Tag: سرفراز خان

بھارتی ٹیم کے ہیڈ کوچ گوتم گمبھیر نے آسٹریلیا کے خلاف سیریز میں ڈریسنگ روم کی باتیں لیک کرنے کا الزام نوجوان بیٹر سرفراز خان پر لگادیا۔

بارڈر گواسکر ٹرافی میں آسٹریلیا نے بھارت کو 3-1 سے شکست دی جس کے بعد بھارت کا چیمپئن شپ کے فائنل کھیلنے کا خواب بھی چکنا چور ہوگیا، بھارت صرف ایک ٹیسٹ میں آسٹریلیا کو ہرا سکا۔

تاہم عبرتناک شکست کے بعد ہیڈ کوچ گوتم گمبھیر کی کرسی خطرے میں ہونے کی خبریں بھی سامنے آئیں۔

اب گوتم گمبھیر نے ڈریسنگ روم کی خبریں لیک کرنے کا الزام بھی سرفراز خان پر لگادیا ہے اور کہا کہ ڈریسنگ روم کی خبریں سرفراز خان لیک کررہے تھے۔

رپورٹ کے مطابق گمبھیر نے یہ الزام بی سی سی آئی کے اسٹیک ہولڈرز کی میٹنگ کے دوران لگایا اور کہا کہ یہ سرفراز ہی تھا جس نے باکسنگ ڈے ٹیسٹ میچ میں شکست کے بعد ڈریسنگ روم کے بارے میں میڈیا میں معلومات لیک کی تھیں۔

رپورٹ میں یہ بھی شامل کیا گیا کہ بی سی سی آئی کے اسٹیک ہولڈرز سرفراز سے خوش نہیں ہیں اور جب تک گمبھیرٹیم کے ہیڈ کوچ ہے سرفراز کا بھارت کے لیے کھیلنے کا امکان نہیں۔

تاہم رپورٹ میں اس بات کی تصدیق نہیں ہوئی کہ آیا گمبھیر کے پاس سرفراز کے خلاف کوئی ثبوت ہے یا نہیں۔

واضح رہے کہ بارڈر گواسکر ٹرافی کے دوران بھارتی ٹیم کے سرفراز خان کوئی ٹیسٹ میچ نہیں کھیلے اور بینچ پر بیٹھ کر سارے میچ دیکھتے رہے۔

بھارت کے سابق لیجنڈ بیٹر سچن ٹنڈولکر نے مڈل آرڈر بیٹر سرفراز خان کی شاندار اننگز کے بعد ان کے لیے تعریفوں کے پل باندھ دیے۔

نیوزی لینڈ کے خلاف دوسری اننگز میں سرفراز خان کی بیٹنگ دیکھنے کے بعد لٹل ماسٹر ٹنڈولکر سے رہا نہیں گیا اور انھوں نے اپنی ٹوئٹ میں ان کی کھل کر تعرفی کی، سچن نے اپنی پوسٹ میں لکھا کہ آپ نے کتنے اہم موقع پر اپنی پہلی ٹیسٹ سنچری اسکور کی ہے۔

ٹنڈولکر نے کہا کہ جب بھارت کو سب سے زیادہ ضرورت تھی تو اس موقع پر سرفراز خان نے اپنی پہلی ٹیسٹ سنچری بنائی، لٹل ماسٹر نے ان کے بہترین مستقبل کی بھی پیشگوئی کی۔

اس کے علاوہ سابق بھارتی بیٹر نے نیوزی لینڈ کے نوجوان بیٹر راچن راویندرا کی بیٹنگ کو بھی کافی سراہا، انھوں نے کہا کہ لگتا ہے کہ بنگلورو سے راچن کا خاص تعلق ہے۔

سچن ٹنڈولکر نے لکھا کہ ان کی فیملی بنگلورو سے تعلق رکھتی ہے اور انھوں نے اس ٹیسٹ میچ میں اپنے کیریئر کی ایک اور سنچری بناڈالی، آخر میں ٹنڈولکر نے کہا کہ دونوں پلیئرز صلاحیتوں سے بھرپور ہیں اور ان کا مستقبل تابناک ہے۔

