Tag: سردار عثمان بزدار

  • وزیراعلیٰ پنجاب کی جانب سے ایل اوسی پر بھارتی فوج کی فائرنگ کی مذمت

    وزیراعلیٰ پنجاب کی جانب سے ایل اوسی پر بھارتی فوج کی فائرنگ کی مذمت

    لاہور: وزیراعلیٰ پنجاب سردار عثمان بزدار کا کہنا ہے کہ شہری آبادی کو نشانہ بنانا بھارتی فوج کا بزدلانہ اور قابل مذمت عمل ہے۔

    تفصیلات کے مطابق وزیراعلیٰ پنجاب نے ایل اوسی پر بھارتی فوج کی فائرنگ کی مذمت کرتے ہوئے زخمیوں کی صحت یابی کے لیے دعا کی۔

    سردارعثمان بزدار نے کہا کہ شہری آبادی کو نشانہ بنانا بھارتی فوج کا بزدلانہ اور قابل مذمت عمل ہے۔

    یاد رہے کہ گزشتہ روز آئی ایس پی آر کا کہنا تھا کہ بھارتی فوج نے ایل او سی کے نکیال اور رکھ چکری سیکٹرز پر بلااشتعال فائرنگ کی اور شہری آباد کو نشانہ بنایا تھا۔

    بھارتی فوج کی ایل او سی پر بلااشتعال فائرنگ، بزرگ خاتون اور نوجوان شہید

    آئی ایس پی آر کے مطابق بھارتی فوج کی فائرنگ سے بزرگ خاتون سلامت بی بی اور 13 سال کا ذیشان ایوب شہید جبکہ 2 خواتین سمیت 3 شہری زخمی ہوگئے تھے۔

    واضح رہے کہ بھارت کی جانب سے لائن آف کنٹرول پر سزفائر کی خلاف ورزیوں کا سلسلہ جاری ہے اور شہری آبادی پر بلا اشتعال فائرنگ میں اب تک متعدد شہری اور فوجی جوان شہید ہوچکے ہیں۔

  • پی ٹی آئی حکومت شعبہ صحت کی بہتری پر خصوصی توجہ دے رہی ہے،عثمان بزدار

    پی ٹی آئی حکومت شعبہ صحت کی بہتری پر خصوصی توجہ دے رہی ہے،عثمان بزدار

    لاہور: وزیراعلیٰ پنجاب سردار عثمان بزدار کا کہنا ہے کہ پی ٹی آئی حکومت شعبہ صحت کی بہتری پر خصوصی توجہ دے رہی ہے۔

    تفصیلات کے مطابق وزیراعلیٰ پنجاب سردار عثمان بزدار نے امراض قلب سے آگاہی کےعالمی دن پر اپنے پیغام میں کہا کہ دل کی بیماریوں سے بچاؤ کے لیے احتیاطی تدابیر سے آگاہی ضروری ہے۔

    عثمان بزدار نے کہا کہ لائف اسٹائل تبدیل کرکے دل کےامراض سے محفوظ رہا جا سکتا ہے، دل کے امراض سے بچاؤ کے لیے واک، ورزش، صحت مند غذا ضروری ہے۔

    وزیراعلیٰ پنجاب نے کہا کہ پی ٹی آئی حکومت شعبہ صحت کی بہتری پر خصوصی توجہ دے رہی ہے، دل کے امراض کے اسپتالوں میں معیاری علاج فراہم کرنا ترجیح ہے۔

    سردار عثمان بزدار نے کہا کہ امراض قلب کے اسپتالوں کی تعداد میں اضافہ کیا جا رہا ہے، دور دراز علاقوں میں کارڈیک سینٹر بنانے کے لیے اقدامات کیے جا رہے ہیں۔

    وزیراعلیٰ پنجاب نے کہا کہ ماضی میں ایسا ایک دل کا اسپتال نہ بن سکا جوعالمی سطح پرسہولتیں دے۔

    پاکستان سمیت دنیا بھر میں آج دل کے امراض سے بچاﺅ کا عالمی دن منایا جا رہا ہے

    واضح رہے کہ پاکستان سمیت دنیا بھر میں دل کے امراض سے متعلق شعور بیدار کرنے کے لیے امراض قلب کا عالمی دن آج منایا جا رہا ہے

