Tag: سرگودھا

لاہور: سرگودھا روڈ پر دو خونی ڈمپروں میں آپس میں ٹکر سے ایک شخص جان بحق جبکہ دو زخمی ہوگیا۔

تفصیلات کے مطابق خانقاہ ڈوگراں لاہور سرگودھا روڈ پر ڈمپروں کے حادثات میں قیمتی جانوں کے ضیاع روزانہ کا معمول بن چکا ہے آج صبح چھوٹا سرکاری کے نزدیک ایک ڈمپر دوسرے ڈمپر کو کراس کرتے ہوئے سامنے سے آنے والے ڈمپر سے ٹکرا گیا۔

اس حادثے کے نتیجے میں ایک شخص جس کی شناخت آصف ولد میر یعقوب کے نام سے ہوئی موقع پر جانبحق ہو گیا جبکہ دو افراد بلال ولد اکرم جلال ولد جلیل خان شدید زخمی ہو گئے۔

ریسکیو ٹیم نے اطلاع ملتے ہی زخمیوں کو ڈمپروں سے نکال کر اسپتال منتقل کر دیا لاہور سرگودھا روڈ پر ڈمپر حادثات معمول بننے کی وجہ سے شہریوں نے بائی پاس روڈ بنانے کا مطالبہ کیا ہے۔

دوسری جانب کراچی میں بھی ہیوی ٹریفک کے اوقات کار مختص ہونے کے باجود حادثات ہو رہے ہیں۔ واٹر ٹینکر، آئل ٹینکر،  ٹرک،  ٹریلر، مسافر بسوں سے کئی شہری اپنی زندگی گنوا چکے ہیں۔

دوسری جانب ان حادثات کی وجہ شہر میں ٹوٹی سڑکیں اور تعمیراتی اور ترقیاتی کاموں کے ساتھ ساتھ ٹریفک قوانین کی خلاف ورزی بھی حادثات کی ایک بڑی وجہ قرار دی گئی ہے۔

https://urdu.arynews.tv/lahore-dumper-accident-5-dead/

سرگودھا : گندم کے ڈرم میں چھپنے والی ایک ہی گھر کی 6 معصوم بچیاں دم گھٹنے سے جاں بحق ہو گئیں، ، جس سے علاقے میں کہرام مچ گیا۔

تفصیلات کے مطابق سرگودھا کی تحصیل کوٹ مومن سے دل دہلا دینے والا واقعہ سامنے آیا ہے، جہاں ایک ہی گھر کی 6 معصوم بچیاں کھیلتے کھیلتے موت کی وادی میں جا پہنچیں۔

افسوسناک واقعہ تحصیل کوٹ مومن کے نواحی علاقہ جناح کالونی میں پیش آیا، جہاں ہر آنکھ اشکبار اور فضا سوگوار ہے۔

جناح کالونی میں اس وقت قیامت صغریٰ برپا ہوگئی، جب ایک گھر کے بھڑولے میں کھیلتی ہوئی چھ کم سن بچیاں دم گھٹنے سے جاں بحق ہو گئیں۔

جاں بحق ہونے والی بچیوں میں 7 سالہ مریم، 6 سالہ سونیا، 1 سالہ دعا فاطمہ، 4 سالہ سویرا رانی، 6 سالہ آمنہ اور 8 سالہ سمیہ شامل ہیں۔

ریسکیو ذرائع کا کہنا تھا کہ بچیاں اس وقت بھڑولے میں چلی گئیں، جب گھر کے افراد صفائی کے بعد باہر چلے گئے تھے۔ کچھ دیر بعد جب گھر والوں نے بچوں کو تلاش کیا تو وہ گندم کے بھڑولے میں بے ہوشی کی حالت میں پائی گئیں، مگر بدقسمتی سے تمام بچیاں موقع پر ہی دم توڑ چکی تھیں، جس سے علاقے میں کہرام مچ گیا۔

