ARYNews.tv | Urdu – Har Lamha Bakhabar

Tag: سرفراز الیون

  • ورلڈ کپ میں پاکستان اپنا آخری گروپ میچ آج بنگلہ دیش کے خلاف کھیلے گا

    ورلڈ کپ میں پاکستان اپنا آخری گروپ میچ آج بنگلہ دیش کے خلاف کھیلے گا

    لندن: ورلڈ کپ 2019 میں پاکستان اپنا آخری گروپ میچ آج بنگلہ دیش کے خلاف کھیلے گا۔

    تفصیلات کے مطابق ورلڈ کپ 2019 میں آج پاکستان اور بنگلہ دیش کی ٹیمیں لارڈز کے تاریخی میدان میں مدمقابل ہوں گی، سرفراز الیون میں دو تبدیلیوں کا امکان ہے۔

    اوپنر فخر زمان کی جگہ شعیب ملک اپنا آخری میچ کھیلیں گے، فاسٹ بولر وہاب ریاض کی جگہ حسن علی کو موقع دیا جائے گا۔

    واضح رہے کہ پاکستان کے سیمی فائنل میں رسائی کے امکانات انتہائی کم ہوگئے ہیں اگر بنگلہ دیش نے پاکستان کے خلاف پہلے بیٹنگ کی تو پاکستان سیمی فائنل کی دوڑ سے باہر ہوگا۔

    مزید پڑھیں: فلائٹ بک ہے، اگر معجزہ ہوگیا، تو ٹکٹس آگے بڑھ جائیں گے: سرفراز احمد

    پاکستان نے بنگلہ دیش کے خلاف 350 رنز بنائے تو حریف کو 311 رنز سے ہرانا ہوگا، اگر پاکستان بنگلہ دیش کے خلاف 400 رنز بنائے تو حریف کو 84 رنز پر آؤٹ کرنا ہوگا۔

    قومی کرکٹ ٹیم کو بنگلہ دیش کو 316 رنز کے مارجن سے ہرانا ہوگا۔

    قومی ٹیم کے کپتان سرفراز احمد کا کہنا تھا کہ آسٹریلیا سے میچ ٹرننگ پوائنٹ تھا، اس میں شکست سے پاکستانی ٹیم کو نقصان ہوا.

    سرفراز احمد نے کہا کہ بنگلا دیش کےخلاف ہمیں بڑا اسکور بنانا ہے، بدقسمتی سے دیگر ٹیموں کے مقابلے میں ہمارا ٹاپ آرڈر ناکام رہا۔

  • انگلینڈ کی جیت کے بعد قومی ٹیم کی سیمی فائنل میں رسائی مشکل ہوگئی

    انگلینڈ کی جیت کے بعد قومی ٹیم کی سیمی فائنل میں رسائی مشکل ہوگئی

    لندن: انگلینڈ کی جیت کے بعد قومی ٹیم کی سیمی فائنل میں رسائی انتہائی مشکل ہوگئی، ٹیم مینجمنٹ ٹورنامنٹ کا اختتام جیت کے ساتھ ختم کرنے کی خواہشمند ہے۔

    تفصیلات کے مطابق نیوزی لینڈ کی انگلینڈ کے ہاتھوں شکست کے بعد پاکستان کے سیمی فائنل میں رسائی کے امکانات انتہائی کم ہوگئے، اگر بنگلہ دیش نے پاکستان کے خلاف پہلے بیٹنگ کی تو پاکستان سیمی فائنل کی دوڑ سے باہر ہوگا۔

    پاکستان نے بنگلہ دیش کے خلاف 350 رنز بنائے تو حریف کو 311 رنز سے ہرانا ہوگا، اگر پاکستان بنگلہ دیش کے خلاف 400 رنز بنائے تو حریف کو 84 رنز پر آؤٹ کرنا ہوگا۔

    قومی کرکٹ ٹیم کو بنگلہ دیش کو 316 رنز کے مارجن سے ہرانا ہوگا۔

    واضح رہے کہ نیوزی لینڈ کا ہار کے باوجود رن ریٹ پاکستان سے بہتر ہے جس کی بنیاد پر کیوی ٹیم کے سیمی فائنل میں جانے کے امکانات روشن ہوگئے ہیں۔

