پنجاب کے ساتھ کھڑے تھے، کھڑےہیں اور رہیں گے، کوئی غلط فہمی میں نہ رہے، تحریک انصاف کے اتحادی ہیں۔

    چوہدری پرویزالٰہی نے کہا کہ ہمارا اتحاد پہلے سے زیادہ مضبوط ہے، اتحاد میں رخنہ ڈالنے کی خواہش دلوں میں ہی رہ جائے گی۔ انہوں نے کہا کہ ہر مسئلے کو افہام وتفہیم سے حل کرنا دانشمندی ہوتی ہے، اب ذاتی پسند ناپسند نہیں بلکہ میرٹ، گورننس کی حکمرانی ہے۔

  • کرتارپور راہداری کھلنے سے سکھ برادری کی خوشیاں دوبالا ہوگئیں، وزیراعلیٰ پنجاب

    کرتارپور راہداری کھلنے سے سکھ برادری کی خوشیاں دوبالا ہوگئیں، وزیراعلیٰ پنجاب

    لاہور: وزیراعلیٰ پنجاب سردار عثمان بزدار نے کہا کہ کرتارپور راہداری کھلنے سے سکھ برادری کی خوشیاں دوبالا ہوگئیں، ایک دوسرے کی خوشیوں میں شرکت سے بھائی چارے کو فروغ ملتا ہے۔

    تفصیلات کے مطابق وزیراعلیٰ پنجاب سردار عثمان بزدار نے سکھ برادری کو مبارکباد دیتے ہوئے کہا کہ کرتارپور راہداری کھلنے سے سکھ برادری کی خوشیاں دوبالا ہوگئیں، ایک دوسرے کی خوشیوں میں شرکت سے بھائی چارے کو فروغ ملتا ہے۔

    سردار عثمان بزدار نے کہا کہ ایک دوسرے کی خوشیوں میں شرکت سے بھائی چارے کو فروغ ملتا ہے، باباگرونانک بین المذاہب ہم آہنگی کی بہترین مثال تھے، اقلیتوں کی فلاح وبہبود حکومتی ترجیحات میں شامل ہے۔

    یہ شروعات ہے، انشاءاللہ بھارت سے تعلقات اچھے ہوں گے، وزیراعظم

    یاد رہے کہ تین روز قبل وزیر اعظم عمران خان نے کرتارپور راہداری کی افتتاحی تقریب سے خطاب کرتے ہوئے کہا تھا کہ سکھ برادری کو گرونانک کی سالگرہ کی مبارکباد دیتا ہوں۔

    وزیراعظم کا کہنا تھا کہ اندازہ ہی نہیں تھا لوگ اتنے محنتی ہیں،اور بھی آگے بڑھ سکتے ہیں، صرف خراج تحسین ہی نہیں دل سے آپ کے لیے دعائیں ہیں، یہاں آتے ہیں توسکھ کمیونٹی کے دلوں میں خوشی ہوتی ہے۔

    وزیراعظم عمران خان کا کہنا تھا کہ راہداری کھولنے کی مجھے بہت خوشی ہوئی، اندازہ نہیں تھا کرتارپورکی سکھ کمیونٹی میں کیا اہمیت تھی، کرتارپور سے متعلق ایک سال پہلے پتہ چلا اس کی کیا اہمیت ہے۔

  • تحریک انصاف کی حکومت اقلیتوں کے حقوق کی پاسبان ہے، عثمان بزدار

    تحریک انصاف کی حکومت اقلیتوں کے حقوق کی پاسبان ہے، عثمان بزدار

    لاہور: وزیراعلیٰ پنجاب سردار عثمان بزدار کا کہنا ہے کہ تحریک انصاف کی حکومت اقلیتوں کے حقوق کی پاسبان ہے، اقلیتوں کے حقوق کے تحفظ کے لیے اقدامات کی مثال نہیں۔

    تفصیلات کے مطابق صوبائی دارالحکومت لاہور میں وزیراعلیٰ پنجاب کی زیرصدارت صوبائی کابینہ کا 20واں اجلاس ہوا، اجلاس میں 22 نکاتی ایجنڈا زیرغور آیا۔

    سردار عثمان بزدار کی زیر صدارت اجلاس میں صوبائی وزرا، مشیران، معاونین خصوصی، چیف سیکریٹری و دیگر نے شرکت کی۔