سرگودھا : ویگو ڈالے نے 3 بہن بھائیوں کو کچل ڈالا تاہم پولیس نے مفرور ڈرائیور ممتاز کو گرفتار کرلیا۔

تفصیلات کت مطابق سرگودھاکی تحصیل کوٹمؤمن کے نواحی علاقے بچہ کلاں کے قریب پیش آنے والے ٹریفک حادثے نے تین معصوم زندگیاں نگل لیں۔

تیز رفتار ویگو ڈالے نے موٹر سائیکل کو ٹکر ماری ، جس کے نتیجےموٹر سائیکل پر سوار تین بہن بھائی موقع پر ہی جاں بحق ہو گئے۔

ریسکیو ذرائع نے بتایا کہ جان بحق ہونے والوں میں 16 سالہ اذان علی، 12 سالہ ایمان فاطمہ، اور 10 سالہ فیضان علی شامل ہیں، حادثہ تیز رفتاری اور غفلت کے باعث پیش آیا۔

ریسکیو ذرائع کا کہنا تھا کہ ویگو ڈالا بے قابو ہو کر موٹر سائیکل سے جا ٹکرایا, جس کے نتیجے میں تینوں بچوں کو موقع پر ہی جان سے ہاتھ دھونا پڑا تاہم ریسکیو ٹیم نے فوری طور پر موقع پر پہنچ کر لاشوں کو رورل ہیلتھ سنٹر بھابھڑا منتقل کردیا۔

ڈبل کیبن گاڑی کی ٹکرسے3 بہن بھائی جاں بحق ہونے کے واقعے میں کوٹ مومن اورمیلہ پولیس نےفوری کارروائی کرکے مفرورملزم ممتازکوگرفتارکرلیا تھا۔

ڈی پی او محمد صہیب اشرف نے واقعے کا نوٹس لیتےہوئےملزم کی گرفتاری کا حکم دیا ، جس کے بعد گرفتارملزم کے خلاف قانونی کارروائی کاآغاز کیا گیا اور 3 بہن بھائیوں کو کچلنے والے ڈبل کیبن گاڑی کے ڈرائیور کو گرفتار کرلیا گیا۔

سرگودھا بڑی تباہی سے بچ گیا، جدید اسلحہ سے بھری بوری پکڑی گئی۔

تفصیلات کے مطابق سرگودھا شہر کے وسط بلاک نمبر 5 میں پولیس نے کارروائی کرتے ہوئے جدید اسلحہ سے بھری بوری پکڑ لی، برآمد ہونے والے اسلحہ میں 7 کلاشنکوف 9 رائفل اور بندوق 2 نائن ایم ایم پسٹل شامل ہیں۔

اے ایس پی سٹی سرگودھا عبد السمیع شیخ نے تھانہ سٹی کے ایس ایچ او فضل قادر تھانہ اربن ایریا کے ایس ایچ او شاہد اقبال کہ ہمراہ پریس کانفرنس کے دوران بتایا کہ شہر کے وسط بلاک نمبر 5 سے اسلحہ سے بھری بوری برآمد کی گئی۔

 اے ایس پی سٹی سرگودھا نے بتایا کہ بڑی تعداد میں ممنوعہ بور کا اسلحہ بھی موجود ہے سی سی ٹی وی فوٹیج کی مدد سے ایک ملزم کی شناخت کر لی گئی ہے جس کی گرفتاری کے لیے چھاپے مارے جا رہے ہیں۔

پولیس کا کہنا ہے کہ اس بات کی بھی تحقیقات کر رہے ہیں کہ اسلحہ کس مقصد کے لیے اسمگل کیا گیا اور اسے کہاں لے کر جایا جا رہا تھا۔

پولیس کا مزید کہنا ہے کہ یہ اسلحہ مبینہ طور پر دہشت گردی کے لیے استعمال ہوسکتا تھا، تھانہ سٹی پولیس نے مقدمہ درج کر لیا ہے اور مزید تفتیش کی جا رہی ہے۔