ARYNews.tv | Urdu – Har Lamha Bakhabar

Tag: سرمایہ کاری

سرمایہ کاری کا سادہ مطلب ہے کہ آپ اپنے موجودہ وسائل (مثلاً رقم) کو مستقبل میں زیادہ منافع کمانے کے لیے استعمال کریں۔ یہ ایک ایسا عمل ہے جس میں آپ اپنے پیسے کو کسی ایسی چیز میں لگاتے ہیں جس سے آپ کو مستقبل میں زیادہ پیسہ ملنے کی امید ہو۔

  • مستقبل کے لیے بچت: سرمایہ کاری آپ کو مستقبل کے لیے پیسہ بچانے کا ایک اچھا طریقہ فراہم کرتی ہے۔
  • مہنگائی سے بچاؤ:  آپ اپنے پیسے کی قدر کو مہنگائی سے بچا سکتے ہیں۔
  • آمدن کا اضافہ: آپ کی آمدن میں اضافہ ہو سکتا ہے۔
  • مالی آزادی: سرمایہ کاری آپ کو مالی آزادی حاصل کرنے میں مدد کر سکتی ہے۔
  • سعودی عرب، ورثاء اب متوفی کے اثاثوں اور سرمایہ کاری کی معلومات جان سکیں گے

    سعودی عرب، ورثاء اب متوفی کے اثاثوں اور سرمایہ کاری کی معلومات جان سکیں گے

    ریاض : سعودی حکام نے ورثا کی آسانی کےلیے متوفی کے اثاثوں اور سرمایہ کاری کی معلومات حاصل کرنے کےلیے سروس متعارف کرا دی۔

    تفصیلات کے مطابق سعودی عرب میں کیپیٹل مارکیٹ اتھارٹی(سی ایم اے ) نے مملکت میں فوت ہونے والے افراد کے مالی اثاثوں اور سرمایہ کاری کی تفصیلات ظاہر کرنے کے لیے ایک الکٹرونک سروس متعارف کرادی۔

    عرب خبر رساں ادارے کا کہنا تھا کہ یہ سروس متوفی کے ورثا یا مجاز افراد کو موقع فراہم کرے گی کہ وہ متوفی شخص سے متعلق سیکیورٹیز اور انویسٹمنٹ اکاونٹس کی معلومات حاصل کرنے کے واسطے براہ راست رابطہ کرسکیں۔

    غیر ملکی خبر رساں ادارے کا کہنا تھا کہ کیپیٹل مارکیٹ اتھارٹی کے اس اقدام کا مقصد مارکیٹ کے نظام کو ترقی دینا، اس پر اعتماد کو مضبوط بنانا اور متوفی شخص کے اثاثوں کو جاننے کا عمل جلد از جلد مکمل کرنے کے لیے ورثا کی معاونت کرنا ہے۔

    غیر ملکی میڈیا کا کہنا تھا کہ اس سروس کے نتیجے میں ورثا سی ایم اے کی ویب سائٹ کے ذریعے مقررہ شرائط کے تحت متوفی شخص کے مالی اثاثوں اور سرمایہ کاری کی تفصیلات جاننے کی درخواست دے سکیں گے اور متوفی سے متعلق مطلوبہ دستاویزات فراہم کرنے کے بعد کسی بھی وقت متعلقہ معلومات حاصل کر سکیں گے۔

  • نیب کی وجہ سے کوئی سرمایہ کاری کرنے کو تیار نہیں ہے: حمزہ شہباز

    نیب کی وجہ سے کوئی سرمایہ کاری کرنے کو تیار نہیں ہے: حمزہ شہباز

    لاہور: پنجاب اسمبلی میں اپوزیشن لیڈر حمزہ شہباز نے کہا ہے کہ پلی بار گین بھتہ خوری کا نظام ہے، نیب کی وجہ سے کوئی ملک میں سرمایہ کاری کرنے کو تیار نہیں ہے۔

    تفصیلات کے مطابق مسلم لیگ ن کے رہنما حمزہ شہباز نے قومی احتساب بیورو پر تنقید کرتے ہوئے کہا کہ نیب اور وزیر اعظم گٹھ جوڑ نے معیشت کو تباہ حال کر دیا ہے۔