    اجلاس میں پنجاب لوکل گورنمنٹ ایکٹ 2019 میں ترامیم، پنجاب ویلج پنچایت اینڈ نیبرہڈ کونسلز ایکٹ 2019 میں ترامیم، پنجاب ڈی مارکیشن آف لوکل ایریاز رولز 2019 کے تحت حد بندی اور ایکٹ 2019 کے تحت سکسیڈنگ لوکل گورنمنٹس کے قیام کی منظوری دی گئی۔

    صوبائی کابینہ کے اجلاس میں سیاسی جماعت یا انتخابی گروپ بنا کر بلدیاتی الیکشن میں حصہ لینے کی اجازت اور اقلیتوں کا مخصوص نشستوں کے ساتھ عمومی نشستوں پر بھی ووٹنگ کے حق منظور کیا گیا، انتخابی نتائج کا اعلان ریٹرننگ آفیسر کرے گا۔

    وزیراعلیٰ پنجاب کی زیرصدارت اجلاس میں فیصلہ کیا گیا کہ پنجاب بھر میں 455 مقامی حکومتیں بنیں گی۔ اجلاس میں پنجاب میونسپل سروسز پروگرام میں رد و بدل کا فیصلہ بھی کیا گیا۔

    صوبائی کابینہ کے اجلاس میں شاہی قلعہ کے لیے ہیریٹج اینڈ اربن ری جنریشن پروگرام کی منظوری دی گئی، اس کے علاوہ لاہور اور آذر بائیجان کے شہر ناک چیوان جڑواں قرار دینے کا فیصلہ بھی کیا گیا۔

    وزیراعلیٰ پنجاب نے کہا کہ تحریک انصاف کی حکومت اقلیتوں کے حقوق کی پاسبان ہے، اقلیتوں کے حقوق کے تحفظ کے لیے اقدامات کی مثال نہیں ہے۔

    وزیراعلیٰ پنجاب کی زیرصدارت اجلاس، محکمہ مال سمیت دیگر امور کا جائزہ

    یاد رہے کہ دو روز قبل وزیراعلیٰ پنجاب عثمان بزدار نے اعلیٰ سطح اجلاس کی صدارت کی تھی، اس دوران پنجاب میں پٹواری کے عہدے کا نام تبدیل کرنے کا فیصلہ کیا گیا تھا۔

    اجلاس میں فیصلہ کیا گیا تھا کہ پٹواری کو ولیج آفیسر کے عہدے کا نام دیا جائے گا، جبکہ ولیج آفیسر کو 14واں اسکیل ملے گا، بھرتی پنجاب پبلک سروس کمیشن کے ذریعے ہوگی۔

    ولیج آفیسر کے لیے بھرتی کے بعد 6 ماہ کی تربیت لازم ہوگی، وزیراعلیٰ نے ولیج آفیسر کو لیپ ٹاپ بھی دینے کی منظوری دے دی تھی، جبکہ لاہور کی ایک تحصیل کو ریونیو کے حوالے سے ماڈل تحصیل بنانے کا بھی فیصلہ کیا گیا تھا۔

    وزیراعلیٰ پنجاب نے حکم دیا تھا کہ لینڈ ریکارڈ سینٹرز پر ادائیگی کے لیے بینک کا کاؤنٹر بنایا جائے، رشوت لینے والے افسروں واہلکاروں کی جگہ جیل ہے، کسی صورت پیسے لینے سے متعلق شکایت برداشت نہیں کروں گا۔

  • وزیراعلیٰ پنجاب کا جرائم پیشہ اورشرپسند عناصر کے خلاف بلا امتیاز کارروائی کا حکم

    وزیراعلیٰ پنجاب کا جرائم پیشہ اورشرپسند عناصر کے خلاف بلا امتیاز کارروائی کا حکم

    لاہور: وزیراعلیٰ پنجاب سردار عثمان بزدارنے جرائم پیشہ اورشرپسند عناصر کے خلاف بلا امتیاز کارروائی کا حکم دیتے ہوئے کہا کہ عوام کے جان ومال کے تحفظ، قیام امن سے بڑھ کر کوئی ترجیح نہیں ہے۔

    تفصیلات کے مطابق وزیراعلیٰ پنجاب کی زیرصدارت اجلاس میں امن وامان کی صورت حال کا جائزہ لیا گیا، وزیراعلیٰ کو قیام امن کے لیے کیے جانے والے اقدامات سے متعلق بریفنگ دی گئی۔

    وزیراعلیٰ پنجاب نے عوام کے جان ومال کے تحفظ کے لیے اقدامات کی ہدایت دیتے ہوئے کہا کہ صوبے میں امن عامہ برقرار رکھنے کے لیے ضروری اقدامات کیے جائیں۔

