ARYNews.tv | Urdu – Har Lamha Bakhabar

Tag: سری لنکا

  • دوسرا ٹیسٹ: پاکستان کا پراعتماد آغاز، عبداللہ شفیق اور شان مسعود کی نصف سنچریاں

    دوسرا ٹیسٹ: پاکستان کا پراعتماد آغاز، عبداللہ شفیق اور شان مسعود کی نصف سنچریاں

    کولمبو: سری لنکا اور پاکستان کے درمیان سیریز کا دوسرا اور آخری ٹیسٹ میچ جاری ہے جس میں پاکستانی ٹیم نے شاندار آغاز کیا۔

    سری لنکا کے خلاف پاکستانی ٹیم کو پہلی اننگز کی شروعات میں نقصان اٹھانا پڑا، اوپنر امام الحق 6رنز بناکر آؤٹ ہوئے جس کے بعد شان مسعود نے عبداللہ شفیق کے ساتھ پراعتماد طریقے سے اننگز آگے بڑھائی۔

    عبداللہ شفیق نےمستقل مزاجی سے بیٹنگ کرتے ہوئے اپنی نصف سنچری مکمل کی جبکہ شان مسعود بھی تیزی سے کھیلتے ہوئے 44 گیندوں پر نصف سنچری بنائی۔

    پہلی اننگز میں سری لنکا کی مکمل ٹیم 166 رنز بناکر آؤٹ ہوگئی، پاکستان کی جانب سے اسپنر ابرار احمد نے 4 اور فاسٹ بولر نسیم شاہ نے تین کھلاڑیوں کو آؤٹ کیا۔

    سری لنکا کی اننگز

    پہلے سیشن میں پاکستانی ٹیم کا پلا بھاری رہا، پاکستانی بولز کھیل کے شروع سے ہی لنکن ٹیم پرحاوی رہے کھانے کے وقفے تک 4 کھلاڑیوں کو پولین کی راہ دکھائی۔

    سری لنکا کے اوپنر نشان مدوشکا کو شان مسعود نے رن آؤٹ کیا، جب کہ ساتویں اوور کی پہلی گیند پر شاہین شاہ آفریدی نے کوشال مینڈس کی وکٹ لی۔

    سری لنکا کی تیسری وکٹ 35 رنز پر گری، اینجلو میتھیوز 9 رن بنا کر نسیم  شاہ کا شکار ہوگئے، چوتھی وکٹ بھی نسیم شاہ نے لی کپتان کرونارتنے 17 رنز بنا کر فاسٹ بولر کی گیند پر آؤٹ ہوئے۔

    کھانے کے وقفے کے کچھ دیر  بعد لنکن ٹیم کی پانچویں وکٹ بھی نسیم شاہ نے لی، دنیش چندیمل 34 رنز بنا کر آؤٹ ہوئے جبکہ پاکستان کیخلاف سری لنکا کی چھٹی وکٹ 122رنز پر گری، ابرار احمد دوسرے ٹیسٹ میں اپنا پہلا شکار  کیا، سمارا ویکراما صفر پر آؤٹ ہوئے۔

    پاکستان کے شاہینز آخری تک لنکن ٹیم پر حاوی رہے،ٹیم کی ساتویں وکٹ 133 رنز پر گری، میزبان ٹیم کی آٹھویں وکٹ 136 رنز اور نویں وکٹ 163 رنز پر گری۔

    ٹاس

    دوسرے اور آخری ٹیسٹ میچ میں سری لنکا نے پاکستان کے خلاف ٹاس جیت کر بیٹنگ کا فیصلہ کیا، آخری ٹیسٹ میچ کولمبو میں کھیلا جارہا ہے، جہاں بارش ہونے کے باعث ٹاس میں تاخیر ہوا۔

    اس موقع پر قومی کرکٹ ٹیم کے کپتان بابر اعظم کا کہنا تھا کہ جلد وکٹیں لیکر سری لنکا کو کم اسکور  پر روکیں گے،  پہلے ٹیسٹ میں کامیابی سے اعتماد بڑھا ہے۔