    حمزہ شہباز کا کہنا تھا کہ نیب اور منشا بم میں کوئی فرق نہیں ہے، اساتذہ کو ہتھکڑیاں لگا کر قوم کو شرمندہ کیا گیا، ہمارے خلاف تحقیقات کی گئیں لیکن ایک پائی کی کرپشن کا الزام ثابت نہیں ہوا۔

    انھوں نے وزیرِ اعظم عمران خان کی وانا میں کی گئی تقریر کو بھی تنقید کا نشانہ بنایا، کہا تقریر کے دوران جو زبان استعمال کی گئی وہ پوری قوم کے لیے باعث شرم ہے۔

    یہ بھی پڑھیں:  حمزہ شہباز شریف کی عبوری ضمانت میں 8 مئی تک توسیع

    بڑھتی ہوئی مہنگائی کے حوالے سے حمزہ شہباز کا کہنا تھا کہ دوائیوں کی قیمتیں اور بڑھ رہی ہیں، مہنگائی اور بڑھے گی، آئی ایم ایف کے ساتھ معاہدہ ہونے جا رہا ہے لیکن معلوم نہیں آئی ایم ایف کس قسم کی شرائط رکھے گا، اس معاہدے کے بعد مہنگائی کا نیا طوفان آئے گا۔

    یاد رہے کہ گزشتہ روز وزیر اعظم عمران خان نے وانا میں ایک بڑے جلسے سے خطاب کرتے ہوئے اعلان کیا تھا کہ ہر سال 100 ارب روپے قبائلی علاقوں پر خرچ ہوں گے۔

    انھوں نے کہا کہ وہ قبائلی علاقوں میں فوج بھیجنے کے مخالف تھے، عمران خان نے جنوبی وزیرستان میں دو ڈگری کالجز اور اسپورٹس کمپلیکس بنانے کا بھی اعلان کیا۔

  • سعودیہ میں آئندہ 20 سال تک توانائی سیکٹر میں اربوں ڈالر کی سرمایہ کاری ہوگی، خالد الفالح

    سعودیہ میں آئندہ 20 سال تک توانائی سیکٹر میں اربوں ڈالر کی سرمایہ کاری ہوگی، خالد الفالح

    ریاض : سعودی عرب میں آیندہ دس سے بیس سال کے دوران میں توانائی کے شعبے میں اربوں ڈالر کی سرمایہ کاری ہوگی۔

    تفصیلات کے مطابق یہ بات سعودی عرب کے وزیرِ توانائی خالد الفالح نے دارالحکومت الریاض میں شعبہ مالیات سے متعلق کانفرنس میں گفتگو کرتے ہوئے کہی ۔

    یہ دو روزہ کانفرنس گزشتہ روز شروع ہوئی اور اس کا موضوع ” سعودی عرب اور خطے میں ایک مسابقتی کیپٹل مارکیٹ کا قیام“ ہے۔ یہ سعودی عرب کے ویڑن 2030ء کے مالیاتی سیکٹر ترقیاتی پروگرام کے تحت منعقد کی جارہی ہے۔

    عرب میڈیا کا کہنا تھا کہ اس کانفرنس کا مقصد سعودی عرب کے مالیاتی شعبے کو متنوع بنا کر مجموعی قومی پیداوار ( جی ڈی پی) میں اس کے حصے کو بڑھانا ہے۔

    اس میں دنیا بھر سے تعلق رکھنے والے مالیاتی شعبے کے ماہرین اور عالمی مالیاتی اداروں کے نمایندے شرکت کررہے ہیں۔

    سعودی وزیر توانائی نے افتتاحی اجلاس میں تقریر کرتے ہوئے کہا کہ مملکت میں آیندہ دس سے بیس سال کے دوران میں مختلف شعبوں میں اربوں ڈالر کی سرمایہ کاری کی جائے گی اور اس میں سب سے زیادہ سرمایہ کاری توانائی کے شعبے میں ہوگی۔