    سردار عثمان بزدار نے کہا کہ جرائم پیشہ اور شرپسند عناصرکے خلاف بلا امتیاز کارروائی جاری رکھی جائے، عوام کے جان ومال کے تحفظ، قیام امن سے بڑھ کر کوئی ترجیح نہیں ہے۔

    وزیراعلیٰ پنجاب سردار عثمان بزدار نے کہا کہ قانون کی عملداری کو یقینی بنانے کے لیے کوئی کسراٹھا نہ رکھی جائے۔

    کچھ عناصر نہیں چاہتے پاکستان ترقی کی راہ پر گامزن ہو، عثمان بزدار

    یاد رہے کہ گزشتہ ہفتے وزیر اعلیٰ پنجاب عثمان بزدار کا کہنا تھا کہ موجودہ حالات میں انتشار کی سیاست انتہائی نقصان دہ ہے ملک کو منفی سیاست نہیں بلکہ استحکام کی ضرورت ہے۔

    سردار عثمان بزدار کا کہنا تھا کہ غریب لوگوں کی زندگی میں بہتری لانا حکومتی ترجیحات کا حصہ ہے، غریبوں کی فلاح وبہبود کے ہر ممکن وسائل بروئے کار لائے جائیں گے۔

  • موجودہ پنجاب اسمبلی قانون سازی کے ریکارڈ قائم کرے گی، عثمان بزدار

    موجودہ پنجاب اسمبلی قانون سازی کے ریکارڈ قائم کرے گی، عثمان بزدار

    لاہور: وزیراعلیٰ پنجاب سردار عثمان بزدار کا کہنا ہے کہ موجودہ پنجاب اسمبلی قانون سازی کے ریکارڈ قائم کرے گی، فلاح وبہبود کے لیے قوانین میں ترامیم کا سلسلہ جاری رکھیں گے۔

    تفصیلات کے مطابق وزیراعلیٰ پنجاب عثمان بزدارسے وفاقی وزیر قانون فروغ نسیم نے ملاقات میں باہمی دلچسپی کے امور، عمومی صورت حال سمیت وکلا کی فلاح و بہبود کے لیے کیے جانے والے اقدامات پر بھی تبادلہ خیال کیا۔

    وزیراعلیٰ پنجاب نے کہا کہ مختصر مدت میں درجنوں نئے قوانین متعارف کرائے، فلاح وبہبود کے لیے قوانین میں ترامیم کا سلسلہ جاری رکھیں گے۔

    سردار عثمان بزدار نے کہا کہ موجودہ پنجاب اسمبلی قانون سازی کے ریکارڈ قائم کرے گی، عوام کی ضرورتوں کو مد نظر رکھ کر نئے ایکٹ لا رہے ہیں۔

    وزیراعلیٰ پنجاب نے کہا کہ میں خود بھی وکیل ہوں، وکلا برادری کے ساتھ ہوں، ماضی کی روایات کے برعکس کابینہ میں مشاورت کو فروغ دیا۔

    غریب لوگوں کی زندگی میں بہتری لانا حکومتی ترجیحات کا حصہ ہے، عثمان بزدار

    یاد رہے کہ گزشتہ ہفتے وزیراعلیٰ پنجاب سردار عثمان بزدار کا کہنا تھا کہ غریب لوگوں کی زندگی میں بہتری لانا حکومتی ترجیحات کا حصہ ہے، غریبوں کی فلاح وبہبود کے ہر ممکن وسائل بروئے کار لائے جائیں گے۔

  • موجودہ حالات میں احتجاجی سیاست کا کوئی جواز نہیں، عثمان بزدار

    موجودہ حالات میں احتجاجی سیاست کا کوئی جواز نہیں، عثمان بزدار

    لاہور: وزیراعلیٰ پنجاب سردار عثمان بزدار کا کہنا ہے کہ موجودہ حالات میں احتجاجی سیاست کا کوئی جواز نہیں ہے، یہ وقت قوم کو یکجا کرنے کا ہے۔

    تفصیلات کے مطابق وزیراعلیٰ پنجاب سردار عثمان بزدار نے کہا کہ ملک کو اندرونی اور بیرونی چیلنجز کا سامنا ہے، موجودہ حالات میں احتجاجی سیاست کا کوئی جواز نہیں ہے، یہ وقت قوم کو یکجا کرنے کا ہے۔

    وزیراعلیٰ پنجاب نے کہا کہ وطن کی مٹی ہم سے اتحاد اور یگانگت کا مطالبہ کر رہی ہے، پاک دھرتی کے اس قرض کو اتارنے کے لیے سب کو ایک ہونا پڑے گا۔

