ARYNews.tv | Urdu – Har Lamha Bakhabar

Tag: سرفرازبگٹی

  • طلباء کے لیے خوشخبری

    طلباء کے لیے خوشخبری

    وزیراعلیٰ بلوچستان سرفراز بگٹی نے بلوچستان کے طلباء کے لیے خوشخبری سنادی۔

    تفصیلات کے مطابق وزیراعلیٰ بلوچستان سرفراز بگٹی نے کوئٹہ میں پریس کانفرنس میں کہا کہ بلوچستان کے 500 طلبا کو اسلام آباد میں تعلیم دی جائے گی، مزدور کا بیٹا تعلیم حاصل کر کے پاکستان اور لوگوں کی خدمت کریگا اس کے علاوہ بلوچستان میں گریجویٹس کے لئے پروگرام لے کر آرہے ہیں۔

    سرفرازبگٹی نے کہا کہ بلوچستان کے ہر ضلعی ہیڈکوارٹر میں یوم آزادی بھر پور منایا گیا، مختلف تحصیلوں میں نادرا کے 21 سینٹرز کا گزشتہ روز افتتاح کیا گیا۔

    انہوں نے کہا کہ بلوچستان میں احتجاج کے نام پر بدامنی پیدا کرنے کی کوشش ہورہی ہے، ڈی سی پنجگور ذاکر بلوچ کا قتل منظم سازش کے تحت ہوا، ریاست کیخلاف منظم سازش کے تحت واقعات ہورہے ہیں۔

    کوئٹہ میں پریس کانفرنس میں کہنا تھا پاکستان ٹوٹنے کیلئے نہیں بنا، نہ ہی یہ ارض مقدس کوئی کیک ہے کہ جس نے چاہا کاٹ کے لے گیا، مسنگ پرسنز ایشو حل کرنے کیلئے تیار ہیں لیکن کسی علیحدگی پسند تنظیم کو کسی صورت بھی برداشت نہیں کیا جائے گا۔

    وزیراعلیٰ کا کہنا تھا بلوچ یکجہتی کمیٹی کے ساتھ 3 بار مذاکرات کے راونڈز ہوئے، ہر بار خلاف ورزی بی وائی سی نے ہی کی، بلوچ نوجوانوں سے کہتا ہوں غیروں کی باتوں میں نہ آئیں۔

    چمن ایشو کے حوالے سے سوال پر میر سرفراز بگٹی نے کہا چمن کے رہائشیوں کو فری پاسپورٹ اجرا شروع کردیا ہے، بارڈرز مینجمنٹ ہمارا حق ہے اور ہم اپنی انٹرنیشنل بارڈرز کو مینج کریں گے۔

  • ’’پاکستان چاہتا ہے افغانستان دنیا سے کیا گیا وعدہ پورا کرے‘‘

    ’’پاکستان چاہتا ہے افغانستان دنیا سے کیا گیا وعدہ پورا کرے‘‘

    پی پی رہنما سرفرازبگٹی نے کہا ہے کہ پاکستان چاہتا ہے کہ افغانستان دنیا سے کیا گیا وعدہ پورا کرے۔

    اے آر وائی کے پروگرام خبر میں گفتگو کرتے ہوئے سابق وزیر داخلہ نے کہا کہ پاکستان کا افغانستان سے مسئلہ صرف ٹی ٹی پی کا ہے۔ افغانستان نے وعدہ کیا تھا ان کی سرزمین پاکستان کے خلاف استعمال نہیں ہوگی۔

    سرفرازبگٹی نے کہا کہ افغانستان میں ٹی ٹی پی پلتی ہے، حملوں میں افغان باشندے شامل ہوتے ہیں۔ اگرافغانستان کی زمین ہمارے خلاف استعمال نہ ہو تو پھر کوئی مسئلہ نہیں رہے گا۔

    انھوں نے کہا کہ سرفراز بنگلزئی کی قومی دھارے میں شمولیت انتہائی اہم ہے۔ سرفرازبنگلزئی اہم کمانڈر تھا جس کا سرینڈرکرنا بڑی کامیابی ہے۔ بلوچستان کے حوالے سے اداروں کی یہ بڑی کامیابی ہے۔

