اسلام آباد: رواں مالی سال 2014-15ء کے دوران آئل اینڈ گیس ڈویلپمنٹ کمپنی تیل وگیس کی تلاش کے نئے منصوبوں اور پیداوار میں اضافہ کےلئے 85 ارب روپے خرچ کرے گی۔
او جی ڈی سی ایل کے حکام کے مطابق دوران سال کمپنی تیل وگیس کی تلاش کےلئے 19 نئے کنویں کھودے گی جبکہ دیگر 15 کنوﺅں کا ترقیاتی کام مکمل کیا جائے گا۔
او جی ڈی سی ایل ملک میں تیل وگیس کی تلاش اورپیداوار کے حوالے سے نمایاں کمپنی ہے ، جو تیل وگیس کی ملکی پیداوار میں اضافہ کےلئے کوشاں ہے تاکہ مقامی ضروریات کی تکمیل کےلئے درآمدات پر انحصار کو کم سے کم کیا جاسکے ، جس کے پیش نظر رواں مالی سال کے دوران کمپنی نے اپنے اہداف کو وسعت دی ہے اور اس کےلئے پچاس ارب روپے کا بجٹ بھی مختص کیا ہے۔
