ARYNews.tv | Urdu – Har Lamha Bakhabar

Tag: سرچ آپریشن

  • مختلف علاقوں میں پولیس کا سرچ آپریشن،متعدد افراد گرفتار

    مختلف علاقوں میں پولیس کا سرچ آپریشن،متعدد افراد گرفتار

    ٹارگٹ کلنگ کی تازہ لہرکے بعد قانون نافذکرنےوالےادارےمتحرک ہوگئے، تفصیلات کے مطابق کراچی کے علاقے اورنگی ٹاؤن فرنٹئیر کالونی میں پولیس نے داخلی اور خارجی راستوں کی ناکہ بندی کرکے سرچ آپریشن کیا جس کے دوران متعدد مشتبہ افراد کو حراست میں لیا گیا۔

    پولیس ذرائع کے مطابق سرچ آپریشن گذشتہ شب پیر آباد کے علاقے میں پولیس موبائل پر فائرنگ کے واقعے میں ملوث ملزمان کی موجودگی کی اطلاع پر کیا گیا تاہم کارروائی کے دوران پولیس کوئی اہم کامیابی حاصل نہیں کرسکی۔

    لیاقت آباد اور شریف آباد پولیس نے ایف سی ایریا، الکرم اسکوائر، اپسرا اپارٹمنٹ اور بندھانی کالونی میں کارروائی کے دوران پانچ مشتبہ افراد کو حراست میں لے لیا، کیماڑی پولیس نے بھی بینک ڈکیتیوں اور پولیس مقابلوںمیں ملوث اشتہاری ملزم جاوید قریشی کو گرفتار کرکے اسلحہ برآمد کرلیا۔

    ملزم کو ملتان کی عدالت نے اشتہاری قرار دیا تھا۔ بوٹ بیسن پولیس نے بھی اسٹریٹ کرائمز میں ملوث ملزم کو گرفتار کرکے اسلحہ برآمد کرلیا۔

     

  • کراچی:سرچ آپریشن کے دوران 10مشتبہ افراد گرفتار

    کراچی:سرچ آپریشن کے دوران 10مشتبہ افراد گرفتار

    کراچی کے علاقے بنارس میں اینٹی وائلنٹ کرائم سیل نے دو منشیات فروشوں کو گرفتار کرلیا، منگھوپیر ایم پی آر کالونی سے بھی سرچ آپریشن کے دوران دس مشتبہ افراد کو حراست میں لیا گیا۔

    بنارس کے علاقے پٹھان کالونی میں اے وی سی سی نے خفیہ اطلاع پر کاروائی کی، جس کے دوران منشیات کے بین الصوبائی گروہ کے دو ملزمان فضل خان اور برت علی کو گرفتار کرلیا جبکہ ملزمان کا ساتھی امتیاز خان فرار ہوگیا۔

    پولیس کے مطابق ملزمان پشاور سے ٹرک اور کوچز کے ذریعے اسلحہ اور منشیات کراچی اسمگل کرتے تھے، جہاں انکے ساتھی اسلحے اور منشیات کو منشیات فروشوں اور دہشتگرد گروہوں کو فروخت کرتے تھے۔

    ملزمان کے قبضے سے بھاری مقدار میں اسلحہ اور منشیات برآمد کی گئی ہے، ملزمان سے مزید تفتیش کی جارہی ہے، دوسری جانب منگھو پیر ایم پی آر کالونی میں پولیس نے سرچ آپریشن کے دوران دس مشتبہ افراد کو حراست میں لے لیا تاہم زیر حراست افراد کے قبضے سے اسلحہ برآمد نہیں کیا جاسکا۔

  • راولپنڈی:مختلف علاقوں میں سرچ آپریشن،ستر سے زائد مشتبہ افراد گرفتار

    راولپنڈی:مختلف علاقوں میں سرچ آپریشن،ستر سے زائد مشتبہ افراد گرفتار

    راولپنڈی کے مختلف علاقوں رتہ امرال، گنج منڈی، تھانہ سٹی پیر وداحی اور ہزارہ کالو نی میں سرچ آپریشن، ستر سے زائد مشتبہ افراد گرفتار کرلئے گئے، راولپنڈی میں چہلم امام حسین کے موقع پر شہر میں امن و امان بر قرار رکھنے کے لئے پولیس اور قانون نافذ کرنے والے اداروں کی کارروائیاں جا ری ہیں۔

    اس سلسلے میں مختلف تھانوں کی حدود میں وقتاًفوقتاً سرچ آپریشن کئے جا رہے ہیں اور متعدد گرفتاریاں بھی عمل میں آرہی ہیں ۔ پولیس نے تھانہ رتہ امرال ، گنج منڈی، تھانہ سٹی، پیر وداحی اور ہزارہ کالو نی سے ملحقہ آبا دیوں میں سرچ آپریشن کیا سرچ آپریشن کے دوران ستر سے زائد مشتبہ افراد کو حراست میں لے لیا گیا۔