Tag: سری لنکا

چیمپئنز ٹرافی کے لیے بھارتی کرکٹ ٹیم اگر پاکستان نہیں آتی ہے تو پھر آئی سی سی کو دوسرے آپشنز کو استعمال کرنا پڑیگا۔

پاکستان آئندہ سال فروری 2025 میں چیمپئنز ٹرافی کے شوپیس ایونٹ کی میزبانی کے لیے مکمل طور پر تیار ہے، میزبان کے علاوہ ون ڈے کی ٹاپ سات ٹیمیں آئی سی سی ٹورنامنٹ میں شرکت کریں گی، تاہم اب تک بھارتی ٹیم نے چیمپئنز ٹرافی میں اپنی شرکت کنفرم نہیں کی ہے۔

اگر بھارتی کرکٹ ٹیم پاکستان میں ہونے والے ٹورنامنٹ میں شرکت نہیں کرتی ہے تو پھر اس کی جگہ سری لنکا کو ایونٹ میں شامل کیا جائے گا اور روہت شرما کی ٹیم کی جگہ لے گی۔

2002 کی چیمپئن سائیڈ 2023 ون ڈے ورلڈ کپ کے پوائنٹس ٹیبل کے گروپ مرحلے میں نویں نمبر پر تھی جس کی وجہ سے وہ چیمپئنز ٹرافی کی ٹیموں میں جگہ نہیں بنا پائی، یہ پہلا موقع ہے کہ سری لنکا ٹورنامنٹ کے لیے کوالیفائی نہیں کر پائی۔

ممکنہ طور پر بی سی سی آئی انٹرنیشنل کرکٹ کونسل سے اس ٹورنامنٹ کو سری لنکا یا یو اے ای منعقد کرنے کی درخواست کرسکتا ہے جیسا کہ ایشیا کپ 2023 ایڈیشن کے لیے تجویز کیا گیا تھا۔

تاہم، ایشین کرکٹ کونسل نے پاکستان اور سری لنکا کے ساتھ مشترکہ طور پر ٹورنامنٹ کی میزبانی کرنے والے ایک ہائبرڈ ماڈل کو قبول کیا تھا، تاہم چیمپئنز ٹرافی کے تناظر میں ایسا ہونا مشکل ہے۔

خیال رہے کہ دو روز قبل بھارتی میڈیا نے دعویٰ کیا تھا کہ بھارتی ٹیم چیمپئنز ٹرافی کے میچز کھیلنے کے لیے پاکستان نہیں جائے گی اور ایونٹ ہائبرڈ ماڈل کے تحت ہوگا۔

ان خبروں کے سامنے آنے کے بعد بھارتی کرکٹ بورڈ نے چیمپئنز ٹرافی کے لیے پاکستان کا دورہ نہ کرنے کی خبروں کی تردید کرتے ہوئے کہا تھا کہ اس کا فیصلہ ان کی حکومت کو کرنا ہے۔

بی سی سی آئی کے نائب صدر راجیو شکلا کا کہنا تھا کہ بورڈ نے چیمپئنز ٹرافی کے حوالے سے اب تک کوئی آفیشل بیان جاری نہیں کیا ہے، ہمیں نہیں معلوم میڈیا میں یہ خبر کس نے دی ہے، انھوں نے کہا تھا کہ پاکستان میں ہونے والے ایونٹ میں بھارتی ٹیم کی شرکت کا فیصلہ بھارتی حکومت کرے گی۔

اس بار آئی سی سی چیمپئنز ٹرافی کی میزبانی پاکستان کے پاس ہے اور چیمئنز ٹرافی فروری مارچ 2025 میں شیڈول ہے، پاکستان نے آئی سی سی سے چیمپئنز ٹرافی کا شیڈول بھی شیئر کردیا ہے جس کے مطابق بھارت کے تمام میچز لاہور کے قذافی اسٹیڈیم میں رکھے گئے ہیں۔

سری لنکا نے افغانستان کے خلاف ہوم ٹی ٹوئنٹی سیریز کے لیے اسکواڈ کا اعلان کردیا، وانندو ہسارنگا کو کپتان مقرر کیا گیا ہے۔

