ARYNews.tv | Urdu – Har Lamha Bakhabar

Tag: سرکاری ملازمین

  • رمضان سے قبل سرکاری ملازمین کے لئے تنخواہوں اور پنشن کے حوالے سے بڑی خوشخبری

    رمضان سے قبل سرکاری ملازمین کے لئے تنخواہوں اور پنشن کے حوالے سے بڑی خوشخبری

    پشاور : رمضان سے قبل سرکاری ملازمین کے لیے تنخواہوں اور پنشن کے حوالے سے بڑی خوشخبری آگئی ۔

    تفصیلات کے مطابق عوام نے رمضان المبارک کی تیاریاں شروع کر دی ہیں، پاکستان میں رمضان المبارک کا چاند دیکھنے کے لئے مرکزی رویت ہلال کمیٹی کا اجلاس 28 فروری کو طلب کرلیا گیا ہے۔

    رمضان کیلئے دودھ اور دہی کی قیمتیں مقرر

    ماہرین فلکیات پاکستان میں رمضان المبارک کا چاند 28 فروری یا یکم مارچ کو نظر آئے گا، اس طرح یکم رمضان المبارک یکم مارچ یا 2 مارچ کو ہوگا۔

    رمضان کی آمد پر خیبرپختونخوا حکومت نے سرکاری ملازمین کو 28 فروری تک تنخواہیں جاری کرنے کا فیصلہ کرلیا۔

    محکمہ خزانہ خیبرپختونخوا نے محکموں اوراداروں کے سربراہان کومراسلہ بھیج دیا، جس میں کہا ہے کہ رمضان المبارک کیلئے ملازمین کی تنخواہ اور پنشن 28 فروری کودی جائیں۔

    مراسلے میں کہا گیا ہے کہ یکم اور2 مارچ کو سرکاری چھٹی کے باعث تنخواہیں ایک روز قبل جاری کی جائیں۔

    Currency Rates in Pakistan Today- پاکستان میں آج ڈالر کی قیمت

  • آنے والا بجٹ ! رانا ثنااللہ نے سرکاری ملازمین کو بڑی خوشخبری سنادی

    آنے والا بجٹ ! رانا ثنااللہ نے سرکاری ملازمین کو بڑی خوشخبری سنادی

    اسلام آباد : وزیراعظم کے مشیر رانا ثنااللہ نے سرکاری ملازمین کو آنے والے بجٹ کے حوالے سے بڑی خوشخبری سنادی۔

    تفصیلات کے مطابق وفاقی سرکاری ملازمین کے مسائل کے حل کیلئے قائم کمیٹی کا دوسرااجلاس ہوا، اجلاس کی صدارت وزیراعظم کےمشیرراناثنااللہ نے کی

    اجلاس میں طارق فضل ، وزارت خزانہ و اسلام آباد پولیس نمائندے ،ملازمین الائنس عہدیداران نے شرکت کی۔

    رانا ثنااللہ نے کہا کہ تنخواہوں میں تفریق سمیت دیگر مطالبات کمیٹی کو پیش کیے گئے تھے، وزیراعظم نے سرکاری ملازمین کو زیادہ سے زیادہ ریلیف دینے کی ہدایت کی ہے۔

    کمیٹی وفاقی معذورسرکاری ملازمین کیلئےالاؤنس میں اضافے اور وفاقی سرکاری اساتذہ کےحالیہ کٹنےوالےٹیکس میں ریلیف کی بھی سفارش کرے گی۔

    تنخواہوں میں تفریق کےخاتمےکےلئےضمنی کمیٹی کام رہی ہے، ضمنی کمیٹی تنخواہوں میں تفریق کےخاتمےودیگرمسائل کےحل کامالی تخمینہ لگارہی ہے۔