    پی پی رہنما نے کہا کہ اس میں کوئی دورائے نہیں کہ مولانا فضل الرحمان افغانستان میں اثر رکھتے ہیں۔ مولانا فضل الرحمان سے متعلق افغانستان کی طرف سے مطالبہ آیا ہے۔

    سرفرازبگٹی نے کہا کہ پاکستان نے پہلے بھی بڑے اہم علما بات چیت کے لیے افغانستان بھیجے تھے۔ پاکستان سے جانے والےعلما کی افغانستان میں عزت نہیں کی گئی تھی۔

    انھوں نے کہا کہ افغان حکومت مولانا فضل الرحمان کو بلارہی ہے تویہ اچھی بات ہے۔ یہ اچھی بات ہے کہ افغانستان کی حکومت اب بات کرنا چاہتی ہے۔

  • چیک پوسٹ پر بھتہ خوری کی اجازت نہیں دیں گے، سرفرازبگٹی

    چیک پوسٹ پر بھتہ خوری کی اجازت نہیں دیں گے، سرفرازبگٹی

    کوئٹہ: وزیر داخلہ بلوچستان سرفراز بگٹی نے کہا ہے کہ صوبے سے باہر کسی قسم کی اسمگلنگ نہیں ہونے دینگے، اور نہ ہی چیک پوسٹ پر کسی قسم کی بھتہ خوری کی اجازت ہوگی۔

    تفصیلات کے مطابق وزیر داخلہ بلوچستان سرفراز بگٹی کا بلوچستان کابینہ کے اجلاس کے بعد میڈیا سے گفتگو کرتے ہوئے کہنا تھا کہ بلوچستان کابینہ نے آج کے اجلاس میں اہم فیصلے کئے ہیں، صوبائی کابینہ نے میر چاکر خان یونیورسٹی سبی کا بل بھی منظورکر لیا ہے۔

    صوبائی وزیر داخلہ سرفراز بگٹی نے کہا کہ صحبت پور ضلع بحال اور لہڑی کو ضلع سبی میں شامل کرنے کی منظوری دے دی گئی ہے اور معذور افراد کے لیے خصوصی کارڈ بنائے جائیں گے جن پر انہیں ماہانہ وظیفہ بھی دیا جائے گا۔

    سرفراز بگٹی کا مزید کہنا تھا کہ کوشش کر رہے ہیں کہ صوبے سے باہر کسی قسم کی اسمگلنگ نہ ہو، سرحدی علاقوں میں دونوں طرف تجارت کے فروغ کیلئے بھی اقدامات کررہے ہیں۔

    ان کا مزید کہنا تھا کہ پولیس، لیویزاور سیکیورٹی فورسز کے شہداء کے لیے خصوصی پیکج کا اعلان کریں گے، ہم شہداء کو کبھی نہیں بھولے ان ہی کی قربانیاں ہیں کہ آج ہم امن سے رہتے ہیں۔

    ان کا یہ بھی کہنا تھا کہ کسٹم کے اختیارات سے پولیس اور لیویز کو نکالا جا رہا ہے، ایف سی کے لیے وفاقی حکومت سے بات کریں گے، سول ڈیفنس کو ضلعی سطح پر فعال کریں گے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔ 

  • وزیراعلیٰ بلوچستان نے استعفیٰ دے دیا، سرفرازبگٹی کا دعویٰ

    وزیراعلیٰ بلوچستان نے استعفیٰ دے دیا، سرفرازبگٹی کا دعویٰ

    کوئٹہ : وزیر داخلہ سرفرازبگٹی نے دعویٰ کیا ہے کہ وزیراعلیٰ بلوچستان ثنااللہ زہری نےاستعفیٰ دے دیا۔

    تفصیلات کے مطابق سابق وزیر داخلہ سرفرازبگٹی نے سماجی رابطے کی ٹوئٹر پر دعویٰ کیا ہے کہ الحمداللہ وزیراعلیٰ بلوچستان ثنااللہ زہری مستعفی ہوگئے۔

    دوسری جانب وزیراعلیٰ بلوچستان ثنااللہ زہری محمود خان اچکزئی سے ملاقات کے بعد گورنرہاؤس پہنچے ، جہاں انکی گورنرمحمدخان اچکزئی سے ملاقات جاری ہے ، ملاقات میں سیاسی صورتحال اورتحریک عدم اعتماد پر تبادلہ خیال کیا گیا۔

