ARYNews.tv | Urdu – Har Lamha Bakhabar

Tag: سردی کی شدت

  • کراچی میں شمال مشرقی ہوائیں چلنےسےسردی کی شدت میں اضافے کا امکان

    کراچی میں شمال مشرقی ہوائیں چلنےسےسردی کی شدت میں اضافے کا امکان

    کراچی : محکمہ موسمیات کا کہنا ہے کہ کراچی میں شمال مشرقی ہوائیں چلنےسےسردی کی شدت میں اضافےکاامکان ہے، ہوا 8 کلومیٹر فی ناٹیکل میل کی رفتار سے چل رہی ہے، بارش کاامکان نہیں، مطلع جزوی ابرآلود رہےگا۔

    تفصیلات کے مطابق کراچی سرد ہوائوں کی لپیٹ میں ہے، محکمہ موسمیات کا کہنا ہے کہ شمال مشرقی ہوائیں چلنےسےسردی کی شدت میں اضافےکاامکان ہے، آج کم سے کم درجہ حرارت 10 ڈگری ریکارڈ کیا گیا جبکہ زیادہ سے زیادہ درجہ حرارت 23 ڈگری تک رہنے کا امکان ہے۔

    محکمہ موسمیات کا کہنا ہے کہ شہر کا موجودہ درجہ حرارت 18 ڈگری سینٹی گریڈ ہے ، ہوا 8 کلومیٹر فی ناٹیکل میل کی رفتارسےچل رہی ہے جبکہ بارش کاامکان نہیں،مطلع جزوی ابرآلودرہےگا۔

    دوسری جانب لاہورسمیت پنجاب میں شدید دھند کی لہربرقرار ہے، جس کے باعث قومی شاہراہوں اورموٹرویز پر شدیددھند سےحد نگاہ کم ہونےسےسفر دشوار ہوگیا ہے جبکہ شمالی علاقوں میں برفباری اور بارش کے بعد موسم شدید سرد ہے۔

    بلوچستان میں بھی سردی کی شدت برقرار ،قلات میں درجہ حرارت منفی چھ ریکارڈ کیا گیا جبکہ کالام میں درجہ حرارت منفی تیرہ اسکردو میں منفی بارہ تک گرگیا۔

  • کراچی سمیت مختلف شہروں میں بارش، سردی کی شدت میں اضافہ

    کراچی سمیت مختلف شہروں میں بارش، سردی کی شدت میں اضافہ

    کراچی : شہر قائد سمیت ملک کے مختلف شہروں میں وقفے وقفے سے ہونے والی بارش نے سردی کی شدت میں اضافہ کردیا۔

    تفصیلات کے مطابق کراچی سمیت ملک کے مختلف شہروں میں رات گئے بارش کے بعد سردی کی شدت میں اضافہ ہوگیا، کئی شہروں میں موسم سرما کی پہلی بارش کے باعث خشک سردی اور فوگ کا خاتمہ ہوگیا۔

    شہر قائد اور مضافاتی علاقوں میں بارش کا سلسلہ وقفے وقفے سے جاری ہے، گزشتہ رات 1 ملی میٹر بارش ریکارڈ کی گئی۔

    محکمہ موسمیات کا کہنا ہے کہ شہر میں ریکارڈ موجودہ درجہ حرارت 15 ڈگری ہے جبکہ آج درجہ حرارت 30 سے 31 ڈگری تک رہے گا۔

    محکمہ موسمیات کا کہنا ہے کہ کراچی میں اگلے ہفتے سے سردی کی شدت میں اضافہ ہوگا۔

    لاہور کی قومی شاہراہوں پر اکثر مقامات پر بوندا باندی کی وجہ سے پھسلن پیدا ہوگئی ہے، موٹر وے پولیس کی جانب سے قومی شاہراہوں پر احتیاط سے سفر کرنے کی ہدایات جاری کی ہیں۔

    مزید پڑھیں : کراچی کے مختلف علاقوں میں موسلا دھار بارش، کے الیکٹرک کا نظام جواب دے گیا

    موٹر وے پولیس ترجمان کا کہنا ہے کہ شہری اپنی گاڑیوں کے وائپرز درست حالت میں رکھیں اور تیز رفتاری سے پرہیز کریں، کسی مشکل کی صورت میں ہیلپ لائن 130 پر رابطہ کریں۔

    محمکہ موسمیات کی جانب سے پنجاب کے میدانی علاقوں میں 48 گھنٹوں میں مزید بارش کی پیش گوئی کی گئی ہے۔