    بابر اعظم نے مزید کہا کہ  قومی ٹیم  میں کوئی تبدیلی نہیں کی گئی ہے، سری لنکن کپتان دیموتھ کرونارتنے کے مطابق ان کی ٹیم میں دو تبدیلیاں کی گئی ہیں۔

    واضح رہے کہ 2 ٹیسٹ میچوں کی سیریز میں پاکستان کو ایک صفر سے برتری حاصل ہے۔

  • عامر سہیل کا نسیم شاہ کے بارے میں سخت بیان

    عامر سہیل کا نسیم شاہ کے بارے میں سخت بیان

    لاہور: گال ٹیسٹ میں کمنٹری کے دوران قومی ٹیم کے سابق کرکٹر اور کمنٹیٹر عامر سہیل نے فاسٹ بولر نسیم شاہ کیلئے تنقیدی رائے کا اظہار کیا۔

    گال تیسٹ کے تیسرے روز جب نسیم شاہ نے وکٹ کو گرنے سے روک  رکھا تھا اور ٹیم کو حسارے سے نکالنے کیلئے سعود شکیل کا ساتھ دے رہے تھے تو اس دوران کمینٹیٹر رمیز راجہ نے نسیم کی بلے بازی کی صلاحیتوں پر تبصرہ کیا۔

    ٹیسٹ میچ کے دوران کمنٹری کے وقت رمیزراجا نے نسیم شاہ کی تعریف کرتے ہوئے کہا کہ نسیم کو بیٹنگ میں اعصاب مضبوط کرنے میں کوئی مسئلہ نہیں پیش نہیں آیا۔

     جس پر باکس میں موجود عامر سہیل نے جواب دیتے ہوئے کہا کہ ’’اگر وہ دماغ کے مسلز بھی مضبوط کرلیں تو وہ بہتر کرکٹر اور بولر بن سکتے ہیں‘‘۔

    یاد رہے کہ اس سے قبل گزشتہ سال کھیلی جانے والی سیریز میں عامر سہیل نے نسیم شاہ کو بولنگ ایکشن تبدیل کرنے کا مشورہ دیا تھا۔

    سری لنکا کے خلاف سیریز کے دوران عامر سہیل نے نسیم کے باؤلنگ ایکشن پر تبصرہ کرتے ہوئے کہا تھا کہ اسے دوبارہ اپنے ایکشن کو تبدیل کرنے کی ضرورت ہے۔

  • ذکا اشرف کا بابر اعظم کو ٹیلی فون، ایشیا کپ سے متعلق گفتگو

    ذکا اشرف کا بابر اعظم کو ٹیلی فون، ایشیا کپ سے متعلق گفتگو

    لاہور: قومی ٹیم کی سری لنکا روانگی سے قبل چیئرمین مینجمنٹ کمیٹی کے سربراہ ذکا اشرف نے قومی ٹیم کے کپتان بابر اعظم کو ٹیلی فون کیا۔

    پاکستان کرکٹ بورڈ( پی سی بی) چیئرمین مینجمنٹ کمیٹی ذکا اشرف نے قومی کرکٹ ٹیم کیلئے نیک خواہشات کا اظہار کیا، اور کہا کہ توقع ہے ٹیم دورہ سری لنکا اور ایشیا کپ میں کامیابیاں سمیٹے گی۔

    چیئرمین پی سی بی ذکا اشرف نے ایشیا کپ سے متعلق بھی کپتان بابر اعظم سے گفتگو کی، بابر  اعظم نے ذکا اشرف کو چیئرمین مینجمنٹ کمیٹی کا عہدہ سنبھالنے  پر مبارکباد دی۔

    قومی کرکٹ ٹیم کے کپتان بابر اعظم نے کہا کہ آپ کے پچھلے دور میں بھی پاکستان نے ایشیا کپ جیتا تھا، اس بار بھی ایشیاکپ جیت کر پاکستان لائیں گے۔

