Tag: سری لنکا

سری لنکا نے دبئی ٹیسٹ کے تیسرے روز تمام کھلاڑی آؤٹ پرتین سو اٹھاسی رنز بنالیے، پاکستان کیخلاف پہلی اننگز میں سری لنکا نے دو سو تیئیس رنز کی سبقت حاصل کرلی ہے۔دبئی ٹیسٹ میچ کےتیسرے روز سری لنکا نے پہلی نامکمل اننگز چار وکٹ کے نقصان پرتین سو اٹھارہ رنز سے دوبارہ شروع کی۔

پاکستانی بولرز دونوں سیشنز میں سخت جدوجہد کے بعد  وکٹیں حاصل کرسکے۔ مہیلا جےوردھنے نے شاندار سینچری کے ساتھ ایک سو انتیس ،کوشل سلوا نے پچانوے رنزاورکپتان اینجلو میتھیوزنے  بیالیس رنزبنائے۔ سری لنکا کو پاکستان کیخلاف دوسو تیئیس رنز کی سبقت حاصل ہے۔

پاکستانی ٹیم پہلی اننگز میں ایک سو پینسٹھ رنز بناسکی تھی۔ جنید خان نے تیبن ،سعید اجمل نے دو جبکہ راحت علی نے بھی دو کھلاڑیوں کو آؤٹ کیا، آخری اطلاعات تک پاکستان نے اپنی دوسری اننگز میں انیس رنز بنائے تھے جبکہ اس کے تین کھلاڑی آؤٹ ہو گئے۔

سری لنکا نے دبئی ٹیسٹ کے دوسرے روز شاندار کارکردگی دکھاتے ہوئے دن کے اختتام تک چار وکٹوں پر تین سو اٹھارہ رنز بنالیے ہیں، پاکستان کیخلاف پہلی اننگز میں سری لنکا کو ایک سو ترپن رنز کی سبقت حاصل ہے۔

دبئی ٹیسٹ میچ کے دوسرے روز سری لنکن بیٹسمینوں نے عمدہ کارکردگی کا مظاہرہ کیا۔ سری لنکا نے پہلی نامکمل اننگز ایک وکٹ کے نقصان پر ستاون رنز سے دوبارہ شروع کی۔

پاکستانی بولرز دونوں سیشنز میں سخت جدوجہد کے بعد تین وکٹیں حاصل کرسکے۔ کوشل سلوا نے پچانوے رنز بنائے۔ مہیلا جےوردھنے ایک سو چھ اور اینجلو میتھیوز بیالیس رنز پر ناٹ آؤٹ ہیں۔ سری لنکا کو پاکستان کیخلاف ایک سو ترپن رنز کی سبقت حاصل ہے۔ پاکستانی ٹیم پہلی اننگز میں ایک سو پینسٹھ رنز بناسکی تھی۔

  دبئی ٹیسٹ کے دوسرے روز سری لنکا نے آخری اطلاعات تک  چاروکٹوں کے نقصان پرایک سو پچپن رنزبنالئے۔ دبئی ٹیسٹ کے پہلے روز سری لنکن کپتان نے ٹاس جیت کر پاکستان کو بیٹنگ کی دعوت دی۔

پاکستان کی اننگز کا آغاز اچھا نہ ہوا، قومی ٹیم ایک سو پینسٹھ رنز پر پویلین لوٹ گئی، پاکستان ٹیم کے سات بیٹسمین ڈبل فیگرز میں بھی داخل نہ ہوسکے۔میچ کے دوسرے روز پاکستانی بولرز سری لنکن بیٹسمینوں کو قابو کرنے میں ناکام رہے۔

سری لنکا نےاپنی اننگز کا آغاز محتاط انداز میں کیا، سری لنکا کی پہلی وکٹ چالیس رنز پر گری، جب اوپنر کرونارتنے جنید خان کو وکٹ دے بیٹھے، پہلے روز کھیل کے اختتام پر سری لنکا نے ایک وکٹ کے نقصان پر ستاون رنز بنالئے تھے، مہمان ٹیم کو پاکستان کی برتری ختم کرنے کے لئے مزید ایک سو آٹھ رنز درکار ہے۔

دبئی ٹیسٹ میں سری لنکن کپتان نے ٹاس جیت کر پاکستان کو بیٹنگ کی دعوت دی، قومی ٹیم نے دوسرے ٹیسٹ میں صرف ایک تبدیلی کی، انجرڈ عدنان اکمل کی جگہ سرفراز احمد کو ٹیم میں شامل کیا گیا۔

پاکستان کی اننگز کا آغاز اچھا نہ ہوا احمد شہزاد صرف تین رنز بنا کرآؤٹ ہوئے، ممد حفیظ بھی اچھی فارم کا فائدہ نہ اٹھا سکے اور اکیس رنز پر پویلین لوٹ گئے، سینچری میکرز یونس خان اور مصباح الحق دوسرے ٹیسٹ کی پہلی اننگ میں ناکام ہوگئے۔

