Tag: سرکاری ملازمین

اسلام آباد: وزیراعظم عمران خان کا کہنا ہے کہ بی آئی ایس پی میں سرکاری ملازمین پیسہ وصول کر رہے تھے، بی آئی ایس پی سے 8 لاکھ غیرمستحق افراد کو باہر نکالا گیا۔

تفصیلات کے مطابق وزیراعظم عمران خان احساس کفالت پروگرام کی تقریب سے خطاب کرتے ہوئے کہا کہ احساس کفالت پروگرام شروع کرنے پر مبارکباد دیتا ہوں۔

وزیراعظم کا کہنا تھا کہ مشکل وقت تھا اس لیے حکومت پر مسلسل تنقید ہو رہی تھی، ہماری کوشش تھی عوام کی سہولت کے لیے جلد سے جلد پروگرام لائیں، مشکل حالات میں ہم نے بھی مشکل فیصلے کیے۔

انہوں نے کہا کہ بی آئی ایس پی میں سرکاری ملازمین پیسہ وصول کر رہے تھے، بی آئی ایس پی سے 8 لاکھ غیرمستحق افراد کو باہر نکالا گیا، شفاف پروگرام کےتحت اب مستحق اور کمزور طبقے کو مدد ملے گی۔

وزیراعظم عمران خان کا کہنا تھا کہ بائیو میٹرک سسٹم کے ذریعےمستحق افراد تک پیسہ پہنچے گا، بائیومیٹرک سسٹم کے ذریعے پیسوں کی چوری ممکن نہ ہوگی۔

احساس پروگرام سے متعلق وزیراعظم کا کہنا تھا کہ ایک اور پروگرام 2 ہفتے میں آئے گا، پروگرام کے تحت غریب خواتین کو گائے، بھینسیں دی جائیں گی، پروگرام کے تحت نادار خواتین کے بینک اکاؤنٹ سے پیسے چوری نہیں ہوسکیں گے۔

انہوں نے کہا کہ 5 لاکھ نوجوانوں کو ہنر کی تعلیم دیں گے تاکہ اپنا کاروبار کرسکیں، ہنرمند پروگرام کے تحت کوشش کریں گے جلدی ہنر دیں، نوجوانوں کو میرٹ پر قرض دے کر اپنا کاروبار پروگرام لائے ہیں۔

وزیراعظم پاکستان کا مزید کہنا تھا کہ نوجوان کاروبار کا آئیڈیا دے کر بینک کے ذریعے قرض حاصل کرسکیں گے، ہماری کوشش تھی کسی طرح اپنے کمزور طبقے کی مدد کی جائے، فلاحی ریاست کی بنیاد رکھی جا رہی ہے۔

اسلام آباد: وزیر اعظم عمران خان کی زیر صدارت وفاقی کابینہ اجلاس نے سارے وفاقی وزرا کی تنخواہ میں 10 فی صد کمی کا فیصلہ کر لیا ہے۔

تفصیلات کے مطابق وفاقی کابینہ نے تمام وفاقی وزرا کی تنخواہوں میں کمی کا فیصلہ کر لیا ہے، وزرا کی تنخواہوں میں دس فی صد کمی کی جائے گی۔

کابینہ نے گریڈ 21 اور 22 کے سرکاری ملازمین کی تنخواہیں بھی نہ بڑھانے کا فیصلہ کیا، وفاقی کابینہ نے بجٹ تجاویز کی بھی منظوری دے دی۔

واضح رہے کہ آج قومی اسمبلی میں سالانہ بجٹ پیش کیا جا رہا ہے، اس بجٹ میں سالانہ چار لاکھ سے زائد تنخواہ وصول کرنے والوں پر ٹیکس عاید کیے جانے کا امکان ہے، 4 لاکھ روپے سالانہ آمدنی پر کوئی ٹیکس نہیں ہوگا۔

مالی سال کے بجٹ میں تنخواہ دار طبقے کے لیے انکم ٹیکس کی شرح میں تبدیلی کی جائے گی ، ایک بار پھر 4 لاکھ سے زائد کی رقم قابل ٹیکس آمدن قرار دیے جانے کا امکان ہے۔