اسلام آباد: وزیراعلیٰ بلوچستان سرفراز بگٹی کا کہنا ہے کہ بلوچستان میں کسی بڑے ملٹری آپریشن کی ضرورت نہیں خیبرپختونخوا طرز کا آپریشن کیا جاسکتا ہے۔
وزیراعلیٰ بلوچستان سرفراز بگٹی نے اسلام آباد میں پریس کانفرنس کرتے ہوئے کہا کہ ‘را ‘کی کٹھ پتلی فتنۃ الہندوستان کا بلوچوں سے کوئی تعلق نہیں، یہ خالصتاً دہشت گرد ہیں اور را فتنہ الہندوستان کی سرپرستی کررہا ہے۔
انہوں نے کہا کہ صوبائی وزیر منصوبہ بندی و ترقی ظہور احمد بلیدی اور چیف سیکریٹری بلوچستان کے ساتھ نیوز کانفرنس میں مزید کہا بھارت پاکستان کی ابھرتی معیشت کو برداشت نہیں کر پا رہا۔
سرفراز بگٹی نے کہا کہ پراکسیز کے ذریعے نئی سازش شروع کی ہے، اب سافٹ ٹارگٹ کو نشانہ بنا رہی ہے، ان کا جلد خاتمہ ہوگا، بلوچستان میں کسی بڑے فوجی آپریشن کی ضرورت نہیں لیکن خیبرپختونخوا طرز کا آپریشن کیا جاسکتا ہے۔
انہوں نے مزید کہا کہ مسنگ پرسنزکے حوالے سے قانون سازی کی ہے، معصوم لوگ مارے جاتے ہیں تب یہ خاموش ہوتے ہیں، کتنی بلوچ خواتین کو مارا جاتا ہے اس وقت کوئی بیان نہیں آتا۔
سرفراز بگٹی نے کہا کہ کونسا ملک اجازت دیتا ہے سڑک پر ملک توڑنے کی باتیں کریں، فتنہ الہندوستان سب سافٹ ٹارگٹ کو نشانہ بنارہی ہے اب ان کا خاتمہ ہوگا۔
وزیر اعلیٰ بلوچستان سرفراز بگٹی نے کہا ہے کہ پاکستانی قوم امن کے داعی ضرور ہیں مگر کمزور نہیں ہیں۔
تفصیلات کے مطابق وزیر اعلیٰ بلوچستان میر سرفراز بگٹی نے بھارتی میزائل حملوں کی شدید الفاظ میں مذمت کرتے ہوئے کہا ہے کہ بھارت کی جانب سے میزائل حملے کھلی جارحیت اور علاقائی امن کو سبوتاژ کرنے کی سازش ہیں۔
انہوں نے کہا کہ بلوچستان کے عوام دشمن کو منہ توڑ جواب دینے کے لیے پاک فوج کے ساتھ ہیں، بھارت کا جنگی جنون جنوبی ایشیا کو تباہی کی طرف دھکیل رہا ہے۔
وزیراعلیٰ بلوچستان کا کہنا تھا کہ عالمی برادری بھارتی جارحیت کا نوٹس لے ہم امن کے داعی ضرور ہیں مگر کمزور نہیں، افواج پاکستان ہر قسم کی جارحیت کا بھر پور جواب دینے کی صلاحیت رکھتی ہے اور دے رہی ہے۔
دوسری جانب وزیراعلیٰ پنجاب مریم نواز شریف نے بھارت کے 5 جنگی طیارے مار گرانے پر پاک فضائیہ کو شاندار الفاظ میں خراجِ تحسین پیش کرتے ہوئے کہا ہے کہ آج بھارت کا غرور، تکبر اور جھوٹا پروپیگنڈہ فضاؤں میں جل کر راکھ ہو چکا ہے۔
وزیراعلیٰ نے اپنے بیان میں کہا کہ پاک فضائیہ نے دنیا پر یہ واضح کر دیا ہے کہ پاکستان امن کا خواہاں ضرور ہے، لیکن اپنے دفاع پر کوئی سمجھوتا نہیں کرے گا۔ یہ صرف ایک عسکری ردعمل نہیں بلکہ ایک تاریخی لمحہ ہے جسے قوم ہمیشہ یاد رکھے گی۔
کوئٹہ : وزیراعلیٰ بلوچستان سرفراز بگٹی نے کہا ہے کہ بلوچستان میں سیاسی مسئلہ ہے کہاں؟ مذاکرات کریں تو کس سے کریں؟