خرم منظور کے علاوہ کوئی بھی بلے باز نمایاں کارکردگی نہ دکھا سکا، خرم تہتر رنز بنا کر ٹاپ اسکورر رہے۔ قومی ٹیم ایک سو پینسٹھ رنز پر پوگئی۔ پاکستان ٹیم کے سات بیٹسمین ڈبل فیگر ز میں بھی داخل نہ ہوسکے، ہیراتھ اور نوان پرادیپ نے تین تین وکٹیں حاصل کیں۔
    

ابوظبی ٹیسٹ کے پانچویں دن سری لنکا کی ٹیم اپنی دوسری اننگز پانچ وکٹ پر 420رنز سےدوبارہ شروع کرے گی،ابوظہبی میں جاری ٹیسٹ میچ کے چوتھے روز سری لنکا اپنی دوسری نامکمل اننگز چار کھلاڑی آؤٹ ایک سو چھیاسی رنز پر شروع کی تو کپتان اینجلو میتھوز اور دنیش چندی نے مل کر سری لنکا کو مشکل سے نکالا۔

چندی مل نواسی رنز بناکر جنید خان کی گیند پر آؤٹ ہوئے۔ دوسری جانب میتھوز نے پاکستانی بولرز کا جم کر سامنا کیا۔ چوتھے روز پاکستانی بولرز سری لنکن بلے بازوں کے سامنے بے بس نظر آئے اور چائے کے وقفے تک صرف ایک ہی وکٹ لے سک اْس کو پاکستان پر 241رنز کی برتری حاصل ہے۔

سری لنکا 241رنز کی برتری سے اننگز دوبارہ شروع کرے گا۔سری لنکا نے پانچ وکٹ پر 420رنز بنارکھے ہیں۔کپتان انجیلو میتھیوز 116رنز کے ساتھ ناقابل شکست ہیں۔دوسری جانب پاکستان کرکٹ ٹیم کے بولنگ کوچ محمد اکرم کا کہنا ہے کہ بولرز نے اچھی بولنگ کی لیکن قسمت نے ساتھ نہیں دیا۔

پاکستان کیخلاف ابوظہبی ٹیسٹ میچ کے چو تھے روز کے سری لنکا نے دوسری اننگز میں اب تک تین سو چوبیس رنزبنا لئے ہیں۔ اور اس کو پانچ وکٹوں کا نقصان اٹھانا پڑا۔ ابوظہبی ٹیسٹ کے تیسرے روز پاکستان کرکٹ ٹیم پہلی اننگز میں تین سو تراسی رنز پرآؤٹ ہوگئی تھی۔

تجربہ کار بیٹسمین یونس خان ایک سو چھتیس اورکپتان مصباح الحق ایک سو پینتیس رنز کی ذمہ دارانہ اننگز کھیل کر نمایاں رہے۔ سری لنکن ٹیم کی جانب سے ایرنگا اورہیرتھ نے تین تین وکٹیں حاصل کیں۔ سری لنکا کی دوسری اننگز میں سنگاکارا اکیاسی اور کوشل سلوا نے پچپن رنز بنائے۔

دوسرے دن کے اختتام تک سری لنکن ٹیم نے ایک سو چھیاسی رنز بنائے تھے۔

پاکستان کیخلاف ابوظہبی ٹیسٹ میچ کے تیسرے روز کے اختتام تک سری لنکا نے دوسری اننگز میں چار وکٹوں پر ایک سو چھیاسی رنز بنا کر سات رنز کی برتری قائم کرلی ہے۔

ابوظہبی ٹیسٹ کے تیسرے روز پاکستان کرکٹ ٹیم پہلی اننگز میں تین سو تراسی رنز پر آؤٹ ہوگئی، تجربہ کار بیٹسمین یونس خان ایک سو چھتیس اور کپتان مصباح الحق ایک سو پینتیس رنز کی ذمہ دارانہ اننگز کھیل کر نمایاں رہے۔

سری لنکن ٹیم کی جانب سے ایرنگا اور ہیرتھ نے تین تین وکٹیں حاصل کیں، سری لنکا کی دوسری اننگز میں سنگاکارا اکیاسی اور کوشل سلوا نے پچپن رنز بنائے، دن کے اختتام تک سری لنکن ٹیم ایک سو چھیاسی رنز بناسکی ہے۔

پاکستان نے سری لنکا کیخلاف پہلے ٹیسٹ کے دوسرے روز بیٹسمینوں کی شاندار پرفارمنس کی بدولت میچ میں اپنی پوزیشن مضبوط کرلی ہے، یونس خان اور کپتان مصباح الحق نے سنچریاں اسکور کیں۔

