ARYNews.tv | Urdu – Har Lamha Bakhabar

Tag: سری لنکا دھماکوں

  • سری لنکا دھماکوں میں ہلاک 42 غیر ملکیوں کی شناخت ہوگئی

    سری لنکا دھماکوں میں ہلاک 42 غیر ملکیوں کی شناخت ہوگئی

    کولمبو : سری لنکا ایسٹر دھماکوں میں ہلاک ہونے والے 42 غیر ملکیوں کی شناخت ہوگئی، دھماکوں میں ہلاک ہونے والے غیر ملکیوں میں سب سے زیادہ بھارتی شامل ہیں۔

    تفصیلات کے مطابق عیسائیوں کے مذہبی تہوار ایسٹر سنڈے کے موقع پر سری لنکا کے دارالحکومت کولمبوں میں دہشت گردوں نے تین گرجا گھروں اور چار ہوٹلوں کو نشانہ بنایا تھا، بم دھماکوں کے نتیجے میں سینکڑوں افراد ہلاک ہوگئے تھے۔

    غیر ملکی خبر رساں ادارے کا کہنا تھا کہ دھماکے میں ہلاک ہونے والے 42 غیر ملکیوں کی شناخت ہوگئی جبکہ 21 غیر ملکیوں کی شناخت کے لئے کام جاری ہے۔

    سری لنکن حکام کا کہنا تھا کہ ایسٹر دھماکوں میں زخمی ہونے والے 5 غیر ملکی اب بھی اسپتال میں زیر علاج ہیں، سری لنکن حکام کے مطابق ایسٹر دھماکوں میں سب سے زیادہ غیر ملکی بھارت کے 11 شہری ہلاک ہوئے۔

    غیر ملکی خبر رساں ادارے کا کہنا تھا کہ ہلاک ہونے والے غیر ملکیوں میں غیر ملکیوں میں برطانیہ، چین، سعودی عرب، ترکی، امریکا اور جاپان کے شہری بھی شامل ہیں۔21 اپریل کو سری لنکا میں گرجا گھروں اور ہوٹلوں پر خودکش دھماکوں میں 253 افراد ہلاک ہوئے تھے۔

    مزید پڑھیں : سری لنکا دھماکے، ہلاکتوں کی تعداد 359 ہوگئی

    خیال رہے کہ گزشتہ اتوار کے سری لنکا میں عیسائیوں کے مذہبی تہوار ایسٹر سنڈے کے موقع پر تین گرجا گھروں اور چار ہوٹلوں میں ہولناک دھماکے ہوئے تھے جس کے نتیجے میں 259 افراد ہلاک جبکہ 500 سے زائد افراد زخمی ہوئے تھے۔

    مزید پڑھیں : سری لنکا میں برقع پر پابندی لگنے کا امکان

    خیال رہے کہ سری لنکا کے گرجا گھروں اور ہوٹلوں میں ہونے والے 8 خودکش دھماکوں کی ذمہ داری شدت پسند تنظیم داعش نے قبول کی تھی۔

    واضح رہے کہ سری لنکا میں ایسٹر کے روز ہلاکت خیز دھماکوں کے بعد پیدا ہونے والی صورت حال سے نمٹنے کی کوششوں میں خواتین کے برقعہ پہننے پر پابندی لگادی گئی ہے۔

  • سری لنکا میں سوگ ، دھماکوں میں ہلاکتوں کی تعداد310 تک جا پہنچی

    سری لنکا میں سوگ ، دھماکوں میں ہلاکتوں کی تعداد310 تک جا پہنچی

    کولمبو : سری لنکا میں تین روزکا سوگ منایا جارہا ہے، دھماکوں میں ہلاکتوں کی تعداد تیس سودس ہوگئی جبکہ دھماکوں میں ملوث ہونے کے شبے میں چالیس افراد کوگرفتارکرلیا گیا ہے۔

    تفصیلات کے مطابق سری لنکا میں ایسٹر کے موقع گرجا گھروں اورہوٹلوں میں ہونے والے دھماکوں کی تحقیقات جاری ہے ، دھماکوں سے تعلق کے شبے میں چالیس افراد کوگرفتار کرلیا گیا ہے۔

    ملک بھرمیں سوگ منایا جارہا ہے، یومِ سوگ کے موقع پر ملک بھر میں پرچم سرنگوں رہے جبکہ دھماکوں میں مرنے والوں کوخراج عقیدت پیش کرنے کے لئے تین منٹ کی خاموشی اختیارکی گئی۔

    سری لنکا میں ایمرجنسی نافذ ہے اور کولمبومیں رات آٹھ بجے سے صبح چاربجے تک کرفیونافذ ہے جبکہ دھماکوں میں ہلاکتوں کی تعداد تیس سودس تک جا پہنچی ہے۔