    واضح رہے کہ پاکستان اور بنگلہ دیش کا میچ جمعہ 5 جولائی کو لارڈز میں کھیلا جائے گا۔

    یاد رہے کہ انگلش ٹیم نے نیوزی لینڈ کو 119 رنز سے شکست دے کر سیمی فائنل کے لیے کوالیفائی کرلیا ہے، جونی بیرسٹو کو میچ میں شاندار سنچری اسکور کرنے پر میچ کا بہترین کھلاڑی قرار دیا گیا تھا۔

  • ورلڈ کپ 2019: پاکستان کی سیمی فائنل میں رسائی کیسے ممکن ہوگی؟

    ورلڈ کپ 2019: پاکستان کی سیمی فائنل میں رسائی کیسے ممکن ہوگی؟

    لندن: ورلڈ کپ 2019 کے سیمی فائنل میں جگہ بنانے کے لیے ٹیموں کی جنگ جاری ہے، آسٹریلیا کی ٹیم سیمی فائنل میں جگہ بناچکی ہے، بھارت، پاکستان، نیوزی لینڈ، انگلینڈ اور بنگلہ دیش کی ٹیمیں سیمی فائنل کی دوڑ میں شامل ہیں۔

    تفصیلات کے مطابق کرکٹ ورلڈ کپ 2019 سنسنی خیز مرحلے میں داخل ہوچکا ہے جہاں سیمی فائنل کے تین ٹکٹس کے لیے پانچ ٹیموں کے درمیان پنجہ آزمائی جاری ہے۔

    سیمی فائنل میں جگہ بنانے کے لیے انگلینڈ اور نیوزی لینڈ کے پاس ایک چانس باقی ہے، کل کا میچ جوجیتا وہ باآسانی فائنل فور میں جگہ بنالے گا، ہارنے والے کے لیے بھی ورلڈ کپ کا سفر ختم نہیں ہوگا، اس کی قسمت کا فیصلہ دوسری ٹیموں کی ہار جیت پر ہوگا۔

    نیوزی لینڈ کی ٹیم کل انگلینڈ سے جیت جاتی ہے تو پاکستان کو سیمی فائنل میں جانے کے لیے بنگلہ دیش کو ہرانا ہوگا، نیوزی لینڈ کی شکست کی صورت میں شاہینوں کو بنگال ٹائیگرز کو بڑے مارجن سے زیر کرنا ہوگا۔

    سیمی فائنل میں پہنچنے کے لیے بنگلہ دیش کو بھارت اور پاکستان کے خلاف میچ بڑے مارجن سے جیتنا ہوں گے۔

    ادھر انگلش ٹیم کو کیویز سے شکست ہوئی تب بھی میزبانوں کی امید پر پانی نہیں پھرے گا، اگر آج بھارت بنگلہ دیش کو ہرادے اور بنگلہ دیش پاکستان کو ہرادے تو انگلینڈ کی ٹیم دس پوائنٹ کے ساتھ آگے جاسکتی ہے۔

    انگلینڈ اور نیوزی لینڈ کے میچ میں بارش ہوجاتی ہے تب بھی انگلینڈ گیارہ پوائنٹس اور بہتر رن ریٹ کے ساتھ سیمی فائنل میں پہنچ سکتا ہے۔

    پوائنٹس ٹیبل پر سرفہرست دفاعی چیمپئن آسٹریلیا کی ٹیم پہلے ہی سیمی فائنل کے لیے کوالیفائی کرچکی ہے۔

  • ورلڈ کپ ڈو اینڈ ڈائی مرحلہ، شاہین کیویز پر جھپٹنے کو تیار

    ورلڈ کپ ڈو اینڈ ڈائی مرحلہ، شاہین کیویز پر جھپٹنے کو تیار

    برمنگھم: کرکٹ ورلڈ کپ 2019 میں قومی ٹیم آج نیوزی لینڈ کے خلاف بقا کی جنگ لڑے گی، میچ پاکستانی وقت کے مطابق دوپہر ڈھائی بجے شروع ہوگا۔

