Tag: سردی

کراچی : شہر قائد میں سردی کی شدت میں مزید اضافہ  کے ساتھ ہی درجہ حرارت11 ڈگری تک گرگیا۔

تفصیلات کے مطابق کراچی سے خیبر تک سردی نے ڈیرے دیئے، کراچی میں سردی بڑھنےلگی اور کم سےکم درجہ حرارت11ڈگری سینٹی گریڈ ریکارڈ کیا گیا۔

محکمہ موسمیات نے بتایا کہ دن بھر درجہ حرارت 22 سے 24 ڈگری سینٹی گریڈ رہنے کا امکان ہے ، شہرمیں ہوائیں 6 کلومیٹر فی گھنٹہ کی رفتار سے چل رہی ہیں اور دن بھر ہوائیں 20 سے 22 کلومیٹر فی گھنٹہ کی رفتارسے چلنے کا امکان ہے۔

محکمہ موسمیات نے آئندہ دنوں میں موسم مزید سرد ہونے کا امکان ظاہر کردیا۔

مزید پڑھیں : کراچی میں 3 روز کے دوران درجہ حرارت مزید گرنے کی پیش گوئی

دوسری جانب ملک کے بالائی علاقےاور بلوچستان سخت سردی کی لپیٹ میں ہیں، چترال میں ٹھٹھراتی سردی سے سڑکوں پر پانی بھی جم گیا، لوگوں کو آمدورفت میں مشکلات کا سامنا ہے۔

اسکردو میں درجہ حرارت منفی نو اور گلگت میں منفی سات ریکارڈ کیا گیا ، شدید سردی کوئٹہ اور قلات کا پارہ منفی چھ پر لے آئی ہے۔

اسلام آباد کا درجہ حرارت بھی نقطہ انجماد سے گر گیا جبکہ لاہور میں چھ ڈگری سینٹی گریڈ ریکارڈ کیا گیا۔

محکمہ موسمیات نے گلگت بلتستان، بالائی خیبرپختونخوا،کشمیر میں چند مقامات پر بارش اور برفباری کی پیشگوئی کی ہے۔

ملک کے بیشتر علاقوں میں سردی کی لہر برقرار ر ہنے کی توقع ہے جبکہ اسلام آباد اور گردونواح میں موسم سرد اور مطلع جزوی ابرآلود رہنے کا امکان ہے۔

مری، گلیات اور گردو نواح میں شدید سرداور مطلع جزوی ابرآلود رہنے کے علاوہ چند مقامات پرہلکی بارش اور برفباری ہو سکتی ہے۔

کراچی : محکمہ موسمیات نے شہر قائد میں 3 روز کے دوران درجہ حرارت مزید گرنے کی پیش گوئی کرتے ہوئے کہا سردی میں مزید اضافہ ہوگا۔

تفصیلات کے مطابق کراچی میں سرد ہواوں کا راج برقرار ہے، محکمہ موسمیات کے مطابق آئندہ چوبیس گھنٹے کے دوران سردی میں مزید اضافے کا امکان ہے۔

محکمہ موسمیات نے شہر قائد میں 3 روز کے دوران پارہ 10 سے 12ڈگری تک جانے کی پیشگوئی کرتے ہوئے کہا کہ سندھ میں رواں ہفتے شدید سردی کی لہر برقرار رہ سکتی ہے۔

موسم کا حال بتانے والوں کا کہنا تھا کہ شہر میں 13 دسمبر تک موسم خشک ،راتیں خنک ریکارڈ ہوسکتی ہیں اور سمندری ہوائیں مکمل بندرہیں گی۔

شہر میں بلوچستان کی شمال مشرقی ہوائیں شہر پر اثر انداز ہونے کا امکان ہے ، جس کے باعث شہر قائد کا کم سے کم درجہ حرارت 10 سے 12 سینٹی گریڈ اور زیادہ سے زیادہ 26 سے 28 ڈگری کے درمیان رہنے کی توقع ہے۔

محکمہ موسمیات کے مطابق بالائی سندھ میں پارہ 6 سے 8 ، وسطی 7 سے 9، جنوبی سندھ میں 10 سے 12 ڈگری اور جنوب مشرقی سندھ میں کم سے کم درجہ حرارت 2 سے 4 ڈگری رہنے کا امکان ہے۔

شہر کا فضائی معیار غیر صحت بخش قرار دیتے ہوئے بتایا گیا کہ ہوا میں آلودہ ذرات کی مقدار 168 پرٹیکیولیٹ میٹرزریکارڈ کیا گیا ہے۔