  • وزیراعلیٰ پنجاب عثمان بزدار آج پاکپتن اور بہاولنگر کا دورہ کریں گے

    وزیراعلیٰ پنجاب عثمان بزدار آج پاکپتن اور بہاولنگر کا دورہ کریں گے

    لاہور: وزیراعلیٰ پنجاب سردار عثمان بزدار بہاولنگر میں فلاح وبہبود کے ترقیاتی منصوبوں کا جائزہ لیں گے۔

    تفصیلات کے مطابق وزیراعلیٰ پنجاب سردار عثمان بزدار آج پاکپتن اور بہاولنگرکا دورہ کریں گے، وزیراعلیٰ پنجاب پاکپتن میں ہائیڈرو پاور پراجیکٹ کا افتتاح کریں گے۔

    وزیراعلیٰ پنجاب پاکپتن کی نئی غلہ منڈی کا بھی سنگ بنیاد رکھیں گے، عثمان بزدار پاکپتن میں سڑکوں کی تعمیر کے منصوبوں کا افتتاح کریں گے۔

    سردار عثمان بزدار بہاولنگرمیں انسداد ڈینگی اقدامات کا جائزہ لیں گے۔ وزیراعلیٰ پنجاب بہاولنگر میں فلاح وبہبود کے ترقیاتی منصوبوں کا جائزہ لیں گے۔

    وزیراعلیٰ پنجاب امن و امان پراجلاس کی بھی صدارت کریں گے اور بہاولپور کے اراکین قومی وصوبائی اسمبلی سے بھی ملیں گے۔

    جنوبی پنجاب کی محرومیاں دور کرنے کے لیے عملی اقدامات کیے، عثمان بزدار

    یاد رہے کہ تین روز قبل سردار عثمان بزدار کا کہنا تھا کہ جنوبی پنجاب کو ماضی میں جان کرپسماندہ رکھا گیا، جنوبی پنجاب کی محرومیاں دورکرنے کے لیے عملی اقدامات کیے۔

    وزیراعلیٰ پنجاب کا کہنا تھا کہ تعلیم، صحت، صاف پانی منصوبوں میں جنوبی پنجاب کو ترجیح دی گئی، پسماندہ علاقوں کی ترقی، خوشحالی کے لیے جامع حکمت عملی اپنائی گئی۔

  • منشیات فروشی میں ملوث عناصر کے خلاف سخت کارروائی کی جائے، سردار عثمان بزدار

    منشیات فروشی میں ملوث عناصر کے خلاف سخت کارروائی کی جائے، سردار عثمان بزدار

    لاہور : وزیراعلیٰ پنجاب سردار عثمان بزدار نے منشیات فروشی میں ملوث عناصر کے خلاف سخت کارروائی کا حکم دے دیا، ان کا کہنا ہے کہ کالا دھندہ کسی صورت برداشت نہیں کیا جائے گا۔

    تفصیلات کے مطابق پنجاب حکومت نے تعلیمی اداروں کے باہر منشیات فروخت کرنے والے عناصر کے خلاف بڑے پیمانے پر کریک ڈاؤن کا فیصلہ کرلیا ہے۔

    اس حوالے سے وزیراعلیٰ پنجاب سردار عثمان بزدار نے متعلقہ حکام کو منشیات فروشی کے مکروہ دھندے میں ملوث عناصر کے خلاف بلاامتیاز کارروائی کا حکم دے دیا۔

    انہوں نے کہا کہ تعلیمی اداروں کے باہر منشیات فروخت کرنے والے عناصر کسی رعایت کے مستحق نہیں ہیں۔ ہماری نئی نسل کی رگوں میں زہر گھولنے والوں کی جگہ جیل ہے۔

    متعلقہ ادارے اور پولیس مل کر ایسے عناصر کی بیخ کنی کریں اور اس ضمن میں انسداد منشیات فورس سے بھی مکمل کوآرڈینیشن رکھی جائے۔

