بالی وُڈ کے اداکار رنویر سنگھ کی نئی فلم ’سرکس‘ اپنی ریلیز کے پہلے ہی دن بری طرح ناکام ہو گئی ہے۔
فلم کی کہانی سرکس میں بجلی کی تاروں سے کرتب دکھانے والے آرٹسٹ کے گرد گھومتی ہے جس کے جسم میں کرنٹ بھرا ہوا ہے۔
سرکس کے ہدایت کاری روہت شیٹھی نے کی جبکہ کاسٹ میں رنویر سنگھ، پوجا ہیگڑے، جیکولین فرنینڈس، جونی لیور، ورون شرما، سنجے مشرا اور سدھارتھ جادھو شامل ہیں۔
فلم میں رنویر سنگھ کی اہلیہ دیپکا پاڈوکون کا کیمیو رول بھی شامل کیا گیا ہے۔
اتنی بڑی کاسٹ اور روہت شیٹھی کی فرنچائز ہونے کے باوجود فلم اپنے معیار پر پورا نہیں اتری اور اپنی ریلیز کے پہلے دن ہی فلم ناقدین سمیت شائقین کو پسند نہیں آئی۔
سماجی رابطوں کی ویب سائٹ ٹوئٹر پر بھی ناقدین کی جانب سے اس فلم کے حوالے سے ناپسندی کا اظہار کیا جارہا ہے۔
The reviews of #Cirkus are out and the unanimous view is that it's a terrible film and not entertaining at all. The simple #RohitShetty turned self obsessive and arrogant. The writing was on the wall. This hasn't come as a surprise.
Never take audience for granted!
— Faridoon Shahryar (@iFaridoon) December 23, 2022
بھارت کے ایک صحافی نے اپنی ٹویٹ میں کہا کہ ’سرکس کے بارے میں ریویو لکھنےجا رہا ہوں لیکن میں نے مشاہدہ کیا ہے کہ یہ ایک بہت بُری فلم ہے اور اس میں تفریحی بالکل بھی نہیں ہے۔ عام سے روہت شیٹھی اب مغرور اور خود پسند ہو گئے ہیں، کہانی بہت بیکار تھی اور یہ حیران کن بھی نہیں تھا۔
ایک اور بھارتی صارف کا کہنا تھا کہ یہ روہت شیٹھی کی سب سے کمزور اور بوریت سے بھرپور فلم ہے، جیسی ہمیں روہت شیٹھی سے امیدیں ہوتی ہیں ویسی بالکل بھی نہیں ہے، آپ کو یہ فلم دیکھتے ہوئے کم ہی ہنسی آئے گی، اس سے بہتر ہے میلے میں لگنے والی سرکس دیکھ لیں۔
#CirkusReview it's the weakest film of #RohitShetty very boring at places..not at all a Rohit Shetty style film which we expect. Barely you laugh at few scenes..better watch the circus in a mela than this #CirkusMovie #Cirkus
— Amit Bhatia (ABP News) (@amitbhatia1509) December 23, 2022