    غیرملکی میڈیا کے مطابق انٹیلی جنس حکام کا کہنا ہے متوقع دھماکوں کے بارے میں پولیس کوپہلے ہی آگاہ کردیا گیا تھا، سری لنکا دھماکوں میں پانچ سوسے زائد افراد زخمی ہوئے جبکہ دھماکے 7 خود کش بمبار نے کئے۔

    مزید پڑھیں : سری لنکا میں دہشت گردی، تحقیقات میں بین الاقوامی پولیس مدد فراہم کرے گی

    یاد رہے سری لنکا میں ہونے والی اس دہشت گردی کی تفتیش کے لیے بین الاقوامی پولیس انٹرپول کی جانب سے تفتیشی ماہرین کی ایک وفد بھیجا جارہا ہے، انٹرپول کا وفد مقامی تحقیقاتی اداروں کے ساتھ مل کر تفتیش میں شریک ہوگا، ان میں وہ ماہرین بھی شامل ہیں جو کسی تباہی کے بعد ہلاک شدگان کی شناخت کرتے ہیں۔

    واضح رہے سری لنکا میں اتوار کے روز چرچ میں جاری ایسٹر تقریبات پر اور ہوٹلز میں 8 دھماکے ہوئے تھے، دھماکوں کے بعد ملک بھر میں ایمرجنسی نافذ کردی گئی تھی ، سری لنکن صدر نے سیکیورٹی حکام کو مشتبہ افراد کو گرفتار کرنے کا مکمل اختیار بھی دے دیا تھا جبکہ پورے ملک میں سیکیورٹی سخت ہے اور سوشل میڈیا پر  پابندی تاحال برقرار ہے۔

    سری لنکا کے دارالحکومت میں یکے بعد دیگرے 8 دھماکوں کے نتیجے میں زخمی ہونے والوں چار پاکستانی شہری بھی شامل تھے ، زخمی ہونے والے پاکستانیوں میں ماہین حسن زوجہ حسن محمود، مزنہ ہمایوں ولد چوہدری محمد ہمایوں، عاتکہ عاطف زوجہ چوہدری عاطف شریف شامل ہیں جبکہ ایک پاکستانی بچہ بھی معمولی زخمی ہوا ۔

  • سری لنکا دھماکوں میں تین خواتین سمیت 4 پاکستانی بھی زخمی

    سری لنکا دھماکوں میں تین خواتین سمیت 4 پاکستانی بھی زخمی

    کولمبو : سری لنکا کے دارالحکومت کے گرجا گھروں و ہوٹلوں میں یکے بعد دیگرے 8 دھماکوں کے نتیجے میں زخمی ہونے والوں چار پاکستانی شہری بھی شامل ہیں۔

    تفصیلات کے مطابق سری لنکا میں عیسائیوں کے مذہبی تہوار ایسٹر کے موقع پر 3 گرجا گھروں اور 4 ہوٹلوں میں متعدد دھماکے ہوئے جبکہ مضافات میں دو مسیحی عبادت گاہوں کو بھی نشانہ بنایا گیا، جس کے نتیجے میں 190 افراد ہلاک جبکہ 500 سے زائد زخمی ہوگئے۔

    ترجمان دفتر خارجہ کا کہنا ہے کہ سری لنکا دھماکوں میں 4 پاکستانی زخمی ہوئے ہیں، زخمیوں میں تین پاکستانی خواتین اور ایک مرد شامل ہے۔

    زخمیوں کو ابتدائی طبی امداد کے بعد اسپتال سے ڈسچارج کردیا گیا تھا، زخمیوں میں ماہین حسن زوجہ حسن محمود، مزنہ ہمایوں ولد چوہدری محمد ہمایوں، عاتکہ عاطف زوجہ چوہدری عاطف شریف شامل ہیں جبکہ ایک پاکستانی بچہ بھی معمولی زخمی ہوا ہے۔

    ترجمان دفتر خارجہ کا کہنا تھا کہ وزیر خارجہ شاہ محمود قریشی جلد سری لنکا کا دورہ کریں گے۔

    غیر ملکی خبر رساں ادارے کا کہنا ہے کہ حکومت نے متعدد دھماکوں کے بعد امن و امان کی صورتحال قائم کرنے کےلیے مختصر وقت کےلیے کرفیو نافذ کرکے عارضی طور پر سوشل میڈیا پر بھی پابندی عائد کردی۔

    سری لنکا دھماکے، 185 افراد ہلاک، 500 سے زائد زخمی، ملک میں کرفیو نافذ

    سری لنکن صدر میتھری پالاسری سینا کا اپنے پیغام میں کہنا تھا کہ مجھے حملوں سے شدید رنج پہنچا ہے، عوام صبر کریں۔

    سری لنکن پولیس کے مطابق دھماکوں میں 185افراد ہلاک جبکہ 500 سے زائد افراد زخمی ہوئے ہیں، پولیس کے مطابق ہلاک ہونے والوں میں 35 غیر ملکی بھی شامل ہیں، جن میں امریکی، برطانوی اور نیدر لینڈز کے شہری شامل ہیں۔