    کپتان بابراعظم نے ذکا اشرف سے گفتگو کرتے ہوئے مزید کہا کہ ٹیم کو مزید اوپر لے جانے کیلئے کوئی قصر نہیں چھوڑیں گے۔

    واضح رہے کہ پاکستان کرکٹ ٹیم آج رات ساڑھے 10 بجے سری لنکا روانہ ہوگی، پاکستان اور سری لنکا کے درمیان پہلا ٹیسٹ میچ 16 جولائی کو گال میں شروع ہوگا جبکہ دوسرا ٹیسٹ 24 جولائی سے کولمبو میں کھیلا جائے گا۔

  • سری لنکا بھیجے جانے والے پارسل سے 1 کلو سے زائد آئس برآمد

    سری لنکا بھیجے جانے والے پارسل سے 1 کلو سے زائد آئس برآمد

    راولپنڈی: اینٹی نارکوٹکس فورس (اے این ایف) نے کراچی ائیر پورٹ پو کارروائی کرتے ہوئے سری لنکا بھیجے جانے والے پارسل سے 1 کلو سے زائد آئس برآمد کرلی۔

    اے این ایف کی منشیات کے خلاف ملک بھر میں کارروائیوں کاسلسلہ جاری ہے، کارروائی میں بھاری مقدار میں منشیات پکڑی گئی ہے جبکہ  6 ملزمان کو بھی  گرفتار کرلیا گیا۔

    اے این ایف ترجمان کے مطابق فیض آباد اسلام آباد میں ملزم سے 140 عدد نشہ آور گولیاں برآمد کی گئی، ٹھوکر نیاز بیگ لاہور کے قریب گاڑی سے 14 کلو افیون 15 کلو چرس برآمد ہوئی ہے۔

    ترجمان کا بتانا ہے کہ ملتان ایئرپورٹ پرکارروائی کے دوران ملزم سے 1 کلو سے زائد منشیات پکڑی گئی ہے، جیوانی سےکراچی منشیات اسمگل کرنےکی کوشش ناکام بنادی گئی، مسافر بس سے کراچی اور گوادر کے رہائشی ملزمان سے 4 کلو سے زائد ویڈ برآمد ہوئی ہے۔

    ترجمان کا بتانا ہے کہ کراچی کے جناح  انٹرنیشنل ایئرپورٹ پر کارروائی کے دوران سری لنکابھیجے جانے والے پارسل سے 1 کلو سے زائد آئس برآمد کی گئی۔

    اے این ایف ترجمان کا کہنا ہے کہ باڑہ خیبر کے غیر آباد علاقے سے پلاسٹک کے تھیلوں میں چھپائی گئی 3 کلو زائد آئس برآمد ہوئی جبکہ ملزم نے باچا خان ائیرپورٹ پر مسافر کے پیٹ میں منشیات بھرے کیپسولز کی موجودگی کا اعتراف کیا۔

    ترجمان کا مزید بتانا ہے کہ شارجہ جانیوالے ملزم کے پیٹ سے 3 عدد چرس بھرے کیپسولز برآمد کرلی ان تمام ملزمان کیخلاف انسداد منشیات ایکٹ کے تحت مقدمات  درج کیے گئے ہیں جبکہ تحقیقات کا آغاز کردیا گیا ہے۔

  • سری لنکا آئی ایم ایف سے قرض کی منظوری لینے میں کامیاب

    سری لنکا آئی ایم ایف سے قرض کی منظوری لینے میں کامیاب

    کولمبو: عالمی مالیاتی فنڈ( آئی ایم ایف) نے کئی ماہ سے بدترین معاشی بحران کا شکار سری لنکا کے لیے 2 ارب 90 کروڑ ڈالر قرض کی منظوری دے دی۔

    خبر ایجنسی کے مطابق سری لنکا کے صدر نے کہا کہ پیر کو آئی ایم ایف نے سری لنکا کے لیے 2 ارب 90 کروڑ ڈالر قرض کی منظوری دی ہے۔