    انھوں نے شرکاء کو بتایا کہ سعودی عرب کی بڑی تیل کمپنی آرامکو کے حصص کی پہلی مرتبہ فروخت کے لیے تمام انتظامات مکمل کر لیے گئے ہیں اور یہ 2021ء یا اس سے کچھ عرصہ پہلے فروخت کے لیے پیش کر دیے جائیں گے۔

    واضح رہے کہ خالد الفالح ہی آرامکو کے چیف ایگزیکٹو افسر ہیں۔ انھوں نے مزید کہا کہ ہم اس بات کو بھی یقینی بنائیں گے کہ عالمی سطح پر تیل کی مارکیٹ میں توازن برقرار رہے“۔

    عرب خب رساں ادارے کے مطابق انھوں نے یہ بات زور دے کر کہی کہ سعودی عرب اپنے صارفین کو معلق نہیں چھوڑے گا کہ وہ اپنی ضرورت کے لیے تیل کی تلاش میں مارے مارے پھرتے رہیں۔

  • سعودی آئل کمپنی نے بھارت میں سرمایہ کاری کیلئے مذاکرات شروع کر دیئے

    سعودی آئل کمپنی نے بھارت میں سرمایہ کاری کیلئے مذاکرات شروع کر دیئے

    ریاض : سعودی عرب کی سرکاری آئل کمپنی اور دنیا میں سب سے زیادہ تیل پیدا کرنے والی آرامکو نے بھارتی ریفائنری اور پیٹرو کیمیکل کے شعبے میں سرمایہ کاری کے لئے بھارت کی کمپنی ریلائنس انڈسٹریز سے مذاکرات شروع کردیے ہیں۔

    تفصیلات کے مطابق سعودی آئل کمپنی آرامکو نے 25 فیصد حصص کی خریداری کے لئے مذاکرات شروع کردیے ہیں جس کی مالیت 10 سے 15 ارب ڈالر ہوسکتی ہے جبکہ بھارتی کمپنی کی سرمایہ کاری 55 ارب ڈالر سے 60 ارب ڈالر تک ہے۔

    رپورٹ میں کہا گیا ہے کہ آرامکو اور ریلائنس کے درمیان سنجیدہ نوعیت کے مذاکرات ہورہے ہیں اور یہ مذکرات 25 فیصد حصص کے لیے ہورہے ہیں، دوسری جانب آرامکو اور ریلائنس کی جانب سے اس بیان پر کوئی ردعمل نہیں دیا گیا۔

    خیال رہے کہ ریلائنس کمپنی کے مالک ایشیا کے امیر ترین مکیش امبانی کی ملکیت ہے جو بھارت میں ریفائنری اور پیٹرو کیمکل کے شعبے میں سب سے بڑی کمپنی کے بھی مالک ہیں۔

    مکیس امبانی کی ریفائنری کمپنی مغربی بھارت کے شہر جام نگر میں 14 لاکھ بیرل تیل روزانہ ریفائنری کمپلیکس سے گزارتی ہے جبکہ حکومت کو دئیے گئے منصوبے میں انہوں نے 2030 تک اس کو 20 لاکھ بیرل روزانہ تک لے جانے کا ارادہ ظاہر کیا ہے۔

    بھارتی خبر رساں ادارے کا کہنا ہے کہ تیل پیدا کرنے والی دنیا کی سب سے بڑی کمپنی آرامکو اپنے کاروبار کو دنیا بھر میں پھیلا رہی ہے اور مختلف ممالک سے پلانٹ کی تنصیب کے لیے معاہدوں پر دستخط ہورہے ہیں۔

    یاد رہے کہ بھارت کی سرکاری آئل کمپنی سے آرامکو اور متحدہ عرب امارات کی سرکاری کمپنی ابوظہبی نیشنل آئل کمپنی نے گزشتہ برس ایک معاہدہ کیا تھا جس میں ریاست مہاراشٹرا میں 13 لاکھ بیرل روزانہ کی پیداوار کا ایک منصوبہ تھا

    مقامی خبر رساں ادارے کا کہنا ہے کہ ہزاروں کسانوں کی جانب سے زمین دینے سے انکار کرنے پر اس منصوبے پر کام تاخیر کا شکار ہوگیا تھا جبکہ مہاراشٹرا کی ریاستی حکومت اس منصوبے کو دوسرے مقام میں منتقل کرنے کی منصوبہ بندی کررہی تھی۔

