لاہور میں اے آر وائی نیوز کی ٹیم سرعام نے بڑی کارروائی کرتے ہوئے 12 مغوی بچیوں کو بازیاب کرالیا۔
اے آر وائی نیوز کے مطابق لاہور میں اے آر وائی نیوز کی ٹیم سرعام نے اغواکار گروہ کے قبضے سے 12 بچیوں کو بازیاب کرایا، ٹیم سرعام نے گروہ کے سرغنہ کو بچی فروخت کرتے ہوئے رنگے ہاتھوں پکڑا۔
گروہ کاسرغنہ 6 ماہ کی شیرخوار بچی 6 لاکھ روپے میں فروخت کررہا تھا، سرغنہ کی نشاندہی پر اغواکار گروہ کے کارندے بھی پکڑے گئے۔
اغواکار گروہ کے قبضے سے بازیاب بچیوں کی عمریں 10 سے 15 سال تک ہے، بازیاب بچیوں کو چائلڈ پروٹیکشن بیورو پنجاب کے شیلٹر ہوم منتقل کردیا گیا۔
لاہور : لڑکی کو محبت کا جھانسہ دے کر اس سے ذیادتی اور بلیک میلنگ کرنے والا ملزم سرعام کی ٹیم نے بے نقاب کردیا، ملزم نے لڑکی کے بھائی اور باپ کو بھی ویڈیوز بھیجیں۔
تفصیلات کے مطابق معاشرے کی برائیوں ان میں ملوث افراد کو بے نقاب کرنے کیلئے ٹیم سرعام کی کاوشوں کا سلسلہ جاری ہے، پروگرام کے میزبان اقرار الحسن کی سربراہی میں سرعام کی ٹیم نے لاہور میں ظلم کی شکار متاثرہ لڑکی کی شکایت پر خفیہ طور پر کارروائی کرتے ہوئے اسے بلیک میل کرنے والے ملزم کو پکڑوادیا۔
ملزم نے سوشل میڈیا پر ایک لڑکی سے محبت کی پینگیں بڑھائیں اسے بتایا کہ وہ پاک فوج میں افسر ہے، حالانکہ وہ ایک نجی ادارے میں چند ہزار روپے پر ملازم تھا۔
چند ملاقاتوں کے بعد لڑکا اسے بہلا پھسلا کر ایک ہوٹل میں لے گیا اور اس کی ویڈیو بنالی، بعد ازاں اس ویڈیو کو بنیاد بنا کر اس نے لڑکی کو باقاعدہ بلیک میل کرنا شروع کیا اور اس سے رقم کا مطالبہ کرتا رہا، اور دھمکی دی کہ اگر پیسے نہ دیئے تو وہ تمام ویڈیوز انٹرنیٹ پر اپ لوڈ کردوں گا اور تمہارے گھر والوں کو بھی دکھا دوں گا۔
لڑکی اپنے گھر والوں کی عزت بچانے کیلئے اس کی مکروہ خواہشات اور رقم کے مطالبات پورے کرتی رہی، ملزم نے اس پر ہی بس نہ کیا اور لڑکی کے باپ اور بھائی کو حقیقت بیان کرکے انہیں بھی بلیک میل کرتا رہا۔
بعد ازاں تھک ہار کر لڑکی کے اہل خانہ نے ٹیم سرعام سے رابطہ کیا، جس پر سرعام کی ٹیم نے ایف آئی اے کے ہمراہ اپنے خفیہ انداز سے کارروائی کی اور اور ملزم کو رنگے ہاتھوں پکڑوادیا۔
کراچی : اے آر وائی نیوز کی ٹیم سرعام نے ٹوبہ ٹیک سنگھ میں محکمہ اینٹی کرپشن کے رشوت خور اہلکاروں کو رنگے ہاتھوں گرفتار کرادیا، ملزمان نے بھاری رشوت کے عوض سنگین جرم میں ملوث ملزم کو رہا کردیا تھا۔
تفصیلات کے مطابق محکمہ اینٹی کرپشن افسر اور اہلکار خود ہی کرپشن میں ملوث نکلے۔ جب قانون کے رکھوالے ہی قانون کی دھجیاں بکھیرنے لگ جائیں تو انجام گلستاں کیا ہوگا؟
اے آر وائی نیوز کی ٹیم سرعام نے ٹوبہ ٹیک سنگھ میں محکمہ کے رشوت خور اہلکاروں کو بےنقاب کرتے ہوئے لاکھوں روپے رشوت لینے والے افسر اور اہلکار رنگے ہاتھوں گرفتار کرادیئے۔
راشی اہلکاروں نے رشوت لے کر سنگین جرم میں ملوث ملزم کو رہا کیا تھا، ٹیم سرعام نے اینٹی کرپشن اہلکاروں کے خلاف ثبوت ریکارڈ کیے تھے۔
