سری لنکن کرکٹ بورڈ نے سابق کپتان اور اوپنر سنتھ جے سوریا کو قومی ٹیم کا کُل وقتی کنسلٹنٹ مقرر کردیا۔
جمعرات کو سری لنکا کرکٹ (ایس ایل سی) نے اعلان کیا کہ انھوں نے سابق کپتان سنتھ جے سوریا کو فوری طور پر ایک سال کے لیے کل وقتی ’کرکٹ کنسلٹنٹ‘ مقرر کیا ہے۔
جے سوریا کو ذمہ داری دی گئی ہے کہ وہ اس بات کو یقینی بنائیں گے کہ ایس ایل سی کے قومی پروگرام بہترین پیشہ ورانہ مہارت کے ساتھ منعقد ہوں۔
سابق اوپنر تمام کھلاڑیوں اور کوچنگ عملے کی بہترین کارکردگی کی نگرانی کے بھی ذمہ دار ہوں گے۔
سری لنکن کرکٹ بورڈ کی جانب سے سوشل میڈیا پر جاری بیان میں کہا گیا کہ وہ پرفارمنس سینٹر کے ساتھ منسلک تمام ٹیموں کی تربیت اور کوچنگ کی ضروریات کا بھی خیال رکھیں گے۔
واضح رہے کہ آئی سی سی ورلڈکپ میں سری لنکن کرکٹ ٹیم کی شرمناک پرفارمنس کے بعد سری لنکن کرکٹ بورڈ یں انتظامی سطح پر کئی تبدیلیاں سامنے آئی ہیں۔