    سردار عثمان بزدار نے کہا کہ سیاسی قوتوں پربھی اس قرض کی ادائیگی کی بھاری ذمہ داری ہے، جوش نہیں بلکہ ہوش کی راہ پر چلنے کی ضرورت ہے، ملک افراتفری کی سیاست سے آگے نہیں جاسکتا۔

    وزیراعلیٰ پنجاب نے کہا کہ قوم کی خوشحالی کے لیے منفی سیاست سے قطع تعلق کرنا ہوگا، ترقی کا واحد راستہ ملک میں استحکام، اتحاد اور اتفاق میں ہے۔

    حکومتی مذاکراتی کمیٹی کا جے یو آئی (ف) سے پہلا باضابطہ رابطہ

    واضح رہے کہ حکومتی مذاکراتی کمیٹی نے جے یو آئی (ف) سے پہلا باضابطہ رابطہ کرلیا، چیئرمین سینیٹ صادق سنجرانی نے عبدالغفور حیدری کو ٹیلی فون کر کے ملاقات کا وقت طے کرلیا۔

    مذاکراتی کمیٹی آج رات 8 بجے عبدالغفور حیدری سے ملاقات کرے گی، یہ ملاقات پارلیمنٹ لاجز میں عبدالغفور حیدری کی رہایش گاہ پر ہو گی۔

  • ہم نے مہنگائی پر قابو پا کرعوام کو ریلیف دینا ہے، وزیراعلیٰ  پنجاب

    ہم نے مہنگائی پر قابو پا کرعوام کو ریلیف دینا ہے، وزیراعلیٰ پنجاب

    لاہور: وزیراعلیٰ پنجاب سردار عثمان بزدار کا کہنا ہے کہ ہم نے مہنگائی پر قابو پا کرعوام کو ریلیف دینا ہے، پرائس کنٹرول کمیٹیوں کو بھی فعال کردار ادا کرنا ہوگا۔

    تفصیلات کے مطابق ضروری اشیا، سبزیوں کی قیمتوں میں اضافے کا نوٹس لیتے ہوئے کابینہ پرائس کنٹرول کمیٹی کو مصنوعی مہنگائی کے خلاف قانونی کارروائی کی ہدایت کردی۔

    وزیراعلیٰ پنجاب سردار عثمان بزدار نے صوبے میں گراں فروشوں کے خلاف مؤثر کارروائی کا حکم بھی دیا۔

    سردار عثمان بزدار نے کہا کہ مہنگائی کے مستقل سدباب کے لیے فول پروف میکنزم بنایا جائے، عوام کو گراں فروشوں کے سپرد نہیں کرسکتے۔

    انہوں نے کہا کہ قیمتوں کا معاملہ حل کرکے رپورٹ وزیراعلیٰ آفس میں جمع کرائی جائے، گراں فروشی کرنے والے قانون کے ساتھ معاشرے کے بھی مجرم ہیں۔

    وزیراعلیٰ پنجاب نے کہا کہ کاغذی کارروائیاں نہیں، ناجائز منافع خوروں کے خلاف ایکشن لینا ہوگا، ہم نے مہنگائی پر قابو پا کر عوام کو ریلیف دینا ہے۔

    سردار عثمان بزدار نے کہا کہ پرائس کنٹرول کمیٹیوں کو بھی فعال کردار ادا کرنا ہوگا۔

    وزیراعلیٰ پنجاب نے کہا کہ حکومت پنجاب نے شکایات کے لیے ٹال فری نمبرمتعارف کرایا ہے، شہری ٹال فری نمبر 08000234 پر شکایت درج کراسکتے ہیں۔

    لوٹ مار کا دور گزر چکا، قومی وسائل عوام کی امانت ہیں، عثمان بزدار

    یاد رہے کہ چار روز قبل وزیراعلیٰ پنجاب عثمان بزدار کا کہنا تھا کہ لوٹ مارکا دورگزر چکا، قومی وسائل عوام کی امانت ہیں ، نئے پاکستان میں اس ظالمانہ نظام کی کوئی گنجائش نہیں، ہم باتیں نہیں کام کرکے دکھاتے ہیں۔