    سعودی ولی عہد محمد بن سلمان نے رواں برس فروری میں بھارت کا دورہ کیا تھا جہاں انہوں نے کہا تھا کہ اگلے دو برس میں بھارت میں ایک سو ارب ڈالر سرمایہ کاری متوقع ہے۔

    رپورٹ کے مطابق بھارتی سرمایہ کاری مکیش امبانی گزشتہ برس دسمبر سے اب تک دو مرتبہ سعودی عرب کا دورہ کرچکے ہیں اور ان دوروں میں انہوں نے مشترکہ سرمایہ کاری سمیت دیگر معاملات پر آرامکو کے سربراہ امین نصیر سے تبادلہ خیال کیا۔

  • پاکستان کا مستقبل سیاحت میں ہے: وزیر اعظم

    پاکستان کا مستقبل سیاحت میں ہے: وزیر اعظم

    اسلام آباد: وزیر اعظم عمران خان نے کہا ہے کہ پاکستان کے سیاحتی مقامات کو سامنے لانے کی ضرورت ہے.

    ان خیالات کا اظہار انھوں‌نے ٹورازم سمٹ سے خطاب کرتے ہوئے کیا. ان کا کہنا تھا کہ پوری دنیا میں سیاحتی مقامات دیکھ چکا ہوں ، جو خوبصورتی پاکستان میں ہے وہ دنیا میں کہیں اور نہیں.

    انھوں نے کہا کہ پاکستان کے شمالی علاقے دنیا میں سب سے زیادہ پرکشش ہیں، ساحلی سیاحت میں بہت امکان ہے، پہاڑی سلسلوں کی الگ الگ خصوصیات ہیں، پاکستان کے تمام سیاحتی ریزورٹ انگریزوں کے دور میں بنے تھے.

    ان کا کہنا تھا کہ دہشت گردی کی وجہ سے کچھ سال پہلے سیاحت ختم ہوچکی تھی، اب حالات بہتر ہیں، پاکستان میں نتھیا گلی جیسے 100مقامات ہیں، کسی کو اندازہ ہی نہیں، سیاحت کے فروغ میں سوشل میڈیا کا کلیدی کردار ہے، سیاحت میں سرمایہ کاری سے بہت زیادہ منافع حاصل ہوسکتا ہے.

    مزید پڑھیں: وزیر اعظم کل حیدر آباد میں یونیورسٹی کا سنگ بنیاد رکھیں گے

    وزیر اعظم نے کہا کہ پاکستان کے سیاحتی مقامات کو سامنےلانے کی ضرورت ہے، نئے سیاحتی مقامات پرمقامی ثقافت کا احترام کرنا ہے، مذہبی سیاحت کے لئے حکومت نے اقدامات کئے ہیں، ٹورازم کمیٹی لوگوں کےلئے آسانیاں پیدا کرے گی، ٹورازم کمیٹی لوگوں کےلئے آسانیاں پیدا کرےگی۔

    ان کا کہنا تھا کہ شہر پھیلتےجارہے ہیں، سرسبز علاقے ختم ہوتے جارہے ہیں، شہر کو پھیلنے کے بجائے اوپر کی طرف لے کر جانا ہوگا، شہروں میں بلند و بالا عمارتیں بنائیں گے، سیاحت کےشعبے میں ترقی سے روزگار بھی بڑھے گا، کے پی میں سیاحت کے ذریعے لوگوں کو روزگار ملا.

