ARYNews.tv | Urdu – Har Lamha Bakhabar

Tag: سری لنکن کرکٹ بورڈ

  • ورلڈ کپ میں شرمناک کارکردگی، سری لنکن کرکٹ بورڈ فارغ

    ورلڈ کپ میں شرمناک کارکردگی، سری لنکن کرکٹ بورڈ فارغ

    آئی سی سی ون ڈے ورلڈ کپ میں سری لنکا کرکٹ ٹیم کی ناقص کارکردگی پر سری لنکا کے وزیر کھیل روشن رانا سنگھے نے پوری کرکٹ بورڈ کو فارغ کر دیا۔

    خبر رساں ایجسنی کے مطابق وزیر کھیل کے کرپشن کے الزامات پر بورڈ سے تعلقات کشیدہ تھے، سری لنکن بورڈ کو بھارت کے ہاتھوں ذلت آمیز شکست کے بعد فارغ کیا گی۔

    ارجنا رانا ٹنگا کوبورڈ کے عبوری چیئرمین کی ذمہ داریاں سونپ دی گئیں، ساتھ ہی ٹیم کی ناقص کارکردگی کی تحقیقات کیلئے 7 رکنی پینل بھی تشکیل دیدی۔

    سری لنکا بورڈ کے اعلیٰ عہدیدار کا بڑا فیصلہ

    یاد رہے کہ ورلڈ کپ میں بھارت سے ذلت آمیز شکست کے بعد سری لنکن وزیر کھیل نے کرکٹ بورڈ سے استعفوں کا مطالبہ کیا تھا جبکہ سری لنکن بورڈ کے سیکریٹری موہن ڈی سلوا ایک روز قبل عہدہ چھوڑ چکے ہیں۔

    واضح رہے کہ سری لنکن کرکٹ ٹیم اس وقت پوائنٹس ٹیبل پر ساتویں نمبر پر ہے جس نے 7 میچوں میں سے صرف دو میں کامیابی حاصل کی۔

    سری لنکا ٹیم ورلڈ کپ کے 38 ویں میچ میں بنگلہ دیش کے خلاف آج میچ کھیل رہی ہے، آج کے میچ میں دونوں ٹیمیں 2025 کی چیمپئنز ٹرافی میں جگہ پانے کے لیے پوائنٹس ٹیبل پر آٹھویں پوزیشن کے حصول کے لیے حریف پر قابو پا کر فتح حاصل کرنے کی سر توڑ کوشش کریں گی۔

  • زیادتی کے الزام میں گرفتار سری لنکن کرکٹر دانشکا کی ضمانت منظور

    زیادتی کے الزام میں گرفتار سری لنکن کرکٹر دانشکا کی ضمانت منظور

    سری لنکا کے بیٹر دانشکا گوناتھیلاکا کی زیادتی کے الزام میں ضمانت منظور ہو گئی۔

    آسٹریلوی میڈیا کے مطابق سری لنکن کرکٹر دانشکا گونا تھیلاکا کی ضمانت سڈنی کی مقامی عدالت نے منظور کی ہے وہ آج رہا ہو جائیں گے۔

    میڈیا کے مطابق دانشکا گونا تھیلاکا 11 روزہ ویمانڈ پر رہے۔ ان پر ریپ کا الزام ہے، ان پر 4 مرتبہ ریپ کرنے کا الزام ہے ۔

    آسٹریلوی میڈیا نے کہا کہ بیٹر دانشکا گوناتھیلاکا کو سخت شرائط پر ضمانت پر رہائی ملی ہے۔

    آسٹریلوی میڈیا کا کہنا ہے کہ سری لنکا کے بیٹر دانشکا گوناتھیلاکا کو سوشل میڈیا کی رسائی نہیں ہوگی اور وہ آسٹریلیا سے باہر نہیں جا سکیں گے۔

    یاد رہے کہ گوناتلاکا جو انجری کے باعث ورلڈ کپ میچز سے باہر ہوگئے تھے ان پر آسٹریلیا کی ایک 29 سالہ خاتون نے زیادتی کا الزام عائد کیا تھا جس کے بعد انہیں سڈنی سے گرفتار کیا گیا تھا۔