    آئی ایم ایف پروگرام کی وجہ سے حکومت کوتمام مطا لبات پورےکرنےمیں مشکلات ہیں، سرکاری ملازمین کو آنے والے بجٹ میں زیادہ سے زیادہ ریلیف دینےپربھی کام ہورہاہے اور مسائل کےحل کےلئےقابل عمل تجاویزپرفوری عملدرآمدکیاجارہاہے۔

  • آئی ایم ایف کی شرط پوری! سرکاری ملازمین کے لئے بڑی خبر آگئی

    آئی ایم ایف کی شرط پوری! سرکاری ملازمین کے لئے بڑی خبر آگئی

    اسلام آباد : آئی ایم ایف کی شرط پوری کرتے ہوئے سرکاری ملازمین کے گرد گھیرا تنگ کردیا گیا ، اب افسران اپنے اثاثے پبلک کرنے کے پابند ہوں گے۔

    تفصیلات کے مطابق وفاقی کابینہ نے سرکاری ملازمین کے اثاثے ظاہر کرنے کا قانون منظور کر لیا اور سول سرونٹس ایکٹ 1973 کے سیکشن میں نئی دفعہ اے15کا اضافہ کر دیا گیا۔

    وفاقی کابینہ نے سول سرونٹ ایکٹ1973 کےسیکشن 15اےکی ترمیم کی توثیق کر دی ، سرکاری ملازم کے طرز عمل کو قواعد میں تبدیلی کے ذریعے منظم کیاجائے گا۔

    حکومت سرکاری ملازم کے مالی طرز عمل کو ریگولیٹری اور مانیٹر کرے گی اور معلومات تک رسائی قانون کےتحت افسران کےاثاثوں کی تفصیل ویب سائٹ پربھی ہوگی۔

    گریڈ17سے 22 تک کے سرکاری افسران اپنے اثاثے پبلک کرنے اور اپنے اہلخانہ کے اثاثوں کی تفصیل دینے کے بھی پابند ہوں گے۔

    سرکاری افسر ملکی اور غیر ملکی اثاثے اور مالی حیثیت سے آگاہ کرے گا ، سرکاری افسران کو ایف بی آر کے ذریعے اپنے اثاثے ظاہر کرنا ہوں گے۔

    اسٹیبلشمنٹ ڈویژن کوبھی افسران کےاثاثوں کی تفصیلات تک رسائی ہوگی اور افسر کی رازداری ،سلامتی کیلئےعوامی مفاد کے درمیان توازن کو مدنظر رکھا جائے گا۔

    عوامی طور پر قابل رسائی ڈیٹا کا تحفظ یقینی بنایا جائے گا اور کسی بھی افسر کی ذاتی معلومات کو خفیہ رکھا جائے گا ، شناختی نمبر، رہائشی پتے، بینک اکاؤنٹ یا بانڈ نمبرز کی رازداری کی جائے گی اور ذاتی معلومات کو خفیہ رکھنے کے لئے ایف بی آر ڈیٹا سیکیورٹی بھی کرے گا۔

    آئی ایم ایف بجلی کی قیمت کم کرنے پر مان گیا

  • امریکا میں ہزاروں سرکاری ملازمین کی نوکریاں چھوڑنے کی خواہش

    امریکا میں ہزاروں سرکاری ملازمین کی نوکریاں چھوڑنے کی خواہش

    امریکی میڈیا نے دعوی کیا ہے کہ 65 ہزار سے زائد ملازمین نے امریکا کی سرکاری ملازمتیں چھوڑنے کی خواہش ظاہر کا اظہار کردیا ہے۔

    بین الاقوامی خبر رساں ادارے کی رپورٹ کے مطابق سرکاری ملازمت چھوڑنے کی خواہش ظاہر کرنے والے ملازمین کی تعداد میں روز بروز بڑھ رہی ہے۔

    امریکی میڈیا کے مطابق فوج اور پوسٹل سروس کے علاوہ امریکا میں 23 لاکھ وفاقی ملازمین ہیں اور مستعفی ہونے کے خواہشمندوں کی تعداد 3 فیصدتک پہنچ گئی ہے۔