    تفصیلات کے مطابق قومی ٹیم کو ورلڈ کپ کا سیمی فائنل کھیلنا ہے تو آج نیوزی لینڈ کے خلاف لازمی کامیابی حاصل کرنا ہوگی، دونوں ٹیمیں ورلڈ کپ میں 8 بار مدمقابل آچکی ہیں جن میں سے پاکستان نے 6 اور نیوزی لینڈ نے صرف دو میچز میں کامیابی حاصل کی ہے۔

    قومی ٹیم کے پاس یہ آخری موقع ہے، فیلڈنگ میں بھی جان مارنا ہوگی، کیچز بھی پکڑنے ہوں گے، بولرز نے وکٹیں اڑانا ہوگی اور بلے بازوں کو بھی وکٹ پر رکنا پڑے گا۔

    امکان ہے کہ قومی ٹیم اہم میچ میں دو اسپنرز کے ساتھ میدان میں اترے گی، تجزیہ کاروں کے مطابق میگاایونٹ کی ناقابل شکست ٹیم میں اگر قومی ٹیم نے ہرانا ہے تو کیوی کپتان ولیم سن اور تجربہ کار بلے باز راس ٹیلر کو جلد آؤٹ کرنا ہوگا۔

    کیوی کپتان کین ولیم سن نے میگا ایونٹ میں 187 کی اوسط سے 373 رنز بناچکے ہیں۔

    برمنگھم کے موسم کی بات کی جائے تو گزشتہ روز موسم میچ کے لیے اچھا نہیں تھا اور پورے دن بارش ہوتی رہی جس کے سبب وکٹ کو کور کردیا گیا تھا اور دونوں ٹیموں نے انڈور پریکٹس کی لیکن آج میچ میں بارش کا امکان تو نہیں ہے لیکن موسم آبر آلود رہے گا۔

    واضح رہے کہ گرین شرٹس کو کیویز کے بعد بنگال ٹائیگر اور افغانستان کا چیلنج درپیش ہوگا، جبکہ انگلینڈ کے اگلے دو میچز مضبوط حریفوں بھارت اور نیوزی لینڈ سے ہیں، انگلینڈ کی شکست قومی ٹیم کی سیمی فائنل میں رسائی آسان بنادے گی۔

    پوائنٹس ٹیبل پر نظر ڈالی جائے تو قومی ٹیم نے اب تک 6 میچز کھیلے ہیں جس میں سے دو میچز جیتے، تین میں شکست ہوئی اور ایک میچ بارش کی نذر ہوا، قومی ٹیم کے 5 پوائنٹس ہیں۔

    ادھر کیوی ٹیم میگا ایونٹ کی ناقابل شکست ٹیم ہے اور اس نے پوائنٹس پر 11 پوائنٹس کے ساتھ دوسری پوزیشن حاصل کررکھی ہے۔

  • بھارت کے ہاتھوں شکست کے بعد ٹیم مینجمنٹ نے نئی حکمت عملی طے کرلی

    بھارت کے ہاتھوں شکست کے بعد ٹیم مینجمنٹ نے نئی حکمت عملی طے کرلی

    لندن: ورلڈ کپ کے اہم میچ میں بھارت کے ہاتھوں شکست کے بعد ٹیم مینجمنٹ نے نئی حکمت عملی طے کرلی۔

    تفصیلات کے مطابق ورلڈ کپ 2019 کے میچ میں بھارت کے ہاتھوں 89 رنز سے شکست کے بعد ٹیم مینجمنٹ نے نئی حکمت عملی طے کرلی ہے، ذہنی دباؤ دور کرنے کے لیے ٹیم مینجمنٹ کھلاڑیوں کو لے کر لندن پہنچ گئی۔

    ذہنی دباؤ دور کرنے کے لیے کھلاڑیوں کو 2 چھٹیاں دے دی گئیں، کھلاڑی دو دن آرام کریں گے۔

    قومی کرکٹ ٹیم 20 جون کو لارڈز کرکٹ گراؤنڈ میں پریکٹس کرے گی، گرین شرٹس اپنا اگلا میچ 23 جون کو جنوبی افریقا کے خلاف لندن میں کھیلے گی۔