    انہوں نے کہا کہ تعلیمی اداروں کے باہر منشیات فروخت کرنے والے عناصر کے خلاف بلاامتیاز کارروائی ہوگی۔یہ کالا دھندہ کسی صورت برداشت نہیں کیا جائے گا۔

    منشیات کا کالا دھندہ کرنے والے انسانیت کے قاتل ہیں،اس ناسور کے خاتمے کے لئے تیزی سے موثر کارروائی کی جائے گی۔ وزیراعلیٰ نے کہا کہ صوبے کو منشیات سے پاک کرنے کے مشن میں متعلقہ اداروں کو فعال اور متحرک کردار ادا کرنا ہوگا۔

  • امن کی فضا یقینی بنانے کے لیے ہرممکن اقدام کیا گیا ہے، وزیراعلیٰ پنجاب

    امن کی فضا یقینی بنانے کے لیے ہرممکن اقدام کیا گیا ہے، وزیراعلیٰ پنجاب

    لاہور: وزیراعلیٰ پنجاب سردار عثمان بزدار کا کہنا ہے کہ دشمن ملک میں عدم استحکام پیدا کرنے کی سازش کر رہا ہے، سب نے مل کر دشمن کے مذموم عزائم کو ناکام بنانا ہے۔

    تفصیلات کے مطابق وزیراعلیٰ پنجاب نے کہا کہ امن کی فضا یقینی بنانے کے لیے ہرممکن اقدام کیا گیا ہے، مجالس اورجلوسوں کے لیے 4 درجاتی سیکیورٹی کی ہدایات دی ہیں،عزاداروں کی سہولت اور سکیورٹی کے لیے بہترین اقدامات کیے ہیں۔

    سردار عثمان بزدار نے کہا کہ دشمن ملک میں عدم استحکام پیدا کرنے کی سازش کر رہا ہے، سب نے مل کر دشمن کے مذموم عزائم کو ناکام بنانا ہے۔

    انہوں نے کہا کہ یوم عاشور پروضع سکیورٹی پلان پر100فیصد عمل یقینی بنایا جائے گا، موجودہ حالات میں کوتاہی کی کوئی گنجائش نہیں ہے۔

    وزیراعلیٰ پنجاب نے پولیس فورس اوردیگر عملے کے لیے کھانے پینے کے بہترین انتظامات کی ہدایت کی اور کہا کہ گزشتہ برسوں سے بڑھ کر سکیورٹی انتظامات کیے گئے ہیں۔

    سردار عثمان بزدار نے کہا کہ ضابطہ اخلاق کی خلاف ورزی برداشت نہیں کی جائے گی۔

    شہدائے کربلا کی یاد، کراچی سمیت مختلف شہروں میں نویں محرم کے ماتمی جلوس برآمد

    واضح رہے کہ حضرت امام حسین اور ان کے ساتھیوں کی لازوال قربانی کی یاد میں آج شہر شہر میں نویں محرم کے مرکزی جلوس اپنے مقررہ راستوں پر رواں دواں ہے، اس موقع پر سیکیورٹی کے سخت ترین انتظامات ہیں، کراچی سمیت کئی شہروں میں ڈبل سواری بند ہے۔

  • سکھ بھائی جتنا آج پاکستان کے قریب آئے ماضی میں مثال نہیں ملتی، سردار عثمان بزدار

    سکھ بھائی جتنا آج پاکستان کے قریب آئے ماضی میں مثال نہیں ملتی، سردار عثمان بزدار

    لاہور : وزیر اعلیٰ پنجاب سردار عثمان بزدار نے کہا ہے کہ پاکستان میں سکھوں سمیت تمام اقلیتوں کو مکمل مذہبی آزادی ہے، سکھ بھائی جتنا آج پاکستان کے قریب آئے ماضی میں مثال نہیں ملتی۔

    ان خیالات کا اظہار انہوں نے لاہور گورنر ہاؤس میں بین الاقوامی سکھ کنونشن سے خطاب کرتے ہوئے کیا، عثمان بزدار نے کہا ہے کہ حکومت نے ننکانہ صاحب میں بابا گرو نانک یونیورسٹی کاسنگ بنیاد رکھ دیا ہے۔

