Tag: سرچ آپریشن

کراچی : شہرقائد کے مختلف علاقوں میں پولیس نےکارروائیوں کےدوران 13 افراد کو گرفتارکرکے چھینی گئی موٹرسائیکلیں اوراسلحہ برآمد کرلیا۔

تفصیلات کے مطابق کراچی کے علاقے منگھو پیرمشکی پاڑہ میں پولیس نے سرچ آپریشن کے دوران 10 افراد کو گرفتار کرلیا۔

دوسری جانب شہرقائد کے علاقے عزیزآباد اور جوہرآباد میں پولیس نے کارروائی کرتے ہوئے 3 ملزمان کو گرفتار کرکے چھینی گئی موٹرسائیکلیں اوراسلحہ برآمد کرلیا۔

رینجرزکی کارروائی‘ سرجانی ٹاؤن کےمکان سےاسلحے کا ڈھیربرآمد

خیال رہے کہ رات گئے رینجرز نے خفیہ اطلاع پر سرجانی ٹاؤن میں بڑی کارروائی کرکے زیرتعمیر مکان میں دفن کیا گیا اسلحے کا ڈھیر برآمد کرلیا، ہتھیار شہر میں بدامنی پھیلانے اور ٹارگٹ کلنگ کے لیے چھپائے گئے تھے۔

ترجمان رینجرز کا کہنا ہے کہ سرجانی ٹاؤن یارو گوٹھ میں کارروائی کی گئی، زیرتعمیرمکان میں کھدائی کی تو ہتھیار اور گولیاں ملیں، برآمد اسلحے میں دو ایس ایم جیز، ایم پی فائیو،30بور پسٹل، ریپیٹرز، شارٹ گن اور مختلف ہتھیاروں کی ایک ہزار کے قریب گولیاں شامل ہیں۔

انتہائی مطلوب ٹارگٹ کلر رئیس مما انٹرپول کے ذریعے گرفتار

یاد رہے کہ رواں ماہ 27 مارچ کو ایم کیو ایم سے تعلق رکھنے والا انتہائی مطلوب ٹارگٹ کلررئیس مما کو پولیس نے کراچی ایئرپورٹ پر اپنی تحویل میں لیا تھا۔ رئیس مما کو دو ماہ پہلے ملائیشیا میں گرفتار کیا گیا تھا۔

خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

کراچی: شہر قائد کے مختلف علاقوں میں پولیس کی کارروائیوں کے دوران 16 افراد کو گرفتار کرکے اسلحہ اور منشیات برآمد کرلی۔

تفصیلات کے مطابق کراچی کے علاقے بلدیہ ٹاؤن میں پولیس نے سرچ آپریشن کے دوران 15افراد کو گرفتار کیا گیا جبکہ 120 افراد کی بائیو میٹرک تصدیق کی گئی۔

دوسری جانب پولیس نے منگھوپیرمیں پولیس نے کارروائی کرتے ہوئے ایم کیو ایم لندن کے ٹارگٹ کلر گرفتار کرکے ملزم سے 1145 گرام چرس، 30 بورپسٹل، 5 راؤنڈز برآمد کرکے مقدمہ درج کرلیا۔

پولیس کے مطابق ملزم عامرعرف کالا بلوچستان ساکران کےعلاقے میں روپوش تھا، ملزم کو منگھوپیربند مراد کے قریب سندھ بلوچستان سرحدی پٹی سے پکڑا۔

پولیس حکام کا کہنا ہے کہ ملزم عامرعرف کالا بلوچستان سے منشیات کراچی اسمگل کررہا تھا۔

کراچی : رینجرزاورسی ٹی ڈی پولیس کی مشترکہ کارروائی‘ 2 دہشت گرد ہلاک

یاد رہے کہ 19 اگست کو رینجرز اورکاؤنٹر ٹیررازم ڈپارٹمنٹ نے دہشت گردوں کی موجودگی کی اطلاع پر کراچی میں کورنگی نورانی بستی میں کالعدم تنظیم تحریک طالبان پاکستان کے 2 دہشت گرد ہلاک کیے تھے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

کراچی : شہرقائد اور گوجرانوالہ میں پولیس نے سرچ آپریشن کے دوران 30 افراد گو حراست میں لے کر منشیات برآمد کرلی۔

تفصیلات کے مطابق کراچی کے علاقے گلستان جوہر رابعہ سٹی میں پولیس نے سرچ آپریشن کے دوران 15 سے زائد افراد گرفتار کرلیا۔ پولیس کے مطابق زیر حراست افراد سے تفتیش کی جا رہی ہے۔

دوسری جانب ایس ایس پی ایسٹ کے مطابق کراچی کے علاقے گلستان جوہر میں پولیس نے کارروائیوں میں 3 مشتبہ افراد کو گرفتار کرکے مشتبہ افراد سے کٹر اور تیز دھار آلے ملے ہیں۔

ایس ایس پی ایسٹ کا کہنا ہے کہ مشکوک تمام افراد موٹرسائیکل پرسوارتھےجبکہ مشکوک افراد سےتفتیش جاری ہے۔

ادھر پنجاب کے شہر گوجرانوالہ میں تھانہ کینٹ پولیس نے مختلف علاقوں میں سرچ آپریشن کے دوران 12 مشتبہ افراد کو حراست میں لے کر منشیات برآمد کرلی۔

سابق وزیرداخلہ پنجاب پرخودکش حملےکا ماسٹرمائنڈ پولیس مقابلےمیں ہلاک

یاد رہے کہ گزشتہ روز کراچی کے علاقے اجمیرنگری میں پولیس کی کارروائی میں کالعدم تنظیم کا مطلوب دہشت گرد سعد سُرخان مارا گیا تھا جبکہ اس کے 2 ساتھی فرار ہونے میں کامیاب ہوگئے تھے۔

ایس ایس پی سینٹرل عرفان بلوچ کا کہنا تھا کہ مارے جانے والا دہشت گرد سابق وزیرداخلہ پنجاب کرنل ریٹائرد شجاع خانزادہ پر خودکش حملے کا ماسٹرمائنڈ تھا۔

ملتان میں سی ٹی ڈی کی کارروائی‘ 2 دہشت گرد ہلاک

واضح رہے کہ 5 اکتوبر2017 کو صوبہ پنجاب کے شہر ملتان میں سی ٹی ڈی کی ٹیم کی کارروائی کے دوران فائرنگ کے تبادلے میں 2 دہشت گرد مارے گئے تھے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