    مزید پڑھیں: قومی کرکٹ ٹیم کے کپتان سرفراز احمد کھلاڑیوں پر برس پڑے

    واضح رہے کہ ورلڈ کپ میں قومی ٹیم کو تین میچز میں شکست کا سامنا کرنا پڑا ہے، گرین شرٹس کو ویسٹ انڈیز، آسٹریلیا اور بھارت کے ہاتھوں شکست ہوئی ہے، سری لنکا کے خلاف میچ بارش کی نذر ہوا تھا جبکہ انگلینڈ کو پاکستان نے شکست دی تھی۔

    جنوبی افریقا بھی ورلڈ کپ میں صرف ایک میچ افغانستان کے خلاف ہی جیت سکی ہے، پروٹیز کو بھارت، بنگلہ دیش اور انگلینڈ سے شکست ہوئی ہے۔

    قومی ٹیم کو ورلڈ کپ میں مزید چار میچز کھیلنے ہیں، 23 جون کو گرین شرٹس کا مقابلہ پروٹیز سے ہوگا جبکہ گرین شرٹس کا ٹاکرا بنگلہ دیش، نیوزی لینڈ اور افغانستان سے بھی ہونا ہے۔

  • دوسرا ٹی ٹوئنٹی : سرفراز الیون نے نیوزی لینڈ کو شکست دے کر سیریز اپنے نام کرلی

    دوسرا ٹی ٹوئنٹی : سرفراز الیون نے نیوزی لینڈ کو شکست دے کر سیریز اپنے نام کرلی

    دبئی : قومی کرکٹ ٹیم نے دوسرے ٹی ٹوینٹی میچ میں نیوزی لینڈ کو چھ وکٹوں سے شسکست دے دی، پاکستان نے تین میچوں کی سیریز 0-2 سے جیت لی۔

    تفصیلات کے مطابق پاکستان اور نیوزی لینڈ کی ٹیموں کے مابین تین ٹی ٹوئنٹی میچز کی سیریز کا دوسرا میچ دبئی انٹرنیشنل اسٹیڈیم میں کھیلا گیا۔ نیوزی لینڈ کے کپتان کین ولیمسن نے ٹاس جیت کر پہلے بیٹنگ کرنے کا فیصلہ کیا.

    نیوزی لینڈ کی ٹیم نے مقررہ 20 اوورز میں پہلے بیٹنگ کرتے ہوئے7وکٹوں کے نقصان پر153رنز اسکور کیے اور پاکستان کو جیت کے لیے154کا ہدف دیا۔

    جواب میں قومی ٹیم نے جارحانہ بیٹنگ کرتے ہوئے نیوزی لینڈ کے بالر کی جم کر پٹائی کی اور19.4اوورز میں154اسکور بنا کر چھ وکٹوں سے یہ میچ بھی اپنے نام کرلیا، اس طرح پاکستان نے آسٹریلیا کے بعد نیوزی لینڈ کو بھی سیریز میں شکست دے دی، شاہین شاہ آفریدی چار اوورز میں صرف 20رنز دے کر تین وکٹیں حاصل کرکے مین آف دی میچ قرار پائے۔

    پاکستانی ٹیم کی جانب سے فخر زمان نے15 گیندوں پر24 رنز، بابر اعظم نے41 گیندوں پر40رنز، آصف علی 34گیندوں پر38رنز بنائے۔ واضح رہے کہ پاکستان کی ٹی 20 سیریز میں یہ مسلسل11ویں کامیابی ہے، اس سے قبل پاکستان نے لگاتار دس ٹی 20 سیریز جیت رکھی ہیں۔

    اس سے قبل کیوز کی جانب سے کورے اینڈریسن 44 ناٹ آؤٹ جبکہ کولن منرو 44 اور اورکین ولیمسن37 رنز بنا کر نمایاں بلے باز رہے جبکہ شاہین آفریدی 3، محمد حفیظ اور  عماد وسیم نےایک ایک کھلاڑی کو نشانہ بنایا۔

    نیوزی لینڈ کی ٹیم میں کوئی تبدیلی نہیں کی گئی تھی جبکہ قومی ٹیم میں ایک تبدیلی کی گئی جس کے تحت صاحبزادہ فرحان کی جگہ اوپنر فخر زمان کو پلیئنگ الیون میں شامل کیا گیا۔