  • چینی اورسنگاپور کی کمپنیاں پاکستان میں بڑے پیمانے پر سرمایہ کاری کریں گی

    چینی اورسنگاپور کی کمپنیاں پاکستان میں بڑے پیمانے پر سرمایہ کاری کریں گی

    اسلام آباد : چینی اورسنگاپور کی کمپنیاں پاکستان میں بڑے پیمانےپرسرمایہ کاری کریں گی، یہ سرمایہ کاری ہاوسنگ، مینوفیکچرنگ اورشپینگ سیکٹر میں کی جائےگی۔

    تفصیلات کے مطابق غیرملکی سرمایہ کاروں کی جانب سے پاکستان میں دلچسپی کا اظہار کیا جارہا ہے، پاکستان میں بڑی سرمایہ کاری متوقع ہے ، سرمایہ کاری حجم چار ارب ڈالر تک ہوگا۔

    چینی کمپنی ایکس سی ایم جی اور ایچ ایس ایس گروپ نے لیٹرآف انٹینٹ جاری کردیا، جس کے مطابق ہاوسنگ اور مینوفیکچرنگ کمپنی میں دو ارب ڈالر کی سرمایہ کاری کی جائے گی۔

    دوسری جانب سنگاپورکی کمپنی شپینگ سیکٹر میں دو ارب ڈالر کی سرمایہ کاری کرے گی، سنگاپورکی کمپنی کی اس سرمایہ کاری سے پاکستان میں چارہزار ملازمتیں پیدا ہوں گی اور شپینگ کےشعبے میں سرمایہ کاری سے غیر ملکی شپس کو ادا کئےگئے زرمبادلہ کی بھی بچت ہوگی۔

    پاکستان تقریباچار ارب ڈالر فریٹ کی مد میں ادا کرتا ہے، گوادر اور سی پیک کے باعث پاکستان میں شپنگ سیکٹر میں بہت مواقع موجود ہیں۔

    یاد رہے 6 مارچ کو وزیراعظم عمران خان سے ملاقات میں ایکس سی ایم جی کمپنی کےگلوبل سیلز پریزیڈنٹ ڈاکٹر ہنسن لیو نے پاکستان میں2 بلین ڈالرکی سرمایہ کاری کا اعلان کیا تھا، سرمایہ کاری ہاؤسنگ اور مینو فیکچرنگ کے شعبے میں کی جائے گی۔

    مزید پڑھیں : چینی کمپنی کا پاکستان میں 2 بلین ڈالرکی سرمایہ کاری کااعلان

    چینی کمپنی پاکستان میں ہیوی مشنری پلانٹ لگائے گی اور 50 لاکھ گھروں کے حکومتی منصوبے کو پایہ تکمیل تک پہنچائے گی۔

    وزیراعظم عمران خان کا کہنا تھا کہ حکومت غیرملکی سرمایہ کاروں کوتحفظ فراہم کررہی ہے، سرمایہ کاری میں آسانی،مراعات کا بہترخیال رکھاجارہاہے اور ملک میں کاروبارکےلئےدوستانہ ماحول فراہم کررہے ہیں۔

    واضح رہے گذشتہ ماہ کے آغاز میں وزیراعظم عمران خان سے ایڈوٹکوگروپ ملائشیا کے چیئرمین کی ملاقات ہوئی تھی ، ملاقات میں ایڈوٹکوگروپ نے پاکستان میں250ملین ڈالرکی سرمایہ کاری کااعلان کرتے ہوئے کہا تھا گروپ پہلے سے پاکستان میں 100 ملین ڈالر کی سرمایہ کاری کررہا ہے، اگلے 5سال میں 250 ملین ڈالر کی سرمایہ کاری کی جائےگی۔

    اس سے قبل وزیرِاعظم سے کارگل نامی ایک بین الاقوامی کمپنی کے ہیڈ مارشل اسمتھ نے ملک میں سرمایہ کاری کے حوالے سے خصوصی ملاقات کی تھی ، کمپنی کے سربراہ مارشل اسمتھ نے پاکستان میں 200 ملین ڈالر کی سرمایہ کاری کا اعلان کیا تھا۔

    مائیکرو سافٹ کے بانی بل گیٹس نے وزیراعظم عمران خان کو خط لکھ کر پاکستان میں سرمایہ کاری کی خواہش کا اظہار کر چکے ہیں۔

  • انسانی وسائل کی ترقی اورغربت کا خاتمہ حکومت کا منشور ہے‘ اسد عمر

    انسانی وسائل کی ترقی اورغربت کا خاتمہ حکومت کا منشور ہے‘ اسد عمر

    اسلام آباد: وفاقی وزیر خزانہ اسد عمر کا کہنا ہے کہ حکومت انسانی وسائل کی بہتری میں سرمایہ کاری کے لیے پُرعزم ہے۔