خیال رہے کہ بھارتی ٹیم نیوزی لینڈ کے خلاف ٹیسٹ میچ میں اپنی پہلی اننگز میں صرف 46 رنز بنا کر آؤٹ ہوگئی تھی جبکہ مہمان ٹیم نے اس کے جواب میں 402 رنز اسکور کیے تھے۔

کیویز کی پہلی اننگز میں راچن رویندرا نے سنچری جڑتے ہوئے 134 رنز کی باری کھیلی تھی جبکہ بھارت کی دوسری اننگز میں سرفراز خان نے بہتری بلے بازی کا مظاہرہ کرتے ہوئے 150 رنز کی اننگز کھیلی تھی۔

بھارتی کپتان روہت شرما لیگ سلپ میں کھڑے سرفراز خان کے کہنے کے باوجود ڈی آر ایس نہ لے کر غلط ثابت ہوگئے۔

یہ واقعہ 26 ویں اوور میں رونما ہوا جب اوپنر زیک کرولی لیگ اسپنر کلدیپ یادیو کا سامنا کررہے تھے۔ روہت نے لیگ سائیڈ پر بیٹر کے قریب ہی ایک فیلڈر کو کھڑا کرنے کا فیصلہ کیا۔ سرفراز کو لیگ سلپ اور شارٹ لیگ کے درمیان کھڑا کیا گیا۔

اس وقت انگلش اوپنر61 رنز پر کھیل رہے تھے کہ کلدیپ کی ایک ڈیلیوری ان کے بیٹ اور پیڈ نہایت معمولی کنارہ لیتی ہوئی سرفراز کی طرف گئی۔

بھارتی فیلڈر نے ڈائیو لگاتے ہوئے پھرتی سے کیچ تھام لی اور فوراً ہی جشن منانا شروع کر دیا تاہم اس وقت الجھن پیدا ہوگئی جب وکٹ کیپر دھروو جوریل ان کی بات پر قائل نہیں ہوئے۔

اس دوران روہت شرما بھی ان کے قریب آئے تو سرفراز نے انھیں بتایا کہ یہ آؤٹ ہے اور ڈی آر ایس سے استفادہ کیا جائے مگر بھارتی کپتان نہ مانے اور ڈی آر ایس کا وقت گزر گیا۔

بعدازاں ری پلے میں الٹرا ایج سے ظاہر ہوا کہ یہ آؤٹ تھا جس سے سرفراز کی بات سچ ثابت ہوگئی۔ اس دوران بھارتی فیلڈر نے کپتان کی طرف مسکراتے ہوئے دیکھا، جنھوں نے اپنی غلطی تسلیم کرتے ہوئے ان کی طرف انگوٹھا لہرایا۔

انگلینڈ کے خلاف تیسرے ٹیسٹ میں ڈیبیو کرنے والے بھارتی نوجوان کرکٹر سرفراز خان کی قسمت کا ستارہ چمک اٹھا۔

سرفراز نے اپنے ٹیسٹ کیرئیر کا بہترین آغاز کیا، انھوں نے انگلینڈ کے خلاف راجکوٹ ٹیسٹ کے دوران اپنے پہلے بین الاقوامی میچ کی دونوں اننگز میں نصف سنچریاں بنائیں۔ پہلی باری میں نوجوان بیٹر نے 62 جبکہ دوسری اننگز میں انھوں نے 68 ناٹ آؤٹ رنز کی اننگز کھیلنے میں کامیاب رہے تھے۔

اس سے قبل 26 سالہ سرفراز 2019 سے ڈومیسٹک کرکٹ میں رنز کے انبار لگانے کے باوجود، آئی پی ایل میں کوئی تاثر چھوڑنے میں ناکام رہے ہیں تاہم اس بار انھیں کئی فرنچائز اپنی ٹیم کا حصہ بنانا چاہتے ہیں۔

