Tag: سرگودھا روڈ

فیصل آباد: صوبہ پنجاب کے شہر فیصل آباد میں بس کی زد میں آکرکالج کا طالب علم جاں بحق ہوگیا جس کے بعد مشتعل طلبا نے بسوں کو آگ لگا دی۔

تفصیلات کے مطابق فیصل آباد میں سرگودھا روڈ پر بس کی ٹکر سے کالج کا طالب علم جاں بحق ہوگیا جس کے بعد مشتعل طلبا نے6 بسیں نذر آتش کردیں۔

حادثے کی اطلاع ملنے پر پولیس اور فائنر بریگیڈ کی گاڑیاں جائے وقوعہ پر پہنچیں اور آگ بجھانے کی کوشش کی لیکن طلبا نے ان پر بھی پتھراؤ کردیا۔

سرگودھا روڈ پرطلبا کے شدید احتجاج اور پتھراؤ سے متعدد گاڑیوں کے شیشے ٹوٹ گئے اور ٹریفک بھی معطل ہوگیا۔

پولیس نے طلبا سے مذاکرت کیے جس کے بعد طلبا منتشر ہوگئے اور فائربریگیڈ کے عملے نے نذر آتش کی جانے والی بسوں کی آگ بجھا دی۔

کبیروالا: بس اور ٹرالر میں تصادم ‘7افراد جاں بحق

یاد رہے کہ رواں سال 2 جون کو کبیروالا جھنگ روڈ پر مسافر بس اور ٹرالرمیں تصادم کے نتیجے میں 7مسافر جاں بحق اور6 شدید زخمی ہوگئے تھے۔

واضح رہے کہ 6 نومبر2015 کو ملتان میں بہاؤالدین زکریا یونیورسٹی کی بس کی ٹکر سے نوجوان جاں بحق ہوگیا تھا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

فیصل آباد: محکمہ لائف اسٹاک نے سرگودھا روڈ پر کارروائی کر کے مردہ جانوروں کا 200 من گوشت تحویل میں لے لیا۔ گوشت فروخت کرنے والے دو ملزمان کو بھی گرفتار کر لیا گیا۔

تفصیلات کے مطابق محکمہ لائف اسٹاک کو اطلاع ملی تھی کہ فیصل آباد کے علاقے سرگودھا روڈ پر مردہ جانوروں کے گوشت کی ترسیل جاری ہے۔ محکمہ لائف اسٹاک نے فوری کارروائی کرتے ہوئے 200 من گوشت اپنی تحویل میں لے کر لیبارٹری بھجوا دیا۔ گوشت کی ترسیل و فروخت پر معمور 2 ملزمان کو بھی گرفتار کر لیا گیا جن سے تفتیش جاری ہے۔

یاد رہے کہ اس سے قبل پنجاب فوڈ اتھارٹی کی ڈائریکٹر عائشہ ممتاز نے بھی کئی چھاپہ مار کارروائیاں کی تھیں جس کے بعد یہ ہولناک انکشافات ہوئے تھے کہ پنجاب کے کئی اضلاع میں مردہ جانوروں کا گوشت فروخت کیا جارہا ہے، یہاں تک کہ گدھے اور کتے کے گوشت کی فروخت بھی جاری ہے۔ انہوں نے کئی ریستورانوں کو حفظانِ صحت کے اصولوں کی خلاف ورزی پر بند بھی کر دیا تھا اور کئی بیکریز کے لائسنس منسوخ کیے تھے۔

لائف اسٹاک و پنجاب فوڈ اتھارٹی کی یہ کارروائیاں معاملہ کی سنگینی کو جانچنے کے لیے کافی ہیں۔ ضروری امر یہ ہے کہ حکومت اس طرف سنجیدگی سے توجہ دے اور شہریوں کی صحت سے کھیلنے والوں کو کیفر کردار تک پہنچائے۔