اے آر وائی نیوز کی رپورٹ کے مطابق وزیراعلیٰ بلوچستان سرفراز بگٹی کا کہنا ہے دہشت گردوں کے ساتھ مذاکرات کریں تو کس بات پر کریں، بلوچستان میں سیاسی مسئلہ ہے کہاں؟
اپنے بیان میں انہوں نے بتایا کہ یہ بات درست ہے کہ مالک بلوچ نے بطور وزیر اعلیٰ مذاکرات شروع کیے تھے، عبدالمالک بلوچستان نے مجھے بطور وزیر داخلہ اور نہ اسمبلی کو اعتماد میں لیا تھا۔
سرفراز بگٹی نے کہا کہ بندوق اٹھانے والے مذاکرات کرنا ہی نہیں چاہتے، اچھی بات یہ ہے کہ مذاکرات سے ہی صوبے کے تمام مسائل حل ہوں۔
ان کا کہنا تھا کہ بلوچستان کے تناظر میں پاکستان اس وقت 2 طرح کے حملوں کی زد میں ہے، ایک طرف دہشت گرد ہیں تو دوسرے ان کے حامی ہیں۔
وزیراعلیٰ بلوچستان نے کہا کہ دہشت گردوں کی آواز بننے والی سیاسی جماعتوں کو انگیج کرنا چاہیے، جو جماعتیں الیکشن کمیشن میں رجسٹرڈ ہیں ان سے مذاکرات ہوسکتے ہیں اور ہو بھی رہے ہیں۔
انہوں نے کہا کہ کیا ٹرین کے مسافر متاثرین نہیں؟ ان سے متعلق کیوں خاموشی چھائی ہوتی ہے؟ بلوچستان میں دہشت گردی بڑھنے کی وجہ افغانستان سے امریکی اسلحہ پاکستان آنا ہے۔
سرفراز بگٹی کا کہنا تھا کہ کالعدم ٹی ٹی پی کو واپسی کی اجازت دینا دہشت گردی بڑھنے کی دوسری وجہ ہے، مسئلے کا کوئی حل اختر مینگل یا عبدالمالک بلوچ کو نظر آتا ہے تو ہمیں بتائیں ہم تیار ہیں۔
وزیراعلیٰ بلوچستان نے مزید کہا کہ افغان طالبان حکومت نے اپنا وعدہ پورا نہیں کیا، اس میں سارا قصور ہے ان کا ہے ہمارا نہیں۔
یاد رہے کہ اس سے قبل ڈی جی آئی ایس پی آر کے ساتھ نیوز کانفرنس کرتے ہوئے وزیر اعلیٰ بلوچستان سرفراز بگٹی نے کہا تھا کہ خود کو لبرل کہنے والے علیحدگی پسند مذہبی شدت پسندوں سے ملے ہوئے ہیں، کتنے دہشت گردوں کو جیلوں سے چھوڑا گیا انہوں نے واپس جاکر کیمپس جوائن کرلیے۔
انہوں نے کہا کہ جو دہشت گرد اسلام کے نام پر شرپسندی کرتا ہے اسے ناراض بلوچ کا نام دیا جاتا ہے، یہ کونسی ناراضی ہے آرٹیکل 5 بہت کلیئر ہے، یہ ناراض بلوچ نہیں بلکہ دہشت گرد ہیں۔
وزیر اعلیٰ بلوچستان سرفراز بگٹی کا کہنا ہے کہ بلوچ گروپ خود کو بڑے لبرل کہتے ہیں لیکن ان سب کی نانی ’را‘ ہے۔
ڈی جی آئی ایس پی آر کے ساتھ نیوز کانفرنس کرتے ہوئے وزیر اعلیٰ بلوچستان سرفراز بگٹی نے کہا کہ خود کو لبرل کہنے والے علیحدگی پسند مذہبی شدت پسندوں سے ملے ہوئے ہیں، کتنے دہشتگردوں کو جیلوں سے چھوڑا گیا انہوں نے واپس جاکر کیمپس جوائن کرلیے۔
انہوں نے کہا کہ جو دہشت گرد اسلام کے نام پر شرپسندی کرتا ہے اسے ناراض بلوچ کا نام دیا جاتا ہے، یہ کونسی ناراضی ہے آرٹیکل 5 بہت کلیئر ہے، یہ ناراض بلوچ نہیں بلکہ دہشت گرد ہیں۔