    آسٹریلوی میڈیا کے مطابق خاتون کا کچھ دن قبل ڈیٹنگ ایپ کے ذریعے کرکٹر سے رابطہ ہوا تھا، خاتون نے الزام لگایا کہ 2 نومبر کو دانشکا گوناتھیلاکا نے انہیں جنسی زیادتی کا نشانہ بنایا۔

    سری لنکن کرکٹ بورڈ نے آل راؤنڈر دھانشکا گنا تھیلاکا پر کوڈ آف کنڈکٹ کی خلاف ورزی کرنے پر 6 میچز کی پابندی لگائی تھی۔

  • ایشیا کپ کی میزبانی، سری لنکا کرکٹ بورڈ کو ڈیڈ لائن

    ایشیا کپ کی میزبانی، سری لنکا کرکٹ بورڈ کو ڈیڈ لائن

    کولمبو: ایشیا کپ 2022 کی میزبانی سے متعلق سری لنکا کرکٹ بورڈ کو ڈیڈ لائن دے دی گئی۔

    تفصیلات کے مطابق ایشین کرکٹ کونسل نے ایشیا کپ کی میزبانی کے لیے سری لنکا کرکٹ بورڈ کو ڈیڈ لائن دیتے ہوئے ہدایت کی ہے کہ وہ 27 جولائی تک کونسل کو آگاہ کر دے۔

    ایشیا کپ کی میزبانی سری لنکا کے پاس ہے، یہ ایونٹ 27 اگست سے 11 ستمبر کے درمیان شیڈول ہے، تاہم دوسری طرف اس وقت سری لنکا معاشی مشکلات کا شکار ہے اور ملک میں مظاہرے جاری ہیں۔

    ذرائع کے مطابق ایشین کرکٹ کونسل سری لنکا بورڈ سے رابطے میں ہے، اور ناسازگار حالات کے باوجود سری لنکن کرکٹ بورڈ ایشیا کپ کی میزبانی کے لیے پرامید ہے۔

    تاہم اس وقت یہ کہنا مشکل ہے کہ سری لنکا ایشیا کپ کی میزبانی کر سکے گا یا نہیں، کیوں کہ ایونٹ کے لیے ابھی وقت باقی ہے۔

    تمام 5 ٹیسٹ ٹیمیں سری لنکا، بھارت، پاکستان، افغانستان اور بنگلا دیش، ٹورنامنٹ میں شامل ہیں جب کہ ایک اور ایشیائی ٹیم کا فیصلہ 20 اگست سے ہونے والے کوالیفائنگ ٹورنامنٹ کے بعد کیا جائے گا۔

    ٹورنامنٹ میں شامل ہونے والی چھٹی ٹیم متحدہ عرب امارات، کویت، سنگاپور یا ہانگ کانگ میں سے ایک ہوگی۔

  • سری لنکن ٹیم کی آمد سے متعلق اچھی خبریں آنا شروع ہوگئی ہیں، وسیم خان

    سری لنکن ٹیم کی آمد سے متعلق اچھی خبریں آنا شروع ہوگئی ہیں، وسیم خان

    لاہور: پاکستان کرکٹ بورڈ کے چیف ایگزیکٹو وسیم خان نے کہا ہے کہ سری لنکن ٹیم کی آمد سے قبل اچھی خبریں آنا شروع ہوگئی ہیں۔

    تفصیلات کے مطابق چیف ایگزیکٹو پی سی بی وسیم خان نے قذافی اسٹیڈیم کا دورہ کیا، وسیم خان نے سری لنکا کے خلاف سیریز کے لیے پچز کی تیاری کا جائزہ لیا، وسیم خان نے فیلڈنگ کوچ ٹیم کی فیلڈنگ کے امور پر بات کی۔

    قومی کرکٹ ٹیم کے منیجر منصور رانا بھی وسیم خان کے ہمراہ تھے، وسیم خان نے محمد حسنین سے فٹنس سے متعلق دریافت کیا، بولنگ کوچ وقار یونس نے وسیم خان کو بولرز کی تیاریوں سے آگاہ کیا۔

