ARYNews.tv | Urdu – Har Lamha Bakhabar

Tag: سرفراز احمد

  • کیپ ٹاؤن ٹیسٹ میں شکست کی بڑی وجہ بیٹنگ کی ناکامی ہے، سرفراز احمد

    کیپ ٹاؤن ٹیسٹ میں شکست کی بڑی وجہ بیٹنگ کی ناکامی ہے، سرفراز احمد

    کیپ ٹاؤن : پاکستان کرکٹ ٹیم کے کپتان سرفراز احمد نے کہا ہے کہ دوسرے ٹیسٹ میں شکست کی وجہ بیٹنگ کی ناکامی ہے، وکٹ فاسٹ بولرز کو سپورٹ کررہی تھی۔

    یہ بات انہوں نے کیپ ٹاؤن ٹیسٹ میں بد ترین شکست کے بعد پریس کانفرنس کرتے ہوئے کہی، کپتان سرفراز احمد کا پہلی اننگز میں بیٹنگ کی ناکامی کو شکست کی وجہ قرار دیتے ہوئے کہا کہ وکٹ فاسٹ بولرز کو سپورٹ کررہی تھی۔

    ان کا مزید کہنا تھا کہ پہلی اننگز میں جنوبی افریقہ کو250سے300رنز پرروک لیتے تو فائدہ ہوتا، ہمیں غلطیوں سے سیکھنا ہوگا۔ دونوں ٹیموں میں اصل فرق جنوبی افریقا کی فاسٹ بولنگ نے ڈالا ہے اور جنوبی افریقا کی جیت کا کریڈٹ ان کے بولروں کو جاتا ہے۔

    دوسرے ٹیسٹ میں ہمارے بولر توقعات پوری نہیں کرسکے کیوں کہ ہمارے بولر 120کلومیٹر اور میزبان ٹیم کے بولر 140 سے 145کلو میٹر کی رفتار سے بولنگ کرتے رہے۔

    مزید پڑھیں: کیپ ٹاؤن ٹیسٹ میں بھی قومی ٹیم کو شکست، سیریز جنوبی افریقا کے نام

    واضح رہے کہ کیپ ٹاؤن میں کھیلے جانے والے جنوبی افریقا کی ٹیم نے پاکستان کو دوسرے ٹیسٹ میں نو وکٹوں سے باآسانی شکست دے کر سیریز میں فیصلہ کن برتری حاصل کرلی۔

    ٹیسٹ میچ میں جنوبی افریقا کی ٹیم نے 41رنز ہدف کے تعاقب میں بیٹنگ کا آغاز کیا اور ایک وکٹ کے نقصان پر پورا کرلیا۔

    اس سے قبل جنوبی افریقہ نے پہلے ٹیسٹ میچ میں چھ وکٹوں سے کامیابی حاصل کی تھی اور ان کی اس جیت میں 11 وکٹیں لے کر مرکزی کردار ڈوئن اولیوئیر نے ادا کیا تھا۔

  • محمد عباس فٹ، حارث سہیل سیریز سے باہر ہوچکے ہیں، سرفراز احمد

    محمد عباس فٹ، حارث سہیل سیریز سے باہر ہوچکے ہیں، سرفراز احمد

    کیپ ٹاؤن: قومی کرکٹ ٹیم کے کپتان سرفراز احمد نے کہا ہے کہ محمد عباس فٹ ہیں اور حارث سہیل سیریز سے باہر ہوچکے ہیں، دوسرے ٹیسٹ میچ کے لیے بہت محنت کی ہے، بیٹنگ لائن میں 6 بلے باز برقرار رہیں گے ۔

    تفصیلات کے مطابق کیپ ٹاؤن میں پریس کانفرنس کرتے ہوئے قومی کرکٹ ٹیم کے کپتان سرفراز احمد کا کہنا تھا کہ کیپ ٹاؤن پچ کی صورت حال کل سے مختلف ہے آج گھاس کم ہے، ہم تین فاسٹ بولر اور ایک اسپنر کے ساتھ جائیں گے۔