    تفصیلات کے مطابق وفاقی دارالحکومت اسلام آباد میں انسانی وسائل سے متعلق سمٹ سے خطاب کرتے ہوئے اسد عمر نے کہا کہ اقتصادی ترقی کی رفتارتیز کرنے میں حائل رکاوٹیں دور کرنی ہیں۔

    انہوں نے کہا کہ انسانی وسائل کی ترقی اور غربت کا خاتمہ حکومت کا منشور ہے، سماجی تحفظ کے فروغ کے لیے صوبوں سے مل کر کام کررہے ہیں۔

    وزیرخزانہ نے کہا کہ انسانی وسائل، تعلیم، صحت میں سرمایہ کاری سب سے زیادہ منافع بخش ہے، حکومت انسانی وسائل کی بہتری میں سرمایہ کاری کے لیے پُرعزم ہے۔

    پاکستان کو کیپیٹل مارکیٹ میں اصلاحات لانی ہوں گی‘ اسد عمر

    یاد رہے کہ گزشتہ روز وفاقی وزیرخزانہ کا کہنا تھا کہ پاکستان میں پبلک پرائیوٹ شراکت داری کو بہتربنانا ہوگا، اب تک صرف پاور سیکٹر میں شراکت داری دیکھنے میں آئی ہے۔

    اسد عمر کا کہنا تھا کہ اسلامک بینکنگ میں مواقع بہتر کرنے کی ضرورت ہے، پاکستانی بینک ڈیپازٹ کو درست انداز میں بروئے کارنہیں لا رہے۔

    وزیرخزانہ کا کہنا تھا کہ اصلاحات سے سرمایہ کاری میں اضافہ ہوگا، اس وقت مارکیٹ میں ضرورت سے زیادہ ریگولیشن ہیں۔

  • پاکستان میں ممکنہ بڑی سرمایہ کاری، دبئی سے شاہی مہمان کی پاکستان آمد

    پاکستان میں ممکنہ بڑی سرمایہ کاری، دبئی سے شاہی مہمان کی پاکستان آمد

    اسلام آباد : متحدہ عرب امارات سے شاہی مہمان شیخ احمد المکتوم وفد کے ہمراہ پاکستان پہنچ گئے، وفد نے وفاقی وزیرآبی وسائل فیصل واوڈاسے ملاقات میں پاکستان میں سرمایہ کاری میں دلچسپی کا اظہار کردیا ہے۔

    تفصیلات کے مطابق پاکستان میں ممکنہ بڑی سرمایہ کاری کے لئے شاہی مہمان کی پاکستان آمد، شیخ احمد المکتوم وفد کے ہمراہ خصوصی طیارے سے اسلام آباد پہنچ گئے، پاکستانی حکام نے ان کا استقبال کیا۔

    دورے کے دوران آبی منصوبہ بندی، توانائی اور پٹرولیم سے متعلق معاملات پر بات چیت ہوگی۔

    شیخ احمدالمکتوم نے وفاقی وزیر فیصل واوڈا سےملاقات کی، ملاقات میں ڈیموں کی تعمیر، پن بجلی منصوبوں سمیت دیگرشعبوں میں تعاون پرتبادلہ خیال کیا گیا جبکہ
    اماراتی وفد کو پاکستان میں سرمایہ کاری کے مواقع پر بریفنگ دی گئی۔

    فیصل واوڈا نے اماراتی وفد کو پاکستان میں سرمایہ کاری کی دعوت دیتے ہوئے کہا متحدہ عرب امارات سےپاکستان کےتاریخی برادرانہ تعلقات ہیں، پاکستان میں سرمایہ کاری کے لئےبہترین وقت ہے، سرمایہ کاروں کوون ونڈوسروسزفراہم کی جارہی ہیں۔

    ملاقات میں وفد نے پاکستان میں سرمایہ کاری میں دلچسپی کا اظہار کیا۔

    شیخ احمد المکتوم کی وفد کے ہمراہ دیگر وفاقی وزراء سے بھی ملاقاتیں شیڈول ہیں اور اہم پیش رفت کا امکان ہے۔