    حکومتی استعداد سے متعلق محکمے کے سربراہ ایلون مسک نے تخمینہ لگایا تھا کہ 5 سے 10 فیصد سرکاری ملازمین نوکریاں چھوڑ دیں گے۔

    ٹرمپ حکومت نے مراعات کے بدلے نوکری چھوڑنا اختیار کیے جانے کی ڈیڈلائن پیر تک بڑھائی تھی تاہم امریکی عدالت کے جج نے ملازمین کو مراعات دے کر برخاست کرنے کا پروگرام روک دیا ہے۔

    میساچوسٹس کے جج نے قانونی حیثیت کے تعین تک صدر ڈونلڈ ٹرمپ کے اقدام پر عمل روکا ہے۔

    دوسری جانب امریکی صدر ٹرمپ نے کہا ہے کہ اگر اسرائیل کے تمام یرغمالی ہفتے تک رہا نہ ہوئے تو غزہ میں جنگ بندی معاہدے کی منسوخی کا اعلان کردوں گا۔

    واشنگٹن میں مختلف ایگزیکٹو آرڈرز پر دستخط کے بعد میڈیا سے بات کرتے ہوئے ٹرمپ نے کہا کہ اگر ہفتے کی دوپہر تک غزہ میں موجود تمام یرغمالیوں کو رہا نہ کیا گیا تو وہ اسرائیل حماس جنگ بندی معاہدہ ختم کردیں گے جس سے جنگ”کی راہ ہموار ہو جائے گی۔

    ’فلسطینیوں کو غزہ واپسی کا حق نہیں ہو گا‘

    وائٹ ہاؤس کے اوول آفس میں گفتگو کرتے ہوئے ٹرمپ نے یہ بھی کہا کہ اگر اردن اور مصر فلسطینی پناہ گزینوں کو نہیں لیتے تو ان کی امداد بند کردیں گے تاہم مجھے امید ہے کہ اردن مان جائے گا۔

  • سرکاری ملازمین پر بڑی پابندی عائد

    سرکاری ملازمین پر بڑی پابندی عائد

    پشاور : سرکاری ملازمین پر بڑی پابندی عائد کردی گئی اور اس حوالے سے مختلف اضلاع کے حکام کی جانب سے مراسلے جاری کردیئے گئے ہیں۔

    تفصیلات کے مطابق خیبرپختونخوا میں تمام سرکاری اہلکاروں کے جلسوں میں شرکت پر پابندی عائد کردی گئی۔

    چیف سیکریٹری کی ہدایت پر سرکاری ملازمین کے سیاسی اجتماع اور جلسوں میں شرکت پر پابندی عائد کی گئی ہے۔

    اس حوالے سے سوات، مالاکنڈ، دیر، بونیر سمیت مختلف اضلاع کے حکام کی جانب سے مراسلے جاری کردیئے گئے ہیں۔

    صوبے کی کئی جامعات نے بھی کسی سیاسی اجتماع میں شرکت پر پابندی کے احکامات جاری کر دیئے ہیں۔ سرکاری سکولوں اور کالجوں کو بھی مراسلے جاری کئے گئے ہیں۔

    یاد رہے پاکستان تحریک انصاف کی جانب سے 8 فروری کو صوابی میں جلسے کا اعلان کیا ہے ، صوبائی صدر جنید اکبر خان نے جلسے کے حوالے ہدایات جاری کیں تھیں۔

    سرکاری ملازمین کے کے لیے اہم خبر آگئی 

    جنید اکبر کا اجلاس کے شرکا سے گفتگو کرتے ہوئے کہنا تھا کہ کارکن 8 فروری کو صوابی جلسے میں بھرپور شرکت کریں، 8 فروری کو ہمارا مینڈیٹ چوری کیا گیا، ہم نے اپنا مینڈیٹ واپس لینا ہے ورکرز تیاری کریں۔