    چیف ایگزیکٹو پی سی بی وسیم خان نے کہا کہ سری لنکن ٹیم کی میزبانی کے لیے پرعزم ہیں، سری لنکن کرکٹ بورڈ کے ساتھ رابطے میں ہیں۔

    مزید پڑھیں: پاک سری لنکا سیریز، ٹکٹوں کی آن لائن بکنگ 20 ستمبر سے شروع ہوگی

    واضح رہے کہ سری لنکا کے خلاف ایک روزہ، ٹی ٹوینٹی سیریز 27 ستمبر سے 9 اکتوبر تک جاری رہے گی، سرفراز احمد 2017 سے تینوں فارمیٹ میں قومی ٹیم کی قیادت کررہے ہیں۔

    تین روز قبل سری لنکا کے خلاف سیریز کے لیے 20 ممکنہ کھلاڑیوں کا اعلان کیا گیا تھا۔

    ممکنہ کھلاڑیوں میں کپتان سرفراز احمد، بابر اعظم، احمد شہزاد، آصف علی، عابد علی، عثمان شنواری، فہیم اشرف، فخر زمان، حارث سہیل، حسن علی، افتخار احمد، عماد وسیم، وہاب ریاض، امام الحق، شاداب خان اور عمر اکمل شامل ہیں۔

  • پی سی بی کا سری لنکا کے خلاف سیریز کے لیے کپتان و نائب کپتان کا اعلان

    پی سی بی کا سری لنکا کے خلاف سیریز کے لیے کپتان و نائب کپتان کا اعلان

    لاہور: پاکستان کرکٹ بورڈ نے سری لنکا کے خلاف ہوم سیریز کے لیے کپتان اور نائب کپتان کے ناموں کا اعلان کردیا۔

    تفصیلات کے مطابق چیئرمین پی سی بی احسان مانی نے لاہور میں میڈیا سے گفتگو کرتے ہوئے کہا کہ سری لنکا کے خلاف ہوم سیریز کے لیے سرفراز احمد کپتان اور بابر اعظم نائب کپتانی کے فرائض انجام دیں گے۔

    قومی کرکٹ ٹیم کے کپتان اور نائب کپتان کی تقرری چیئرمین پی سی بی نے کی، چیف سلیکٹر، ہیڈ کوچ مصباح الحق، پی سی بی کرکٹ کمیٹی نے سفارش کی تھی۔

    چیئرمین پی سی بی احسان مانی نے کہا کہ سری لنکن کرکٹ بورڈ سے بات چیت جاری ہے، سری لنکن بورڈ کی جانب سے کوئی منفی پیغام نہیں ملا، سری لنکن بورڈ صرف حکومت سے منظوری چاہتا ہے۔

    مزید پڑھیں: سری لنکا کا دورہ پاکستان، رینجرز کے اعلیٰ افسران کا نیشنل اسٹیڈیم کا دورہ

    احسان مانی نے کہا کہ امید ہے کہ سری لنکن کرکٹ ٹیم ضرور پاکستان آئے گی، پاکستان میں انٹرنیشنل کرکٹ واپس آرہی ہے یہ بڑی بات ہے، دوسرے وینیو کا اب وقت نہیں ہے۔

    چیئرمین پی سی بی نے کہا کہ بابر اعظم سیریز میں نائب کپتان ہوں گے، پہلی مرتبہ انہیں موقع دیا جارہا ہے، فیصلہ سازی میں بابر اعظم کی مشاورت بھی شامل ہوگی، دیکھا جائے گا کہ بابراعظم نائب کپتانی کو کیسے ہینڈل کرتے ہیں، کرکٹ کی بہتری کے لیے جو بھی ہوسکا وہ کریں گے۔

    واضح رہے کہ سری لنکا کے خلاف ایک روزہ، ٹی ٹوینٹی سیریز 27 ستمبر سے 9 اکتوبر تک جاری رہے گی، سرفراز احمد 2017 سے تینوں فارمیٹ میں قومی ٹیم کی قیادت کررہے ہیں۔