    ننکانہ صاحب کی سڑکوں کی تعمیر کیلئے 15کروڑ روپے فراہم کیے گئے ہیں، سڑکوں کی تعمیر سے سکھ یاتریوں کو بہترین سہولتیں میسر ہوں گی۔

    عثمان بزدار کا مزید کہنا تھا کہ سکھ بھائی جتنا آج پاکستان کے قریب آئے ماضی میں مثال نہیں ملتی، مسئلہ کشمیر پر دنیا بھر کے سکھ پاکستان کی حمایت کررہے ہیں، پاکستان امن پسند ملک ہے، پوری دنیا کو امن کا پیغام دیتے ہیں، پاکستان میں سکھوں سمیت تمام اقلیتوں کو مکمل مذہبی آزادی ہے۔

    مقبوضہ کشمیر کی موجودہ صورتحال سے متعلق ان کا مزید کہنا تھا کہ پاکستان اور کشمیر کبھی جدا نہیں ہوسکتے، مودی سرکار کو سمجھ لینا چاہیے کہ مسلمانوں کی نسل کشی کے ایجنڈے کے تباہ کن نتائج سامنے آئیں گے۔

    وزیر اعظم عمران خان کی اپیل پر پاکستان کے ہر شہر میں مقبوضہ کشمیر میں بھارتی ظلم و ستم کیخلاف پرزور انداز میں آواز بلند کی گئی۔

    انہوں نے کہا کہ پرعزم پاکستانی قوم نے نہتے کشمیری عوام کے ساتھ مکمل یکجہتی کا اظہار کرکے واضح پیغام دیاہے، میں یوم یکجہتی کشمیر پر عوامی اجتماعات میں پنجاب کے عوام کی بھرپور شرکت پر ان کا تہہ دل سے شکریہ ادا کرتا ہوں۔

  • راجہ بشارت پنجاب کشمیر کمیٹی کے سربراہ مقرر

    راجہ بشارت پنجاب کشمیر کمیٹی کے سربراہ مقرر

    لاہور: وزیراعلیٰ پنجاب سردار عثمان بزدار نے کشمیر کی موجودہ صورت حال کے پیش نظر خصوصی کمیٹی قائم کردی، وزیر قانون پنجاب راجہ بشارت پنجاب کشمیرکمیٹی کے سربراہ ہوں گے۔

    تفصیلات کے مطابق وزیرقانون پنجاب اور پنجاب کشمیر کمیٹی کے سربراہ راجہ بشارت نے کمیٹی کا پہلا اجلاس کل طلب کرلیا۔ چیف سیکرٹری، سیکرٹری اطلاعات وثقافت ،حکومتی جماعت کے اراکین اسمبلی نذیر احمد چوہان، عظمی کاردار، محمد ندیم قریشی اور مہندر پال سنگھ کمیٹی کے ارکان ہوں گے۔

    نوٹیفکیشن کے مطابق دو اراکین اسمبلی اپوزیشن سے اور ایک (ق) لیگ سے لیا جائے گا۔ کشمیر کے اندر بھارتی فوج کے ہاتھوں انسانی حقوق کی خلاف ورزیوں کو مانیٹر کرنا کمیٹی کی ذمہ داری میں شامل ہے ۔

    پنجاب کشمیر کمیٹی مقبوضہ کشمیر میں انسانی حقوق کی خلاف ورزی کو دنیا کے سامنے پیش کرے گی

    مقبوضہ کشمیرمیں 25ویں روز بھی کرفیو

    واضح رہے کہ مقبوضہ کشمیر میں آج مسلسل 25ویں روز بھی کرفیو برقرار ہے اور مواصلات کا نظام مکمل پر معطل ہے، قابض انتظامیہ نے ٹیلی فون سروس بند کررکھی ہے جبکہ ذرائع ابلاغ پرسخت پابندیاں عائد ہیں۔

    کشمیرمیڈیا سروس کے مطابق مواصلاتی نظام کی معطلی، مسلسل کرفیو اور سخت پابندیوں کے باعث لوگوں کو بچوں کے لیے دودھ، زندگی بچانے والی ادویات اور دیگر اشیائے ضروریہ کی شدید قلت کا سامنا ہے۔