    سرفراز احمد نے کہا کہ محمد عباس کل کا ٹیسٹ میچ کھیلنے کے لیے فٹ ہیں، حارث سہیل سیریز سے باہر ہوچکے ہیں، لیگ اسپنر یاسر شاہ کے لیے اس وکٹ پر بہت کچھ ہے، امید ہے وکٹیں لیں گے۔

    کپتان قومی کرکٹ ٹیم نے کہا کہ فلینڈر کا مقابلہ کرنے کے لیے تیار ہیں، دوسرے ٹیسٹ میں بیٹنگ لائن اچھا کھیلے گی، سیریز میں کم بیک کریں گے۔

    مزید پڑھیں: پاکستان اور جنوبی افریقہ کے درمیان سیریز کا دوسرا ٹیسٹ کل سے کھیلا جائے گا

    سرفراز احمد نے کہا کہ رنز اچھے ہوں تو بولر مخالف ٹیم کو کنٹرول کرنے کی صلاحیت رکھتے ہیں، بلے بازوں کے رنز کرنے سے ہی بہتر پوزیشن میں ہوں گے۔

    انہوں نے کہا کہ ایشیائی ٹیموں کو جنوبی افریقہ میں مشکلات کا سامنا ہوتا ہے، میچ جیتنے کے لیے بلے بازوں کو کارکردگی دکھانا ہوگی۔

    واضح رہے کہ پاکستان اور جنوبی افریقہ کے درمیان دوسرا ٹیسٹ میچ کل سے کیپ ٹاؤن میں کھیلا جائے گا، میزبان جنوبی افریقہ کو تین ٹیسٹ میچوں کی سیریز میں 1-0 کی برتری حاصل ہے۔

    یاد رہے کہ جنوبی افریقہ نے پاکستان کو سنچورین ٹیسٹ میچ میں 6 وکٹوں سے شکست دی تھی، فاسٹ بولر اولیویئر کو 11 وکٹیں حاصل کرنے پر میچ کا بہترین کھلاڑی قرار دیا گیا تھا۔

  • سنچورین ٹیسٹ: پاکستان کا جنوبی افریقہ کے خلاف مایوس کن آغاز

    سنچورین ٹیسٹ: پاکستان کا جنوبی افریقہ کے خلاف مایوس کن آغاز

    سنچورین : پاکستان اور جنوبی افریقہ کے درمیان تین ٹیسٹ میچوں پر مشتمل سیریز کے پہلے میچ میں پاکستان کی جنوبی افریقہ کے خلاف بیٹنگ جاری ہے۔

    تفصیلات کے مطابق سنچورین کے اسپورٹس پارک میں کھیلے جانے والے تین ٹیسٹ میچوں کی سیریز کے پہلے میچ میں کپتان سرفراز احمد نے ٹاس جیت کر پہلے بیٹنگ کا فیصلہ کیا۔

    جنوبی افریقہ کے خلاف میچ کے دوسرے اوور کی چوتھی گیند پرامام الحق بغیر کوئی رنز بنائے کگیسورابادا کی گیند پر آؤٹ ہوئے۔

    فخرزمان بھی 17 کے مجموعی اسکور پر12 رنز بنا کر ڈیل اسٹین کی گیند پر کیچ آؤٹ ہوئے۔ شان مسعود بھی 19 رنز بنا کر پویلین لوٹ گئے۔

    پاکستان کی جانب سے اس وقت نوجوان بلے باز بابراعظم 4 رنز اور اظہرعلی 31 رنز بنا کر کریز پر موجود ہیں۔

    ٹاس سے قبل نوجوان بلے باز حارث سہیل گھٹنے میں تکلیف کے باعث میچ سے باہر ہوگئے ان کی جگہ پر شان مسعود کو ٹیم میں شامل کیا گیا۔

    فاسٹ باؤلر محمد عباس اور لیگ اسپنرشاداب خان پہلے ہی ان فٹ ہوکرپہلے ٹیسٹ میچ سے باہر ہوچکے ہیں۔

    جنوبی افریقہ کے خلاف کھیلنے والے گیارہ کھلاڑیوں میں فخرزمان، امام الحق، اظہرعلی، اسد شفیق، شان مسعود، سرفراز احمد، حسن علی، یاسر شاہ، محمد عامر اور شاہین آفریدی ہیں۔