    سرفراز احمد کی قیادت میں قومی ٹیم نے 4 ٹیسٹ، 26 ایک روزہ اور 29 ٹی ٹوینٹی میچز میں کامیابی حاصل کی ہے، بابر اعظم آئی سی سی ٹی ٹوینٹی رینکنگ میں پہلے نمبر پر موجود ہیں، بابر اعظم ایک روزہ کرکٹ میں تیسرے، ٹیسٹ میں 13ویں بہترین کھلاڑی ہیں۔

  • سری لنکن کرکٹ بورڈ کا سیکورٹی وفد کراچی سے لاہور پہنچ گیا

    سری لنکن کرکٹ بورڈ کا سیکورٹی وفد کراچی سے لاہور پہنچ گیا

    لاہور: سری لنکن کرکٹ بورڈ کا سیکورٹی وفد کراچی سے لاہور پہنچ گیا، وفد ایک روزہ قیام کے دوران شہر میں سیکورٹی کا جائزہ لے گا۔

    تفصیلات کے مطابق پاکستان کے دورے پر آیا سری لنکن کرکٹ بورڈ کا سیکورٹی وفد لاہور پہنچ گیا ہے جہاں وہ سیریز کے سلسلے میں سیکورٹی معاملات کا جائزہ لے گا۔

    سیکورٹی وفد سیف سٹی اتھارٹی اور قذافی اسٹیڈیم کا دورہ کرے گا، وفد کو حکومتی اور پی سی بی حکام بریفنگ دیں گے۔

    ایک روز لاہور میں قیام کے بعد سیکورٹی وفد سری لنکا واپس روانہ ہو جائے گا، یہ وفد اپنی رپورٹ مرتب کر کے سری لنکن بورڈ کو جمع کرائے گا۔

    تازہ ترین خبریں پڑھیں:  پی سی بی کا کوچنگ اسٹاف تبدیل کرنے کا فیصلہ، مکی آرتھر کی چھٹی

    اس رپورٹ کی روشنی میں سری لنکن ٹیم کے دورۂ پاکستان کا فیصلہ کیا جائے گا، سری لنکا کو پی سی بی نے لاہور اور کراچی میں ٹیسٹ کھیلنے کی تجویز دی تھی۔

    پاکستان کے ساتھ ٹیسٹ سیریز کے سلسلے میں سری لنکن کرکٹ بورڈ کا وفد دو روز قبل کراچی پہنچا تھا، 4 رکنی سیکورٹی وفد کی سربراہی موہن ڈی سلوا نے کی۔

    سیکورٹی ٹیم نے کراچی نیشنل اسٹیڈیم، ایئر پورٹ سے ہوٹل تک راستے کا بھی معائنہ کیا، اور سیکورٹی کا ہر طرح سے جائزہ لیا تھا۔

    یاد رہے کہ سری لنکا اور پاکستان کی ستمبر اکتوبر میں 2 ٹیسٹ میچز کی سیریز شیڈول ہے۔ دسمبر اور جنوری میں سری لنکا سے تین ون ڈے اور تین ٹی ٹوینٹی میچز کی سیریز بھی شیڈول ہے۔

  • پی سی بی اور سری لنکن بورڈ کے درمیان رابطہ، سیکیورٹی وفد بھیجنے کی یقین دہانی

    پی سی بی اور سری لنکن بورڈ کے درمیان رابطہ، سیکیورٹی وفد بھیجنے کی یقین دہانی

    لاہور: پی سی بی کی جانب سے دو ٹیسٹ پاکستان میں کھیلنے کی دعوت پر سری لنکن کرکٹ بورڈ نے سیکیورٹی وفد بھیجنے کی یقین دہانی کرادی۔

    تفصیلات کے مطابق پی سی بی کی جانب سے دو ٹیسٹ پاکستان میں کھیلنے کی دعوت پر پی سی بی اور سری لنکن بورڈ کے درمیان رابطہ ہوا، سری لنکن کرکٹ بورڈ نے سیکیورٹی وفد اگست میں پاکستان بھیجنے کی یقین دہانی کرادی۔

    پی سی بی کے حکام سری لنکن بورڈ اگست میں پاکستان آئے گا، وفد کی پاکستان آمد کے بارے میں حتمی تاریخوں کا اعلان جلد کردیا جائے گا۔

