Tag: سردار عثمان بزدار

لاہور: وزیراعلیٰ پنجاب سردار عثمان بزدار کا کہنا ہے کہ پتنگ بازی پرپابندی کی خلاف ورزی کرنے والوں کے خلاف سخت کارروائی کی جائے۔

تفصیلات کے مطابق وزیراعلیٰ پنجاب نے پتنگ بازی کے واقعات کا نوٹس لیتے ہوئے متعلقہ اضلاع کے پولیس حکام سے رپورٹ طلب کرلی۔

سردار عثمان بزدار نے کہا کہ پتنگ بازی پرپابندی کے قانون پرعملدرآمد یقینی بنایا جائے، خلاف ورزی کرنے والوں کے خلاف کارروائی کی جائے۔

وزیراعلیٰ پنجاب نے پتنگ بازی سے زخمی ہونے والے افراد کوعلاج کی بہترسہولتیں فراہم کرنے کی بھی ہدایت کی۔

دوسری جانب لاہور میں کینال روڈ پر 23 سالہ عمیر موٹرسائیکل پر جا رہا تھا کہ پتنگ کی کٹی ڈور گلے میں پھرنے سے زخمی ہوگیا جسے اسپتال منتقل کردیا گیا۔

گوجرانوالہ: پتنگ کی ڈور سے ایک اور بچے کا گلا کٹ گیا

یاد رہے کہ رواں ماہ 13 جنوری کو گوجرانوالہ کے علاقے مجاہد پورہ میں پتنگ کی ڈور پھرنے سے بچے کا گلا کٹ گیا تھا، بچے کو ڈی ایچ کیو اسپتال پہنچا دیا گیا تھا۔

واضح رہے کہ گزشتہ ہفتے لاہور کے علاقے فیروز پور روڈ پر گشت کرنے والی ڈولفن پولیس کا اہلکار گردن پرپتنگ کی ڈور پھرنے سے زخمی ہوگیا تھا۔

لاہور: وزیراعلیٰ پنجاب سردار عثمان بزدار کا کہنا ہے کہ پولیس نظام اوردیگرشعبوں میں اصلاحات وقت کا تقاضا ہے۔

تفصیلات کے مطابق وزیراعلیٰ پنجاب نے کہا کہ پنجاب حکومت پولیس اصلاحات کے لیے کمیٹی تشکیل دے چکی ہے،اصلاحات کےذریعے ہی پولیس پرعوام کا اعتماد بحال ہوگا، کمیٹی جلد اپنی سفارشات حکومت کو پیش کرے گی۔

سردارعثمان بزدار نے کہا کہ پولیس نظام اوردیگرشعبوں میں اصلاحات وقت کا تقاضا ہے، پولیس نظام کو درست کرنا ہماری ترجیح ہے۔

پولیس کلچر آہستہ آہستہ تبدیل ہوگا: وزیراعلیٰ‌ پنجاب

یاد رہے کہ گزشتہ ہفتے وزیراعلیٰ پنجاب سردار عثمان بزدارکا کہنا تھا کہ ہم عملی اقدامات پر یقین رکھتے ہیں، وزیراعظم عمران خان کے وژن کے تحت اداروں کو مضبوط اور بااختیار بنائیں گے۔

وزیراعظم کے وژن کے تحت اداروں کو بااختیار بنائیں گے، سردارعثمان بزدار

سردارعثمان بزدار کا کہنا تھا کہ حکومت فلاح عامہ کے لیے عملی اقدامات پر یقین رکھتی ہے، صوبے کے عوام کی ترقی کے لیے ٹھوس بنیاد رکھ دی گئی ہے۔

وزیراعلیٰ پنجاب کا مزید کہنا تھا کہ معیاری تعلیم اور صحت کی جدید سہولیات ہر شہری کا بنیادی حق ہے، میرے لیے صوبے کے عوام ہی میرا اثاثہ ہیں۔

بہاولپور: وزیراعلیٰ پنجاب سردار عثمان بزدار آج کابینہ اجلاس کی صدارت کریں گے اور انہیں امن وامان سے متعلق بریفنگ دی جائے گی۔

تفصیلات کے مطابق وزیراعلیٰ پنجاب کی صدارت میں کابینہ کا اجلاس آج ہوگا، وزیراعلیٰ ترقیاتی کاموں سے متعلق کابینہ منظوری کے بعد اہم اعلانات کریں گے۔

وزیراعلیٰ پنجاب چیمبرآف کامرس کے وفد سے بھی ملاقاتیں کریں گے، انہیں پنجاب کوامن وامان سے متعلق بریفنگ دی جائے گی۔

خیال رہے کہ سردارعثمان بزدار گزشتہ دن سے صوبائی کابینہ سمیت 3 روزہ دورے پرہیں۔

یاد رہے کہ دو روز قبل وزیراعلیٰ پنجاب کا کہنا تھا کہ تحریک انصاف نے اپنے انقلابی منشور کے باعث شاندار کامیابی حاصل کی، عوام دوست پالیسیوں سے تحریک ا نصاف مقبول ترین جماعت بن گئی ہے۔

عوام دوست پالیسیوں سے تحریک انصاف مقبول ترین جماعت بن گئی ہے‘ عثمان بزدار

سردار عثمان بزدار کا کہنا تھا کہ تحریک انصاف کا دورپائیدارترقی اورعوام کی حقیقی خوشحالی کا دور ہے، تحریک انصاف نے چند ماہ میں وہ کام کیے جو ماضی میں برسوں میں نہ ہوا۔

لاہور: وزیراعلیٰ پنجاب سردار عثمان بزدار نے کہا کہ عام آدمی کا معیارزندگی بہترکرنے کے ٹھوس اقدامات کیے جا رہے ہیں۔

تفصیلات کے مطابق وزیراعلیٰ پنجاب سردارعثمان بزدار سے مختلف شہروں سے آئے شہریوں نے ملاقات کی، لوگوں سے مصافحہ کیا اورمسائل سنے۔

وزیراعلیٰ پنجاب نے کہا کہ تحریک انصاف کی حکومت کمزور کے ساتھ کھڑی ہے، 90 دن میں جتنا کام کیا ماضی کی حکومتیں کسی دورمیں نہ کرسکیں۔

انہوں نے کہا کہ ہماری طاقت عوام ہیں اور ان کے مسائل اپنے مسائل سمجھتا ہوں، عام آدمی کا معیار زندگی بہترکرنے کے ٹھوس اقدامات کیے جا رہے ہیں۔

سردارعثمان بزدار نے کہا کہ عوامی خدمت کے سوا ہمارا کوئی اور ایجنڈا نہیں، جو عوامی مسائل حل نہیں کریں گے ان کےخلاف کارروائی ہوگی۔

عوام کی خدمت کے لیے روزانہ 18 گھنٹے جاگتا ہوں، وزیراعلیٰ پنجاب عثمان بزدار

یاد رہے کہ گزشتہ ہفتے وزیراعلیٰ پنجاب عثمان بزدارکا کہنا تھا کہ عوام کی خدمت کے لیے روزانہ 18 گھنٹے جاگتا ہوں، علاقے کے لوگوں کی دعاؤں سے وزیراعلیٰ بنا ہوں۔

وزیراعلیٰ پنجاب عثمان بزدار کا کہنا تھا کہ جس قوم کو عمران خان جیسا لیڈر ملا ہے اسے فکرکی ضرورت نہیں، وہ ہی پاکستان کو مشکلات سے نکالیں گے۔