  • نیا بجٹ : سرکاری ملازمین کے لیے اہم خبر آگئی

    نیا بجٹ : سرکاری ملازمین کے لیے اہم خبر آگئی

    اسلام آباد : نئے مالی سال کے بجٹ میں سرکاری ملازمین کے اخراجات کا تخمینہ کتنا ہوگا؟ اس سلسلے میں اگلے مرحلے کی تیاری شروع کر دی گئی۔

    تفصیلات کے مطابق وفاقی سرکاری ملازمین کے نئے مالی سال کے بجٹ تخمینوں پر کام کے اگلے مرحلے کی تیاری شروع کر دی گئی۔

    آسامیوں کی تفصیلات فراہم کرنے کی ڈیڈ لائن کل ختم ہوجائے گی ، وزارت خزانہ نے تمام وزارتوں اور ڈویژنز سے آسامیوں کی تفصیلات 6 فروری تک مانگی ہیں۔

    دستاویز میں کہا گیا ہے کہ وزارت خزانہ نےمنظور شدہ،پر اورخالی آسامیوں کی تفصیلات مانگی ہیں ، اس حوالے سے وزارت خزانہ نے تمام وزارتوں، ڈویژنز اور محکموں کو ہدایات جاری کی تھیں۔

    ، دستاویز میں کہا گیا کہ تمام غیرضروری آسامیاں ختم اور نئی آسامیوں کی تخلیق پر پابندی کا فیصلہ ہوا ہے ، کسی بھی وزارت، ڈویژن یا محکمے میں نئی آسامیوں کی اجازت نہیں ہوگی۔

    Bureaucracy in Pakistan- سرکاری ملازمین نوکر یا مالک؟

    نئی آسامیوں کی تخلیق وزارت خزانہ کی پیشگی منظوری سےمشروط ہوگی اور 3سال سے زائد عرصے سے خالی تمام آسامیوں کی نشاندہی اور ختم کرنے کی ہدایت کردی۔

  • سرکاری ملازمین کی تنخواہیں؟ بڑی خوشخبری آ گئی

    سرکاری ملازمین کی تنخواہیں؟ بڑی خوشخبری آ گئی

    لاکھوں افراد کا ذریعہ معاش سرکاری اداروں میں ملازمت ہے اور ایسے ہی ملازمین کے لیے بڑی خوشخبری آ گئی ہے۔

    اے آر وائی نیوز کے مطابق سرکاری ملازمین کو ماہ جنوری کی تنخواہ اور پنشن کب ملے گی۔ اس حوالے سے خیبر پختونخوا حکومت نے فیصلہ کر لیا ہے۔

    خیبر پختونخوا کی حکومت نے تمام سرکاری ملازمین کو رواں ماہ کی تنخواہ 31 جنوری تک ادا کرنے کا فیصلہ کیا ہے جب کہ پنشنرز کو بھی پنشن کی بروقت ادائیگی کے لیے متعلقہ حکام کو ہدایت کر دی گئی ہے۔

    اس حوالے سے محکمہ خزانہ نے تمام محکموں کے انتظامی افسران کو مراسلہ جاری کر دیا ہے۔

    اس مراسلے میں کہا گیا ہے کہ یکم اور 2 فروری کو ہفتہ اور اتوار کی سرکاری تعطیل کے باعث ملازمین اور پنشنرز کو جنوری کی تنخواہیں اور پنشن کی بروقت ادائیگی یقینی بنانے کے لیے 31 جنوری تک یہ ادائیگی کر دی جائے۔

    https://urdu.arynews.tv/kp-government-another-revolutionary-step/

  • کراچی کے سرکاری ملازمین کے لیے خوشخبری

    کراچی کے سرکاری ملازمین کے لیے خوشخبری

    کراچی: سندھ کی صوبائی حکومت نے کراچی کے سرکاری ملازمین کے لیے الیکٹرک گاڑیاں خریدنے کا فیصلہ کیا ہے۔