    مزید پڑھیں : کراچی کے مختلف علاقوں میں تیز بارش

    ذرائع کے مطابق ڈی آئی خان مضافات میں شدید دھند ،حد نگاہ صفررہ گئی جبکہ گذشتہ شب بارش کے بعد سے معطل بجلی کی سپلائی تاحال نہ بحال نہیں ہوسکی ہے۔

    دوسری جانب وہاڑی، خان پور، ڈسکہ، کالاباغ، جلالپور بھٹیاں، بہاولپور، حویلی لکھا، احمد پور شرقیہ میں بھی وقفے وقفے سے ہلکی بارش کا سلسلہ جاری ہے جبکہ سردی کی شدت میں بھی اضافہ ہوگیا ہے۔

    ملک کے  پہاڑی  علاقوں میں موسم سرما کی پہلی برفباری، درجہ حرارت منفی ہوگیا

    اسکردو شہر اور گردونواح میں آج موسم سرما کی پہلی برفباری شروع ہوئی ہے جس کے بعد پورے علاقے نے برف کی چادر اوڑھ لی ہے۔

     

    محکمہ موسمیات کی جانب سے اسکردو میں آئندہ 24 گھنٹے برفباری کی پیشگوئی کی گئی ہے، اسکردو میں درجہ حرارت منفی 8 جبکہ بالائی علاقوں میں منفی 14 ڈگری ریکارڈ کیا گیا۔

    دوسری جانب ملکہ کوہسار مری میں ابھی آج علی الصبح موسم سرما کی پہلی برفباری کا آغاز ہوگیا۔

    ملکہ کوہسار میں وقفے وقفے سے برفباری کا سلسلہ جاری ہے۔

    گلیات نے مسلسل برفباری کے بعد سفید چادر اوڑگ لی ہے، مذکورہ علاقے میں 4 سے 5 انچ تک برف پڑچکی ہے۔

    جی ڈی اے کی جانب سے سیاحوں کو غیر ضروری سفر سے گریز اور گاڑی اضافی پیٹرول و دھاتی زنجیر ساتھ رکھنے کی ہدایت جاری کی گئی ہے۔

  • بلوچستان میں سردی کا 31 سالہ ریکارڈ ٹوٹ گیا

    بلوچستان میں سردی کا 31 سالہ ریکارڈ ٹوٹ گیا

    کراچی : محکمہ موسمیات نے پیشگوئی کی ہے کہ کل سے سردی کی شدت میں مزید اضافہ ہوگا، شہر میں درجہ حرارت کم سے کم گیارہ سے تیرہ ڈگری سینٹی گریڈ رہنے کا امکان ہے اور یخ بستہ ہواؤں کا سلسلہ جاری رہے گا جبکہ بلوچستان میں سردی کا 31 سالہ ریکارڈ ٹوٹ گیا۔

    تفصیلات کے مطابق کراچی سمیت ملک بھر میں شدید سردی کی لہر برقرار ہے، محکمہ موسمیات نے خبر دار کیا ہے کہ کراچی میں کل سے سردی کی شدت میں اضافہ متوقع ہے ، کم سےکم درجہ حرارت 11 سے13 ڈگری سینٹی گریڈ رہنے کا امکان ہے جبکہ شمال مشرق کی جانب سے ٹھنڈی ہوا کاسلسلہ جاری رہے گا۔

    محکمہ موسمیات کا کہنا ہے کہ کراچی میں موسم ابر آلود اور سرد ہوائیں چلنے کےباعث سردی کی شدت زیادہ محسوس کی جائیگی۔

    کراچی کاآج کم سے کم درجہ حرارت 14 ڈگری سینٹی گریڈ ریکارڈ کیا گیا جبکہ شہر کا موجودہ درجہ حرارت 21 ڈگری سینٹی گریڈ ہے، شہر میں ہوا 23 کلومیٹرفی گھنٹہ کی رفتار سے چل رہی ہے۔

    بلوچستان میں سردی کا 31 سالہ ریکارڈ ٹوٹ گیا، کوئٹہ منفی 10 سینٹی ڈگری ریکارڈ

    دوسری جانب بلوچستان میں سردی کا 31 سالہ ریکارڈ ٹوٹ گیا، قلات منفی بارہ ڈگری اور کوئٹہ منفی دس ریکارڈ کیا گیا، بلوچستان میں آج بھی شدید سردی کا امکان ہے جبکہ کل سے سردی کی لہرمیں کمی آئے گی۔