سرفراز بگٹی نے کہا کہ دہشت گرد صرف اور صرف سافٹ ٹارگٹ ڈھونڈ رہے ہیں، 425 مسافروں نے ٹکٹ ایشو کیے وہ کسی بھی اسٹیشن سے بیٹھ سکتے تھے، ہوسکتا ہے کچھ لوگوں نے اس ٹرین میں ٹکٹ کے باوجود ٹریول نہ کیا ہو۔ایسا بھی ہوسکتا ہے کہ کچھ مسافر جو بھاگ گئے وہ واپس دہشت گردوں کے ہاتھ لگ گئے۔
وزیر اعلیٰ نے کہا کہ ٹرین سے بھاگنے والے دو لوگ کل شام بھی ایف سی کی چیک پوسٹ پر آئے، لبرل اور مذہبی شدت پسندوں کو ایک ہی جگہ سے فنڈنگ ہورہی ہے، امریکا کی جنگ کے دوران بھی ہم نے افغانستان کی مدد کی ہے، جتنے بھی بی ایل اے دہشت گرد ہیں وہ افغان ریاستی سرپرستی میں پل رہے ہیں ادھر ان کے کارڈ بھی بنے ہوئے ہیں۔
انہوں نے کہا کہ پاکستان کے خلاف افغانستان کسی اور ملک کی پراکسی بنا ہوا ہے، انٹیلیجنس ایجنسیز نے تربت میں 280 کلو دھماکا خیز مواد کی کارروائی کو ناکام بنایا یہ کسی کو نظر نہیں آتا، خاص قسم کا بیانیہ پھیلا کر پاکستان میں سب کو کنفیوژ کیا جاتا ہے، یہ حقوق کی جنگ نہیں بلکہ صرف دہشت گردی ہے۔
سرفراز بگٹی نے مزید کہا کہ جعفر ایکسپریس میں مسافروں کے ساتھ موجود سپاہی غیر مسلح اور چھٹی پر جارہے تھے، دہشت گردی کا تعلق بلوچستان کی محرومی سے نہیں یہ کسی کے اشارے پر ملک توڑنا چاہتے ہیں۔
انہوں نے کہا کہ کوئی ایک شخص بھی لاپتا ہے تو اس کی کوئی وضاحت نہیں ہے، کوئی شخص لاپتا ہے تو اس کو ڈھونڈا بھی حکومت کی ذمہ داری ہے، لاپتا شخص کو ٹول کے طور پر استعمال کیا جائے گا تو اس کی مذمت کریں گے۔
وزیر اعلیٰ بلوچستان نے کہا کہ دہشت گردی کو ختم کرنے کے لیے افواج پاکستان میں بھرپور استعداد اور صلاحیت موجود ہے۔
اسلام آباد: بلوچستان میں پیش آنے والے سانحہ جعفر ایکسپریس پر ڈی جی آئی ایس پی آر لیفٹیننٹ جنرل احمد شریف چوہدری کی وزیر اعلیٰ بلوچستان سرفراز بگٹی کے ہمراہ اہم پریس کانفرنس جاری ہے۔
اے آر وائی نیوز کے مطابق پریس کانفرنس میں ڈی جی آئی ایس پی آر جعفر ایکسپریس واقعے کے آپریشن کی تفصیلات پیش کررہے ہیں، آپریشن کے دوران جو رکاوٹیں پیش آئیں اس حوالے سے بھی آگاہ کررہے ہیں۔
ڈی جی آئی ایس کا پریس کانفرنس کے دوران کہنا تھا کہ 11تاریخ کو ایک بجے کے قریب جعفر ایکسپریس پر آئی ای ڈی دھماکا کرکے روکا گیا، دہشتگردوں نے تین ایف سی جوانوں کو بھی شہید کیا۔
ڈی جی آئی ایس پی آر نے بتایا کہ دہشتگرد مختلف گروپس میں بٹے ہوئے تھے، دہشتگردوں کے ایک گروپ نے خواتین اور بچوں کو ٹرین کے اندر رکھا۔
دہشتگردوں نے ٹرین پر حملے سے پہلے قریبی ایف سی پوسٹ پر حملہ کیا، حملے میں 3 سپاہیوں کو شہید کیا گیا، ان عناصر کیساتھ کوئی رعایت نہیں برتی جائیگی۔