  • وزیراعلیٰ پنجاب سردارعثمان بزدارآج ساہیوال جائیں گے

    وزیراعلیٰ پنجاب سردارعثمان بزدارآج ساہیوال جائیں گے

    لاہور: وزیراعلیٰ پنجاب سردار عثمان بزدار آج ساہیوال، اوکاڑہ اور پاکپتن میں صحت کارڈ اسکیم کا اجرا کریں گے، دورے کے دوران وزیراعلیٰ شجرکاری مہم کے تحت پودا لگائیں گے۔

    تفصیلات کے مطابق وزیراعلیٰ پنجاب سردار عثمان بزدارآج ساہیوال جائیں گے، وزیراعلیٰ مستحق افراد میں صحت انصاف کارڈ تقسیم کریں گے۔

    وزیراعلیٰ پنجاب سردار عثمان بزدار اپنے دورے میں مختلف منصوبوں کا بھی افتتاح کریں گے۔ وزیراعلیٰ سرکٹ ہاؤس میں موسم برسات کی شجرکاری مہم کے تحت پودا لگائیں گے۔

    صحت انصاف کارڈ غریبوں کے لیے امید کی کرن ہے: وزیر اعلیٰ پنجاب

    یاد رہے کہ رواں ماہ 2 اگست وزیراعلیٰ پنجاب عثمان بزدار نے فیصل آباد اور چنیوٹ کے لیے صحت انصاف کارڈ پروگرام کا افتتاح کیا تھا، انہوں نے مستحق افراد میں صحت انصاف کارڈ تقسیم کیے تھے۔

    وزیراعلیٰ پنجاب عثمان بزدار کا کہنا تھا کہ االلہ کا شکر ادا کرتا ہوں جس نے معاشرے کی خدمت کا موقع دیا، صحت انصاف کارڈ پاکستان کی تاریخ کا ایسا منصوبہ ہے جس کی مثال نہیں ملتی۔

    سردار عثمان بزدارکا کہنا تھا کہ پاکستان تحریک انصاف کی حکومت غریب اور لاچار کے لیے کام کر رہی ہے، صحت انصاف کارڈ غریبوں کے لیے امید کی کرن ہے، غریبوں کو اسپتال لانے لے جانے کے اخراجات حکومت برداشت کرے گی۔

  • پنجاب میں پلاسٹک کے تھیلوں پرپابندی جلد لگا دی جائے گی، سردار عثمان بزدار

    پنجاب میں پلاسٹک کے تھیلوں پرپابندی جلد لگا دی جائے گی، سردار عثمان بزدار

    لاہور : وزیراعلی پنجاب سردار عثمان بزدار نے کہا کہ آئندہ کابینہ کے اجلاس میں پلاسٹک کے تھیلوں پرپابندی کی منظوری لی جائیگی۔ ماحول کی بہتری کیلئے پورے صوبے میں وسیع پیمانے پر پودے لگائے جائیں گے۔

    ان خیالات کا اظہار انہوں نے لاہور میں پلانٹ فار پاکستان مہم کی تقریب سے خطاب کرتے ہوئے کیا۔ تفصیلات کے مطابق اسلام آباد کی طرح پنجاب حکومت نے بھی صوبے میں پلاسٹک کے تھیلوں پر پابندی لگانے کا فیصلہ کرلیا ہے۔

    وزیراعلی پنجاب سردار عثمان بزدار نے پلاسٹک کے تھیلوں پر پابندی سے متعلق سمری منظور کرنے کا عندیہ دے دیا۔ تقریب سے خطاب کرتے ہوئے وزیراعلی پنجاب سردار عثمان بزدار نے کہا کہ آئندہ کابینہ کے اجلاس میں پلاسٹک کے تھیلوں پرپابندی کی منظوری لی جائیگی۔

    انہوں نے کہا کہ پنجاب میں وسیع پیمانے پر پودے لگائے جائیں گے،پاکستان کی تاریخ میں ایسی شجرکاری کی مثال نہیں ملتی،حکومت پنجاب شجرکاری کیلئے سرگرم ہے،شجرکاری پروجیکٹ کیلئے خطیر رقم مختص کی گئی ہے،جنگلات میں اضافے کا ہدف پورا کریں گے، پاکستان کو سرسبز و شاداب بنائیں گے۔