کراچی : محکمہ موسمیات نے کراچی میں سردی بڑھنے کی پیش گوئی کرتے ہوئے کہا رات کے اوقات میں درجہ حرارت مزید کم ہونے کا امکان ہے۔

تفصیلات کے مطابق ملک بھرمیں سردی نے ڈیرے ڈال دیے ہیں، بالائی علاقوں اور بلوچستان میں موسم شدید سرد ہوگیا۔

محکمہ موسمیات نے کراچی میں آئندہ چوبیس گھنٹے کے دوران سردی بڑھنے کا امکان ظاہر کرتے ہوئے رات کے اوقات میں درجہ حرارت مزید کم ہونے کی پیشگوئی کی ہے۔

محکمہ موسمیات نے بتایا کہ ہوا میں نمی کا تناسب 76 فیصد ہے اور شمال مشرق سے چلنے والی ہواؤں کی رفتار 6 کلو میٹر فی گھنٹہ ہے۔

دوسری جانب ملک کے بیشترعلاقوں میں موسم خشک اور سرد رہے گا جبکہ ملک کے شمالی علاقوں میں موسم شدید سرد رہنے کا امکان ہے۔

پنجاب کے میدانی علاقوں اور بالائی سندھ میں ہلکی دھند چھائے رہنے اور پنجاب کے بیشتراضلاع میں بھی موسم خشک اور سرد رہنے کا امکان ہے۔

موسم کا حال بتانے والوں نے کہا کہ اسکردو میں پارہ منفی نو تک جا پہنچا ہے جبکہ استور، گلگت، گوپس، کالام منفی پانچ جبکہ ہنزہ میں منفی چار تک گر گیا۔

قلات منفی تین۔ چترال اور دیر منفی دو اور کوئٹہ میں منفی ایک ڈگری سینٹی گریڈ ریکارڈ کیا گیا۔ اسلام آباد میں چار ڈگری سینٹی گریڈ، لاہور نو اور کراچی میں صبح سویرے درجہ حرات سولہ ڈگری ریکارڈ کیا گیا۔

کراچی : شہر قائد میں دسمبر کے ساتھ ساتھ سردی کی بھی انٹری ہوگئی اور درجہ حرارت 18 ڈگری سے نیچے آگیا۔

تفصیلات کے مطابق بلوچستان میں داخل ہونے والے مغربی ہواؤں کے اثرات کراچی پرنمودار ہونا شروع ہوگئے ہیں، کراچی میں رات کے وقت خنکی بڑھ گئی ہے، کم سے کم پارہ گذشتہ روز کے مقابلے میں 2.7 ڈگری گر گیا، جو 17.7 ڈگری سینٹی گریڈ ریکارڈ ہوا۔

محکمہ موسمیات کا کہنا تھا کہ دن بھر زیادہ سے زیادہ درجہ حرارت اکتیس ڈگری سینٹی گریڈ تک جانے کا امکان ہے۔

محکمہ موسمیات نے دسمبر کے پہلے ہفتے سے شہر میں سردی کی نوید سناتے ہوئے کہا پانچ دسمبر سے یخ بستہ ہواؤں کے سبب صبح اور رات کے درجہ حرارت میں دو سے تین ڈگری کی کمی متوقع ہے۔

دوسری جانب ملک کے مختلف علاقوں میں سردی کی شدت میں اضافہ ہوا ہے، اسکردو میں پارہ منفی چھ اور گلگت میں درجہ حرارت ایک ڈگری ریکارڈ کیا گیا۔

شمال مشرقی بلوچستان،بالائی خیبرپختونخوا،گلگت بلتستان،کشمیر میں آج تیزہواؤں اورگرج چمک کے ساتھ بارش اور پہاڑوں پربرفباری کا امکان ہے۔

محکمہ موسمیات نے آئندہ چوبیس گھنٹےکے دوران قلات، خضدار، قلعہ عبداللہ،ڈیرہ بگٹی، نصیرآباد،جھل مگسی، ژوب میں بارش،پہاڑوں پربرفباری کی پیشگوئی کی ہے جبکہ کوہستان، چترال ، دیر، سوات، مالاکنڈ اور مانسہرہ میں بھی کہیں بارش کہیں برفباری کا امکان ہے۔

شدید برف باری کی وجہ سے شاہراہ کاغان کو ناران جانے والے سیاحوں کے لیے بند کردیا گیا ہے، ناران اور دیگر بالائی علاقوں میں ہوٹل بند کردیے گئے ہیں۔