جہاں جعفر ایکسپریس واقع پیش آیا انتہائی مشکل ترین علاقہ ہے، مسافروں کو ٹرین سے باہر زمین پر اکھٹا کیاگیا، ایک گروپ نے بچوں اورخواتین کو ٹرین میں رکھا باقی مسافروں کوباہرلے آئے۔
انہوں نے کہا کہ حملے کے ساتھ ہی میڈیا پر جنگ شروع ہوئی جو بھارت سے چلائی جارہی تھی، جب یہ واقعہ پیش آیا تو فزیکل ایکٹیویٹی چل رہی تھی، ان دہشتگردوں کی سپورٹ میں انفارمیشن وار بھی چلنا شروع ہوگئی۔
اس انفارمیشن وار کو بھارتی میڈیا لیڈ کررہا تھا، بھارتی میڈیا پرانی ویڈیو دکھا کر پروپیگنڈا کررہا تھا، بھارتی میڈیا نے ٹرین پر دہشتگردی کے حملے کو کارنامے کے طور پر دکھایا۔
ڈی جی آئی ایس پی آر کا کہنا تھا کہ بھارتی میڈیا پرانی ویڈیو دکھا کر پروپیگنڈا کررہا تھا، اے آئی تصاویر، دہشتگردوں کی دی گئی جعلی ویڈیو دکھا کر پروپیگنڈا کیا گیا، بھارتی میڈیا سوشل میڈیا سے ٹرین کی پرانی ویڈیو دکھاتا رہا۔
دہشتگردوں کا ایک چھوٹا گروپ ٹرین میں خودکش بمبار کیساتھ رکا، دہشتگردوں کی بڑی تعداد یرغمالیوں کو لیکر پہاڑوں پر گئی، 12مارچ کی صبح ایف سی ، پاک فوج نے دہشتگردوں کو گھیرے میں لے رکھا تھا۔
دہشتگردوں سے فائرنگ کا تبادلہ ہوا تو کچھ یرغمالیوں کو بھاگنے کا موقع ملا، دہشتگردوں کو ہمارے اسنائپرز نے انگیج کیا جس کی بدولت یرغمالیوں کو بھاگنے کا موقع ملا۔
دہشتگردوں کی گفتگو سے واضح تھا کہ درمیان میں خودکش بمبارموجود ہیں، خودکش بمباروں کی وجہ سے آپریشن کو احتیاط کےذریعے آگے بڑھایا جا رہا تھا۔
ضرار کمپنی کے شوٹرز نے سب سے پہلے خودکش حملہ آوروں کو نشانہ بنایا، خودکش بمباروں کو نشانہ بنانے پر کچھ مسافر افراتفری میں بھاگنے میں کامیاب ہوئے، ضرار کمپنی کے جوان سب سے پہلے ٹرین کے انجن کی طرف سے کلیئرنس کیلئے اندر داخل ہوئے۔
ڈی جی آئی ایس پی آر کا کہنا تھا کہ پاک فوج کے جوانوں نے ایک ایک بوگی چیک کرکے ٹرین کو کلیئر کیا، سیکیورٹی فورسز کے آپریشن کے دوران ایک بھی مغوی کو جانی نقصان نہیں پہنچا۔
کوئٹہ: وزیر اعلیٰ بلوچستان سرفراز بگٹی نے وفاقی حکومت سے صوبے میں موٹروے بنانے کا مطالبہ کردیا۔
اے آر وائی نیوز کے مطابق وزیر اعلیٰ بلوچستان سرفراز بگٹی نے میڈیا سے گفتگو کرتے ہوئے کہا کہ بلوچستان میں کوئی موٹروے نہیں ہے وفاق ہمیں صرف دس کلو میٹر موٹر وے دے دے، ہمارے شہری بھی موٹروے پر سفر کرلیں گے۔
انہوں نے کہا کہ پاکستان کو بھی چینیوں والی سیکیورٹی دیں گے جس کو صوبے میں سرمایہ کاری کرنی ہے وہ سیدھا میرے پاس آئے۔
سرفراز بگٹی نے کہا کہ بلوچستان میں پانچ نہیں دس ہزار ایکڑ زمین دیں گے، کاروبار کے لیے صوبائی حکومت ہر قسم کی مدد فراہم کرے گی۔
وزیراعلیٰ بلوچستان نے کہا کہ بلوچستان میں صنعتی ترقی کےلیے توانائی کے متبادل ذرائع پر توجہ دینا ہوگی، صوبے میں پبلک پرائیویٹ پارٹنر شپ کے تحت سرمایہ کاری کی جائے۔
