Tag: سری لنکا

ملائیشین خاتون نے انتہائی بہادری کا مظاہرہ کرتے ہوئے سری لنکا میں آبشار میں ڈوبتے شخص کو بچالیا، جس کی ویڈی وائرل ہوگئی۔

سری لنکا میں چھٹیاں گزارنے جانے والی ملائیشیا کی وی لاگر رئیل لائف ہیرو بن گئیں، انھوں نے دیالوما آبشار میں ایک مقامی شخص کو ڈوبنے سے بچانے کے بعد بڑے پیمانے پر سوشل میڈیا صارفین کی توجہ حاصل کر لی ہے۔

غیرملکی میڈیا رپورٹس کے مطابق خاتون سیاح نے ڈرامائی انداز میں آبشار میں ڈوبنے والے شخص کو ریسکیو کیا اور یہ لمحات سیاح کے ذاتی ٹورسٹ کیمرے میں مقید ہوگئے۔

فوٹیج میں اس شخص کے دوستوں کو مدد کے لیے چیختے ہوئے دیکھا جا سکتا ہے جب وہ آبشار کے گہرے حصے میں میں قدم رکھنے کے بعد اپنے حواس کھو بیٹھا اور زندگی بچانے کے لیے جدوجہد کرتا رہا۔

View this post on Instagram

A post shared by Farah Putri Mulyani (@farahputrimulyani)

خاتون سیاح جن کی شناخت فرح پتری ملیانی کے نام سے ہوئی، انھوں نے فوری طور پر بغیر کسی ہچکچاہٹ کے پانی میں غوطہ لگایا اور ڈوبنے والے شخص کو کامیابی کے ساتھ ساحل پر واپس لے آئیں۔

اس دوران ڈوبنے والے شخص کے دوست جلدی سے اس کی طرف بھاگے اور اسے جائے وقوعہ سے دور لے گئے۔

اس واقعے کے بعد، فرح پتری ملیانی نے سوشل میڈیا پر اس کلپ کو شیئر کیا، انھوں نے اپنا تجربہ بتایا اور آبشاروں کے چھپے خطرات کے بارے میں دوسروں کو خبردار کیا۔

سری لنکا گزشتہ روز تاریکی میں ڈوب گیا اور تمام امور ٹھپ ہوگئے جب اس کی وجہ جانی گئی تو ایک بندر کا ہاتھ اس بڑے واقعہ میں نظر آیا۔

غیر ملکی میڈیا کے مطابق جزیرائی ملک سری لنکا اچانک بجلی معطل ہونے کی وجہ سے گزشتہ روز مکمل تاریکی میں ڈوب گیا اور پیر تک مکمل طور پر بجلی بحال نہیں ہو سکی تھی۔

رپورٹ کے مطابق ملک بھر میں ہونے والے بجلی کے بریک ڈاؤن کے باعث سری لنکا میں معمولات زندگی درہم برہم اور بجلی پر انحصار کرنے والا نظام ساکت ہوگیا۔ کئی اسپتالوں میں متعدد آپریشنز بھی منسوخ کرنے پڑے۔

بعد ازاں متعلقہ حکام اور تیکنیکی عملے نے جنوبی کولمبو میں سیلون الیکٹرسٹی بورڈ کے گرڈ اسٹیشن میں آنے والی فنی خرابی کو دور کر کے کئی گھنٹوں بعد بجلی بحال کی تاہم پیر تک کئی علاقے بجلی سے محروم تھے۔

جب اس ملک گیر بجلی بریک ڈاؤن کی تحقیق کی گئی تو اس کے پیچھے ایک شرارتی جانور بندر کا ہاتھ نظر آیا۔

اس حوالے سے سری لنکا کے وزیر توانائی کمارا جایا کوڈے نے بیان دیا ہے کہ ایک بندر ہمارے گرڈ اسٹیشن میں گھس گیا تھا اور اس نے گرڈ کے آلات سے چھیڑ چھاڑ کی، اسی دوران وہ ٹرانسفارمر سے ٹکرایا جس کی وجہ بجلی کا نظام متاثر ہوا۔

ان کا کہنا تھا کہ انجینیئرز بجلی کے نظام کو جلد سے جلد بحال کرنے کے لیے کام کر رہے ہیں۔ کچھ علاقوں میں بجلی بحال کر دی گئی ہے، لیکن ابھی یہ واضح نہیں ہے کہ مکمل طور پر بجلی بحال کب تک ہو سکے گی۔