    رپورٹس میں بتایا گیا ہے کہ آئی ایم ایف کے بورڈ نے بھی اس بات کی تصدیق کی کہ اس نے قرض دینے کی منظوری پر دستخط کر دیے ہیں، ساتھ ہی آئی ایم ایف نے سری لنکن حکومت پر ٹیکس اصلاحات، غریبوں کے لیے سماجی تحفظ جاری رکھنے اور ملک میں معاشی بحران کا سبب بننے والی بدعنوانیوں پر قابوپانے کے لیے زور دیا ہے۔

    دوسری جانب سری لنکا کی حکومت نے آئی ایم ایف کی شرائط پوری کرتے ہوئے ٹیکس دو گنا کر دیے جبکہ توانائی کے نرخوں میں تین گنا اضافہ اور سبسڈی بھی کم کر دی ہے۔

    واضح رہے کہ گزشتہ برس بہت بڑے معاشی بحران کا شکار ہوکر سری لنکا قرضوں کی عدم ادائیگی کے باعث اپنی تاریخ میں پہلی بار دیوالیہ ہوگیا تھا۔

    دیوالیہ ہونے کے بعد  سری لنکامیں ایندھن، توانائی، بجلی سمیت دوائیوں اور غذائی اجناس کی شدید قلت پیدا ہو گئی تھی اور ملک میں مہنگائی اپنے عروج کو پہنچ گئی تھی۔

  • خاتون نے دو معصوم پِلّے گاڑی سے کچل ڈالے، کمزور دل افراد ویڈیو نہ دیکھیں

    خاتون نے دو معصوم پِلّے گاڑی سے کچل ڈالے، کمزور دل افراد ویڈیو نہ دیکھیں

    کولمبو: سری لنکا میں ایک بے پروا خاتون نے گاڑی سے دو معصوم پِلّے کچل ڈالے، پولیس نے خاتون کو گرفتار کر لیا۔

    تفصیلات کے مطابق سری لنکا کے علاقے کدورکڑے میں ایک خاتون نے سڑک پر موجود دو پلّوں کو بے دردی سے کار کے پہیوں تلے کچل دیا، تاہم پولیس نے گاڑی کے نمبر سے خاتون کو تلاش کر کے گرفتار کر لیا۔

    اس واقعے کی ویڈیو سوشل میڈیا پر وائرل ہو گئی تھی، جس کے بعد متھرتا پولیس نے کارروائی کی، ویڈیو میں دیکھا جا سکتا ہے کہ خاتون کتنی بے دردی اور لاپرواہی سے کتے کے پلّوں کو کچل کر جا رہی ہیں۔

    پولیس نے کہا کہ 18 فروری کو متھرتا پولیس اسٹیشن میں شکایت موصول ہوئی تھی، ویڈیو دیکھنے کے بعد تحقیقات شروع کی گئیں، اور یہ بات سامنے آئی کہ یہ واقعہ 17 فروری کو کدورکڑے علاقے میں پیش آیا تھا۔

    قریبی گھر میں نصب سی سی ٹی وی سے دیکھا گیا کہ دو 2 ماہ کے پلّے ایک گاڑی کے اگلے اور پچھلے پہیے کے نیچے آئے۔

    پولیس نے گاڑی کے رجسٹریشن نمبر کی بنیاد پر تفتیش کی اور یہ بات سامنے آئی کہ کار کا مالک متھرتا علاقے کا رہنے والا تھا اور مالک کے بڑے بھائی کی بیوی واقعہ کے وقت ڈرائیور تھی۔

    27 سالہ خاتون ملزم کو بیان ریکارڈ کرانے کے لیے تھانے پہنچنے کے بعد گرفتار کیا گیا، پولیس نے اس کے خلاف جانوروں پر ظلم کے ایکٹ کی دفعات کے تحت مقدمہ درج کر لیا، خاتون نے مجسٹریٹ کی عدالت میں اعتراف جرم بھی کیا، تاہم بعد میں خاتون کو ایک لاکھ روپے کے ضمانتی مچلکے پر رہا کر دیا گیا۔