    تفصیلات کے مطابق سندھ حکومت نے بے کار گاڑیاں ایک ماہ کے اندر نیلام کرنے اور سرکاری ملازمین کو الیکٹرک گاڑیاں دینے کا فیصلہ کیا ہے۔

    شرجیل میمن کی زیر صدارت کابینہ کی ذیلی کمیٹی برائے کفایت شعاری کے اجلاس میں مختلف محکموں کے سیکریٹریز نے سرکاری گاڑیوں سے متعلق 10 سالہ ریکارڈ پیش کیا۔

    شرجیل میمن نے اجلاس میں کہا کہ نیلامی کا عمل ایک ماہ میں مکمل ہونا چاہیے تاکہ وسائل مزید ضائع نہ ہوں، نیلامی کا عمل مکمل کریں تاکہ نئی گاڑیوں کی ضرورت کو پورا کیا جا سکے، ای وی گاڑیاں خریدنے سے حکومت کو فائدہ ہوگا، پی او ایل کی بچت ہوگی۔

    انھوں نے کہا ہم عوامی وسائل کے استعمال میں شفافیت، احتساب یقینی بنانے کے لیے پُرعزم ہیں، اور میں سختی سے کہتا ہوں غیر مجاز سرکاری گاڑیاں استعمال کرنے والے واپس کر دیں۔

    شرجیل میمن نے کہا بے کار گاڑیوں کی نیلامی پر کام جاری ہے، نیلامی شفافیت کے ساتھ کی جائے گی، متعلقہ عہدیدار اور محکمے قانونی کارروائی سے بچنے کے لیے نئی ہدایات پر عمل کریں۔

    سعید غنی نے کہا کہ جن محکموں کے پاس اضافی گاڑیاں ہیں وہ حکومت کو واپس کر دیں، وزیر داخلہ ضیا الحسن لنجار نے کہا کہ بے کار گاڑیوں کی نشان دہی کے لیے تیزی سے کام کیا جا رہا ہے، مقصد عوام کا پیسہ بچانا اور ضروریات کے مطابق اخراجات کو یقینی بنانا ہے۔

  • نئی پابندی ! سرکاری ملازمین کے بجٹ تخمینوں پر کام شروع

    نئی پابندی ! سرکاری ملازمین کے بجٹ تخمینوں پر کام شروع

    اسلام آباد : وفاقی سرکاری ملازمین کے بجٹ تخمینوں پر کام شروع کردیا گیا، جس میں غیر ضروری اسامیوں اور نئی اسامیوں پر پابندی کے حوالے سے اہم خبر آگئی۔

    تفصیلات کے مطابق نئے مالی سال کیلئے وفاقی سرکاری ملازمین کے بجٹ تخمینوں پر کام شروع کردیا گیا، تمام غیر ضروری اسامیاں ختم اور نئی اسامیوں کی تخلیق پر پابندی لگادی گئی ہے۔

    وزارت خزانہ نے وزارتوں، ڈویژنز ، محکموں کو ہدایات جاری کردیں اور اسامیوں کی تفصیلات 6 فروری تک طلب کرلیں۔

    دستاویز میں کہا گیا کہ کسی بھی وزارت، ڈویژن یا محکمےمیں نئی اسامیوں کی اجازت نہیں ، نئی اسامیوں کی تخلیق وزارت خزانہ کی پیشگی منظوری سے مشروط ہے۔

    وزارت خزانہ نے منظور شدہ اور خالی اسامیوں کی تفصیلات مانگی ہیں، 31 جنوری 2025 تک منظور شدہ اسامیوں کا ڈیٹا دیا جائے۔

    وزارت خزانہ کی جانب سے دستاویز میں 3 سال سے زائد عرصے سے خالی اسامیوں کی نشاندہی اور ختم کرنے کی ہدایت کی ہے۔