    اس سے قبل قلات میں 13 دسمبر 1986 میں سب سے کم درجہ حرارت ریکارڈ کیا گیا تھا۔

    محکمہ موسمیات کے مطابق آئندہ 24 گھنٹے میں ملک کے بیشتر علاقوں میں موسم سرد،خشک رہےگا، تاہم بلوچستان کے بیشتر علاقے شدید سردی کی لیپٹ میں رہے گا ، کشمیر اور گلگت بلتستان میں بعض مقامات پر گرج چمک کے ساتھ ہلکی بارش اور پہاڑوں پر ہلکی برفباری کا امکان ہے۔

    پنجاب کے بعض میدانی علاقوں اور بالائی سندھ میں صبح کے اوقات میں ہلکی دھند پڑنے کا امکان ہے۔

    ملک میں سب سے زیادہ سردی قلات میں پڑی جہاں درجہ حرارت منفی بارہ ڈگری ریکارڈ کیا گیا، کوئٹہ منفی دس، اسکردومنفی سات ، کالام منفی چھ اور دالبندین میں منفی پانچ ڈگری سینٹی گریڈ ریکارڈ کیا گیا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • کراچی میں سرد ہوائیں چلنے کے باعث سردی کی شدت میں اضافہ

    کراچی میں سرد ہوائیں چلنے کے باعث سردی کی شدت میں اضافہ

    کراچی : ملک بھر میں یخ بستہ ہواؤں نے سردی کی شدت بڑھا دی ،کراچی میں بھی سردہوائیں چلنے لگیں، بلوچستان میں خون جمادینے والی سردی سے کوئٹہ میں منفی دس اور قلات میں پارہ منفی بارہ تک گرگیا۔

    تفصیلات کے مطابق کراچی میں سردہوائیں چلنے کے باعث سردی کی شدت میں اضافہ ہوگیا، سردی میں اضافے کی وجہ سرد ہوائیں ہیں، شہر کا درجہ حرارت تیرہ ڈگری تک پہنچ گیا۔

    محکمہ موسمیات کا کہنا ہے کہ آئندہ 24گھنٹے میں سردی میں مزید اضافے کا امکان ہے ، کراچی میں 20کلومیٹر فی گھنٹہ کی رفتار سے ہواچل رہی ہے۔

    محکمہ موسمیات کے مطابق آئندہ24گھنٹے میں30کلومیٹر فی گھنٹہ کی رفتار سے ہوا چلے گی، ہوائیں چلنےکے باعث درجہ حرارت میں کمی واقع ہوگی۔

    شہرکاموجودہ درجہ حرارت 24 ڈگری سینٹی گریڈ ہے۔

    کوئٹہ میں درجہ حرارت منفی دس تک آگیا جبکہ قلات میں پارہ بارہ درجے گرگیا، پنجاب سرد اور خشک ہواؤں کی لپیٹ میں ہے، لاہور میں درجہ حرارت میں کمی آئی تو ٹھنڈ بڑھ گئی۔

    اسلام آبادمیں درجہ حرارت تین ڈگری سینٹی گریڈ ریکارڈ کیا گیا جبکہ خیبر پختونخواہ میں بھی یخ بستہ ہوائیں چل رہی ہیں، جس سے پشاورمیں پارہ چھ ڈگری سینٹی گریڈ تک گر گیا۔

    دوسری جانب آئندہ24گھنٹےمیں ملک کےبیشترعلاقوں میں موسم سرد اور خشک رہے گا، مالاکنڈ،ہزارہ،میرپورخاص میں کہیں کہیں بارش، پہاڑوں پر برفباری متوقع ہے جبکہ گلگت بلتستان،کشمیرمیں بعض مقامات پربارش،پہاڑوں پر برفباری کا امکان ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئرکریں۔

  • آئندہ ہفتے سردی کی شدت میں مزید اضافے کی پیشگوئی

    آئندہ ہفتے سردی کی شدت میں مزید اضافے کی پیشگوئی

    اسلام آباد: سردی میں اضافے کیساتھ ملک کے بیشتر شہروں کو دھند نے اپنی لپیٹ میں لے لیا ہے، محکمۂ موسمیات نے آئندہ ہفتے سردی کی شدت میں مزید اضافےکی پیشگوئی کی ہے۔

    پنجاب بھر میں شدید دُھند کی وجہ سے کئی شہروں میں حدِ نگاہ صفر ہوگئی ہے، فیصل آباد، گوجرانوالہ ،لاہور ،جھنگ اور ملتان سمیت مختلف شہروں میں سردی کی شدت میں اضافے کے ساتھ ہی دھند کے بادل بھی چھا گئے ہیں، کوئٹہ اور قلات سمیت بلوچستان کے شمالی علاقے بھی شدید سردی کی لپیٹ میں ہیں۔