بھارتی بیٹر کو دہلی کیپٹلز نے آئی پی ایل 2024 سے قبل ریلیز کیا تھا کیونکہ انھوں نے چار میچوں میں صرف 53 رنز بنائے تھے۔ دہلی کیپٹلز کے ڈائریکٹر ساروو گنگولی نے سرفراز کو پانچ روزہ کرکٹ کا پلیئر قرار دیا تھا۔

گنگولی نے کہا کہ میرے خیال میں وہ ٹیسٹ کے زیادہ اچھے کھلاڑی ہیں۔ ٹی ٹوئنٹی ایک مختلف فارمیٹ ہے۔

اس سے قبل سرفراز نے 2015 میں رائل چیلنجرز بنگلور کے لیے 17 سال کی عمر میں اپنا آئی پی ایل ڈیبیو کیا تھا۔ اس وقت انھوں نے 156.33 کے اسٹرائیک ریٹ سے 111 رنز بنائے تھے۔

آئی پی ایل 2024 سے قبل تین فرنچائزز کی جانب سے سرفراز سے مبینہ طور پر رابطہ کیا گیا تھا۔ مینٹور گوتم گمبھیر نے سرفراز کو کے کے آر کا حصہ بنانے میں دلچسپی ظاہر کی ہے۔

تاہم انھیں چنئی سپر کنگز سے سخت مقابلے کا سامنا کرنا پڑسکتا ہے جبکہ رائل چیلنجرز بنگلور نے بھی سرفراز کو خریدنے میں دلچسپی ظاہر کی ہے۔

بھارتی کپتان روہت شرما نے فیلڈنگ کے دوران سرفراز خان کی ہلکی سی سرزنش کرتے ہوئے انھیں ہیرو نہ بننے کا مشورہ دے دیا۔

گراؤنڈ سے روہت شرما کی ایک اور ویڈیو سوشل میڈیا پر وائرل ہورہی ہے جس میں وہ سرفراز خان کو بلے باز کے قریب فیلڈنگ کرتے وقت ہیلمٹ پہننے کی یاد دلاتے سنائی دے رہے ہیں۔۔

سابق ٹوئٹر اور موجودہ ایکس پر وائرل ہو نے والی ویڈیو میں، روہت کو سرفراز کو خبردار کرتے ہوئے دیکھا جا سکتا ہے، وہ کہہ رہے ہیں ’’ارے بھائی، زیادہ ہیرو مت بن۔‘‘

یہ واقعہ انگلینڈ کی دوسری اننگز کے 47 ویں اوور میں پیش آیا جب سرفراز بیٹر کے قریب فیلڈنگ کرنے آئے لیکن وہ ہیلمٹ نہیں پہنے ہوئے تھے۔

🔊 Hear this! Rohit does not want Sarfaraz to be a hero?🤔#INDvsENG #IDFCFirstBankTestSeries #BazBowled #JioCinemaSports pic.twitter.com/ZtIsnEZM67

— JioHotstar Reality (@HotstarReality) February 25, 2024

اس دوران سرفراز خان کو میچ آفیشل کی جانب سے یہ بھی بتایا گیا کہ وہ بغیر ہیلمٹ کے بلے باز کے اتنے قریب فیلڈنگ نہیں کر سکتے۔

واضح رہے کہ بھارت کو انگلینڈ کے خلاف چوتھا ٹیسٹ جیتنے کے لیے دوسری اننگز میں 192 رنز کا ہدف ملا ہے۔ میزبان ٹیم نے بغیر کسی نقصان کے 40 رنز بنا لیے ہیں۔

راجکوٹ: بھارتی کھلاڑی سرفراز خان نے انگلینڈ کے خلاف 68 رنز کی شاندار اننگز کھیل کر بھارتی کرکٹرز کی مایہ ناز فہرست میں شامل ہو گئے۔

بھارتی کھلاڑی سرفراز خان نے بھارت اور انگلینڈ کے درمیان تیسرے ٹیسٹ کے چوتھے دن ناٹ آوٹ 68 رنز کی شاندار اننگز کھیل کر بھارت کے لیجینڈ کھلاڑی سنیل گواسکر کا ریکارڈ برابر کردیا ہے۔