    خیال رہے کہ پاکستان ٹیم کے کپتان سرفراز احمد نے لیگ اسپنر یاسر شاہ کو جنوبی افریقہ کے خلاف اہم ترین ہتھیار قرار دیا ہے۔

    واضح رہے کہ پاکستان اور جنوبی افریقہ کے درمیان اب تک ہونے والے 23 ٹیسٹ میچوں میں سے پاکستان نے 4 جنوبی افریقہ 12 میچ جیتے ہیں جبکہ 7 میچ ڈرا ہوئے۔

  • میری نظر میں سرفراز احمد بہترین کپتانی کر رہے ہیں: وسیم اکرم

    میری نظر میں سرفراز احمد بہترین کپتانی کر رہے ہیں: وسیم اکرم

    لاہور: قومی کرکٹ ٹیم کے سابق کپتان وسیم اکرم نے موجودہ کپتان سرفراز احمد کی کپتانی سے متعلق منفی خبروں پر ردِ عمل ظاہر کرتے ہوئے انھیں بہترین کپتان قرار دے دیا۔

    تفصیلات کے مطابق لیجنڈ فاسٹ بولر وسیم اکرم نے میڈیا سے گفتگو کرتے ہوئے کہا کہ گزشتہ 2 ماہ سے سن رہا ہوں کہ نیا کپتان بنا دو، کپتان کے لیے کوئی اور موزوں ہے تو لوگ ہی نام بتا دیں۔

    [bs-quote quote=”جنوبی افریقا کا دورہ مشکل ہے، قومی ٹیم کے لیے یہ دورہ امتحان ثابت ہوگا۔” style=”style-7″ align=”left” color=”#dd3333″ author_name=”وسیم اکرم” author_job=”سابق فاسٹ بولر”][/bs-quote]

    سابق کرکٹر وسیم اکرم کا کہنا تھا کہ پیچھے کوئی عمران خان یا جاوید میاں داد بیٹھے ہیں تو ان کو کپتان بنا دیں، جب بھی کوئی اَپ سیٹ ہوتا ہے فوری کپتان کو ہٹانے کی باتیں ہونے لگتی ہیں۔

    سوئنگ کے سلطان نے کہا ’ٹیم کو اسپورٹس میں ہارنا بھی آنا چاہیے اور کم بیک بھی آنا چاہیے، میری نظر میں سرفراز احمد بہترین کپتانی کر رہے ہیں۔‘

    وسیم اکرم کا کہنا تھا کہ جنوبی افریقا کا دورہ مشکل ہے، قومی ٹیم کے لیے یہ دورہ امتحان ثابت ہوگا۔

    انھوں نے کہا ’نوجوانوں کو کرکٹ کی طرف لانے کے لیے ایونٹ شروع ہو رہا ہے، ایونٹ کا نام ٹالرنس رکھاگیا ہے، جس میں یونی ورسٹی اور مدرسے کے بچے کھیلیں گے، اس ایونٹ سے یہ سکھایا جائے گا کہ جیت ہار ہوتی ہے تو ہار کے بعد کیسے ٹالرنس کا مظاہرہ کرنا ہے۔‘

    یہ بھی پڑھیں:  سرفراز احمد کی قیادت میں قومی کرکٹ ٹیم دورہ جنوبی افریقہ کیلئے روانہ

    خیال رہے کہ قومی ٹیم کے چیف سلیکٹر انضمام الحق نے نیوزی لینڈ کے خلاف ہوم سیریز میں پاکستان ٹیم کی انتہائی ناقص کارکردگی پر برہمی کا اظہار کرتے ہوئے کہا تھا کہ کھلاڑیوں کو کارکردگی بہتر بنانی ہوگی، کوئی کپتان تا حیات نہیں ہوتا، جنوبی افریقا کی سیریز ہمیشہ سے سخت رہی ہے، ہمیں بہت محنت کرنا ہوگی۔

    یاد رہے کہ قومی کرکٹ ٹیم سرفراز احمد کی قیادت میں پانچ روز قبل جنوبی افریقا کے لیے جا چکی ہے، سیریز میں 3 ٹیسٹ، 5 ون ڈے اور 3 ٹی ٹوئنٹی شامل ہیں۔