سرفراز بگٹی نے کہا کہ بلوچستان کی ترقی کےلیے 210 ارب کا ترقیاتی بجٹ ناکافی ہے۔
ان کا کہنا تھا کہ معدنیات کے شعبے میں ویلیو ایڈیشن کے ذریعے اربوں ڈالر کما سکتے ہیں، ہم معدنیات برآمد کریں گے۔
کوئٹہ: وزیراعلیٰ بلوچستان سرفراز بگٹی نے کہا ہے کہ آرٹیفشل انٹیلی جنس کے ذریعے پاکستان کے خلاف سازش ہورہی ہے۔
تفصیلات کے مطابق وزیراعلیٰ نے کوئٹہ میں گرلزکالج میں پنک اسکوٹی تقسیم کرنےکی تقریب سے خطاب کرتے ہوئے کہا کہ میرا وژن ہے ہر لڑکی کو پنک اسکوٹی ملے، تقریری مقابلوں، کھیلوں میں حصہ لینے والوں کو بھی اسکوٹی ملے گی۔
بلوچستان کے وزیر اعلیٰ نے کہا کہ پاکستان مخالف پروپیگنڈے کیخلاف میرا ساتھ دیں، آرٹیفشل انٹیلی جنس کے ذریعے پاکستان کے خلاف سازش ہورہی ہے، نوجوانوں کو استعمال کرکے پاکستان کے خلاف سازش کی جارہی ہے، بیرون ملک بیٹھے سیل آپ کا دماغ پڑھ رہے ہیں، آپ کو ریاست اور پاکستان سے دور کررہے ہیں۔
سرفراز بگٹی نے کہا کہ سوشل میڈیا پر نوجوانوں کیلئے پروپیگنڈا کیا جارہا ہے، بلوچستان میں اساتذہ، نوجوانوں اور معصوم لوگوں کو خون میں نہلایا گیا، ہزارہ قوم اور دیگر لوگوں کا کیا قصور تھا جنہیں مارا گیا؟
وزیراعلیٰ بلوچستان نے کہا کہ جب تک بلوچستان کے لوگ آگے نہیں آئیں گے حالات نہیں بدلیں گے، پشین میں میرٹ پر تقرری کی ہیں، بچے بھی والدین کو بتائیں کے رشوت کسی کو نہ دیں، آپ کے پاس موبائل کیمرہ ہے جو پیسے مانگے ویڈیو بنائیں میں الٹا لٹکا دوں گا۔
کوئٹہ: وزیر اعلیٰ بلوچستان سرفراز بگٹی کا کہنا ہے کہ اگر میرے استعفے سے دہشتگردی رک جاتی ہے تو میں ایک لمحہ بھی نہیں لگاؤں گا۔
وزیر اعلیٰ بلوچستان نے اپنے ایک بیان میں کہا کہ بلوچستان میں فوجی آپریشن کی ضرورت نہیں کیونکہ دہشتگردوں کی اتنی طاقت نہیں کہ ان کے خلاف فوجی آپریشن کریں، دہشتگردوں کا کا سب سے بڑا ٹول کمیونیکشن ہے۔
سرفراز بگٹی نے کہا کہ ہم نے پورے بلوچستان میں فور جی سروسز دیں، دہشتگرد بھی فور جی سروس کا استعمال کر رہے ہیں، مشاورت کریں گے کہ صوبے میں کہاں فور جی سروس دینی اور کہاں نہیں۔
انہوں نے کہا کہ صوبے میں ایک آسان ہدف تلاش کر کے لوگوں کو شہید کیا، دہشتگردی پر تشویش ہے مذمت کا لفظ تو چھوٹا ہے، بلوچستان بہت بڑا صوبہ ہے 30 ہزار سے زائد کان کن ہیں، ہمارا عزم موجود ہے پُرامن ماحول دیں گے۔
ان کا کہنا تھا کہ ریاستی ادارے ملک کے انچ انچ کی حفاظت کرتے ہیں، دہشتگرد کسی ایک جگہ کو ڈھونڈ کر حملہ کرتے ہیں، ڈپٹی کمشنر ذاکر کے قتل میں ملوث 6 حملہ آوروں کو ہلاک کیا گیا۔
