Tag: سرمایہ کاری

اسلام آباد: وزیراعظم کی معاون خصوصی برائے اطلاعات فردوس عاشق اعوان نے کہا ہے کہ قطر پاکستان کے مختلف شعبوں میں بھاری سرمایہ کاری کرے گا۔

اے آر وائی نیوز کے مطابق معاون خصوصی کا کہنا ہے کہ امیر قطر کی پاکستان میں سرمایہ کاری، ترقی اور خوشحالی کے منصوبے میں دلچسپی کا خیرمقدم کرتے ہیں، وزیراعظم عمران خان کی امیر قطر سے دوطرفہ تعلقات اور تجارت پر بات چیت ہوئی، اس دوران سرمایہ کاری کے منصوبوں کو تقویت دینے پر بھی بات چیت کی گئی۔

سماجی رابطے کی ویب سائٹ ٹویٹر پر فردوس عاشق اعوان نے اپنے ٹوئٹ میں لکھا کہ ٹورازم سیکٹر میں سرمایہ کاری سے پاکستان میں سیاحت کو فروغ حاصل ہوگا، فیفا ورلڈ کپ 2022 کے حوالے سے پاکستانی کمپنیوں کے لیے تجارتی مواقع پر بھی امیر قطر سے گفتگو ہوئی۔

وزیراعظم نے امیر قطر کو بھارت میں مسلمانوں پر ہونے والے تشدد، مقبوضہ جموں کشمیر کی سنگین صورتحال اور انسانی حقوق کی پامالیوں سے آگاہ کیا۔دونوں رہنماؤں نے خطے میں امن کے فروغ کیلئے مل کر کام کرنے کے عزم کا اظہار کیا۔

— Dr. Firdous Ashiq Awan (@Dr_FirdousPTI) February 27, 2020

ان کا کہنا تھا کہ وزیراعظم نے امیر قطر میں بھارت میں مسلمانوں پر ہونے والے تشدد سے آگاہ کیا، وزیراعظم نے مقبوضہ کشمیر کی سنگین صورتحال اور انسانی حقوق کی پامالیوں سےآگاہ کیا، دونوں رہنماؤں نے خطے میں امن کے فروغ کیلئے مل کر کام کرنے کے عزم کا اظہار کیا۔

وزیر اعظم کا دورۂ قطر:‌ افغانستان کے امن کیلئے پاکستان کی حمایت کا اعادہ

خیال رہے کہ وزارتِ خارجہ کی جانب سے وزیراعظم عمران خان کے دورۂ قطر کا اعلامیہ جاری کیا گیا جس کے بعد دونوں ممالک کے سربراہان نے بنفس نفیس (ون آن ون) ملاقات کی جس کے بعد وفودکی سطح پربھی ملاقاتیں ہوئیں۔

اعلامیے کے مطابق ملاقات میں دوطرفہ تعلقات سمیت علاقائی اورعالمی امورپرگفتگو ہوئی جبکہ وزیراعظم عمران خان اور امیرِ قطر امیر قطر تمیم بن حمد الثانی نے سماجی و معاشی شراکت داری مزیدمضبوط کرنے پر بھی اتفاق کیا۔

اسلام آباد: وزیراعظم عمران خان کا کہنا ہے کہ پاکستان طویل مدتی سرمایہ کاری کے لیے پرکشش ملک تسلیم کیا جا رہا ہے۔

تفصیلات کے مطابق وفاقی دارالحکومت اسلام آباد میں وزیراعظم عمران خان سے غیرملکی سرمایہ کاروں کے وفد نے ملاقات کی۔ مشیر خزانہ،گورنر اسٹیٹ بینک اور مشیر تجارت بھی ملاقات میں شریک تھے۔

غیر ملکی سرمایہ کاروں کے وفد نے پاکستان میں طویل مدتی سرمایہ کاری میں گہری دلچسپی کا اظہار کرتے ہوئے موجودہ حکومت کی سرمایہ کار دوست پالیسیوں کو سراہا۔ وفد کے ارکان کا کہنا تھا کہ پاکستان نے غیر ملکی سرمایہ کاروں کے اعتماد میں اضافہ کیا ہے، پاکستان میں سرمایہ کاری کے بے پناہ مواقع دیکھ رہے ہیں۔

سرمایہ کاروں کے وفد کا کہنا تھا کہ ڈیجیٹل پاکستان کا وژن سرمایہ کاری کی راہ میں بڑی کامیابی ہے، وزیراعظم عمران خان کی قیادت میں پاکستان ترقی کی راہ پر گامزن ہے۔

اس موقع پر وزیراعظم عمران خان کا کہنا تھا کہ گزشتہ سال معیشت کے استحکام سے متعلق چیلنجنگ تھا، استحکام کے حصول کے بعد توجہ اب سماجی واقتصادی نمو کی طرف ہے۔

انہوں نے کہا کہ پاکستان عالمی سرمایہ کاروں کا اعتمادحاصل کرنے میں کامیاب رہا، پاکستان طویل مدتی سرمایہ کاری کے لیے پرکشش ملک تسلیم کیا جا رہا ہے، ورلڈ بینک کی رپورٹ میں پاکستان کی رینکنگ 28 درجے بہتر ہوئی۔

وزیراعظم کا کہنا تھا کہ پاکستان لامحدود مواقعوں کی سرزمین ہے، خاص طور پر نوجوانوں کے لیے بےشمار مواقع موجود ہیں، نوجوانوں کو روزگارکی فراہمی کے لیے سب سے بڑا منصوبہ شروع کیا، کامیاب جوان پروگرام کے ذریعے نوجوانوں کے لیے روزگار پیدا ہوگا۔