    اس سے قبل زرائع کا کہنا تھا کہ وزیراعظم پاکستان شاہد خاقان عباسی نے وزیراعلیٰ بلوچستان نواب ثنااللہ زہری کو اپنے عہدے سے استعفیٰ دینے کا مشورہ دیا تھا، وزیراعظم نے نوازشریف کی مشاورت سے نواب ثنااللہ زہری کو مستعفی ہونے کی تجویز دی تھی۔

    تاہم ترجمان وزیراعلیٰ بلوچستان جان اچکزئی نے اس خبر کی تردید کرتے ہوئے کہا تھا کہ وزیراعظم نے وزیراعلیٰ کو استعفے کا مشورہ نہیں دیا، وزیراعظم سے ملاقات معمول کے مطابق تھیں ، وزیراعلیٰ بلوچستان کے استعفے کی خبرمیں کوئی صداقت نہیں، وزیراعلیٰ بلوچستان ثنااللہ زہری استعفیٰ نہیں دےرہے۔

    ترجمان کا کہنا تھا کہ اسمبلی فورپرثابت کردیں گےاکثریت کس کےپاس ہے، تحریک عدم اعتمادکاڈٹ کرمقابلہ کریں گے، اپوزیشن کےدعوےصرف سیاسی بیانیہ ہے، میں یہ نہیں کہتاکہ ہماری حکومت آئیڈیل ہے،شکایتیں تھیں، پیپلزپارٹی،ق لیگ بھی اس میں پیش پیش ہیں۔

    مزید پڑھیں :  ثنااللہ زہری کیخلاف تحریک عدم اعتماد آج پیش کی جائے گی

    یاد رہے کہ وزیر اعلیٰ بلوچستان ثناء اللہ زہری کیخلاف تحریک عدم اعتماد پر رائے شماری آج ہوگی، صوبائی اسمبلی کا اجلاس چار بجے ہوگا۔

    قدوس بزنجو نے دعویٰ کیا ہے کہ اپوزیشن میں شامل جے یو آئی ف کے 8،ق لیگ کے 5، بی این پی مینگل کے 2، بی این پی عوامی، اے این پی، مجلس وحدت مسلمین، اور نیشنل پارٹی کا ایک ایک جبکہ ایک آزاد اور ن لیگ کے 22 میں سے 18 ارکان تحریک عدم اعتماد پر ساتھ دینے کو تیار ہیں۔

    ن لیگ کے ایک اوررکن اسمبلی مخالف گروپ میں شامل اکبر آسکانی نے تحریک عدم اعتماد کی حمایت کردی ہے۔

    وزیراعلیٰ بلوچستان کا دعویٰ ہے کہ 40 ارکان ساتھ ہیں، تحریک عدم اعتماد کی ہوا نکال دیں گے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

  • سرفرازبگٹی کی وزیرداخلہ کے عہدے سے برطرفی کا نوٹیفکیشن جاری

    سرفرازبگٹی کی وزیرداخلہ کے عہدے سے برطرفی کا نوٹیفکیشن جاری

    کوئٹہ : بلوچستان کی سیاست میں ہلچل، سرفرازبگٹی کی وزیرداخلہ کے عہدے سےبرطرفی کانوٹیفکیشن جاری کردیا، وزیراعلیٰ نے گورنر سے سرفرازبگٹی کوبرطرف کرنےکی سفارش گورنرسےکی تھی۔

    تفصیلات کے مطابق بلوچستان میں بھی نون لیگ مشکل میں پڑنے لگی، وزیراعلیٰ بلوچستان کےخلاف تحریک عدم اعتماد کے بعد حکمراں جماعت میں اختلافات کھل کر سامنے آگئے ، سرفرازبگٹی کی وزیرداخلہ کے عہدے سے برطرفی کانوٹیفکیشن جاری کردیا۔

    برطرفی کی خبروں کے بعد سرفرازبگٹی نے ٹویٹ کیا کہ برطرفی کی خبر سچ نہیں وہ پہلے ہی اپنا استعفیٰ گورنر کو بھجواچکے ہیں۔

    وزیراعلیٰ نے گورنر سے سرفرازبگٹی کوبرطرف کرنےکی سفارش گورنرسے کی تھی۔

    ذرائع کے مطابق وزیراعلیٰ بلوچستان کے معاون خصوصی پرنس احمدعلی بھی مستعفی ہوگئے، پرنس احمدعلی نے استعفیٰ گورنر بلوچستان کو بھجوادیا، پرنس احمدعلی نےدس روزپہلے مستعفی ہونے کا فیصلہ کرلیا تھا۔