  • بلوچستان کی ترقی بھی پنجاب کی طرح عزیز ہے، سردار عثمان بزدار

    بلوچستان کی ترقی بھی پنجاب کی طرح عزیز ہے، سردار عثمان بزدار

    لاہور : وزیراعلیٰ پنجاب سردارعثمان بزدار نے کہا ہے کہ بلوچستان کے عوام کی ترقی و خوشحالی بھی پنجاب کے عوام کی طرح عزیز ہے، بلوچستان کی ترقی پاکستان کی ترقی ہے۔

    ان خیالات کا اظہار انہوں نے وزیراعلیٰ بلوچستان جام کمال خان سے ملاقات کے موقع پر گفتگو کرتے ہوئے کیا۔ تفصیلات کے مطابق وزیراعلیٰ پنجاب سردارعثمان بزدار سے وزیراعلیٰ آفس میں وزیراعلیٰ بلوچستان جام کمال خان نے ملاقات کی۔

    ملاقات میں باہمی دلچسپی کے امور اور مختلف شعبوں میں دونوں صوبوں میں تعاون بڑھانے پر تبادلہ خیال کیا گیا۔
    عثمان بزدار نے کہا کہ مجھے بلوچستان کے عوام کی ترقی و خوشحالی اسی طرح عزیز ہے جس طرح پنجاب کے عوام کی۔

    انفارمیشن ٹیکنالوجی، ہارٹیکلچر، سیاحت، تعلیم اور صحت کے شعبوں میں اپنے بلوچ بہن بھائیوں کو ہر ممکن تعاون فراہم کریں گے۔

    انہوں نے کہا کہ بلوچستان کی ترقی پاکستان کی ترقی ہے ، پنجاب کے تعلیمی اداروں میں بلوچ طلباء و طالبات کیلئے خصوصی کوٹہ مختص کیا گیا ہے جبکہ پنجاب حکومت بلوچستان میں دل کا ہسپتال قائم کرے گی اور اس ضمن میں دو ارب روپے مختص کر دیئے گئے ہیں۔

    اس موقع پر بلوچستان کے وزیراعلیٰ جام کمال خان نے سردار عثمان بزدار کو بلوچستان کے دورے کی دعوت دیتے ہوئے کہا کہ پنجاب میں آکر بہت پیار ملا ہے، ترقی کے سفر میں ہم مل کر آگے بڑھیں گے۔

    بدقسمتی سے ماضی کی حکومتوں نے سیاحت جیسے اہم شعبے کو نظر انداز کیا، مقامی سیاحت کو فروغ دے کر معیشت کو مضبوط بنایا جا سکتا ہے۔ انہوں نے کہا کہ میر چاکر اعظم رند کے مقبرے کی بحالی کے کام پر وزیراعلیٰ پنجاب سردار عثمان بزدار کے شکر گزار ہیں۔

  • وزیراعلیٰ پنجاب کا قومی کرکٹ ٹیم کے لیے نیک خواہشات کا اظہار

    وزیراعلیٰ پنجاب کا قومی کرکٹ ٹیم کے لیے نیک خواہشات کا اظہار

    لاہور: وزیراعلیٰ پنجاب سردار عثمان بزدار کا کہنا ہے کہ قومی کھلاڑیوں کو محنت سے کھیل کر جیت اپنے نام کرنا ہوگی۔

    تفصیلات کے مطابق وزیراعلیٰ پنجاب نے قومی کرکٹ ٹیم کے لیے نیک خواہشات کا اظہارکرتے ہوئے کہا کہ پاک سری لنکا سیریزعالمی کرکٹ کی بحالی کی جانب اہم پیشرفت ہے۔

    سردار عثمان بزدار نے کہا کہ امید ہے آج پاکستانی کرکٹ ٹیم عمدہ کارکردگی کا مظاہرہ کرے گی، قومی کھلاڑیوں کو محنت سے کھیل کر جیت اپنے نام کرنا ہوگی۔

    وزیراعلیٰ پنجاب نے کہا کہ میری اور قوم کی دعائیں قومی کرکٹ ٹیم کے ساتھ ہیں۔

    پاکستان اور سری لنکا کے درمیان سیریز کا دوسرا ون ڈے میچ آج نیشنل اسٹیڈیم میں کھیلا جائے گا، شائقین کرکٹ پہلےمیچ کے ٹکٹ بھی استعمال کرسکیں گے۔

    یاد رہے کہ 27 ستمبر کو پاکستان اور سری لنکا کے درمیان پہلا ایک روزہ میچ نیشنل اسٹیڈیم کراچی میں دوپہر تین بجے شروع ہونا تھا جبکہ ٹاس کا وقت ڈھائی بجے تھا تاہم تیز بارش کی وجہ سے ٹاس بھی نہ ہوسکا تھا۔