گال ٹیسٹ میں ٹاپ آرڈر کے جلد ہی پولین لوٹ جانے کے بعد سعود شکیل نے لوئر مڈل آرڈر اور ٹیل اینڈر کے ساتھ قیمتی شراکت داری کرکے پاکستان کی اننگز کو آگے بڑھائی۔
پاکستان اور سری لنکا کے درمیان دو ٹیسٹ میچوں پر مشتمل سیریز کے گال میں کھیلے جا رہے پہلے ٹیسٹ کے تیسرا دن مڈل آرڈر بلے باز سعود شکیل کے نام رہا جنہوں نے پہلے آغا سلمان کے ساتھ 177 رنز کی شراکت قائم کرکے پاکستان کو خطرے کے نشان سے باہر نکالا پھر دن کے اختتام سے کچھ وقت قبل اپنی شاندار ڈبل سنچری سے کیا جو ان کے کیریئر کی پہلی ڈبل سنچری ہے۔
کھیل کے اختتام پر مڈل آڈر بیٹر سعود شکیل نے پریس کانفرنس میں کہا کہ ’ میرے لیے یہ سب سے بڑی کامیابی ہے، میرے کیرئیر اور فرسٹ کلاس کرکٹ میں پہلی ڈبل سنچری ہے جس پر میں بہت خوش ہوں‘۔
مڈل آڈر بیٹر سعود شکیل نے کہا کہ میں نے اس سنچری کے لیے بہت محنت کی تھی، ہمیشہ اس طرح کی اننگز کھیلنے کی کوشش کرتا ہوں، ٹیسٹ کرکٹ میں شروعات اچھی ہوئی ہے، کافی ٹائم سے اس طرح کی اننگز کھیلنے کی کوشش کررہا تھا۔
انہوں نے کہا کہ ’ جس طرح سری لنکن بولر نے اٹیک کیا تو ہماری بھی یہی کوشش تھی کہ ہماری بیٹنگ اٹیک اچھی ہو، اس طرح اٹیک کرنے میں کامیاب رہے، پچ بھی اچھا ہے، میچ جیتنے کے لیے لیڈ بھی اچھی ہے امید ہے میچ جیتیں گے‘۔
Saud Shakeel gives credit to Naseem Shah for his double hundred.
VC: SLC#SLvPAK | #Cricket | #Pakistan | #SaudShakeel | #Galle | #SriLanka pic.twitter.com/ODk4NCa8VS
— Khel Shel (@khelshel) July 18, 2023
سعود شکیل نے اپنی ڈبل سنچری کا کریڈٹ فاسٹ بولر نسیم شاہ کو دیتے ہونے ہوئے کہا کہ ’ 150 سے 200 رنز تک پہچانے میں زیادہ کریڈٹ نسیم کو جاتا ہے، اس وقت مجھے اتنا یقین نہیں تھا کہ میں ڈبل سنچری اسکور کرلوں گا‘۔
سعود شکیل نے وہ کر دکھایا جو بڑے بڑے بلے باز نہ کرسکے!
’’لیکن نسیم نے بہت ساتھ دیا اسے مجھ سے زیادہ یقین تھا کہ میں 200 رنز کرسکتا ہوں، میں گھبرایا ہوا بھی تھا لیکن نسیم نے مجھے حوصلہ دیا‘‘۔
سعود شکیل کا مزید کہنا تھا کہ ’’ نسیم شاہ نے مجھے کہا کہ آپ ڈبل ہندریڈ کرسکتے ہیں آپ جتنے اوور چاہیں کھیلں، تو زیادہ کریڈٹ نسیم کو جاتا ہے اور میں اس کا شکر گزار ہوں‘‘۔