    اسکواڈ

    یاد رہے کہ گزشتہ میچ میں پاکستان نے نیوزی لینڈ کو پہلے ٹی ٹوئنٹی میچ میں سنسنی خیز مقابلے کے بعد 2 رنز سے شکست دی، تھی، محمد حفیظ کو میچ کا بہترین کھلاڑی قرار دیا گیا تھا۔

    واضح رہے کہ پاکستان اور نیوزی لینڈ کے درمیان متحدہ عرب امارات میں 3 ٹی ٹوئنٹی، 3 ون ڈے اور 3 ٹیسٹ میچز پرمشتمل سیریز کھیلی جائیں گی۔کیویز کو 0-2 سے شکست دے کر قومی کرکٹ ٹیم سرفراز احمد کی قیادت میں مسلسل گیارہویں سیریز اپنے نام کرسکتا ہے۔

  • سرفراز الیون کا بڑا کارنامہ: پاکستان 9 ٹی ٹوینٹی سیریز جیتنے والا پہلا ملک بن گیا

    سرفراز الیون کا بڑا کارنامہ: پاکستان 9 ٹی ٹوینٹی سیریز جیتنے والا پہلا ملک بن گیا

    کراچی: سرفراز الیون نے سہ فریقی ٹی ٹوینٹی سیریز جیت کر بڑا کارنامہ انجام دے دیا، پاکستان مسلسل نو ٹی ٹوینٹی سیریز جیتنے والا دنیا کا پہلا ملک بن گیا۔

    تفصیلات کے مطابق زمبابوے میں پاکستان کرکٹ ٹیم نے نئی تاریخ رقم کر دی، ٹی ٹوئنٹی کی عالمی رینکنگ میں پاکستان کی پوزیشن مزید مستحکم ہوگئی۔

    مسلسل نو سیریز جیتنے والی دنیا کی نمبر وَن پاکستان ٹیم زمبابوے میں چیمپئنز کی طرح کھیلی، فائنل میچ میں آسٹریلیا کو آؤٹ کلاس کردیا اور ثابت کر دیا کہ اس کے ساتھ کوئی مقابلہ نہیں۔

    اپنے آخری بارہ میچز میں پاکستان صرف ایک میچ ہارا لیکن سیریز جیتنے کی ٹرپل ہیٹ ٹرک ضرور کردی، پاکستان ٹی ٹوئنٹی میں سب سے آگے نکل گیا۔

    زمبابوے میں فتح حاصل کرنے کے ساتھ ہی سرفراز بھی ٹی ٹوئنٹی کے بہترین کپتان بن گئے، سرفراز کی کپتانی میں پاکستان 23 میچز جیتا جب کہ صرف چار میچز ہارا۔

    پاکستان نے سہ ملکی ٹی ٹوینٹی سیریز جیت لی،آرمی چیف کی مبارکباد

    خیال رہے کہ سرفراز کی قیادت میں پاکستان نے اب تک ستائیس میچز کھیلے ہیں، سہ ملکی سیریز میں کام یابی کے بعد پاکستان کی آئی سی سی رینکنگ میں پہلی پوزیشن مزید مستحکم ہوگئی۔

    کرکٹ کے ٹی 20 فارم میں پاکستان کی بادشاہت برقرار رہی، پوائنٹس ٹیبل پر پاکستان کرکٹ ٹیم 132 پوائنٹس کے ساتھ ٹاپ پر ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • پشاورزلمی نے پی ایس ایل کا ٹائٹل اپنے نام کرلیا

    پشاورزلمی نے پی ایس ایل کا ٹائٹل اپنے نام کرلیا

    لاہور: پی ایس ایل فائنل میں پشاور زلمی نے کوئٹہ گلیڈی ایٹرز کو 58 رنز سے شکست دے کر فتح اپنے نام کرلی، 149 رنز کے تعاقب میں کوئٹہ کی ٹیم 90 کے مجموعی اسکور پر آؤٹ ہوئی۔

