Tag: سری لنکا

کولمپور: سری لنکا کے وزیر اعظم رانل وکرما سنگھے نے کہا ہے کہ خطے کے تمام ممالک کو دہشت گردی کا سامنا ہے، ضرورت پڑی تو انسداد دہشت گردی کے لیے پاکستان کی مدد لیں گے۔

تفصیلات کے مطابق رانِل وکرما سنگھے کا کہنا تھا کہ سری لنکا میں ہونے والے سانحے نے دونوں ممالک کے اعتماد کو مزید مضبوط کیا، اگر ضرورت محسوس ہوئی تو انسداد دہشت گردی کے لیے پاکستان سے مدد لیں گے۔

اُن کا کہنا تھا کہ ایشیائی خطے میں موجود خطے کے تمام ممالک دہشت گردی کی لپیٹ میں ہیں، سری لنکا کے گرجا گھروں میں ہونے والے دھماکوں کی تحقیقات جاری ہیں جس میں کچھ اہم شواہد بھی ملے۔ اُن کا کہنا تھا کہ گرجا گھروں میں ہونے والے دھماکوں میں اب تک دوسرے ملک کے ملوث ہونے کا ثبوت نہیں ملا۔

مزید پڑھیں: پاکستانی سفارتخانے کا سری لنکا میں پاکستانی شہریوں کو محتاط رہنے کا انتباہ

یاد رہے کہ 21 اپریل کو ایسٹر کے موقع پر سری لنکا کے 8 گرجا گھروں میں یکے بعد دیگرے خود کش دھماکے ہوئے تھے جس کے نتیجے میں اب تک 250 سے زائد شہری ہلاک ہوچکے جبکہ متعدد زخمی ہیں جن میں سے کچھ کی حالت تشویشناک ہے۔

https://www.facebook.com/arynewsasia/videos/1344773488997405/

حکومت پاکستان نے بم دھماکوں کے بعد لاشوں کے شناخت کے لیے سری لنکا کو فرانزک ٹیم بھیجنے سمیت ہر قسم کے تعاون کی پیش کش کی تھی جبکہ وزیراعظم نے بھی اپنے ہم منصب سے رابطہ کر کے واقعے پر افسوس کا اظہار کیا تھا۔

یہ بھی پڑھیں: سری لنکا حملے، مسلمانوں کا مسیحی برادری کے ساتھ اظہار یکجہتی کے لیے روزہ

واضح رہے کہ سری لنکا کے سیکریٹری دفاع نے ایسٹر کے موقع پر سلسلہ وار بم دھماکوں میں ’سیکیورٹی ناکامی‘ قبول کرتے ہوئے گزشتہ روز اپنے عہدے سے استعفیٰ دے دیا تھا۔ ہیمارسی فرنینڈو نے اپنا استعفیٰ صدر میتھریپالا سریسینا کو ارسال کیا جسے صدر نے منظور کرلیا۔

کولمبو: سری لنکا میں ہونے والے خودکش دھماکوں کے بعد اراکین اسمبلی نے برقع پر پابندی عائد کرنے کے لیے قانونی سازی پر غور شروع کردیا۔

غیرملکی خبررساں ادارے کے مطابق سری لنکا میں گرجا گھروں اور ہوٹلوں میں ہونے والے خودکش دھماکوں کے نتیجے میں 300 سے زائد افراد کی ہلاکت کے بعد برقع پر پابندی عائد کیے جانے کا امکان ہے۔

سری لنکن پارلیمنٹ کے رکن اسمبلی اشومارا سنگھے نے غیرملکی میڈیا سے گفتگو کرتے ہوئے کہا کہ ہم کسی مذہب کے خلاف نہیں ہیں تاہم اب برقع اور نقاب لینے پر پابندی لگانے کے لیے غور کیا جارہا ہے۔

اشومارا سنگھے نے مزید کہا کہ سری لنکا میں عمومی طور پر مسلمان خواتین بھی برقع یا نقاب نہیں لیتی ہیں لیکن کچھ لوگ اس پر عمل کرتے ہیں، چہرہ ڈھک لینے سے شناخت ممکن نہیں ہوتی جس کا دہشت گرد فائدہ اُٹھا سکتے ہیں۔

واضح رہے کہ سری لنکا کے گرجا گھروں اور ہوٹلوں میں ہونے والے 8 خودکش دھماکوں کی ذمہ داری شدت پسند تنظیم داعش نے قبول کی تھی۔

خیال رہے کہ گزشتہ سال ستمبر میں سوئٹزرلینڈ میں عوام کی بڑی تعداد نے خواتین کے برقع پہننے پر پابندی کے حق میں رائے دی جس کے بعد برقع پہننے پر پابندی عائد کردی گئی تھی۔

یاد رہے کہ حجاب، نقاب یا برقع جیسی مختلف شکلوں میں ایسا زیادہ تر مذہبی سوچ کی حامل مسلم خواتین کی طرف سے کیا جاتا ہے، عرف عام میں سینٹ گالن میں اس ریفرنڈم کو برقعے پر پابندی یا ’برقعہ بین‘ کا نام دیا جا رہا تھا۔

کولمبو: اتوار کو ایسٹر کے دن سری لنکا میں ہونے والے انتہائی تباہ کن حملوں کی تحقیقات میں انکشاف ہوا ہے کہ ایک خود کش حملہ آور برطانیہ اور آسٹریلیا میں تعلیم حاصل کر کے آیا تھا۔

تفصیلات کے مطابق سری لنکا میں ایسٹر کے دن حملے کرنے والے خود کش بمباروں سے متعلق مزید تفصیلات سامنے آ گئی ہیں، معلوم ہوا ہے کہ ایک خود کش حملہ آور نے برطانیہ اور آسٹریلیا سے تعلیم حاصل کی۔

غیر ملکی میڈیا کے مطابق سری لنکن نائب وزیر دفاع نے بتایا کہ خود کش بم بار نے برطانیہ میں تعلیم حاصل کی تھی، ایک کورس کے لیے آسٹریلیا بھی گیا جس کے بعد وہ سری لنکا آ کر رہنے لگا۔

نائب وزیر دفاع نے بتایا کہ دہشت گرد پڑھے لکھے اور متوسط طبقے سے تعلق رکھتے ہیں، سری لنکا پر حملہ معاشی طور پر مستحکم دہشت گردوں نے کیا۔

خیال رہے کہ سری لنکن پولیس ذرایع نے بھی کہا ہے کہ حملہ آوروں میں سے دو کا تعلق کولمبو کے ایک دولت مند تاجر کے گھرانے سے تھا، ان دو بھائیوں نے دو الگ ہوٹلوں پر حملے کیے تھے۔

یہ بھی پڑھیں:  انٹرپول کا سری لنکا میں دھماکوں کی تحقیقات کیلئے ماہرین بھیجنے کا اعلان

سری لنکا کے وزیر اعظم نے حملوں سے متعلق مؤقف ظاہر کیا ہے کہ ایسے حملے بیرونی مدد کے بغیر ممکن نہیں ہیں، داعش نے حملوں کی ذمہ داری قبول کی لیکن شواہد نہیں دیے۔

سری لنکن صدر نے ملک کی سیکورٹی کی مکمل تعمیر نو کا عندیہ بھی دیا ہے، دفاعی فورسز کے سربراہان تبدیل کیے جانے کا امکان ہے۔

واضح رہے کہ سری لنکا میں تین روز کا سوگ منایا جا رہا ہے، ایسٹر کے موقع پر ہونے والے سری لنکا دھماکوں میں ہلاکتوں کی تعداد 359 ہو گئی ہے۔