  • کویت کا فلپائن کی جگہ دوسرے ملک سے ملازمین بلانے کا فیصلہ

    کویت کا فلپائن کی جگہ دوسرے ملک سے ملازمین بلانے کا فیصلہ

    کویت سٹی: کویت نے فلپائن کی جگہ سری لنکا سے ملازمین بلانے کا فیصلہ کر لیا ہے۔

    تفصیلات کے مطابق کویت نے فلپائنی گھریلو ملازمین کا متبادل ڈھونڈ لیا ہے، کویت سری لنکا سے ملازمین کو لا کر فلپائن کے ساتھ گھریلو ملازمین کے بحران کو دور کرنا چاہتا ہے۔

    روزنامہ القبس کے مطابق یہ اعلان کویت میں گھریلو مزدوروں کی بھرتی کے دفاتر کی جانب سے کیا گیا ہے، سری لنکا کے ساتھ معاہدے تقریباً 200 دینار کم ہیں اور کویت پہنچنے کی رفتار بھی تیز ہے۔

    روزانہ دو سے تین فلپائنی ملک چھوڑ رہے ہیں، جس پر بھرتی دفاتر کے مالکان نے کہا ہے کہ وہ ایک متبادل فراہم کرنے کا ارادہ رکھتے ہیں جو موجود خلا کو پر کر سکے۔

    واضح رہے کہ فلپائن نے اپنے کارکنوں کو کویت بھیجنا عارضی طور پر معطل کر دیا ہے، جس کی وجہ سے کویت اب متبادل کی طرف جانا چاہتا ہے۔

    گھریلو مزدوروں کی الدرہ کمپنی نے بھی بتایا کہ سری لنکا سے خواتین کارکنوں کی ایک نئی کھیپ پہلے سے اعلان کردہ قیمتوں پر پہنچ رہی ہے، جو 650 دینار ہیں، جس میں ٹکٹ شامل نہیں۔

  • حنا ربانی کھر کی بنگلہ دیشی وزیر خارجہ سے ملاقات

    حنا ربانی کھر کی بنگلہ دیشی وزیر خارجہ سے ملاقات

    اسلام آباد: وزیر مملکت برائے خارجہ امور حنا ربانی کھر 75 ویں یوم آزادی کی تقریبات میں شرکت کے لیے سری لنکا میں ہیں، شرکت سے قبل ان کی ملاقات بنگلہ دیشی وزیر خارجہ سے ہوئی۔

    تفصیلات کے مطابق دفتر خارجہ کا کہنا ہے کہ وزیر مملکت خارجہ حنا ربانی کھر سری لنکا کے دورے پر ہیں جہاں وہ 75 ویں یوم آزادی کی تقریبات میں شرکت کریں گی۔

    دفتر خارجہ کا کہنا ہے کہ تقریبات میں جنوب ایشیائی ممالک کے معززین بھی شرکت کر رہے ہیں۔

    اس دوران حنا ربانی کھر کی بنگلہ دیش کے ہم منصب اے کے عبدالمومن سے ملاقات ہوئی، دونوں فریقین نے باہمی دلچسپی کے امور پر تبادلہ خیال کیا۔

    حنا ربانی کھر کا کہنا تھا کہ دونوں ممالک کے درمیان تجارتی تعلقات میں تیزی آرہی ہے۔ انہوں نے دونوں ممالک کے درمیان اقتصادی، تجارتی اور سرمایہ کاری کے روابط بڑھانے پر بھی زور دیا۔

  • سری لنکا کی ناکامی، آئی ایم ایف نے بڑا قدم اٹھا لیا

    سری لنکا کی ناکامی، آئی ایم ایف نے بڑا قدم اٹھا لیا

    کولمبو: سری لنکا بیل آؤٹ پیکج کے لیے آئی ایم ایف کی شرائط پوری کرنے میں ناکام ہو گیا۔

    غیر ملکی میڈیا کے مطابق سری لنکا نے بیل آؤٹ پیکج کے لیے انٹرنیشنل مانیٹری فنڈ کی شرائط پوری نہیں کیں، جس پر آئی ایم ایف کے ایگزیکٹو بورڈ نے 3 ارب ڈالر کے قریب بیل آؤٹ پیکج کی منظوری مؤخر کر دی۔

