Tag: سرگودھا

سرگودھا : پنجاب کے شہر سرگودھا میں اسلحہ کی بڑی کھیپ اسمگل کرنےکی کوشش ناکام بنادی گئی، ملزم اسلحہ پنجاب کے مختلف اضلاع میں فروخت کیلئے لے جارہا تھا۔

تفصیلات کے مطابق پنجاب کے شہر سرگودھا میں پولیس نے اسلحہ کی بڑی کھیپ اسمگل کرنےکی کوشش ناکام بنادی۔

پولیس نے دوران ناکہ بندی کار سے جدیداسلحہ کی کھیپ برآمد کرکے ملزم کو گرفتار کرلیا اور کار سے 18 بندوق ، 3 رائفل اور 240 پستول برآمد کرلی ہے۔

پولیس کا کہنا تھا کہ کار کے خفیہ خانوں سے تقریباً 30 ہزار گولیاں بھی برآمد ہوئی ، ملزم اسلحہ پنجاب کےمختلف اضلاع میں فروخت کیلئے لے جارہا تھا/

حکام نے کہا کہ ملزم کے خلاف اسلحہ اسمگلنگ کی دفعات کے تحت مقدمہ درج کیا ہے۔

سرگودھا : تحصیل آفس میں وکیل کے چیمبر کے اوپر سرکٹی لاش ملی ، پرسرار موت سے علاقے میں خوف وہراس پھیل گیا ہے۔

تفصیلات کے مطابق پنجاب کے ضلع سرگودھا تحصیل آفس کے عقب میں موجود وکلا کے چیمبر کے اوپر پڑی سرکٹی لاش برآمد ہوئی، جسے اتارلیا گیا۔

ریسکیوذرائع نے بتایا کہ مبینہ طورپرنامعلوم شخص کرنٹ لگنے سے جاں بحق ہوا، ممکنہ طورپربدقسمت شخص سولر پلیٹس اتارنے کی نیت سے چھت پر آیا ہوگا۔

ذرائع کا کہنا تھا کہ اندھیرے کی وجہ سے بجلی کی مین تاروں سے جا لگا، مین تاروں میں لگنے کی وجہ سےممکنہ طورپراس کا سر تن سےجداہو گیا، جس سے اسکی موت واقع ہوگئی۔

عینی شاہدین کے مطابق رات کو چیمبرز کے اوپر آگ لگنے کا چوکیدار نے بتایا لیکن اس کی بات کو کسی نے اہمیت نہ دی، جب اگلے دن چیمبر کا کوئی بندہ 3 بجے کے قریب اوپر گیا تو دیکھا کہ یہ شخص وہاں پڑا ہوا تھا۔

اس طرح کی پرسرار موت سے علاقے میں خوف وہراس پھیل گیا ہے۔

سرگودھا : ڈھائی سال کی بچی سے مبینہ زیادتی کرنے والے ملزم کو گرفتار کرلیا گیا، ، وزیراعلیٰ پنجاب محسن نقوی نے والدین کو انصاف فراہم کرنے کی یقین دہانی کرادی ہے۔

تفصیلات کے مطابق سرگودھا میں ڈھائی سال کی بچی سے مبینہ زیادتی کا واقعہ پیش آیا ، پولیس نے پندرہ سالہ لڑکے کو گرفتار کرکے مقدمہ درج کرلیا جبکہ متاثرہ بچی کو اسپتال میں داخل کرادیا گیا ہے۔

ایف آئی آر میں کہا گیا ہے کہ بچی گھر سے کھیلنے نکلی، کچھ دیر بعد ملزم کاشف کے گھر سے بچی کے رونے چلانے کی آواز آئی ، علاقہ مکینوں نے ملزم کو پکڑ کر پولیس کے حوالے کردیا۔

بعد ازاں وزیراعلیٰ پنجاب محسن نقوی نے سرگودھا کے ڈاکٹر فیصل مسعود ٹیچنگ ہسپتال میں نواحی علاقے ٹوانہ پارک میں زیادتی کا نشانہ بننے والی معصوم بچی کی والدہ اور چچا سے ملاقات کی اور متاثرہ بچی کی والدہ اور اہل خانہ کی دل جوئی کرتے ہوئے انہیں انصاف فراہم کرنے کی یقین دہانی کرائی۔

وزیراعلیٰ محسن نقوی نے معصوم بچی کی خیریت دریافت کی اور شفقت کا اظہار کیا اور بچی کو علاج معالجے کے لئے بہترین سہولتیں فراہم کرنے کیلئے ڈاکٹرز کو ضروری ہدایات دیں۔

اس موقع پر وزیراعلیٰ محسن نقوی نے کہا کہ انسانیت سوز واقعہ کا ذمہ دار ملزم انسان نہیں درندہ ہے، ایسا درندہ صفت ملزم عبرتناک سزا کاحقدار ہے، معصوم بچی پر ظلم کرنے والا سفاک ملزم قانون کے تحت قرار واقعی سزا سے نہیں بچ پائے گا۔

ان کا کہنا تھا کہ مظلوم خاندان کی دل جوئی اور داد رسی کے لئے آیا ہوں، حکومت متاثرہ خاندان کے ساتھ ہے اور ہر ممکن دیکھ بھال کرے گی اور مظلوم خاندان کی داد رسی میں کوئی کسر اٹھا نہ رکھی جائے گی ساتھ ہی انصاف کے تمام تقاضے پورے کریں گے۔

وزیراعلیٰ پنجاب محسن نقوی نے میڈیا سے گفتگوکرتے ہوئے کہا کہ سرگودھا میں معصوم بچی کے ساتھ پیش آنے والے افسوسناک سانحہ کی وجہ سے سر شرم سے جھک گئے، معصوم بچی کے ساتھ زیادتی کا ارتکاب درندہ صفت لوگ ہی کرسکتے ہیں، بہترین ڈاکٹر اورعلاج معالجے کی سہولت فراہم کی جارہی ہے، متاثرہ بچی کی طبیعت میں بہتری ہے۔

ان کا کہنا تھا کہ پولیس نے بہتر ین کارکردگی کا مظاہرہ کرتے ہوئے چند گھنٹوں میں ملزم گرفتار کرلیا۔حکومت افسوسناک سانحہ کاتیزترین ٹرائل کرائے گی، یقین دلاتا ہوں کہ ملزم کو جلدی اور کڑی سزا دلوانے میں کوئی کسر نہیں چھوڑیں گے، بچوں سے زیادتی اورتشدد کے واقعات میں روز بروز اضافہ تشویشناک ہے،علماکرام ایسے واقعات کی روک تھام کیلئے اپنا کردارادا کریں۔