    لاہور کے قذافی اسٹیڈیم میں کھیلے جانے والے میچ میں پشاور زلمی اور کوئٹہ گلیڈی ایٹرز مدمقابل ہیں، سرفراز الیون نے ٹاس جیت کر پشاور زلمی کو بیٹنگ کی دعوت دی۔ پشاور زلمی کی جانب سے بیٹنگ کا آغاز تیز تھا، تاہم ڈیوڈ میلان کے آوٹ ہونے کے بعد کامران اکمل نے بھی محتاط انداز میں بیٹنگ کی، کامران اکمل چالیس رنز کی عمدہ بیٹنگ کے باعث نمایاں بیٹسمین رہے، جبکہ ایمرٹ تین کھلاڑیوں کو آوٹ کر کے گلیڈی ایٹرز کے اچھے بالر ثابت ہوئے۔

    زلمی کے کپتان نے 11 بالز پر 28 رن کی اننگز کھیلی جبکہ مارلن سیموئلز 19 اور ڈیوڈ میلان نے 17 رنز بنائے۔ ہدف کے تعاقب میں گلیڈی ایٹرز کی بیٹنگ جاری ہے۔

    ہدف کے تعاقب میں کوئٹہ کی بیٹنگ کا آغاز اچھا نہ رہا اور سرفراز الیون کے کھلاڑی جلدی جلدی پویلین لوٹتے رہے، گلیڈی ایٹرز کی جانب سے شان ارون 24 رنز بنا کر نمایاں بیٹسمین رہے جبکہ محمد اصغر نے زلمی تین کھلاڑیوں کو پویلین بھیجا۔

     گلیڈی ایٹرز اننگز اوور بائی اوور

    سترہویں اوور کی تیسری بال پر گلیڈی ایٹرز کا آخری کھلاڑی بھی پویلین لوٹا اور زلمی کو 58 رنز سے فتح حاصل ہوئی۔

    سولہویں اوور کے اختتام پر گلیڈی ایٹرز کی ایک اور وکٹ گری جس کے بعد مجموعی اسکور 9 وکٹوں کے نقصان پر 88 تک پہنچا۔

    پندرہویں اوور میں گلیڈی ایٹرز کا ایک اور کھلاڑی پویلین لوٹا، اوور اختتام پر ٹیم کا مجموعی اسکور 83 تک پہنچا۔

    چودہویں اوور کے اختتام پر گلیڈی ایٹرز کا مجموعی اسکور 80 تک پہنچا۔

    تیرہویں اوور میں گلیڈی ایٹرز کو مزید 2 وکٹوں کا نقصان اٹھانا پڑا، 13 اوورز کے اختتام پر گلیڈی ایٹرز کا مجموعی اسکور 7 وکٹ کے نقصان پر 72 تک پہنچا۔

    بارہویں اوور کے اختتام پر ٹیم کا مجموعی اسکور 5 وکٹوں کے نقصان پر 69 تک پہنچا۔

    گیارہویں اوور کے اختتام پر ٹیم کا مجموعی اسکور 5 وکٹوں کے نقصان پر 60 تک پہنچا۔

    دسویں اوور میں 7 رنز کا اضافہ ہوا اور اسکور 55 تک پہنچا۔

    نویں اوور میں 10 رنز اضافے کے بعد مجموعی اسکور 5 وکٹوں کے نقصان پر 48 تک پہنچا۔

    آٹھویں اوور میں ٹیم کو ایک اور وکٹ کا نقصان اٹھانا پڑا، اوور اختتام پر مجموعی اسکور میں صرف ایک رن کا اضافہ ہوا۔

    ساتویں اوور میں چھ رنز اضافے کے بعد مجموعی اسکور چار وکٹوں کے نقصان پر 37 رنز تک پہنچا۔

    چھٹے اوور میں سرفراز احمد دو چوکے مارنے کے بعد 22 رنز بناکر آؤٹ ہوئے، 6 اوورز کے اختتام پر گلیڈی ایٹرز کا مجموعی اسکور چار وکٹوں کے نقصان پر 31 تک پہنچا۔

    پانچویں اوور میں احمد شہزاد ایک رن بنا کر پویلین لوٹے اور اس طرح گلیڈی کو تیسری وکٹ کا نقصان اٹھانا پڑا، اوور اختتام پر زلمی کا مجموعی اسکور 20 تک پہنچا۔

