Tag: سردی کی لہر

کراچی : محکمہ موسمیات نے کراچی میں حالیہ سردی کی لہر سے متعلق پیشگوئی کرتے ہوئے کہا کہ 9 فروری سے درجہ حرارت میں اضافہ متوقع ہے۔

تفصیلات کے مطابق محکمہ موسمیات نے کراچی کے موسم کے حوالے سے کہا ہے کہ شہرقائدمیں موسم سرداورخشک ہے، کم سے کم درجہ حرارت 12 ڈگری سینٹی گریڈ ریکارڈ کیا گیا تاہم آج رات کم سے کم درجہ حرارت 12   سے 14 ڈگری رہنے کا امکان ہے۔

محکمہ موسمیات کا کہنا تھا کہ زیادہ سے زیادہ درجہ حرارت 29 ڈگری سینٹی گریڈ تک جانے کا امکان ہے ، شمال مشرق سمت سے 8 کلومیٹر فی گھنٹہ کی رفتار سے ہوا چل رہی ہے۔

موسم کا حال بتانے والوں نے 9 فروری سے درجہ حرارت میں اضافے کا امکان ظاہر کردیا۔

مزید پڑھیں : کراچی کے موسم میں بڑی تبدیلی

دوسری جانب بالائی علاقے اوربلوچستان بدستور شدید سردی کی لپیٹ میں ہیں، جہاں درجہ حرارت نقطہ انجماد سے نیچے ہے۔

زیارت میں درجہ حرارت منفی سات قلات اور کوئٹہ میں منفی چھ ، استور، کالام،اور اسکردو میں منفی چار، مالم جبہ، ہنزہ میں منفی تین، دیر اور راولاکوٹ میں منفی دو ریکارڈ کیا گیا۔

کراچی : محکمہ موسمیات نے کراچی میں سردی کی شدت میں مزید اضافے کی پیش گوئی کرتے ہوئے کہا کہ رات میں سرد ہوائیں چلیں گی۔

تفصیلات کے مطابق شہرقائد میں ٹھنڈی ہواوں کا راج ہے ، محکمہ موسمیات کی جانب سے کہا گیا ہے کہ کراچی میں رات میں سرد ہوائیں چلیں گی اور سردی میں مزیداضافہ ہوگا۔

محکمہ موسمیات کا کہنا تھا کہ دن بھر بادل بھی چھائے رہیں گے مگر بارش کے امکانات نہیں ،خشک ہوائیں شمال مشرق سے5کلومیٹرفی گھنٹہ کی رفتار سےچل رہی ہیں۔

شہر میں کم سے کم درجہ حرارت 12 سینٹی گریڈکیا گیا جبکہ زیادہ سے زیادہ درجہ حرارت26 سے 28 ڈگری تک جانے کا امکان ہے۔

دوسری جانب آزاد کشمیر اور خیبرپختونخوا کے پہاڑوں کی رونقیں بحال ہوگئیں، سوات کی وادی کالام اور مالم جبہ میں برفباری جاری ہے۔

محکمہ موسمیات کے مطابق بارش برسانے والی مغربی ہوائیں اکتیس جنوری تک ملک میں اثر انداز رہیں گی، اس دوران اسلام آباد، پنجاب، خیبرپختوںخوا، گلگت بلتستان اور کشمیر میں بارش اور برفباری کا امکان ہے۔۔

کوئٹہ، ژوب اور زیارت سمیت بلوچستان میں بھی اٹھائیس اور انتیس جنوری کو بارش اور پہاڑوں پر برفباری متوقع ہے۔

بالائی علاقوں میں کڑاکے کی سردی پڑ رہی ہے، اسکردو میں درجہ حرارت منفی آٹھ، گلگت میں منفی پانچ تک گرگیا۔

کراچی : شہر قائد میں ایک بار پھر سردی کی لہر میں اضافہ ہوگیا تاہم شہر میں بارش کاامکان نہیں۔

تفصیلات کے مطابق کراچی میں گزشتہ رات سے چلنے والی ٹھنڈٖی ہواوؑں کے باعث موسم سرد ہو گیا۔

محکمہ موسمیات کی جانب سے کہا گیا کہ شمال مشرقی سمت سے چلنے والی ہواؤں کے باعث سردی کی شدت میں اضافہ ہوا ہے۔

محکمہ موسمیات نے بتایا کہ شہر کا موجودہ درجہ 14 ڈگری سینٹی گریڈریکارڈ کیا گیا اور ہوامیں نمی کا تناسب 77 فیصد ہے/

محکمہ موسمیات کے مطابق کراچی میں بارش کاامکان نہیں اور شہر میں ہلکی دھند کے باعث حد نگاہ 3 کلومیٹر تک محدود ہے۔

دوسری جانب ملک کے شمالی علاقے آج بھی یخ بستہ ہواؤں کی لپیٹ میں رہیں گے، اسکردو میں پارہ منفی سات ڈگری تک گرنے کا امکان ہے۔

محکمہ موسمیات نے کراچی، کوئٹہ، لاہور، اسلام آباد اور پشاور سمیت ملک کے بیشتر علاقوں میں موسم سرد اور خشک رہنے کی پیشگوئی کی ہے جبکہ کشمیر اور گلگت بلتستان میں موسم سرد اور مطلع جزوی ابرآلود رہے گا۔