اسلام آباد : سپریم کورٹ نے ہائی کورٹ کے فیصلے کو کالعدم قرار دے کر حج پالیسی دو ہزار چودہ بحال کردی۔
حج کوٹا کیس سے متعلق سپریم کورٹ نے لاہور ہائی کورٹ کا فیصلہ کالعدم قرار دے دیا،لاہور ہائی کورٹ کے فیصلے کے خلاف وفاق نے اپیل دائر کی تھی، اپیل کی ابتدائی سماعت کے بعد سپریم کورٹ نے وفاق کی اپیل باقاعدہ سماعت کے لئے منظور کرلی۔
وفاقی وزیر مذہبی امور سردار محمد یوسف نے اسلام آباد میں پریس کانفرنس کے دوران بتایاکہ رواں سال حج کے انظامات شفاف بنائے گئے ہیں گزشتہ سال چون پرائیوٹ حج آپریٹرز کیخلاف شکایات آئی تھیں انہوں نے کہا کہ گزشہ سال کے حج آپریٹرز کو بلیک لسٹ نہیں کیا گیا، وفاقی وزیر کا کہنا تھا کہ حج آپریشن مکمل کرنے کے بعد اضافی رقم واپس کردی جائےگی، انہوں نے بتایا کہ حج پر ہونے والے اخراجات کو کم کرنے کی کوشش کررہے ہیں۔