    جہاں موسم سرد ہونے کے ساتھ خشک بھی ہے اور کم سے کم درجہ حرارت نقطۂ انجماد سے نیچے گر گیا ہے، قلات، دالبندین اور ژوب سمیت صوبے کے دیگر شمالی علاقوں میں موسم شدید سرد اور خشک ہے۔

    محکمۂ موسمیات کے مطابق آئندہ ہفتے ملک بھر سردی میں اضافےکا امکان ہے، گزشتہ چوبیس گھنٹے کے دوران سب سے کم درجہ حرارت اسکردو میں منفی گیارہ ڈگری سینٹی گریڈ،استور منفی دس،گلگت بلتستان اور قلات میں منفی سات ڈگری سینٹی گریڈ ریکارڈ کیا گیا۔

  • ملک بھرمیں سردی کی شدت برقراررہے گی

    ملک بھرمیں سردی کی شدت برقراررہے گی

    اسلام آباد: محکمہ موسمیات نے آئندہ ہفتے ملک کے بیشترشہروں میں سردی کی شدت برقراررہنے کا امکان ظاہرکیاہے۔ ملک بھر میں سردی نےاپنا جلوہ دکھادیا۔ کہیں سرد ہوائیں چل رہی ہیں تو کہیں برفباری کا سلسلہ جاری ہے ۔

    محکمہ موسمیات نے بھی سردی بڑھنے کی پیش گوئی کردی ہے۔ ملک کے بالائی علاقے  شدید سردی کی لپیٹ میں ہیں۔ پہاڑی علاقوں میں برفباری رگوں میں خون جمانے لگی ہے۔

    محکمہ موسمیات کا کہنا ہے کہ آئندہ ہفتے کے دوران ملک بھر میں سرد ی میں مزید اضافہ ہوگا جبکہ بیشترشہروں ا ور پہاڑی علاقوں میں موسم سرد اور خشک رہیگا۔

    گزشتہ چوبیس گھنٹے کے دوران سب سے کم درجہ حرارت اسکردو میں منفی چھ ڈگری سینٹی گریڈ اورچترال میں منفی ایک ڈگری سینٹی گریڈ رہا۔

  • ملک بھرمیں سردی کی شدت بڑھنے لگی

    ملک بھرمیں سردی کی شدت بڑھنے لگی

    اسلام آباد : ملک بھرمیں سردی کا آغاز ہوگیا ہے، محکمۂ موسمیات نے آئندہ ہفتے سردی کی شدت برقرار رہنے کا امکان ظاہر کیا ہے۔

    ملک بھرمیں سردی کی شدت بڑھنے لگی، بالائی علاقوں میں بھی ٹھنڈ دانت بجانے لگی، شہرِکراچی میں بھی سردی کی آنکھ مچولی جاری ہے، دن قدرے گرم اوررات میں ٹھنڈی ہوائیں سردیوں کی آمد کا پتہ دینے لگی ہیں۔

    آج ملک کے کئی شہروں میں مطلع صاف ہے، محکمہ موسمیات کے مطابق آئندہ چوبیس گھنٹے کے دوران ملک کے بیشترشہروں میں موسم سرداورخشک رہے گا تاہم گلگت بلتستان میں کہیں کہیں گالی گھٹائیں چھائی رہنے کا امکان ہے۔

    آج ملک میں سب سے کم درجہ حرارت اسکردومیں منفی پانچ ، قلات، گلگت، گوپس، چترال میں منفی دوجبکہ ہنزہ اوراستورمیں منفی ایک ڈگری سینٹی گریڈ ریکارڈ کیا گیا۔

  • پاکستان کے بالائی علاقوں میں سردی نے رنگ جمالیا

    پاکستان کے بالائی علاقوں میں سردی نے رنگ جمالیا

    اسلام آباد: ملک بھرمیں سردی کا آغازہوچکا ہے۔ بالائی علاقوں میں سردی نے اپنا رنگ جمالیا ہے اور محکمہ موسمیات نے رواں ہفتے سردی کی شدت برقراررہنے کا امکان بھی ظاہرکیا ہے۔

    پاکستان کے بالائی علا قوں میں جاڑادھوم مچاتا آیا ہے اور گرم کپڑے، مونگ پھلی اورلحاف بھی ساتھ لایا ہے۔ ملک کے بیشترشہروں میں موسم کے تیور بدلے بدلے سے نظرآتے ہیں۔ کشمیر، گلگت بلتستان، مالاکنڈ اورکوئٹہ سمیت دیگر علاقوں میں  کڑاکے کی ٹھنڈ دانت بجانے لگی ہے۔