    گذشتہ روز  ذرائع نے دعویٰ کیا تھا کہ وزیرداخلہ بلوچستان سرفرازبگٹی نے عہدے سے مستعفی ہونےکا فیصلہ کرلیا ہے اوروہ جلد اپنا استعفیٰ وزیراعلیٰ بلوچستان کو بھیج دیں گے۔

    اس حوالے سے وزیرداخلہ بلوچستان سرفرازبگٹی کا کہنا تھا کہ مستعفی ہونے سے متعلق خبروں کی نہ فی الحال تصدیق کرسکتا ہوں اور نہ تردید، میرےاستعفے سے متعلق میڈیا پر جو خبریں چل رہی ہیں وہ چلنے دیں، کل اہم پریس کانفرنس کروں گا۔

    مزید پڑھیں : وزیراعلیٰ بلوچستان کے خلاف تحریک عدم اعتماد جمع

    یاد رہے کہ اس سے پہلے بلوچستان اسمبلی کے اراکین نے وزیراعلیٰ بلوچستان نواب ثناء اللہ زہری کے خلاف تحریک عدم اعتماد جمع کرائی تھی، تحریک عدم اعتماد رکن اسمبلی عبدالقدوس بزنجو اور سید آغارضا کی جانب سے جمع کرائی گئی۔

    تحریک عدم اعتمادپرق لیگ،جمعیت علمائےاسلام سمیت چودہ ارکان کےدستخط ہیں۔

    نواب ثناء اللہ زہری نے اتحادی جماعتوں کا مشاورتی اجلاس طلب کرلیا جبکہ اسمبلی کااجلاس9جنوری کوطلب کرنےکی تجویزگورنرکوارسال کردی گئی ہے۔

    ذرائع کا کہنا ہے کہ پشتونخوا میپ اور نیشنل پارٹی نے ثنا اللہ زہری کی حمایت کا اعلان کیا ہے، نو جنوری کو متوقع اجلاس میں چند حکومتی ارکان تحریک کی حمایت کرسکتے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • وزیرداخلہ بلوچستان اورچیف سیکریٹری کے اختلافات، دفتری امورٹھپ

    وزیرداخلہ بلوچستان اورچیف سیکریٹری کے اختلافات، دفتری امورٹھپ

    کوئٹہ : وزیر داخلہ بلوچستان سرفراز بگٹی اور چیف سیکریٹری کے اختلافات سے دفتری امور ٹھپ ہو کر رہ گئے۔ چیف سیکریٹری سے اختلافات پر وزیر داخلہ بلوچستان نے اپنے دفتر پر تالے ڈال دیئے۔

    تفصیلات کے مطابق چیف سیکریٹری کے بات نہ ماننے پر وزیر داخلہ بلوچستان نے اپنے دفتر کو تالا لگادیا۔ چیف سیکریٹری سے اختلافات پر وزیر داخلہ بلوچستان سرفراز بگٹی ناراض ہوگئے احتجاجاً کام کرنے سے بھی انکار کردیا۔

    انہوں نے عملے کو بھی ہدایت کردی کہ وزیر اعلیٰ بلوچستان کی وطن واپسی تک کوئی کام نہ کیاجائے۔ صوبائی وزیر داخلہ سرفراز بگٹی کا مؤقف ہے کہ چیف سیکریٹری کارویہ وزرا  کےساتھ مناسب نہیں، وہ وزیراعلیٰ بلوچستان کے آنے تک دفتری امور نہیں نبھائیں گے،بیورو کریسی بجٹ میں بھی وزرا  کو نظر انداز کررہی ہے۔

    ذرائع کا کہنا ہے کہ چیف سیکریٹری نے تبادلوں اور بھرتیوں پر وزیرداخلہ کا دباؤ ماننے سے انکار کردیا تھا۔

    سرفراز بگٹی نے شکایات  کا جواب نہ ملنے پر دفتر پر تالے ڈال دیئے، وہ ڈی جی پی ڈی ایم اے کو ہٹانے کے خواہش مند تھے۔ ذرائع کے مطابق دیگر صوبائی وزرا بھی مذکورہ چیف سیکریٹری کے رویے سے نالاں ہیں۔

