راولپنڈی: فلورمل مالکان نے مہنگی سرکاری گندم خریدنے سے انکارکردیا،پرانی گندم کافی من سرکاری ریٹ 4700 روپے ہے۔
تفصیلات کے مطابق راولپنڈی اور اسلام آباد کے سرکاری گوداموں میں لاکھوں ٹن گندم خراب ہونے کا انکشاف سامنے آیا۔
ذرائع محکمہ خوراک نے بتایا کہ فلورمل مالکان نے مہنگی سرکاری گندم خریدنے سے انکارکردیا، سرکاری گوداموں میں گزشتہ سال کی ہزاروں ٹن گندم خراب ہونے لگی۔
ذرائع کا کہنا ہے کہ زیادہ ریٹ اور کوالٹی خراب ہونے کے باعث فلورملز نے گندم اٹھانے سے انکار کر دیا۔
فلورملزمالکان نے کہا ہے کہ پرانی گندم کافی من سرکاری ریٹ 4700 روپے ہے،کوالٹی بھی ٹھیک نہیں، نئی گندم کا فی من سرکاری ریٹ 3900روپے ہے۔
مالکان کا کہنا تھا کہ اوپن مارکیٹ میں گندم کی نئی بمپر کراپ آئی ہے، اوپن مارکیٹ میں فی من قیمت 3 ہزار روپے ہے کوالٹی بھی سرکاری گندم سے اچھی ہے، مہنگی سرکاری گندم خرید کر اپنا نقصان نہیں کرسکتے۔