    کراچی والوں کو بھی سردی نے کچھ کچھ جھلک دکھلائی ہے۔ حب چوکی کےعلاقے میں صبح سویرے چھائی شدید دھندنے ٹریفک کی روانی متاثرکردی ہے۔ محکمہ موسمیات نے سردی کی شدت چندروزتک برقراررہنے کی پیشن گوئی کی ہے جبکہ آئندہ چوبیس گھنٹوں کے دوران ملک کے بیشترشہروں میں موسم سرداورخشک رہنے امکان ظاہر کیا جارہا ہے۔

    دوسری جانب مالاکنڈ اورگلگت بلتستان میں ہلکی بارش اور ہلکی برفباری کا امکان ظاہر کیا گیا ہے۔ گزشتہ چوبیس گھنٹوں کے دوران ملک کے بیشترشہروں میں موسم سرداورخشک رہا۔ آج سب سے کم درجہ حرارت اسکردومیں منفی پانچ، کالام،قلات،گوپس،کوئٹہ میں منفی دو جبکہ چترال اوراستورمیں منفی ایک ڈگری سینٹی گریڈ ریکارڈ کیا گیا ہے۔

  • آئندہ ہفتے ملک بھر میں مزید سردی بڑھنے کی پیشگوئی

    آئندہ ہفتے ملک بھر میں مزید سردی بڑھنے کی پیشگوئی

    اسلام آباد : ملک بھر میں ٹھندی ہوائیں چلنے سے سردی کی شدت بڑھ گئی، محکمہ موسمیات نے آئندہ ہفتے مزید سردی بڑھنے کی پیشگوئی کی ہے۔

    کوئٹہ میں درجہ حرارت نقطہ انجماد سے تین درجہ نیچے گرگیا۔پنجاب خیبرپختونخوا اوربالائی علاقوں سمیت ملک کے بشتر شہروں میں ٹھنڈی ہواؤں نے سردی بڑھا دی۔

    ٹھنڈ بڑھتے ہی لوگوں نے گرم کپڑوں کا استعمال شروع کردیا۔ چائے ،کافی اور قہوے کا استعمال بھی بڑھ گیا۔۔۔ محکمہ موسمیات کا کہنا ہے کہ ملک کے بالائی علاقوں میں سردی کی شدت میں مزید اضافہ ہوگا۔

    تاہم بشتر شہروں میں موسم سرد اور خشک رہے گا۔۔ محکمہ موسمیات نے آئندہ ہفتے بلوچستان مالاکنڈ ، ہزارہ ، گلگت بلتستان اور کشمیر سمیت پہاڑی اور اور بالائی علاقوں میں سردی کی شدت میں اضافے کی پیشگوئی کی ہے۔

    گزشتہ روزسب سے کم درجہ حرارت اسکردو میں منفی چھ ڈگری سینٹی گریڈ جبکہ کوئٹہ میں منفی چار،گلگت میں منفی تین ، چترال میں منفی دو اور کالام میں منفی ایک ڈگری سینٹی گریڈ ریکارڈ کیا گیا۔

  • سردی کی شدت میں اضافہ، کوئٹہ میں درجہ حرارت منفی 2ڈگری سینٹی گریڈ تک پہنچ گیا

    سردی کی شدت میں اضافہ، کوئٹہ میں درجہ حرارت منفی 2ڈگری سینٹی گریڈ تک پہنچ گیا

    کوئٹہ :بلوچستان کے سرد علاقوں میں سردی کی شدت میں اضافہ ہوگیا ہے، قلات میں منفی تین جبکہ کوئٹہ میں درجہ حرارت منفی دو ڈگری سینٹی گریڈ تک پہنچ گیا ہے۔

    صوبائی دارالحکومت سمیت شمال مغربی بلوچستان کے مختلف علاقے گزشتہ دو روز سے سخت سردی کی لپیٹ میں ہیں، یخ بستہ ہواﺅں سے بچنے کے لئے شہریوں نے گرم کپڑوں سویٹرز اور کوٹ پہننا شروع کردیئے ہیں جبکہ سردی میں اضافے کے ساتھ ہی کوئٹہ اور قلات میں گیس پریشر میں کمی نے عوام کو پریشانی میں مبتلا کردیا ہے اور لوگ ٹھٹھر کر رہ گئے ہیں۔

    محکمہ موسمیات کے مطابق گزشتہ رات قلات میں درجہ حرارت منفی تین جبکہ کوئٹہ میں کم سے کم دو اور زیادہ سے زیادہ پندرہ ڈگری سینٹی گریڈ ریکارڈ کی گئی ہے اور آئندہ چوبیس گھنٹوں کے دوران بھی صوبے کے بالائی علاقوں میں موسم سرد اور خشک رہے گا۔