تفصیلات کے مطابق سری لنکا کرکٹ نے افغانستان کے خلاف 17 فروری سے شروع ہونے والی آئندہ ٹی ٹوئنٹی سیریز کے لیے اپنے 16 رکنی اسکواڈ کا اعلان کر دیا ہے جس کی قیادت آل راؤنڈر وانندو ہسارنگا کریں گے۔

پیر کو سری لنکا کرکٹ نے اس بات کا باضابطہ اعلان کیا ہے۔ چاریتھ اسلانکا کو ٹیم کا نائب کپتان مقرر کیا گیا ہے۔ اسکواڈ میں تجربہ کار کھلاڑیوں سمیت ابھرتے ہوئے نوجوان پلیئرز کو بھی موقع دیا گیا ہے۔

ٹی ٹوئنٹی سیریز کے میچز 17، 19 اور 21 فروری کو رنگیری دمبولا انٹرنیشنل کرکٹ اسٹیڈیم میں شیڈول ہیں۔

افغانستان کے خلاف تین ٹی ٹوئنٹی میچز کی سیریز کے لیے سری لنکن اسکواڈ ان کھلاڑیوں پر مشتمل ہے۔

سری لنکن ٹی ٹوئنٹی اسکواڈ: وانندو ہسرنگا (کپتان)، چارتھ اسلانکا، پاتھم نسانکا، کوشل مینڈس، کوشل پریرا، دھننجایا ڈی سلوا، اینجلو میتھیوز، داسن شناکا، سدیرا سمارا وکرما، کامندو مینڈس، مہیش تھیکشانا، اکیلا دھننجایا، متھیشا پاتھیرانا، دلشان مدوشنکا، نووان تھشارا، دشمنتھا چمیرا، بینورا فرنینڈو۔

سری لنکا نے افغانستان کے خلاف ٹیسٹ کے لیے اسکواڈ کا اعلان کردیا، ٹیم میں تین نئے کھلاڑیوں کو بھی منتخب کیا گیا ہے۔

تفصیلات کے مطابق کولمبو میں جمعہ سے شروع ہونے والے واحد ٹیسٹ میچ کے لیے بدھ کو سری لنکا کے 16 رکنی ٹیسٹ اسکواڈ کے ناموں کااعلان کیا گیا ہے۔ ٹیم میں نیا خون شامل کرتے ہوئے تین نئے پلیئرز کو بھی موقع دیا گیا ہے۔

نئے ٹیسٹ کپتان دھننجایا ڈی سلوا پہلی بار ٹیسٹ میں قیادت کے فرائض انجام دیں گے جبکہ رواں ماہ کے شروع میں بورڈ نے ٹیسٹ، ون ڈے اور ٹی ٹوئنٹی ٹیموں کے لیے الگ الگ کپتانوں کا تقرر کیا ہے۔

سلیکشن کمیٹی کے نئے چیف اُپل تھرانگا نے اسکواڈ کا اعلان کیا۔ ان کیپڈ فاسٹ بولر چمیکا گناسیکرا اور میلان رتھنائیکے کے ساتھ ساتھ اوپننگ بلے باز لاہیرو اُدارا کو بھی اسکواڈ میں شامل کیا گیا ہے۔

بیٹنگ آل راؤنڈر کامندو مینڈس بھی ٹیم کا حصہ ہونگے جنھوں نے 2022 میں آسٹریلیا کے خلاف اپنا واحد ٹیسٹ میچ کھیلا تھا۔

خیال رہے کہ سری لنکا اور افغانستان ٹیسٹ میچ میں پنچجہ آمائی کے لیے پہلی بار آمنے سامنے ہوں گے۔ دونوں ٹیمیں کولمبو میں واحد ٹیسٹ کے بعد کینڈی میں تین ون ڈے اور دمبولا میں تین ٹی ٹوئنٹی میچز میں بھی مدمقابل آئیں گی۔

سری لنکا اسکواڈ میں کپتان دھننجایا ڈی سلوا، کوشل مینڈس، ڈیموتھ کرونارتنے، نشان مدوشکا، اینجلو میتھیوز، دنیش چندیمل، سدیرا سمارا وکرما، رمیش مینڈس، آسیتھا فرنینڈو، وشوا فرنینڈو، کاسون راجیتھا، کامندو مینڈس، پربت جے سوریا، لاہیرو اُدارا، چمیکا گنا سیکرا اور میلان رتھنائیکے شامل ہیں۔