  • پہلی اننگز میں بڑی برتری نہ لینا ٹیم کی ناکامی کی وجہ بنی، سرفراز احمد

    پہلی اننگز میں بڑی برتری نہ لینا ٹیم کی ناکامی کی وجہ بنی، سرفراز احمد

    ابوظبی: قومی کرکٹ ٹیم کے کپتان سرفراز احمد نے کہا ہے کہ پہلی اننگز میں بڑی برتری نہ لینا ٹیم کی ناکامی کی وجہ بنی۔

    تفصیلات کے مطابق نیوزی لینڈ کے خلاف ٹیسٹ سیریز ہارنے کے بعد میڈیا سے گفتگو کرتے ہوئے سرفراز احمد نے کہا ہے کہ پہلی اننگز میں بڑی لیڈ نہ لے سکے جو شکست کی وجہ بنی، ٹاپ آرڈر اور ٹیل اینڈرز کو ذمہ داری دکھانا ہوگی۔

    [bs-quote quote=”اتنا اچھا پرفارم کرنے کے بعد شکست ہونا مایوس کن ہے” style=”style-6″ align=”left” author_name=”یاسر شاہ”][/bs-quote]

    دوسری جانب ٹیسٹ سیریز میں مین آف دی سیریز قرار دئیے جانے والے یاسر شاہ نے کہا ہے کہ 29 وکٹ حاصل کیں اور اتنا اچھا پرفارم کرنے کے بعد شکست ہونا مایوس کن ہے۔

    واضح رہے کہ نیوزی لینڈ نے پاکستان کو ابوظبی ٹیسٹ میں شکست دے کر سیریز 1-1 سے جیت لی، قومی ٹیم 280 رنز کے تعاقب میں 156 رنز پر ڈھیر ہوگئی، نیوزی لینڈ کے کپتان ولیم سن کو میچ کا بہترین کھلاڑی قرار دیا گیا۔

    قومی ٹیم کے واحد کھلاڑی بابر اعظم تھے جنہوں نے نصف سنچری اسکور کی اور 51رنز بنا کر اعجاز پٹیل کی بول پر آؤٹ ہوگئے۔

    مزید پڑھیں: نیوزی لینڈ نے ابوظہبی ٹیسٹ جیت لیا، پاکستان سیریز1-2سے ہار گیا

    قومی ٹیسٹ ٹیم کا اگلا پڑاؤ جنوبی افریقہ ہے جس کے لیے فاسٹ بولر محمد عامر کی واپسی ہوئی ہے، محمد رضوان اور شاداب خان کو بھی ٹیسٹ ٹیم میں شامل کرلیا گیا ہے۔

  • پاکستان اور نیوزی لینڈ کے درمیان فیصلہ کن ٹیسٹ آج ہوگا، کپتان سرفراز جیت کے لیے پرعزم

    پاکستان اور نیوزی لینڈ کے درمیان فیصلہ کن ٹیسٹ آج ہوگا، کپتان سرفراز جیت کے لیے پرعزم

    ابوظبی: پاکستان اور نیوزی لینڈ کے درمیان تیسرا اور فیصلہ کن ٹیسٹ آج سے ابوظبی میں کھیلا جائے گا، قومی کرکٹ ٹیم کے کپتان سرفراز احمد جیت کے لے پرعزم ہیں۔

    ابوظبی میں پریس کانفرنس کرتے ہوئے کپتان سرفراز احمد خان نے کہا کہ یاسر شاہ کی کارکردگی سے کافی فائدہ ہوا، کھلاڑیوں کی کوشش ہے کہ پاکستان کو سیریز جتوائیں، محمد عباس کی جگہ شاہین آفریدی ڈیبیو کریں گے۔

    پلیئنگ الیون کے سوال کے جواب میں سرفراز احمد نے کہا کہ وکٹ کی کنڈیشن دیکھ کر حتمی کھلاڑیوں کا انتخاب کیا جائے گا۔
    سرفراز احمد نے کہا کہ فہیم اشرف کو 12 کھلاڑیوں میں شامل رکھا ہے تاہم بلال آصف یا فہیم اشرف میں سے کسی ایک کے انتخاب کا فیصلہ ہونا باقی ہے۔