بھارتی کھلاڑی سرفراز خان بھارت کے لیے اپنے ٹیسٹ ڈیبیو کے دونوں اننگز میں 50 پلس اسکور کرنے والے چوتھے بلے باز بن گئے ہیں، اس سے قبل دلاور حسین نے 1934 میں انگلینڈ کے خلاف کولکتہ میں یہ کارنامہ انجام دیا تھا۔

سرفراز خان کے رن آؤٹ ہونے پر روہت شرما غصے میں آگئے، ویڈیو وائرل

اس کے علاوہ ڈیبیو پر 50 رنز بنانے والوں کی فہرست میں سنیل گواسکر بھی شامل ہیں انہوں نے 1971 میں ویسٹ انڈیز کے خلاف پورٹ آف اسپین میں کھیلتے ہوئے یہ کارنامہ انجام دیا تھا جبکہ 2021 میں کانپور کے خلاف ٹیسٹ میں بالترتیب 105 اور 65 رنز کی اننگز کھیل کر اس فہرست میں شریاس ایئر تیسرے نمبر پر ہیں۔

اب اس فہرست میں سرفراز خان چوتھے نمبر پر آگئے ہیں، سرفراز خان نے دوسری اننگز میں 72 گیندوں میں 68 رنز کی اننگز کھیلی، جس میں 6 چوکے اور تین چھکے شامل تھے جبکہ پہلی اننگز میں سرفراز نے 66 گیندوں کا سامنا کرتے ہوئے 62 رنز بنائے تھے جس میں 9 چوکے اور ایک چھکا شامل تھا۔

سرفراز خان کے بھارتی ٹیم میں ڈیبیو پر والد آبدیدہ ہوگئے

واضح رہے کہ سرفراز خان کو ٹیسٹ کرکٹ میں ڈیبیو کرنے کے لیے طویل جدوجہد کرنی پڑی ہے، سرفراز نے 45 فرسٹ کلاس میچ کھیلے ہیں جس میں 14 سنچریاں اور 11 نصف سنچریاں شامل ہیں، انھوں نے مجموعی طور پر 3,912 رنز بنائے۔

آنند مہندرا جو کہ بھارت کے معروف صنعتکار ہیں وہ انگلینڈ کے خلاف پہلی اننگز میں سرفراز خان کی پرفارمنس دیکھ کر ان کے فین ہوگئے۔

تفصیلات کے مطابق صنعتکار آنند مہندرا نے انگلینڈ کے خلاف ڈیبیو کرنے والے بھارتی کرکٹر سرفراز خان کے والد کو کار دینے کی پیشکش کردی۔ آنند سوشل میڈیا پر کافی ایکٹیو رہتے ہیں اور ملک کے ابھرتے ہوئے نوجوانوں کی حوصلہ افزائی کرتے ہوئے نظر آتے ہیں۔

مہندرا اینڈ مہندرا کے چیئرپرسن آنند مہندرا نے کرکٹر سرفراز خان کے والد نوشاد خان کو مثالی والد قرار دیتے ہوئے کار (تھار ایس یو وی) دینے کی پیشکش کی ہے۔

“Himmat nahin chodna, bas!”

Hard work. Courage. Patience.

What better qualities than those for a father to inspire in a child?

For being an inspirational parent, it would be my privilege & honour if Naushad Khan would accept the gift of a Thar. pic.twitter.com/fnWkoJD6Dp

— anand mahindra (@anandmahindra) February 16, 2024

سرفراز کے 15 سالہ کرکٹ کیرئیر میں والد نوشاد نے اہم کردار ادا کیا ہے۔ 26 سالہ نوجوان کرکٹر نے جب ٹیم انڈیا کی ٹیسٹ کیپ حاصل کی تھی تو 52 سالہ والد خوشی کے مارے رو پڑے تھے۔