    خیال رہے 14 مارچ کو وزیر اعظم عمران خان نے نئی ویزا پالیسی کا اعلان کیا تھا ، جس کے تحت پہلے مرحلے میں 5 ممالک کے شہریوں کو ای ویزا ملیں گے، جن میں برطانیہ، چین، ترکی، ملائیشیا اور یواے ای کے شہریوں کو سہولت میسر ہوگی۔

    مزید پڑھیں : یو اے ای سے مزید ایک ارب ڈالر کی قسط موصول

    یاد رہے جنوری کے آخر میں وزیرِ خارجہ شاہ محمود قریشی سے یو اے ای کے سفیر حماد عبید ابراہیم نے ملاقات کی تھی ، جس میں دو طرفہ تعاون کے فروغ پر بات چیت کی گئی تھی، زیرِ خارجہ کا کہنا تھا کہ ہاؤسنگ، بینکنگ، ریئل اسٹیٹ سیکٹرز ، تیل و گیس، توانائی، تعلیم، اور صحت کے شعبہ جات میں سرمایہ کاری کے مواقع موجود ہیں۔

    واضح رہے پاکستان اور برادر اسلامی ملک یواے ای میں 3 ارب ڈالرکے قرض کا معاہدہ طے پایا تھا، جس کے تحت 2 ارب ڈالر پاکستان کو موصول ہوچکے ہیں۔

  • پاکستان یک سر تبدیل ہو چکا، وزیر اعظم کی 25 ممالک کے 60 سے زائد مندوبین سے گفتگو

    پاکستان یک سر تبدیل ہو چکا، وزیر اعظم کی 25 ممالک کے 60 سے زائد مندوبین سے گفتگو

    اسلام آباد: وزیرِ اعظم عمران خان سے 25 ممالک کے 60 سے زائد مندوبین نے ملاقات کی، وزیرِ اعظم نے مندوبین سے کہا کہ آج کا پاکستان یک سر تبدیل ہو چکا ہے۔

    تفصیلات کے مطابق آج 25 ممالک کے 60 سے زائد مندوبین نے وزیر اعظم عمران خان سے ملاقات کی، مندوبین اسلام آباد سمٹ میں شرکت کے لیے پاکستان آئے ہیں۔

    ملاقات میں مشیر تجارت عبد الرزاق داؤد، وزیرِ اطلاعات فواد چوہدری، چیئرمین سرمایہ کاری بورڈ ہارون شریف، معاون خصوصی نعیم الحق اور افتخار درانی بھی شامل تھے۔

    وزیرِ اعظم عمران خان نے مندوبین سے گفتگو کرتے ہوئے کہا کہ آج کاپاکستان یک سر تبدیل ہو چکا ہے، نیا پاکستان پُر امن اور ابھرتے ہوئے سماجی و معاشی مواقع سے بھرپور ہے۔

    وزیرِ اعظم نے کہا کہ ہم بزنس کمیونٹی کو منافع بخش کاروبار کے مواقع فراہم کرنے پر یقین رکھتے ہیں، پاکستان میں معروف بین الاقوامی سرمایہ کار سرمایہ کاری کر رہے ہیں۔

    وزیراعظم عمران خان کل برطانوی شہریوں کے لئے ای ویزا سروس کاافتتاح کریں گے

    واضح رہے کہ وزیرِ اعظم عمران خان برطانوی شہریوں کے لیے کل دن 12 بجے ویڈیو کال پر ای ویزا سروس کا افتتاح کریں گے، جس کے بعد برطانوی شہری گھر بیٹھے پاکستانی ویزا حاصل کر سکیں گے۔

    برطانوی شہریوں کے لیے ای ویزا کی سہولت کے آغاز سے ای ویزے سے قونصلر سروسز میں کام کا بوجھ کم ہو جائے گا اور عوام گھر بیٹھے پاکستانی ویزا حاصل کر پائیں گے۔