    ایک سوال کے جواب میں سرفراز احمد نے کہا کہ وکٹ کیپنگ ان کی جاب ہے، ٹیسٹ کرکٹ میں وہ ضرور 150 کیچ سے دو شکار دور ہیں، ٹیم کے لیے بہترین وکٹ کیپنگ ان کی ہمیشہ اولین ترجیح رہی ہے۔

    دوسرے ٹیسٹ میں شاندار کارکردگی کا مظاہرہ کرنے والے لیگ اسپنر یاسر شاہ کو تیز ترین دو سو وکٹیں حاصل کرنے کے لیے مزید پانچ وکٹیں درکار ہیں۔

    قبل ازیں نیوزی لینڈ سے تیسرے ٹیسٹ میچ کی تیاری کے لیے قومی کرکٹرز نے بھرپور پریکٹس کی، بیٹسمینوں مین کوچز کی ٹاپ آرڈر پر توجہ مرکوز رہی، محمد حفیظ اور امام الحق نے نیٹ میں طویل سیشن کرتے ہوئے آف اسٹمپ سے باہر جاتی ہوئی گیندوں پر تکنیک بہتر بنائی۔

    واضح رہے کہ پہلے ٹیسٹ میچ میں قومی ٹیم صرف 4 رنز سے ہار گئی تھی جبکہ دوسرے ٹیسٹ میں شاندار کم بیک کرتے ہوئے قومی ٹیم نے کیویز کو اننگز اور 16 رنز سے شکست دی تھی۔

  • دبئی ٹیسٹ، دوسرے روز کا کھیل ختم، پاکستان نے اپنی پہلی اننگز 418 رنز پر ڈکلیئر کردی

    دبئی ٹیسٹ، دوسرے روز کا کھیل ختم، پاکستان نے اپنی پہلی اننگز 418 رنز پر ڈکلیئر کردی

    دبئی: پاکستان اور نیوزی لینڈ کے درمیان جاری دبئی ٹیسٹ میچ کے دوسرے روز پاکستان نے اپنی پہلی اننگز 418 رنز پر اننگز ڈکلیئر کردی، نیوزی لینڈ نے بغیر کسی نقصان کے 24 رنز بنالیے۔

    تفصیلات کے مطابق دبئی ٹیسٹ میچ کے دوسرے روز پاکستان نے حارث سہیل اور بابر اعظم کی شاندار سنچریوں کی بدولت اپنی پہلی اننگز 418 رنز 5 وکٹوں کے نقصان پر ڈکلیئر کردی، نیوزی لینڈ نے بغیر کسی نقصان کے 24 رنز بنالیے، کیویز کو سبقت حاصل کرنے کے لیے مزید 394 رنز درکار ہیں۔

    نیوزی لینڈ نے راول 17 اور لیتھم 5 رنز کے ساتھ کریز پر موجود ہیں۔

    پاکستان کی جانب سے حارث سہیل 147 رنز بناکر آؤٹ ہوئے اور بابراعظم 127 رنز بنا کر ناقابل شکست رہے، سرفراز احمد نے 30 رنز بنائے۔

    نیوزی لینڈ کے گرینڈ ہوم نے 2 کھلاڑیوں کو پویلین کی راہ دکھائی، ٹرینٹ بولٹ اور اعجاز پٹیل نے ایک، ایک وکٹ حاصل کی۔

    کپتان سرفراز احمد نے گزشتہ روز ٹاس جیت کر پہلے بیٹنگ کا فیصلہ کیا تو پاکستان نے نیوزی لینڈ کے خلاف ٹیسٹ میچ کے پہلے روز 90 اوورز کے کھیل میں 4 وکٹوں کے نقصان پر 207 رنز بنائے تھے۔

    محمد حفیظ اور امام الحق 9،9 رنز بنانے کے بعد کولن ڈی گرینڈ ہوم کی گیند پر سلپ میں کیچ آؤٹ ہوگئے تھے۔

    قومی ٹیم کی 2 وکٹیں گرنے کے بعد اظہرعلی اور حارث سہیل نے محتاط انداز میں بیٹنگ کرتے ہوئے 126 رنز کی پارٹنرشپ بنائی۔

