Tag: سرکاری اسپتال

راولپنڈی: منافع خوروں نے کرونا وائرس کی وبا میں دیگر ضروری اشیا کی طرح آکسیجن بھی مارکیٹوں سے غائب کر دی۔

اے آر وائی نیوز کے مطابق کرونا کے مریضوں کی تعداد بڑھنے سے اسپتالوں کو مشکلات کا سامنا ہے، راولپنڈی کے تمام سرکاری اسپتالوں میں آکسیجن کی بھی قلت پیدا ہو گئی ہے۔

ذرایع کا کہنا ہے کہ مارکیٹ میں آکسیجن کی قلت سے اسپتالوں کو مشکلات کا سامنا کرنا پڑ رہا ہے، منافع خوروں نے آکسیجن بھی مارکیٹوں سے غائب کر دی، اسپتالوں میں فنڈز موجود ہونے کے باوجود آکسیجن خریدنے میں مشکلات کا سامنا ہے۔

اس سے قبل کرونا کی وبا شروع ہوتے ہی منافع خوروں نے فیس ماسک مارکیٹ سے غائب کر کے قیمتیں آسمان تک پہنچا دی تھیں، اس کے بعد سینی ٹائزرز بھی مارکیٹ سے غائب ہو گئے تھے، اور ابھی چند دن قبل طاقت ور منافع خوروں نے آرتھرائٹس کا انجیکشن ایکٹمرا بھی مارکیٹ سے غائب کر دی تھی اور اس کی قیمت ایک لاکھ سے بھی اوپر جا چکی ہے۔

رواں ماہ کے اختتام تک 1000اضافی آکسیجن بیڈز دستیاب ہوں گے

اب منافع خوروں نے آکسیجن بھی غائب کر دی ہے تاکہ اسے بلیک میں نہایت مہنگا فروخت کیا جا سکے، خیال رہے کہ کرونا انفیکشن کے سیرئس مریضوں کو وینٹی لیٹرز پر منتقل کر کے مصنوعی طور پر آکسیجن فراہم کی جاتی ہے، تاہم اسپتالوں میں دیگر سیرئس مریضوں کو بھی مستقل طور پر آکسیجن کی ضرورت پڑتی رہتی ہے۔

لاہور: سروسز اسپتال کی لاکھوں کی دوائیں گاڑی میں لوڈ کرتے وقت چور پکڑے گئے، پولیس گرفتار کرنے پہنچ گئی۔

تفصیلات کے مطابق سروسز اسپتال لاہور میں لاکھوں روپے کی دواؤں کی چوری پکڑی گئی ہے، ایم ایس اسپتال ڈاکٹر افتخار کا کہنا تھا کہ امراض قلب اور گردوں کی دوائیں چوری کر کے فروخت کی جاتی تھیں۔

ڈاکٹر افتخار نے میڈیا کو بتایا کہ امجد اور زاہد نامی ملزمان کو دوائیاں چوری کرتے رنگے ہاتھوں پکڑا گیا ہے، امجد نامی ملزم 7 سال سے اسپتال کا ملازم ہے، ملزمان 50 سے 60 لاکھ کی دوائیں گاڑی میں لاد چکے تھے۔

ایم ایس سروسز اسپتال نے بتایا کہ دونوں ملزمان سرکاری اسپتال کو کروڑوں کا نقصان پہنچا چکے ہیں۔ ملزمان کو رنگے ہاتھوں پکڑنے کے بعد پولیس کو بھی بلا لیا گیا۔

واضح رہے کہ پنجاب اور سندھ کے سرکاری اسپتالوں سے ادویات کی چوری منظم طریقوں سے ایک عرصے سے جاری ہے، گزشتہ برس جنوری میں کراچی سے پولیس نے ایسے تین ملزمان کو گرفتار کیا تھا جو سرکاری اسپتالوں میں مفت فراہم کی جانے والی دوائیں سرکاری لیبل مٹا کر فروخت کرتے تھے۔

کراچی: وزیراعلیٰ سندھ مراد علی شاہ کا کہنا ہے کہ تمام سرکاری اسپتالوں میں الگ بھی آئیسولیشن سینٹرز بنائے ہیں۔

تفصیلات کے مطابق وزیراعلیٰ سندھ مراد علی شاہ نے نجی اسپتالوں کے مالکان، سی ای اوز سے ملاقات کی وزیراعلیٰ سندھ مراد علی شاہ کو نجی اسپتالوں کے مالکان، سینئر ڈاکٹرز کی جانب سے صوبے میں لاک ڈاؤن مزید بڑھانے کی تجویز دی گئی۔

وزیراعلیٰ سندھ کا کہنا تھا کہ لاک ڈاؤن کی تجویز پر مشاورت کریں گے۔انہوں نے کہا کہ میں آپ سب کو آن بورڈ لینا چاہتا ہوں،اس جنگ میں سب ماہرین کی رہنمائی چاہیے۔

مراد علی شاہ کا کہنا تھا کہ ترجیحی کیئر اسپتالوں میں آئی سی یو ،سی سی یو قائم کیے ہیں، تمام سرکاری اسپتالوں میں بھی الگ آئیسولیشن سینٹرز بنائے ہیں۔وزیراعلیٰ سندھ کا مزید کہنا تھا کہ نجی اسپتالوں میں الگ بیڈز، آئی سی یو ہونے چاہئیں۔

پاکستان میں کرونا کے مریضوں کی تعداد 4000 سے تجاوز ، 54 ہلاکتیں

واضح رہے کہ پاکستان میں کرونا وائرس کے مریضوں کی تعداد 4000 سے تجاوز کرگئی جبکہ وائرس سے اموات 54 تک پہنچ گئیں۔

اعدادو شمار کے مطابق گزشتہ 24 گھنٹے کے دوران 4 اموات بھی رپورٹ ہوئیں جبکہ 28 افراد کی حالت تشویش ناک ہیں۔کمانڈ اینڈ آپریشن سینٹر کا کہنا ہے کہ اب تک ملک میں 429 افراد صحت یاب ہو چکے ہیں، 24 گھنٹے کے دوران 3088 اور مجموعی طور پر39183 ٹیسٹ کیے گئے۔