سرفراز بگٹی نے مزید کہا کہ دہشتگردی کے مسئلے کا حل پالیسی کے تسلسل میں ہے، دہشتگردی کے خلاف اتفاق رائے پیدا کرنے کی ضرورت ہے، تربت میں سکیورٹی فورسز نے 280 کلو بارود برآمد کیا، تربت سے برآمد بارود پھٹ جاتا تو پورا شہر متاثر ہوتا۔
کوئٹہ: وزیر اعلیٰ بلوچستان سرفراز بگٹی نے کہا ہے کہ حکومت غیر معمولی حالات میں غیر معمولی اقدامات کیلئے تیار ہے۔
تفصیلات کے مطابق وزیراعلیٰ بلوچستان سرفراز بگٹی نے سینٹرل پولیس آفس کا دورہ کیا جہاں انہیں موسیٰ خیل، قلات، بولان، بیلہ، کھڈ کوچہ، نوشکی کی سیکیورٹی صورتحال پر بریفنگ دی گئی۔
اس موقعے پر وزیراعلیٰ بلوچستان سرفراز بگٹی نے کہا کہ سی ٹی ڈی، پولیس، لیویز کو جدید آلات، ساز و سامان سے لیس کیا جائیگا، حکومت غیر معمولی حالات میں غیر معمولی اقدامات کیلئے تیار ہے۔
وزیر اعلیٰ نے ہدایت جاری کی کہ قانون نافذ کرنے والے ادارے سیکیورٹی کا جامع پلان مرتب دیں، کسی بھی افسوسناک واقعے کی صورت میں مؤثر اور فوری رد عمل دیا جائے، شاہراہوں کی حفاظت کے لئے گشت کو بڑھایا جائے۔
سرفراز بگٹی کا کہنا تھا کہ حکومت افسوسناک واقعات میں ملوث عناصر کو منطقی انجام تک پہنچائے گی، دہشت گردوں اور ان کے سہولت کاروں کو کیفر کردار تک پہنچایا جائے گا، بے گناہ اور معصوم لوگوں کو نشانہ بنانے والے کسی رعایت کے مستحق نہیں ہیں۔
سرفراز بگٹی کا کہنا تھا کہ ریاست کی رٹ کو ہر صورت قائم رکھا جائے گا، بدامنی اور انتشار پھیلانے والوں کو کسی صورت معاف نہیں کیا جائے گا۔
کوئٹہ: وزیر اعلیٰ بلوچستان سرفراز بگٹی کی پریس کانفرنس کے دوران بجلی چلی گئی جس پر انہوں نے ناپسندیدگی کا اظہار کیا۔
وزیراعلی بلوچستان میر سرفراز بگٹی وزیراعلی سیکرٹیریٹ میں صوبائی وزرا کے ہمراہ پریس کانفرنس کررہے تھے کہ اس دوران بجلی چلی گئی ہال میں اندھیرا چاگیا وزیراعلی بلوچستان نے موضوع سے ہٹ کر صحافیوں سے کہا کہ کیوں نہ کیسکو پر بات کرلیں۔
وزیراعلی بلوچستان نے کہا کہ صوبے میں 50 ڈگری سینٹی گریڈ گرمی میں طویل لوڈشیڈنگ کی جارہی ہے شدید گرمی میں دیہی علاقوں میں 2 سے 3 گھنٹے صرف بجلی لوگوں کو مل۔رہی ہے انہوں نے کہا کہ کیسکو نے بلوچستان میں ظلم کا بازار گرم کر رکھا ہے طویل لوڈشیڈنگ کے حوالے سے وزیراعظم سے بھی بات کریں گے ۔ یاد رہے گزشتہ روز بلوچستان اسمبلی اجلاس کے دوران بھی بجلی چلی گئی تھی جس پر اسپیکر صوبائی اسمبلی نے ناپسندیدگی کا اظہار کیا تھا
گزشتہ روز وزیر اعظم شہباز شریف نے ملک بھر میں غیر اعلامیہ لوڈشیڈنگ کا نوٹس لیتے ہوئے اہم اجلاس طلب کیا جس میں تمام متعلقہ وزرا و افسران کو شرکت کی ہدایت کی گئی۔
اجلاس میں وزیر اعظم شہباز شریف شدید گرمی میں بجلی کی لوڈشیڈنگ سے متعلق اہم فیصلہ کریں گے۔