    سری لنکا کو بیل آؤٹ پیکج لینے کے لیے عوامی آمدنی میں اضافہ کرنا ہوگا، سری لنکن وزیرِ خزانہ کہتے ہیں قرضوں کی درخواست جنوری تک بڑھ سکتی ہے۔

    واضح رہے کہ گزشتہ دہائیوں میں اپنے بدترین معاشی بحران سے نکلنے کا راستہ تلاش کرتے ہوئے، سری لنکا نے جون میں آئی ایم ایف کے ساتھ اسٹاف لیول کا ایک معاہدہ کیا تھا۔

    سری لنکا نے ستمبر میں کہا تھا کہ اسے توقع ہے کہ بورڈ سال کے آخر تک اس معاہدے کی منظوری دے دے گا۔ حالیہ مہینوں میں پیش رفت سست رہی ہے، اور سری لنکا کے وزیر خزانہ نے گزشتہ ماہ تسلیم کیا تھا کہ درخواست جنوری تک بڑھ سکتی ہے۔

    روئٹرز کے مطابق سری لنکا کو قرض دہندگان سے پیشگی مالیاتی یقین دہانیاں حاصل کرنی ہوں گی، قرضوں کے بھاری بوجھ کو پائیدار راستے پر ڈالنا ہوگا اور عالمی قرض دہندہ کی جانب سے فنڈز کی تقسیم سے قبل عوامی آمدنی میں اضافہ کرنا ہوگا۔ آئی ایم ایف نے مشترکہ مذاکرات کی اہمیت پر بھی زور دیا، جس میں سری لنکا کے تین اہم قرض دہندگان چین، جاپان اور بھارت شامل ہوں۔

  • ویرات کوہلی نے مہیلا جے وردنے کا ریکارڈ توڈ دیا

    ویرات کوہلی نے مہیلا جے وردنے کا ریکارڈ توڈ دیا

    بھارت کرکٹ ٹیم کے بیٹر ویرات کوہلی ٹی ٹوئنٹی ورلڈ کپ میں سب سے زیادہ رنز بنانے والے پہلے کھلاڑی بن گئے۔

    تفصیلات کے مطابق ویرات کوہلی نے سری لنکا کے سابق کپتان اور بیٹر مہیلا جے وردنے کا ریکارڈ توڑ دیا، انہوں نے 23 اننگز میں 1062 رنز بنا کر ٹی ٹوئنٹی ورلڈ کپ میں سب سے زیادہ رنز بنانے کا اعزاز اپنے نام کرلیا۔

    ویرات کوہلی نے ٹی ٹوئنٹی میچز کے کیریئر میں 13 نصف سنچریاں 97 چوکے اور 27 چھکے شامل ہے۔

    ویرات کوہلی نے یہ ریکارڈ آج بنگلا دیش کے خلاف اہم میچ میں اپنے نام کیا، جہاں انہوں نے 64 رنز کی ناقابل شکست اننگز کھیلی۔

     

    View this post on Instagram

     

    A post shared by ICC (@icc)

    سری لنکا کے سابق کپتان اور بیٹر مہیلا جے وردنے ٹی ٹوئنٹی ورلڈکپ کے میچز میں 1 ہزار سے زیادہ رنز بنانے والے دوسرے کھلاڑی بن گئے، جنہوں نے ورلڈکپ کے میچز میں 1016 رنز بنائے ہیں۔

    جے وردنے نے ٹی ٹوئنٹی میچز کے کیریئر میں 1 سنچری اور 6 نصف سنچریاں بھی بنائی ہیں۔

    ٹی ٹوئنٹی کرکٹ ورلڈکپ میں 1 ہزار رنز بنانے کے قریب بھارتی کرکٹ ٹیم کےکپتان روہیت شرما بھی موجود ہیں جنہوں نے اب تک 921 سے زیادہ رنز مکمل کرلیے ہیں۔