  • سعودی عرب تین مراحل میں پاکستان میں 21ارب ڈالر کی سرمایہ کاری کرےگا

    سعودی عرب تین مراحل میں پاکستان میں 21ارب ڈالر کی سرمایہ کاری کرےگا

    اسلام آباد : سعودی عرب کی جانب کی گئی سرمایہ کاری تین مختلف مراحل میں پاکستان آئے گی، حکومت کی جانب سے جاری انوسٹمنٹ پلان کے مطابق سرمایہ کاری کے تین مراحل میں قلیل، وسط اور طویل المدتی منصوبے شامل ہیں۔

    تفصیلات کے مطابق سعودی ولی عہد کے تاریخی دورے پر دوست ملک پاکستان اکیس ارب ڈالر کی سرمایہ کاری کرےگا، یہ سرمایہ کاری تین مراحل میں آئے۔جس میں قلیل ، وسط اور طویل المدتی منصوبے شامل ہیں۔

    قلیل المدتی

    قلیل المدتی منصوبوں میں آ ر ایل این جی پلانٹس ,اکوا پاوراورسعودی فنڈ فار پاکستان کی سرمایہ کاری شامل ہے، یہ سرمایہ کاری ایک سے دو سال میں پاکستان آئے گی۔قلیل المدتی سرمایہ کاری کاحجم سات ارب ڈالرہے۔

    وسط مدتی

    وسط مدتی سرمایہ کاری میں پیٹروکیمیکلز، خوراک اورزراعت کےمنصوبے شامل ہیں، جس کا انوسٹمنٹ پلان دو سے تین سال پر محیط ہے۔
    وسط مدتی سرمایہ کاری کا حجم دو ارب ڈالر ہے۔

    طویل المدتی

    تیسرا مرحلہ طویل المدتی سرمایہ کاری کا ہے، جس میں آرامکو آئل ریفائنری اور منرل ڈیویلپمنٹ شامل ہے، ان منصوبوں میں سرمایہ کاری کاحجم بارہ ارب ڈالر ہے۔

    یاد رہے گذشتہ روز سعودی ولی عہد شہزادہ محمدبن سلمان اسلام آباد پہنچے ، وزیراعظم ، آرمی چیف اور اراکین نے ان کا استقبال کیا ، جس کے بعد وزیراعظم ہاؤس میں وزیر اعظم عمران خان اورولی عہد کی ون آن ون ملاقات ہوئی ، جس میں باہمی تعلقات کونئی بلندیوں پرلےجانےکاعزم کیاگیا اور دونوں ملکوں کےدرمیان سات تاریخی معاہدوں پر دستخط کیےگئے۔

    مزید پڑھیں : سعودی ولی عہد شہزادہ محمد بن سلمان کے دورہ پاکستان پر21ارب ڈالر کے معاہدے

    پروقار تقریب میں وزیرخارجہ شاہ محمودقریشی اورمہمان سعودی وزیرخارجہ نے اسٹینڈرڈائزیشن کے شعبےمیں تعاون کی مفاہمتی یادداشت ، وزیربین الصوبائی رابطہ فہمیدہ مرزا اور سعودی وزیرعادل الجبیر نے کھیلوں کےشعبے میں خصوصی تعاون کےمعاہدے، وزیرخزانہ اسد عمراورمہمان سعودی وزیرنے سعودی مصنوعات کی درآمد اور سعودی فنڈ سے توانائی کے شعبوں میں تعاون کے معاہدے پر دستخط کیے۔

    وزیرپٹرولیم غلام سرورخان اور سعودی وزیرتوانائی خالدالفالح نےآئل ریفائنری اور پٹروکیمیکل کمپلیکس کی تعمیراور معدنی وسائل کی ترقی کے معاہدے اور وزیر بجلی عمر ایوب اور سعودی وزیر نے متبادل توانائی کے شعبے میں تعاون کی مفاہمتی یادداشت پردستخط کیے۔

    بعد ازاں سعودی ولی عہد شہزادہ محمدبن سلمان کے اعزاز میں ظہرانے کا اہتمام کیا گیا اور انھیں پاکستان کے اعلیٰ ترین ایوارڈ نشانِ پاکستان سےنوازا گیا۔