    وزیراعلی پنجاب سردار عثمان احمد خان بزدار نے مزید کہا کہ شجرکاری مہم پاکستان تحریک انصاف کی اولین ترجیح ہے، شجرکاری مہم ایک گیم چینجر ثابت ہو گی، شجرکاری مہم میں طلبا و دیگر شعبہ ہائے زندگی کے افراد کو شامل کیا جا رہا ہے۔

    انہوں نے کہا کہ بلین ٹری سونامی کے تحت چھبیس ارب روپے مختص کئے گئے ہیں، اگلے چار سالوں میں بیالیس کروڑ پودے لگائے جائیں گے جو ریکارڈ ہوگا، گرین اور سر سبز پنجاب کیلئے ایسے تاریخی منصوبے کی مثال نہیں ملتی۔

    مزید  پڑھیں: سندھ حکومت کا پلاسٹک کی تھیلیوں پر پابندی کا اعلان

    عثمان بزدار نے کہا کہ پنجاب حکومت پہلی بار سرکاری زمینوں پر قبضے سے واگزار کروا رہی ہے، اس مہم سے ہزاروں ایکٹر واگزار کروا کر سرکاری اداروں کو واپس کیاجارہاہے جسے شجر کاری کیلئے مختص کر د یا گیا ہے۔

  • ڈاکٹررتھ فاؤ نے بلا رنگ ونسل دکھی انسانیت کی خدمت کی، عثمان بزدار

    ڈاکٹررتھ فاؤ نے بلا رنگ ونسل دکھی انسانیت کی خدمت کی، عثمان بزدار

    لاہور: وزیراعلیٰ پنجاب سردار عثمان بزدار کا کہنا ہے کہ  ڈاکٹر رتھ فاؤ کی ٹی بی اور جذام کے خاتمے کے لیے خدمات کو ہمیشہ یاد رکھا جائے گا۔

    تفصیلات کے مطابق وزیراعلیٰ پنجاب سردار عثمان بزدار نے ڈاکٹر رتھ فاؤ کی دوسری برسی پر انہیں خراج عقیدت پیش کرتے ہوئے کہا کہ
    پاکستان سے جذام کے خاتمے کا سہرا ڈاکٹر رتھ فاؤ کی کاوشوں کے سرہے۔

    سردار عثمان بزدار نے کہا کہ ڈاکٹر رتھ فاؤ نے بلا رنگ و نسل دکھی انسانیت کی خدمت کی،  ڈاکٹر رتھ فاؤ کی ٹی بی اور جذام کے خاتمے کے لیے خدمات کو ہمیشہ یاد رکھا جائے گا۔

    جذام کے مریضوں کی مسیحا ڈاکٹر رتھ فاؤ کو ہم سے بچھڑے دو برس بیت گئے

    پاکستان میں جذام کے مریضوں کے لیے مسیحا ڈاکٹر رتھ فاؤ کی آج دوسری برسی منائی جارہی ہے۔ جرمنی میں پیدا ہونے والی یہ عظیم خاتون 57 سال پاکستان میں مقیم رہیں اور جذام کا مرض مملکت خداد سے ختم کرنے میں سب سے کلیدی کردار ادا کیا۔

    انسانیت کی اس عظیم خادمہ کو 1998 میں اعزازی پاکستانی شہریت دی گئی جبکہ انہیں ہلال امتیاز، ستارہ قائد اعظم، ہلال پاکستان اور لائف ٹائم اچیومنٹ ایوارڈ سے بھی نوازا گیا۔

    لاکھوں مریضوں کے چہروں پر مسکراہٹ بکھیرنے والی ڈاکٹر رتھ فاؤ 10 اگست 2017 کو طویل علالت کے بعد انتقال کر گئی۔

    ان کی تدفین ان کی وصیت کے مطابق سرخ جوڑے میں قومی اعزاز کے ساتھ کراچی کے مسیحی قبرستان میں کی گئی۔