    چوتھے اوور میں گلیڈی ایٹرز کا دوسرے کھلاڑی انعام الحق بھی تین رن بناکر پویلین روانہ ہوئے، سرفراز احمد نے آتے ہی پہ در پہ دو چوکے مار کر ٹیم کا مجموعی اسکور 13 تک پہنچایا۔

    تیسرے اوور کے اختتام پر ٹیم کا مجموعی اسکور ایک وکٹ کے نقصان پر 5 تک پہنچا۔

    دوسرے اوور میں گلیڈی ایٹرز کے مورنی وین ایک رن بنا کر رن آوٹ ہوئے، اوور اختتام پر گلیڈی ایٹرز کا مجموعی اسکور 2 رن ہوا۔

    گلیڈی ایٹرز کی جانب سے اننگز کا آغاز احمد شہزاد اور مورنی وین نے کیا، پہلے اوور کے اختتام پر سرفراز الیون صرف ایک رن بنانے میں کامیاب رہی۔

    پشاور زلمی اننگز اوور بائی اوور

    بیسویں اوور میں سیمی کی جارحانہ بیٹنگ کے باعث 15 رنز کا اضافہ ہوا اور ٹیم کا مجموعی اسکور 148 تک پہنچا۔

    انیسویں اوور میں 18 رنز اضافے کے بعد زلمی کا مجموعی اسکور 133 تک پہنچا۔

    اٹھارہویں اوور کے اختتام پر زلمی کا مجموعی اسکور 6 وکٹوں کے نقصان پر 115 تک پہنچا۔

    سترہویں اوور کی دوسری بال پر محمد حفیظ 12 رنز بنا کرآوٹ ہوئے، جس کے بعد زلمی کو پانچویں وکٹ کا نقصان بھی اٹھانا پڑا، اگلی ہی بال پر افتخار احمد بھی ایل بی ڈبلیو ہوکر پویلین لوٹے، ریاض ایمرت کے اوور میں صرف دو رنز کا اضافہ ہوا، اختتام پر زلمی کا مجموعی اسکور 6 وکٹ کے نقصان پر 112 تک پہنچا۔

    سولہویں اوور میں پشاور زلمی کا مجموعی اسکور 110 تک پہنچا۔

    ہندرہویں اوور میں زلمی کا مجموعی اسکور چار وکٹوں کے نقصان پر 104 تک پہنچا۔

    چودہویں اوور میں زلمی نے اپنی سنچری مکمل کی، اوور اختتام پر مجموعی اسکور 101 رنز تک پہنچا۔

    تیرہویں اوور کے اختتام پر زلمی کا مجموعی اسکور چار وکٹوں کے نقصان پر 90 تک پہنچا۔

    بارہویں اوور میں زلمی کی چوتھی وکٹ 86 کے مجموعی اسکور پر گری، خوش دل ایک رن بنا کر پویلین لوٹے، اوور اختتام پر ٹیم کا مجموعی اسکور 87 تک پہنچا۔

    گیارہویں اوور میں سیمولز 19 رنز بنا کر پویلین لوٹے انہیں محمد نواز نے آوٹ کیا،

    دسویں اوور میں پشاور زلمی کی دوسری وکٹ گری، کامران اکمل 40 رنز بنا کر پویلین لوٹے، اوور اختتام پر زلمی کا مجموعی اسکور 2 وکٹوں کے نقصان پر 82 تک پہنچا۔

    نویں اوور کے اختتام پر زلمی کا مجموعی اسکور ایک وکٹ کے نقصان پر 64 تک پہنچا۔

    آٹھویں اوور کے اختتام پر زلمی کا مجموعی اسکور 57 تک پہنچا۔

    ساتویں اوور کے اختتام پر پشاور زلمی کا مجموعی اسکور 54 تک پہنچا۔

    چھٹے اوور کے اختتام پر پشاور زلمی کا مجموعی اسکور ایک وکٹ کے نقصان پر 52 تک پہنچا۔

