کراچی : سرکاری محکموں میں دیر سے آنےاورگھوسٹ ملازمین کامعاملہ عدالت پہنچ گیا، ملازمین کے بائیو میٹرک لازمی قرار دینے کی درخواست دائر کردی گئی۔
تفصیلات کے مطابق سرکاری محکموں میں ملازمین کے بائیو میٹرک لازمی قرار دینے کی درخواست دائر کردی گئی ، شہری واقف شاہ نے سندھ ہائی کورٹ میں درخواست دائر کی۔
درخواست گزار نے کہا کہ تمام سرکاری محکموں میں ملازمین کیلئے بائیومیٹرک حاضری لازمی قرار دی جائے، محکمہ صحت اوربلدیات میں تولازمی بائیومیٹرک حاضری ہونی چاہیے۔
درخواست میں کہا گیا ہے کہ بائیومیٹرک ڈیوائسزپرایک شخص مختص کیاجائےجوحفاظت بھی کرے، سرکاری ملازمین 11بارہ بجےدفاترآتےہیں اور عوام صبح 8 بجے سےسرکاری دفاتر میں افسرکاانتظار کرتے رہتےہیں۔
عوام گھوسٹ اوردیر سے آنے والے ملازمین سےپریشان ہیں، سندھ سیکریٹریٹ میں ملازمین اپنی مرضی سےآتےہیں اور مرضی سےجاتے ہیں، بائیومیٹرک حاضری سے گھوسٹ ملازمین کا بھی پتہ چل جائے گا۔
شہری واقف شاہ کی درخواست پر عدالت نے چیف سیکریٹری ودیگرکونوٹس جاری کردیے اور فریقین سے 9 نومبر تک جواب طلب کرلیا۔