    پاکستان کی تیسری وکٹ 151 رنز پرگری جب اظہر علی 81 رنز بنا کر رن آوٹ ہوئے تھے، اسد شفیق 12 رنز بناکر اعجازپٹیل کا شکار بنے تھے۔

    خیال رہے کہ گزشتہ روز دبئی میں پریس کانفرنس کرتے ہوئے کپتان سرفراز احمد کا کہنا تھا کہ ابوظہبی ٹیسٹ میں جو غلطیاں ہوئیں، اب نہیں دہرائیں گے، کریز پرسیٹ ہوجانے والے بیٹسمینوں لمبی اننگز کھیلنی ہوگی۔

    سرفراز احمد کا کہنا تھا کہ بیٹسمینوں کو وکٹ پرٹھہرنا چاہیے تھا، کوشش ہوگی غلطیاں اگلے میچز میں نہ دہرائیں۔

    قومی ٹیم کے کپتان سرفراز احمد کا مزید کہنا تھا کہ نوجوان باؤلرز جتنا ٹیم کے ساتھ ہوں گے، اتنا سیکھتے جائیں گے۔

    ابو ظہبی ٹیسٹ: نیوزی لینڈ نے پاکستان کو 4 رنز سے شکست دے دی

    یاد رہے کہ 19 نومبر کو نیوزی لینڈ کے خلاف پہلے ٹیسٹ میچ میں پاکستان کو 4 رنز سے شکست ہوگئی تھی۔ قومی ٹیم آسان ہدف کے تعاقب میں 171 رنز پر آؤٹ ہوگئی تھی۔

  • پاکستان نے نیوزی لینڈ کا خوب مقابلہ کیا، ٹیم پھر سے ابھرے گی، شاہد آفریدی

    پاکستان نے نیوزی لینڈ کا خوب مقابلہ کیا، ٹیم پھر سے ابھرے گی، شاہد آفریدی

    کراچی: سابق کپتان قومی کرکٹ ٹیم شاہد خان آفریدی نے کہا ہے کہ ٹیسٹ میچ میں پاکستان نے نیوزی لینڈ کا خوب مقابلہ کیا، انشا اللہ پاکستانی ٹیم پھر سے ابھرے گی۔

    ان خیالات کا اظہار انہوں نے سماجی رابطے کی ویب سائٹ ٹویٹر پر اپنے پیغام میں کیا، شاہد آفریدی نے کہا کہ ٹیسٹ میچ کرکٹ کا ایک دلچسپ انداز ہے، نیوزی لینڈ کو قابل ذکر کامیابی پر مبارک باد پیش کرتا ہوں۔

    شاہد آفریدی نے ٹیسٹ میچ میں قومی ٹیم کی شاندار بولنگ کی تعریف کرتے ہوئے کہا کہ بہت خوب حسن علی اور یاسر شاہ، آپ دونوں نے اچھی بولنگ کی۔

    جیت اپنے ہاتھوں سے گنوائی، سرفراز احمد

    قبل ازیں سرفراز احمد نے شکست کا ذمہ دار بلے بازوں کو ٹھہراتے ہوئے کہا کہ جیت اپنے ہاتھوں سے گنوائی، بابراعظم کا رن آؤٹ ہونا ٹرننگ پوائنٹ تھا، بلے باز پریشر کو ہینڈل نہیں کرسکے۔

    کپتان قومی کرکٹ ٹیم سرفراز احمد نے کہا کہ جیت کے قریب پہنچ کر ہار جانا افسوس ناک ہے، کوشش کریں گے جو غلطیاں ہوئی انہیں اگلے میچز میں نہ دہرائیں۔

    یہ پڑھیں: ابو ظہبی ٹیسٹ: نیوزی لینڈ نے پاکستان کو 4 رنز سے شکست دے دی

    واضح رہے کہ پاکستان اور نیوزی لینڈ کے درمیان تین ٹیسٹ میچز کی سیریز متحدہ عرب امارات میں جاری ہے اور پہلے میچ میں پاکستان کو 4 رنز سے شکست ہوئی ہے جس کے بعد نیوزی لینڈ کو سیریز میں 1-0 کی برتری حاصل ہوگئی ہے۔

