Tag: سری لنکا

آسٹریلیا نے سری لنکا کو ٹیسٹ سیریز میں وائٹ واش کر کے آئی لینڈرز کو 14 سال بعد ان ہی کی سر زمین پر ٹیسٹ سیریز جیت لی۔

گال میں کھیلے گئے دوسرے ٹیسٹ میچ میں سری لنکا دوسری اننگ میں 231 رنز بنا کر آؤٹ ہوگئی تھی اور مہمان ٹیم کو جی تکے لیے صرف 75 رنز کا ہدف دیا تھا۔

کینگروز نے یہ ہدف صرف ایک وکٹ کے نقصان پر حاصل کر کے 9 وکٹوں سے فتح حاصل کی۔ عثمان خواجہ 27 اور مارنس لبوشین 26 رنز بنا کر ناٹ آؤٹ رہے۔

سری لنکا نے پہلی اننگ میں 257 رنز بنائے تھے۔ اسکے جواب میں آسٹریلیا نے پہلی اننگ میں کپتان اسٹیون اسمتھ اور ایلکس کیری کی سنچریوں کی بدولت 414 رنز بنائے تھے۔

آسٹریلیا نے سری لنکا کو اُسکے ہوم گراؤنڈ پر 2011 کے بعد پہلی بار سیریز میں شکست دی ہے۔ کینگروز نے پہلا ٹیسٹ میچ اننگ اور 242 رنز کے بھاری مارجن سے جیتا تھا۔

ایلکس کیری مین آف دی میچ اور اسٹیون اسمتھ مین آف دی سیریز قرار پائے۔

واضح رہے کہ ورلڈ ٹیسٹ چیمپئین شپ کا فائنل رواں برس جون میں آسٹریلیا اور جنوبی افریقا کی ٹیموں کے درمیان لارڈز میں کھیلا جائے گا۔

بھارتی بیٹر ویرات کوہلی کو ان کے مداح نے چوکلی کہہ دیا، بیٹر یہ سن کر حیران نظرآئے، واقعے کی سوشل میڈیا پر ویڈیو وائرل ہوگئی۔

اسٹار بلے باز ویرات کوہلی سری لنکا میں اپنے ٹیم میٹس کے ساتھ پریکٹس کررہے تھے، اس دوران ایک شخص نے انھیں ’چوکلی‘ کہہ ڈالا، اس اچانک افتاد پر کوہلی پریشان اور شرمندہ سے نظر آئے کیونکہ اس وقت وہ بھارتی پلیئرز کے ساتھ پریکٹس کررہے تھے۔

ویڈیو میں دیکھا جاسکتا ہے کہ کوہلی بیٹنگ پریکٹس کررہے تھے کہ ایک مداح نے انھیں ’چوکلی، چوکلی‘ کے نعرے لگائے، جس نے فوری طور پر کوہلی کی توجہ مبذول کروالی۔

ویرات کوہلی کے ردعمل اور انکی آنکھوں سے صاف اندازہ لگایا جاسکتا ہے کہ کوہلی اس بات سے قطعی خوش نہیں ہیں، تاہم میڈیا ذرائع کا کہنا ہے کہ یہ ویڈو فیک ہے اور اس میں آواز بعد میں ڈب کی گئی ہے۔

https://youtu.be/gAEdvMD_hKw?si=OT1hAd6fC_2Gkcqi

خیال رہے کہ ’چوکلی‘ کی یہ اصطلاح ویرات کے دوسرے نام کوہلی اور ’چوکنگ‘ کا مرکب ہے جسے جوڑ کر بعض مداحوں نے ’چوکلی‘ بنا دیا ہے، کوہلی اگر رنز اسکور نہ کریں یا خراب پرفارمنس دیں تو انھیں اسی نام سے پکارا جاتا ہے۔

یہ اصطلاح پہلی بار 2019 کے ورلڈ کپ میں بھارت کے باہر ہونے کے بعد سامنے آئی تھی، یہاں کوہلی آئی سی سی کے ناک آؤٹ میچ میں 1 رنز پر آؤٹ ہوئے تھے۔

کوہلی سری لنکا سے ون ڈے سیریز کے لیے پیر کی صبح سری لنکا پہنچے ہیں، تاہم بھارت کا پہلا پریکٹس سیشن کولمبو میں بارش کی وجہ سے منسوخ کر دیا گیا ہے۔