ابو ظہبی ٹیسٹ کے دوسرے میں پاکستانی بلے بازوں نے کیا کمال۔ قومی ٹیم نے پہلی نامکمل اننگز ایک کھلاڑی آؤٹ چھیالیس رنز پر شروع کی تو محمد حفیظ کی صورت میں پاکستان کو پہلی وکٹ سے ہاتھ دھونا پڑا، احمد شہزاد اڑتیس کے انفرادی اسکور پر پویلین لوٹ گئے۔ 

تراسی رنز پر تین کھلاڑیوں کے آؤٹ ہوجانے کے بعد تجربہ کار یونس خان نے کپتان مصباح الحق کے ساتھ مل کر ٹیم کو سہارا دیا اور چوتھی وکٹ کے لئے دو سو اٹھارہ رنز جوڑ ے، یونس خان نے کیرئیر کی تیسویں سنچری بناتے ہوئے پاکستان کو سری لنکا پر برتری دلوائی، یونس خان ایک سو چھتیس رنز پر آؤٹ ہوئے۔ 

دوسری جانب مصباح الحق ڈٹے رہے اور بولر زکا جم کر سامنا کررتے ہوئے کیرئیر کی پانچویں سنچری داغ ڈالی،  یونس اور مصباح کے سامنے سری لنکن بولرز بے بسی کی تصویر بنے رہے دوسرے روز کھیل کے اختتام پر مصباح الحق ایک سو پانچ اور اسد شفیق بارہ رنز کے ساتھ کیریز پر موجود ہے، پاکستان کو سری لنکا پر ایک سو تیئس رنز کی برتری حاصل ہے اور اس کی چھ وکٹیں اب بھی باقی ہے۔
   

پاکستان اور سری لنکا کے درمیان تین میچوں کی سیریز کا پہلا ٹیسٹ آج سے ابو ظہبی میں کھیلا جائے گا۔

ٹی ٹوئنٹی اور ون ڈے سیریز میں دلچسپ مقابلوں کے بعد پاکستان اور سری لنکا کی ٹیمیں طویل دورانیئے کی کرکٹ میں ٹکرائیں گی، ٹی ٹوئنٹی سیریز ڈرا رہی جبکہ ون ڈے میں پاکستان نے میدان مارا، یو اے ای کی وکٹوں پر اسپنرز کا کردار اہم ہوگا، پاکستانی ٹیم آف اسپنر سعید اجمل پر انحصار کرے گی۔

ادھر سری لنکن ٹیم بیٹنگ میں پاکستان کے لئے مشکلات کھڑی کرسکتے ہیں، سری لنکا کے پاس مہیلا جے وردھنے اور سنگاکارا جیسے دنیا کے بہترین بیٹسمین موجود ہیں، جو اسپنرز کو بھرپور مہارت سے کھیلنے کی صلاحیت رکھتے ہیں۔

قومی ٹیم جولائی دوہزار بارہ کے بعد سری لنکا کے خلاف ٹیسٹ میچ میں مدمقابل آرہی ہے، پاکستان کو گزشتہ سال دورہ سری لنکا میں تین میچز کی ٹیسٹ سیریز میں ایک صفر سے ناکامی کا سامنا کرنا پڑا تھا، دونوں ممالک کے درمیان مجموعی طور پر تینتالیس ٹیسٹ کھیلے گئے ہیں، پاکستان سولہ اور سری لنکا دس میں سرخرو رہا۔
    
   

سر ی لنکا کے خلاف ون ڈے سیریز کے اختتام کے بعد قومی ٹیم کے کھلاڑیوں کی رینکنگ میں نمایاں بہتری آئی ہے محمد حفیظ آل راونڈرز کی رینکنگ میں پہلی پوزیشن پربراجمان ہیں۔ 

آئی سی سی کی جاری کردہ رینکنگ کے مطابق محمد حفیظ نے بیٹسمین رینکنگ میں ٹاپ ٹوئنٹی میں جگہ بنالی ہے، سری لنکاکے خلاف یادگار بیٹنگ کرنے کے بعد سولہویں نمبر پر آگئے ہیں۔ 

قومی ٹیم کے کپتان مصباح الحق بدستور نویں نمبر پر موجود ہیں۔ بیٹسمین رینکنگ میں پہلا نمبر  جنوبی افریقہ کے اے بی ڈیویلیر کا ہے۔

 دوسرے نمبر پر بھارت کے ویرات کوہلی ہیں بولرز رینکنگ میں اسپن کے بادشاہ سعید اجمل کا پہلا نمبر ہے سری لنکا کے خلاف نو شکار کرنے بعد نوجوان فاسٹ بولر جنید خان کیرئیر بیسٹ گیارویں پوزیشن پر آگئے ہیں۔

 آل راونڈرز رینکنگ میں محمد حفیظ نے سب کو پیچھے چھوڑ تے ہوئے پہلی پوزیشن پر آگئے ہے اور بوم بوم آفریدی کا نمبر ساتواں ہے۔