اسلام آباد: قومی اسمبلی میں ججز کی تعداد میں اضافے کے بعد تمام سروسز چیفس کی مدت ملازمت 3 سے بڑھا کر 5 سال کرنے کا بل بھی منظور کرلیا گیا۔
اے آر وائی نیوز کے مطابق قومی اسمبلی میں آرمی ایکٹ 1952 میں ترمیم کےبل کی شق وار منظوری ہوئی، تمام سروسز چیفس کی مدت ملازمت کو تین سال سے بڑھا کر پانچ سال کرنے کا بل کثرت رائے سے منظور کیا گیا۔
اس کے علاوہ سپریم کورٹ میں ججزکی تعداد 17 سے بڑھا کر 34 کرنے کا بل منظور کیا گیا جبکہ اسلام آباد ہائیکورٹ کے ججزکی تعداد 9 سے بڑھا کر 12 کرنے کا بل بھی منظور کیا گیا۔
قومی اسمبلی سے منظور سپریم کورٹ پریکٹس اینڈ پروسیجرترمیمی بل2024 کے متن کے مطابق سپریم کورٹ کے بینچ کی تشکیل کیلئے ججز کمیٹی میں تبدیلی کردی گئی ہے، ججز کمیٹی میں چیف جسٹس، سینئر ترین جج اور آئینی بینچ کےسربراہ کمیٹی کا حصہ ہونگے۔
