آسٹریلیا میں سڈنی کی عدالت نے سری لنکن کرکٹر دانشکا ریپ کیس کا فیصلہ سنا دیا۔
بین الاقوامی خبر رساں ادارے کی رپورٹ کے مطابق سری لنکن کرکٹر کے ریپ کیس کی سماعت سڈنی کی عدالت میں ہوئی اور عدالت نے سری لنکن کرکٹر کو ریپ کیس کے باقی ایک الزام میں بھی بری الزمہ قرار دے دیا۔
شکایت کنندہ ریپ کیس کے حوالے سے ٹھوس شواہد پیش نہ کر سکی، کیس میں رضامندی کے بغیر مراسم قائم کرنے کو ثابت نہیں کیا جا سکا ہے۔
سری لنکن کرکٹر کو عدالت نے پولیس انٹرویو میں سچا قرار دیا ہے، جان بوجھ کر شکایت کنندہ نے جھوٹی گواہی دی جس کے لیے انہیں متحرک کیا گیا۔
واضح رہے کہ گزشتہ برس نومبر میں دانشکا گونا تھیلاکا کو ریپ کے الزام میں حراست میں لیا گیا تھا، دانشکا سری لنکا کرکٹ ٹیم کے ساتھ ٹی ٹوئنٹی ورلڈکپ کے لیے سڈنی میں موجود تھے۔
سری لنکن کرکٹر کو ریپ کیس میں چار مختلف الزامات کا سامنا تھا، کرکٹر کے کیس میں تین الزامات کو پہلے ہی ختم کر دیا گیا تھا،دانشکا کو اب واحد الزام سے بھی بری کردیا گیا ہے۔
