Tag: سرمایہ کاری

سیول: وفاقی وزیر برائے ریلوے شیخ رشید احمد نے کہا ہے کہ گوادر پورٹ کو ریل سے یورپین ریل نیٹ ورک سے ملانے کے لیے کام کر رہے ہیں۔

تفصیلات کے مطابق شیخ رشید جنوبی کوریا کے دورے پر ہیں، جہاں انھوں نے اپنے اعزاز میں پاکستانی کمیونٹی کی جانب سے دیے گئے عشائیے سے خطاب کیا۔

شیخ رشید نے کہا کہ سی پیک میں پاکستان ریلوے کے متعدد منصوبے شامل ہیں، ریلوے ٹریکس اور سگنلز کی اپ گریڈیشن اولین ترجیح ہے، کراچی تا پشاور ٹریک کو 5 سال میں ہائی اسپیڈ میں تبدیل کیا جائے گا۔

انھوں نے کہا کہ کورین سرمایہ کار اور تاجر پاکستان میں سرمایہ کاری کریں، ریلوے سمیت تمام شعبوں میں سرمایہ کاری کے لیے ماحول ساز گار ہے، دنیا بھر سے سرمایہ کار پاکستان کا رخ کر رہے ہیں۔

یہ بھی پڑھیں:  شیخ رشید کی کورین وزیر ریلوے کو سرمایہ کاری اور شراکت داری کی دعوت

وفاقی وزیر نے کہا کہ وزیر اعظم نے جرأت اور بے باکی سے مسئلہ کشمیر کو عالمی سطح پر اجاگر کیا، دنیا مقبوضہ کشمیر میں بھارتی مظالم پر کھل کر بات کر رہی ہے، پہلی بار لندن میں احتجاجی مارچ ہوا۔

شیخ رشید نے کہا کہ او آئی سی اور یورپی پارلیمنٹ جیسے پلیٹ فارمز پر کشمیر کا زیر بحث آنا وزیر اعظم کے بیانیے کی جیت ہے، کشمیر پاکستان اور پاکستانیوں کی شہ رگ ہے، پاکستان کشمیر کے لیے کسی بھی قربانی سے دریغ نہیں کرے گا، مسئلہ کشمیر حل کے قریب پہنچ چکا ہے۔

وفاقی وزیر نے پورے یقین کے ساتھ کہا کہ مسئلہ کشمیر یو این قراردادوں اور کشمیریوں کی امنگوں کے مطابق حل ہوگا۔

اسلام آباد: معاون خصوصی برائے صحت ڈآکٹر ظفرمرزا کا کہنا ہے کہ وزارت صحت وزارت بہبود آبادی کے ساتھ مل کرکام کر رہی ہے۔

تفصیلات کے مطابق وزیراعظم کے معاون خصوصی ڈاکٹرظفرمرزا نے سیمینار سے خطاب کرتے ہوئے کہا کہ حکومت ماں بچے کی صحت میں بہتری لانے کے لیے پرعزم ہے، حاملہ خواتین کی صحت کے اشاریوں میں نمایاں بہتری آئی ہے۔

ڈاکٹر ظفر مرزا نے کہا کہ صحت کے شعبے میں سرمایہ کاری کی ضرورت ہے، صحت کے مختلف شعبوں میں فنڈز میں اضافہ ناگزیر ہے۔ انہوں نے کہا کہ تعاون کرنے پرڈونرز کے شکرگزار ہیں۔

معاون خصوصی برائے صحت نے کہا کہ وزارت صحت وزارت بہبود آبادی کے ساتھ مل کرکام کر رہی ہے۔

بڑھتی آبادی سے مسائل میں اضافہ ہوتا ہے، ڈاکٹرظفرمرزا

یاد رہے کہ 11 جولائی کو وفاقی دارالحکومت اسلام آباد میں معاون خصوصی برائے صحت ظفرمرزا نے

تقریب سے خطاب کرتے ہوئے کہا تھا کہ بڑھتی آبادی سے مسائل میں اضافہ ہوتا ہے، آبادی پر قابو پانے سے مختلف مسائل حل ہوجاتے ہیں۔

ڈاکٹرظفرمرزا کا کہنا تھا کہ چند دہائیوں میں پاکستان کی آبادی میں 6 گنا اضافہ ہوا، آبادی پر قابو پانا صرف حکومت کی ذمہ داری نہیں ہے۔

معاون خصوصی برائے صحت ظفرمرزا کا کہنا تھا کہ آبادی سے متعلق نظریات کو تبدیل کرنے کی ضرورت ہے، آبادی کے مسئلے پرقابو پانے کے لیے عوامی حمایت کی ضرورت ہے۔

اسلام آباد: مشیر خزانہ ڈاکٹر عبد الحفیظ شیخ کا کہنا ہے کہ پاکستان میں بیرونی سرمایہ کاروں کے لیے ماحول سازگارہو رہا ہے، متعدد شعبوں میں سرمایہ کاری کے مواقع ہیں۔

تفصیلات کے مطابق مشیر خزانہ ڈاکٹر عبدالحفیظ شیخ نے تقریب سے خطاب کرتے ہوئے کہا کہ خطے میں ترقی کی ضرورت ہے، خطے کی ترقی کے لیے مواصلات اور رابطے بڑھانا ضروری ہے۔

عبدالحفیظ شیخ نے کہا کہ پاکستان چاہتا ہے کہ کیپٹل مارکیٹ ترقی کرے، ترقی ہوگی تو روزگار بڑھے گا۔ انہوں نے کہا کہ متعدد شعبوں میں سرمایہ کاری کے مواقع ہیں۔

مشیر خزانہ نے کہا کہ پاکستان میں بیرونی سرمایہ کاروں کے لیے ماحول سازگارہو رہا ہے، چین پاکستان کا بڑا اقتصادی شراکت دار ہے۔انہوں نے کہا کہ روزگارکی فراہمی کے لیے اقتصادی ترقی ناگزیرہے۔

عبدالحفیظ شیخ نے کہا کہ پاکستان تحریک انصاف کی حکومت شفافیت پر یقین رکھتی ہے، موجودہ حکومت کو قرض کا بڑا بوجھ ورثے میں ملا، دنیا بھر کو یہ پیغام دے دیا ہے کہ پاکستان معاشی نظم وضبط قائم کرے گا، پاکستان معاشی تبدیلی کے ایجنڈے کی طرف گامزن ہے۔

انہوں نے کہا کہ پاکستان نے اینٹی کرپشن ایجنڈا اپنایا ہوا ہے، مالی خسارہ کم ہوا اور برآمدات بڑھتی ہیں، آئی ایم ایف پروگرام میں جانے سے مثبت معیشت کا تاثر گیا۔