  • سرفراز احمد اچھی کارکردگی دکھاتے رہے تو کپتان رہیں گے، جاوید میانداد

    سرفراز احمد اچھی کارکردگی دکھاتے رہے تو کپتان رہیں گے، جاوید میانداد

    کراچی: سابق کپتان اور لیجنڈ کرکٹر جاوید میانداد نے کہا ہے کہ کپتان سمیت جو کھلاڑی پرفارمنس نہیں دے گا وہ ٹیم سے باہر ہوگا، سرفراز احمد اچھی کارکردگی دکھاتے رہے تو کپتان رہیں گے۔

    ان خیالات کا اظہار انہوں نے چیئرمین پی سی بی احسان مانی سے ملاقات کے بعد میڈیا سے گفتگو کرتے ہوئے کیا، جاوید میانداد نے کہا کہ ملاقات میں کسی عہدے کی پیش کش سے متعلق بات نہیں ہوئی، عہدے کی لالچ نہیں، احسان مانی سے بہت بار مل چکا ہوں۔

    [bs-quote quote=” کرکٹر اپنی توجہ صرف کرکٹ پر رکھیں” style=”style-6″ align=”left” author_name=”جاوید میانداد”][/bs-quote]

    جاوید میانداد نے کہا کہ اتنا بڑا کراچی ہے، ریجن و زونز سے پوچھیں کتنے پلیئر نکالے، کراچی کرکٹ کو کہاں لے کر گئے، کتنے کھلاڑی سامنے لائے، ریجن اور زونز سے حساب لیں ان کو پیسہ ملتا ہے، کراچی کے فرسٹ کلاس کرکٹرز کو کیوں آگے نہیں لایا جارہا ہے، ٹیم میں کراچی کے بہت لڑکے تھے، سب اپنی پرائیوٹ نرسریاں چلا رہے ہیں۔

    سابق کرکٹر نے کہا کہ محسن حسن خان اچھے کھلاڑی سامنے لاتے ہیں، جیسے اقدامات ہونے چاہئیں وہ نہیں ہورہے ہیں، کرکٹر اپنی توجہ صرف کرکٹ پر رکھیں۔

    ایک سوال کے جواب میں جاوید میانداد نے کہا کہ ملک کے حساس معاملات پر کرکٹرز کو گفتگو نہیں کرنی چاہئے۔

  • کرکٹ میں اچھا اور برا وقت چلتا رہتا ہے، کپتانی کا فیصلہ بورڈ کرے گا، سرفراز احمد

    کرکٹ میں اچھا اور برا وقت چلتا رہتا ہے، کپتانی کا فیصلہ بورڈ کرے گا، سرفراز احمد

    کراچی : قومی کرکٹ ٹیم کے کپتان سرفراز احمد نے کہا ہے کہ میری کپتانی کا فیصلہ پی سی بی کرے گا، بیانات سے ماحول ایسا بنادیا جاتا ہے جو ٹیم پر اثرانداز ہوتا ہے۔

    یہ بات انہوں نے اے آروائی نیوز کے پروگرام الیونتھ آور میں میزبان وسیم بادامی سے گفتگو کرتے ہوئے کہی، سرفراز احمد کا کہنا ہے کہ کرکٹ میں اچھا اور برا وقت چلتا رہتا ہے۔

    ون ڈے میں کپتانی کا فیصلہ کرکٹ بورڈ کرے گا، بیانات سے ماحول ایسا بنادیا جاتا ہے جو ٹیم پر اثرانداز ہوتا ہے اور ڈریسنگ روم کا ماحول بھی خراب ہوتا ہے۔

    مزید پڑھیں : پلیئرز محنت کر رہے ہیں، نیوزی لینڈ کے خلاف ون ڈے سیریز بھی اپنے نام کریں گے: محمد حفیظ

    واضح رہے کہ پاکستان ٹیم کے سابق کپتان مصباح الحق نے بھی سرفراز احمد کی حمایت کا اظہار کرتے ہوئے کہا ہے کہ اب سرفراز احمد کی کپتانی پر کوئی بحث نہیں ہونی چاہیے، ورلڈکپ کے لئے سرفراز احمد ہی کو کپتان برقراررہنا چاہیے۔