لاہور: سری لنکن ٹیم پر حملے میں مطلوب ملزم سمیت کالعدم تنظیم کے تین دہشت گرد لاہور میں ہونے والے پولیس مقابلے میں مارے گئے، دہشت گردوں کے سروں کی قمیت پندرہ سے بیس لاکھ مقرر تھی۔
لاہور پولیس دہشت گردوں کے خلاف متحرک ہوگئی، پولیس نے دہشتگردوں کی اطلاع پر شادی پورہ کے ایک مکان پر چھاپہ مارا، پولیس کے مطابق دہشت گردوں نے پولیس پر فائرنگ شروع کردی، جوابی فائرنگ میں تین دہشت گرد مارے گئے۔
پولیس نے ملزمان کے مکان سے کلاشنکوف ، دستی بم سمیت دیگر جدید اسلحہ برآمد کرلیا۔
پولیس حکام کے مطابق ہلاک دہشتگردوں میں حفیظ عالم بھی مارا گیا، جو سری لنکن ٹیم پر حملے میں ملوث تھا۔
پولیس کا کہنا ہے کہ ہلاک دہشت گرد پولیس اہلکاروں کی ٹارگٹڈ کلنگ سمیت قتل کی متعدد وارداتوں میں ملوث تھے۔