مری: ملکہ کوہسار میں موسم سرما کی پہلی برف باری نے سیاحوں کو اپنی جانب متوجہ کرلیا ہے۔
ملکہ کوہسار مری نے برف کی چادر اوڑھ لی ہے مری میں موسم سرما کی پہلی برف شروع ہوگئی ہے، جس کے بعد سیاحوں کی بڑی تعداد نے مری کی مال روڈ کا رخ کرلیا ہے اور برف باری سے لطف اندوز ہورہے ہیں۔
جو سیاح برف باری دیکھنے کے لئے آئے تھے، ان کی خوشی کا کوئی ٹھکانہ نہیں اور جو سیاح سردی کے باعث کمروں میں بند ہوگئے تھے وہ بھی برفباری کا مزہ لینے کے باہر نکل آئے ہیں، منچلے سرد موسم کو خوب انجوائے کررہے ہیں۔
محکمہ موسمیات کا کہنا ہے کہ پنجاب کے چند شہروں مزید بارش کا امکان ہے،جس کے باعث سردی کی شدت میں بھی اضافہ ہوگیا ہے۔
چترال میں برفباری سے سردی کی شدت مزید بڑھ گئی،لواری ٹاپ پربھی تین سے چار انچ تک برف پڑی ہے جس کے باعٹ ٹریفک کی روانی بھی معطل ہے۔