    یاد رہے وفاقی وزیر خزانہ محمد اورنگزیب نے کہا تھا کہ وفاقی وزارتوں اور اداروں میں ڈیڑھ لاکھ آسامیاں ختم کر دی گئی ہیں، ہماری کوشش ہے حکومتی اخراجات کو کم کریں اور معیشت کو پائیدار ترقی کی جانب لیکر جائیں، ٹیکس نظام میں ڈھانچہ جاتی اصلاحات دسمبر سے جاری ہیں، معاشی ترقی کے لیے نجی شعبے کو کردار نبھانا ہوگا۔

    ان کا کہنا تھا کہ وفاقی وزارتوں کے 80 ذیلی اداروں کی تعداد کم کرکے 40 کردی گئی، یعنی ان نصف ادارے ختم کر دیے، ان میں سے کچھ اداروں کو ضم کیا گیا ہے، 2 وزارتوں کو بھی ضم کرنے کا فیصلہ کیا گیا ہے۔

  • سرکاری ملازمین کے لئے خوشخبری

    سرکاری ملازمین کے لئے خوشخبری

    اسلام آباد: سرکاری ملازمین کے الاؤنسز سے متعلق سفارشات کیلئے 8 رکنی کمیٹی قائم کردی گئی ہے۔ وزیراعظم کی منظوری سے خصوصی کمیٹی کے قیام کا نوٹیفکیشن جاری کردیا گیا ہے۔

    اے آر وائی نیوز کے مطابق وزیراعظم کی منظوری سے قائم کی گئی خصوصی کمیٹی ملازمین کے موجودہ الاؤنسز پر نظرثانی کی تجاویزکا جائزہ لیگی، جبکہ نئے الاؤنسز سے متعلق سفارشات بھی خصوصی کمیٹی تیارکریگی۔

    نوٹیفکیشن کے مطابق خصوصی کمیٹی کی جانب سے سفارشات وفاقی کابینہ میں پیش ہونگی، وزیرخزانہ محمداورنگزیب خصوصی کمیٹی کے سربراہ ہوں گے۔

    وفاقی وزیر برائے اقتصادی امور ڈویژن احد چیمہ کمیٹی کا حصہ ہوں گے، وزیرمملکت برائے خزانہ علی پرویز ملک، سیکرٹری خزانہ بھی کمیٹی میں شامل ہیں۔

    جاری کئے گئے نوٹیفکیشن کے مطابق سیکرٹری اسٹیبلشمنٹ ڈویژن، سیکرٹری دفاع خصوصی کمیٹی کے ممبر ہوں گے جبکہ سیکرٹری داخلہ ڈویژن بھی خصوصی کمیٹی کے ممبرز میں شامل ہیں۔

    اس سے قبل سندھ حکومت نے سرکاری ملازمین کو خوشخبری سناتے ہوئے کہا تھا کہ تنخواہ اور پنشن ایڈوانس دینے کا فیصلہ کیا گیا ہے۔

    تفصیلات کے مطابق سندھ حکومت نے کرسمس کے موقع پر مسیحی ملازمین کو تنخواہ اور پنشن ایڈوانس میں ادا کرنے کا فیصلہ کرلیا۔

    اس حوالے سے نوٹیفکیشن جاری کردیا گیا، جس میں کہا ہے کہ مسیح برادری کے ملازمین کو 18 دسمبر کو تنخواہ اور پنشن اداکی جائے گی۔

    خیال رہے 25 دسمبر کو پاکستان سمیت دنیا بھر میں مسیحی برادری کرسمس کا تہوارمنائے گی، اس موقع پر نت نئے انداز، رنگوں اور ڈیزائنوں کے کیکس، چاکلیٹس اور کنڈیز بھی تیار کی جاتی ہے۔

    Currency Rates in Pakistan Today- پاکستان میں آج ڈالر کی قیمت