Tag: سرکاری ملازمین

پشاور: خیبر پختونخوا حکومت نے سرکاری ملازمین کو بلاسود اور آسان اقساط پر قرض دینے کا فیصلہ کیا ہے۔

تفصیلات کے مطابق خیبر پختونخواہ حکومت کا ایک اور شاندار اقدام، سرکاری ملازمین کو بلا سود آسان اقساط پر قرض ملے گا، اس حوالے سے حکومت نے مراسلہ جاری کر دیا۔

مراسلے میں کہا گیا ہے کہ گھرکی تعمیر،گاڑی،موٹر سائیکل اور سائیکل خریدنے کے لیے قرض دیا جائے گا،گریڈ ایک سے 17 تک ملازمین قرضہ لے سکتے ہیں۔

صوبائی حکومت کی جانب سے جاری مراسلے میں کہا گیا ہے کہ گریڈ17 سے اوپر کے ملازمین صرف گاڑی خریدنے کے لیے قرض لے سکتے ہیں،8 ہزار روپے سے ڈھائی لاکھ روپے تک قرض دیا جائے گا۔

خیبر پختونخواہ حکومت نے مراسلہ تمام انتظامی امور کے ذمے داروں کو ارسال کیا گیا ہے۔

اس سے قبل رواں سال جون میں صوبائی حکومت نے نئے مالی سال کے موقع پر سرکاری ملازمین کے تنخواہوں اور پنشن میں اضافہ نہ کرنے کا فیصلہ کیا تھا۔

لاہور: قومی اسمبلی میں قائد حزب اختلاف شہباز شریف نے سرکاری ملازمین کی تنخواہوں میں کم ازکم 10فیصد اضافے کا مطالبہ کردیا اور کہا کہ اپنے دور حکومت میں ن لیگ نے ہر سال ملازمین کی تنخواہوں میں اضافہ کیا۔

تفصیلات کے مطابق مسلم لیگ ن کے صدر شہاز شریف کا کہنا تھا کہ اپنے دور حکومت میں ن لیگ نے ہر سال ملازمین کی تنخواہوں میں اضافہ اور الاؤنسز دیئے، کم اسکیل سرکاری ملازمین کی تنخواہوں میں اضافہ نہ کرنا مناسب نہیں، مہنگائی ہر حد پار کر چکی ہے، صحت کے اخراجات بڑھ چکے ہیں۔

انہوں نے کہا کہ سرکاری ملازمین کی ایسے میں تنخواہ نہ بڑھانا ناانصافی نہیں تو اور کیا ہے۔ موجودہ بجٹ سے ظاہر نہیں ہوتا کہ معاشی کسادبازاری سے گزر رہا ہے، معاشی تحریک پیدا کرنے کے اقدامات کہاں ہیں؟

پنجاب کا بجٹ کب پیش کیا جائے گا؟

شہبازشریف نے سوال اٹھایا کہ سرکاری شعبے کے ترقیاتی اخراجات اور منصوبے کہاں ہیں؟ اقدامات دکھائی نہیں دیتے جن سے روزگار پیدا ہو اور غربت کم ہو سکے، کسانوں کی مدد کے لیے کسی پروگرام کا بجٹ میں ذکر تک نہیں ہے۔

خیال رہے کہ گزشتہ دنوں ملک میں آئندہ مالی سال 2020-2021 کے لیے 72 کھرب 94 ارب روپے کا بجٹ پیش کیا گیا جو گزشتہ مالی سال کے مقابلے میں گیارہ فیصد کم ہے۔ تاہم بجٹ پر اپوزیشن نے شدید تحفظات کا اظہار کیا ہے۔

پشاور: خیبرپختونخوا حکومت نے کروناوائرس اور لاک ڈاؤن کی صورت حال کے دوران ڈیوٹی دینے والے سرکاری ملازمین کو اعزازیہ دینے کا فیصلہ کرلیا۔

تفصیلات کے مطابق صوبے میں ان سرکاری ملازمین کو اعزازیہ دیا جائے گا جنہوں نے کرونا کے باوجود اپنے فرائض کی انجام دہی جاری رکھی اور بدستور وہ اپنی ڈیوٹی کررہے ہیں۔

حکومت کی جانب سے جاری کردہ سرکلر کے متن میں ہدایت کی گئی ہےکہ کرونا صورت حال پر تمام ضروری ملازمین کی فہرستیں مرتب کی جائیں، ایسے ملازمین جو 19مارچ سے مسلسل اپنے فرائض انجام دے رہے ہیں۔

لاک ڈاؤن کے بہانے غیر حاضر سرکاری ملازمین کیخلاف کارروائی کا آغاز

وبا کے دوران ڈیوٹی انجام دینے والے سرکاری ملازمین کو اعزازیہ کی منظوری دے دی گئی۔

خیال رہے کہ عالمگیر وبا کے دوران اپنی جان خطرے میں ڈال کر بہت سے سرکاری شعبے ایسے ہیں جو اپنے فرائض جاری رکھے ہوئے ہیں جن میں پولیس، شعبہ ٹریفک، شعبہ صحت سیمت دیگر سرکاری ادارے بھی شامل ہیں۔

جبکہ ڈیوٹی کے دوران کئی ڈاکٹرز اور پولیس اہلکار بھی کروناوائرس کا شکار ہوئے۔