آنند مہندرا نے سوشل میڈیا پلیٹ فارم ’ایکس‘ پر ایک پوسٹ شیئر کی ہے جس میں انھوں نے کہا کہ "محنت، ہمت، صبر، ایک باپ کے لیے اس سے بہتر اور کیا خوبیاں ہیں کہ وہ بچے کی حوصلہ افزائی کرے؟

انھوں نے مزید کہا کہ ایک مثالی والد ہونے کے ناطے، اگر نوشاد خان تھار ایس یو وی کا تحفہ قبول کریں تو یہ میرے لیے اعزاز کی بات ہوگی۔

انیل کمبلے سے ٹیسٹ کیپ حاصل کرنے کا خواب صرف سرفراز کا ہی نہیں بلکہ ایک والد کا بھی تھا جو اپنے بیٹے کو کرکٹ کی بلندیوں پر دیکھنا چاہتے ہیں۔

سرفراز کی اہلیہ، ان کے بھائی، خاندان کے دیگر افراد اور والد انھیں بھارتی ٹیسٹ کرکٹر بنتے دیکھ کر بے ساختہ رو پڑے تھے۔ سرفراز کا تکلیف دہ طویل انتظار بالآخر ختم ہوگیا۔

ان باپ بیٹے کی جوڑی نے برسوں سے اس لمحے کا خواب دیکھا تھا، سرفراز نے ڈیبیو پر ہی نصف سنچری بنا کر اسے مزید یادگار بنایا اور لوگوں کی توجہ اپنی جانب مبذول کروالی۔

واضح رہے کہ اس سے قبل صنعت کار آنند مہندرا حیدرآباد سے تعلق رکھنے والے فاسٹ بولر سراج کو بھی تھار ایس یو وی تحفے میں دے چکے ہیں۔

انگلینڈ کے خلاف ڈیبیو ٹیسٹ میں شاندار اننگز کھیلنے والے سرفراز خان کی اہلیہ ان کی نصف سنچری پر جذباتی ہوگئیں جس کی ویڈیو وائرل ہوگئی۔

بھارتی بلے باز سرفراز خان نے بین الاقوامی کرکٹ میں اپنی آمد کا اعلان کرتے ہوئے دنیا کی توجہ اپنی جانب مبذول کروالی۔ راجکوٹ میں انگلینڈ کے خلاف تیسرے ٹیسٹ کے پہلے دن اپنے ڈیبیو پر انھوں نے شاندار نصف سنچری اسکور کی۔

26 سالہ بیٹر جس وقت کریز پرآئے اس وقت بھارت کا اسکور 4 وکٹوں کے نقصان پر 237 رنز تھا۔ بین الاقوامی کرکٹ میں ان کی پہلی اننگز کے دوران والد نوشاد خان اور اہلیہ رومانہ ظہور کا خوشی سے چمک رہا تھا۔

سرفراز خان نے ڈیبیو پر 48 بالز پر اپنی پہلی نصف سنچری اسکور کی تو ان کی اہلیہ جذبات سے مغلوب ہوگئیں اور انھوں نے اپنے شوہر کو دونوں ہاتھوں سے ہوا میں بوسہ دیا۔

اس واقعے کی ویڈیو سوشل میڈیا پر وائرل ہورہی ہے جس میں سرفراز خان کے والد اور اہلیہ ڈیبیو پر ان کی سنچری پر کافی خوش نظر آرہے ہیں۔

https://twitter.com/Sitaraman112971/status/1758083573578355118?ref_src=twsrc%5Etfw%7Ctwcamp%5Etweetembed%7Ctwterm%5E1758083573578355118%7Ctwgr%5E%7Ctwcon%5Es1_c10&ref_url=about%3Ablank

قابل ذکر بات یہ ہے کہ ڈیبیو پر یہ مشترکہ دوسری تیز ترین نصف سنچری تھی۔ اس سے قبل آل راؤنڈر ہاردک پانڈیا نے بھی 2017 میں اپنے ڈیبیو پر 48 گیندوں پر نصف سنچری بنائی تھی۔