یاد رہے کہ اس سے قبل بھی سر عام کی ٹیم نے اسٹنگ آپریشن کرتے ہوئے کراچی کینٹ اسٹیشن کے عملے کی کرپشن کو بے نقاب کرتے ہوئے ناجائز اسلحہ کراچی سے لاہور بھجوایا تھا جس کی پاداش میں اس وقت کے وزیر ریلوے خواجہ سعد رفیق نے ٹیم کیخلاف مقدمہ بھی درج کروایا جسے عدالت نے جھوٹا قرار دیتے ہوئے سرعام ٹیم کو باعزت بری کردیا تھا۔
کراچی : شرجیل میمن کے کمرے سے برآمد ہونے والی شراب کی بوتلوں سے متعلق جھوٹی رپورٹ کا بھانڈا سرعام ٹیم نے پھوڑ دیا، سندھ لیبارٹری میں شہد یا زیتون کے تیل کا کوئی ٹیسٹ ہوا ہی نہیں۔
تفصیلات کے مطابق گزشتہ روز چیف جسٹس کے ضیاءالدین اسپتال کے دورے کے موقع پر پی پی رہنما شرجیل میمن کے کمرے سے برآمد ہونے والی شراب کی بوتلوں کی ٹیسٹ رپورٹ جھوٹی ثابت ہوگئی۔
اس حوالے سے سر عام ٹیم سندھ لیبارٹری پہنچی اور عملے سے رپورٹ کی بابت سوالات کیے، جس پر عملے نے آئیں بائیں شائیں کی، ٹیم سرعام نے مشینیں دکھانے کا کہا توجھوٹ پکڑا گیا۔
اس دوران انکشاف ہوا کہ لیبارٹری رپورٹ میں جن ٹیسٹوں کا ذکر کیا گیا ہے ان کیلئے مشینری لیبارٹری میں سرے سے موجود ہی نہیں ہے، ادارے کے پاس نہ تو کوئی ٹیسٹنگ مشین ہے اور نہ ہی اس حوالے سے مطلوبہ کیمیکل موجود ہے۔
سندھ لیبارٹری میں شہد یا زیتون کے تیل کے ٹیسٹ سے متعلق لیبارٹری حکام کا موقف تھا کہ ایک دن پہلے مشینیں درست تھیں آج خراب ہیں۔ یہاں ایک بات اور سامنے آئی کہ یہ لیب قتل، زیادتی، منشیات، ملاوٹ سمیت ہر رپورٹس بھی جعلی بناتی ہے۔
واضح رہے کہ شرجیل میمن کے کمرے سے برآمد ہونے والی بوتلیں ٹیسٹ کیلئے سندھ لیبارٹری بھیجی گئی تھیں۔ دوسری جانب تحقیقاتی کمیٹی نے بھی شواہد ضائع کیے جانے کا شبہ ظاہر کر دیا، کیمٹی نے کیمیکل ایگزامینیشن کی رپورٹ کو مشکوک قرار دے کر دوبارہ کیمیکل جانچ کی سفارش کی ہے۔
کراچی : حیدرآباد پولیس کے گندے دھندے کا راز سرعام کی ٹیم نے فاش کردیا، قاسم آباد تھانے کے ڈبل منشی ستار نے پیسے لے کردو افراد کے خلاف ایف آئی آر کاٹ کر انہیں لاک اپ کردیا۔
تفصیلات کے مطابق اے آر وائی نیوز کے پروگرام سر عام کی ٹیم نے حیدرآباد پولیس کا مکروہ چہرہ بے نقاب کردیا، سینٹرل جیل کے پولیس افسران رقم کے عوض قیدیوں کو وی آئی پی سہولیات فراہم کرنے لگے۔
سرعام کی ٹیم نے اسٹنگ آپریشن کرتے ہوئے قاسم آباد تھانے کے ڈبل منشی ستار کو پیسے دے کر دو افراد جو ٹیم کا حصہ تھے کیخلاف جھوٹی ایف آئی آر درج کروائی بعد میں ان ملزمان کو جیل منتقل کردیا گیا۔
ملزمان جیل گئے تو جیلر یاسین منگن نے پیسے لے کر قیدیوں کو وی آئی پی روم میں ٹھہرایا، ان کیلئے آم کی پیٹیوں اور شراب کا بھی انتظام کیا گیا۔
سر عام کی ٹیم نے سارا پول کھول دیا، اینٹی کرپشن اور مجسٹریٹ کے ساتھ مل کر اسسٹنٹ سپرنٹنڈنٹ جیل اور انوسٹی گیشن آفیسر سمیت تین افراد کو رشوت لیتے ہوئے رنگے ہاتھوں گرفتار کرادیا۔
یاد رہے کہ اس سے قبل بھی سر عام کی ٹیم نے اسٹنگ آپریشن کرتے ہوئے کراچی کینٹ اسٹیشن کے عملے کی کرپشن کو بے نقاب کرتے ہوئے ناجائز اسلحہ کراچی سے لاہور بھجوایا تھا جس کی پاداش میں اس وقت کے وزیر ریلوے خواجہ سعد رفیق نے ٹیم کیخلاف مقدمہ بھی درج کروایا جسے عدالت نے جھوٹا قرار دیتے ہوئے سرعام ٹیم کو باعزت بری کردیا تھا۔