  • قلات آپریشن میں عبدالنبی بنگلزئی سمیت چونتیس شرپسند ہلاک

    قلات آپریشن میں عبدالنبی بنگلزئی سمیت چونتیس شرپسند ہلاک

    کوئٹہ : صوبائی وزیر داخلہ سرفرازبگٹی نے دعویٰ کیا ہے کہ قلات آپریشن میں کالعدم یو بی اے کے مرکزی کمانڈر عبدالنبی بنگلزئی سمیت چونتیس شرپسند مارے گئے۔

    صوبائی وزیر داخلہ سرفراز بگٹی نے ترجمان بلوچستان حکومت کے ہمراہ وزیراعلیٰ سیکرٹریٹ میں پریس کانفرنس کی۔

    سرفراز بگٹی کا کہنا تھا کہ قلات کے علاقے جوہان میں انٹیلی جنس بیس آپریشن کیا گیا، تین دن جاری رہنے والی اس کارروائی میں کالعدم تنظیم کے محفوظ ٹھکانے تباہ کردیئے گئے۔

    آپریشن میں کالعدم تنظیم کا کیمپ کمانڈر بھی مارا گیا جوسابق جج جسٹس نواز مری کے علاوہ گزشتہ برس مئی میں رونما ہونے والے سانحہ کھڈ کوچہ میں مسافرو ں کے قتل میں ملوث تھا۔

    ایک سوال کے جواب میں سرفراز بگٹی کا کہنا تھا کہ ڈاکٹر اللہ نذر مارا جاچکا ہے تاہم اگر وہ زندہ ہے تو اس کی موجود ہ تاریخ کے ساتھ ویڈیو منظر عام پر آنی چاہئے۔

    پریس کانفرنس کے بعد جوہان آپریشن میں پکڑا جانے والا اسلحہ بھی میڈیا کے نمائندوں کو دکھایا گیا جن میں ایل ایم جی ‘ایس ایم جیز‘آ ر پی جی سیون سمیت 77سے زائد چھوٹے بڑے ہتھیار4بم 25کلو بارودی مواد ‘بڑی تعداد میں گولیاں دیگر تخریبی سامان، سونا اور ملکی کرنسی بھی شامل ہے۔

     

  • سرفرازبگٹی پرقاتلانہ حملہ، چھ سیکورٹی گارڈ زخمی

    سرفرازبگٹی پرقاتلانہ حملہ، چھ سیکورٹی گارڈ زخمی

    کوئٹہ : بلوچستان کے وزیرداخلہ سرفراز بگٹی قاتلانہ حملے میں بال بال بچ گئے، ان کے قافلے کے قریب بارودی سرنگ کا دھماکہ کیا گیا۔ دھماکے میں چھ سیکورٹی گارڈزخمی ہوگئے۔

    تفصیلات کے مطابق بلوچستان کے وزیرداخلہ سرفراز بگٹی کا قافلہ ڈیرہ بگٹی سے گزررہا تھا ۔ قافلے کے نزدیک بارودی سرنگ کادھماکہ ہوگیا۔

    دھماکا اتنا زوردارتھا کہ سرفرازبگٹی کی بلٹ پروف گاڑی کے چاروں ٹائرپھٹ گئے۔ دوگاڑیوں کو بھی نقصان پہنچا۔ لیکن دہشت گرد اپنے ناپاک عزائم میں کامیاب نہیں ہوسکے اور صوبائی وزیرداخلہ محفوظ رہے.تاہم دھماکے سےصوبائی وزیرداخلہ کے چھ سیکورٹی گارڈ زخمی ہوگئے۔

    ترجمان بلوچستان حکومت کے مطابق وزیر داخلہ سرفراز بگٹی اپنے گاﺅں ڈیر ہ بگٹی جار رہے تھے کہ راستے میں بیکر کے علاقے میں ان کےقافلے کو بارودی سرنگ کے ذریعے اڑانے کی کوشش کی گئی۔

    ذرائع کے مطابق صوبائی وزیرداخلہ کو دہشتگردوں کی جانب سے دھمکی آمیز پیغاما ت بھی موصول ہو ئے جس کے بعدوزیر داخلہ کی سیکیورٹی بھی سخت کردی گئی تھی۔