عمران خان نے کہا کہ ہنرمند پاکستان پروگرام سے بھی غربت کے خاتمے میں مدد ملےگی، پسماندہ طبقات کے لیے احساس پروگرام کا دائرہ کار وسیع کیاگیا ہے، معاشرے کے غریب اور نظرانداز طبقات کو ریلیف فراہم کیا جا رہا ہے۔

اسلام آباد: وزیراعظم عمران خان کا کہنا ہے کہ برطانوی ٹریول ایڈوائزری سے پاکستان میں سرمایہ کاری بڑھے گی، اقدام سے سب سے زیادہ فائدہ نوجوانوں کو ہوگا۔

تفصیلات کے مطابق سماجی رابطے کی ویب سائٹ ٹویٹر پر وزیراعظم عمران خان نے اپنے پیغام میں کہا کہ برطانوی ٹریول ایڈوائزری پاکستان کے لیے زبردست خبر ہے۔

وزیراعظم پاکستان نے کہا کہ برطانوی اقدام سے پاکستان کو معاشی طور پر2 طرح سے فائدہ ہوگا، برطانوی اقدام سے روزگار کے مواقع پیدا ہوں گے اور خسارہ کم ہوگا، برطانوی ٹریول ایڈوائزری سے پاکستان میں سیاحت بڑھے گی۔

وزیراعظم عمران خان کا کہنا ہے کہ برطانوی ٹریول ایڈوائزری سے پاکستان میں سرمایہ کاری بڑھے گی، اقدام سے سب سے زیادہ فائدہ نوجوانوں کو ہوگا۔

This is great news as it will address two most important econ issues facing Pak today: employment & our current account deficit, by bringing in tourism & investment which in turn will provide employment opportunities esp for our youth. https://t.co/8iQI6wKnwz

— Imran Khan (@ImranKhanPTI) January 24, 2020

برطانیہ نے پاکستان کے لیے ٹریول ایڈوائزری میں تبدیلی کردی

واضح رہے کہ برطانوی ہائی کمشنر نے کہا کہ خوشخبری دیتا ہوں کہ پاکستان کے لیے ٹریول ایڈوائزری میں تبدیلی کردی گئی ہے، برطانوی شہریوں کے لیے شمالی علاقوں میں سفر بذریعہ سڑک محفوظ ہے۔

برطانوی ہائی کمشنر کا کہنا تھا کہ خوشی ہے برطانوی شہری پاکستان کو اور بہتر طرح سے دیکھ سکتے ہیں، حکومت پاکستان کی کاوشوں کی وجہ سے سیکیورٹی صورت حال بہتر ہوئی ہے۔

اسلام آباد: غیر ملکی سرمایہ کاری حاصل کرنے کے سلسلے میں اب تک کی بڑی پیش رفت سامنے آئی ہے، وزیر اعظم کے معاون خصوصی زلفی بخاری کے اہم رابطے کام کر گئے۔

تفصیلات کے مطابق معاون خصوصی زلفی بخاری کے رابطوں کی بدولت مصر کے امیر ترین شخص نجيب ساويرس پاکستان پہنچ گئے، جن کے اثاثوں کی کل مالیت 2.8 ارب ڈالر ہے، نجیب ساويرس وزیر اعظم عمران خان سے آج اہم ملاقات کریں گے، جس کے نتیجے میں پاکستان میں بڑی سرمایہ کاری کا اعلان متوقع ہے۔

اے آر وائی نیوز کے مطابق سرمایہ کاری ہاؤسنگ منصوبے اور سیاحت کے شعبے میں کیے جانے کا امکان ہے، وزیر اعظم سے قبل نجیب ساویرس نے زلفی بخاری سے اہم ملاقات کی، زلفی بخاری نے کہا کہ نجیب ساویرس کو پاکستان آمد پر خوش آمدید کہتے ہیں۔

معاون خصوصی نے ٹویٹ کے ذریعے کہا کہ پاکستان آپ کا دوسرا گھر ہے، ہم آپ کو خوش آمدید کہتے ہیں، نیا پاکستان بنانے میں آپ کا کردار بھی اہم ہوگا۔ نجیب ساویرس نے جوابی ٹویٹ کرتے ہوئے کہا کہ پاکستان میرا دوسرا گھر ہے، پاکستان کے لوگ محنتی، ثقافت پسند اور روایات کے امین ہیں۔

یہ بھی پڑھیں:  منی گرام کا 2020 تک پاکستان میں سرمایہ کاری 1ارب ڈالر تک لے جانے کا اعلان

واضح رہے کہ رواں مالی سال جولائی تا اکتوبر میں غیر ملکی سرمایہ کاری میں 239 فی صد اضافہ ہوا ہے، اس مدت کے دوران غیر ملکی سرمایہ کاری 650 ملین ڈالر رہی، ناروے سے 264 ملین اور چین سے 122 ملین ڈالر کی سرمایہ کاری پاکستان میں آئی۔

منی گرام کے چیف ایگزیکٹو آفیسر ولیم الیگزینڈر نے 2020 تک پاکستان میں سرمایہ کاری 1 ارب ڈالر تک لے جانے کا اعلان کیا جب کہ چین کے ساتھ مشترکہ ٹریڈنگ کے معاہدے کے بعد پاکستان اسٹاک ایکسچینج میں 2 ارب ڈالر چینی سرمایہ کاری متوقع ہے۔