    پانچویں اوور کی چوتھی بال پر پشاور زلمی کی پہلی وکٹ 42 کے مجموعی اسکور پر گری، میلان 17 رنز بنا کر پویلین لوٹے، نئے آنے والے بیٹسمین سیمولز ہیں، اوور اختتام پر زلمی کا مجموعی اسکور ایک وکٹ کے نقصان پر 46 تک پہنچا۔

    چوتھے اوور کے اختتام پر زلمی کا مجموعی اسکور بغیر کسی نقصان پر 41 تک پہنچا۔

    تیسرے اوور میں چھ رنز اضافے کے بعد زلمی کا مجموعی اسکور 34 تک پہنچا۔

    دوسرا اوور انور علی نے کروایا جس میں ایک چھکے اور ایک چوکے کی مدد سے زلمی کا مجموعی اسکور 28 تک پہنچا۔

    پشاور زلمی کی جانب سے اننگز کا آغاز کامران اکمل اور ڈیوڈ میلان نے کیا جبکہ گلیڈی ایٹرز کی جانب سے پہلا اوور ذوالفقار بابر نے کیا، اوور اختتام پر پشاور زلمی نے دو چوکوں کی مدد سے تیرہ رنز اسکور کیے۔

    ٹاس کے بعد میڈیا سے گفتگو کرتے ہوئے سرفراز نے کہا کہ ’’کھلاڑیوں کے واپس جانے سے تھوڑا ڈباؤ ضرور ہے مگر ٹیم آج اپنے روایتی کھیل کو پیش کرتے ہوئے جیتنے کی کوشش کرے گی۔

    پشاور زلمی کے کپتان سیمی نے کہا کہ لاہور آکر کھیلنے میں بہت مزہ آرہا ہے، اتنی بڑی تعداد میں لوگوں کی موجودگی اور اُن کی سپورٹ دیکھ کر بہت خوشی ہورہی ہے، یہاں کا ماحول بہت پرجوش ہے، عوام کی طرح پوری ٹیم شاہد آفریدی کی کمی کو شدت سے محسوس کررہی ہے۔

    اسکواڈ

    quetta-squad

    peshawar-squad

    پشاور کی ٹیم میں شاہد خان آفریدی کی جگہ افتخار احمد کو شامل کیا گیا ہے۔

    احمد شہزاد نے گفتگو کرتے ہوئے کہا کہ آج اپنے جذبات کو بیان نہیں کرسکتا، خواہش تھی کہ اپنے ملک میں اپنے لوگوں کے سامنے پرفارم کروں، اس موقع پر رمیز راجہ نے احمد شہزاد کو سیلفی لینے کا مذاق بھی بنایا۔

    10

    رمیز راجہ سمیت ڈیری مورسن نے شیروانی اور پاجاما زیب تن کیا۔ میچ سے قبل دونوں ٹیموں کے کھلاڑی میدان میں آئے اور قومی ترانہ پڑھا گیا۔

    تقریب تقسیم انعامات

    پی ایس ایل 2 کے بہترین کھلاڑی کی حنیف محمد کے نام کی اعزازی ٹرافی کامران اکمل کو دی گئی اور وہ ہی سیزن 2 کے بہترین وکٹ کیپر بھی قرار دیے گئے، کراچی کنگز کے سہیل خان کو سب سے زیادہ وکٹیں لینے پر بہترین باؤلر کی ٹرافی دی گئی۔

    پشاور زلمی کو جیت کے بعد 5 لاکھ ڈالرز کا انعام اور ٹرافی دی گئی، اس موقع پر رمیز راجہ نے زلمی کے کپتان سے گفتگو کرتے ہوئے کہا کہ آپ کے بورڈ نے آپ لوگوں کو عزت نہیں دی مگر ہم کھلاڑیوں کو عزت دینا جانتے ہیں۔

    سیمی نے تمام پاکستانیوں کا شکریہ ادا کرتے ہوئے کہا کہ ’’آج کا دن کرکٹ کے نام ہے، مجھے بہت خوشی ہے کہ پاکستان آکر کھیلنے کا موقع ملا، ٹیم کے تمام کھلاڑیوں نے بہت محنت کی اس لیے پشاور زلمی کو فتح حاصل ہوئی‘‘۔