    ذرائع کا کہنا ہے کہ سرلنکن بورڈ ایک ٹیسٹ میچ پاکستان میں کھیلنے پر تیار ہے جبکہ پی سی بی سیریز کے دونوں ٹیسٹ پاکستان میں کرانے کا خواہش مند ہے۔

    واضح رہے کہ پاکستان اور سری لنکا کے درمیان ٹیسٹ سیریز اکتوبرمیں شیڈول ہے۔

    یاد رہے کہ پاکستان اور سری لنکا کے درمیان دوسرا ٹیسٹ میچ دبئی میں کھیلا جائے گا، دسمبر اور جنوری میں سری لنکا سے تین ون ڈے اور تین ٹی ٹوینٹی میچز کی سیریز شیڈول ہے۔

    قومی ٹیم جنوری میں ہی بنگلہ دیش کے خلاف دو ٹیسٹ اور تین ٹوینٹی میچز بھی کھیلے گی۔

    خیال رہے کہ پاکستان میں انٹرنیشنل کرکٹ کی بحالی میں‌ پی ایس ایل نے کلیدی کردار ادا کیا، دنیا کو یہ پیغام دیا کہ پاکستان کرکٹ کے لیے ایک محفوظ ملک ہے۔

    پاکستان سپر لیگ کے آٹھ میچز کراچی میں‌ ہوئے تھے، جن میں‌ انٹرنیشنل کرکٹ کے بڑے ستاروں نے شرکت کی تھی۔

  • پی سی بی کی سری لنکن بورڈ کو سیکیورٹی وفد پاکستان بھیجنے کی دعوت

    پی سی بی کی سری لنکن بورڈ کو سیکیورٹی وفد پاکستان بھیجنے کی دعوت

    لاہور: سری لنکن ٹیم کے دورہ پاکستان کے لیے پی سی بی نے سری لنکن بورڈ کو اپنا سیکیورٹی وفد پاکستان بھیجنے کی دعوت دے دی۔

    تفصیلات کے مطابق پی سی بی سری لنکن ٹیم کے ساتھ پاکستان میں ٹیسٹ میچ کھیلنے کا خواہش مند ہے جس کے لیے پاکستان کرکٹ بورڈ نے سری لنکن بورڈ کو اپنا سیکیورٹی وفد پاکستان بھیجنے کی دعوت دی ہے۔

    ذرائع پی سی بی کا کہنا ہے کہ پاکستان میں سیکیورٹی کی صورت حال یکسر مختلف ہے، سری لنکن بورڈ اپنا سیکیورٹی وفد بھیج کو صورت حال کا جائزہ لے سکتا ہے۔

    واضح رہے کہ پاکستان اور سری لنکا کے درمیان ستمبر اکتوبر میں 2 ٹیسٹ میچز کی سیریز شیڈول ہے۔

    ذرائع کا کہنا ہے کہ سرلنکن بورڈ ایک ٹیسٹ میچ پاکستان میں کھیلنے پر تیار ہے جبکہ پی سی بی سیریز کے دونوں ٹیسٹ پاکستان میں کرانے کا خواہش مند ہے۔

    مزید پڑھیں: پاکستان میں ٹیسٹ کرکٹ کی واپسی، سری لنکا نے ٹیسٹ میچ کھیلنے کی ہامی بھرلی

    یاد رہے کہ پاکستان اور سری لنکا کے درمیان دوسرا ٹیسٹ میچ دبئی میں کھیلا جائے گا، دسمبر اور جنوری میں سری لنکا سے تین ون ڈے اور تین ٹی ٹوینٹی میچز کی سیریز شیڈول ہے۔

    قومی ٹیم جنوری میں ہی بنگلہ دیش کے خلاف دو ٹیسٹ اور تین ٹوینٹی میچز بھی کھیلے گی۔

    خیال رہے کہ پاکستان میں انٹرنیشنل کرکٹ کی بحالی میں‌ پی ایس ایل نے کلیدی کردار ادا کیا، دنیا کو یہ پیغام دیا کہ پاکستان کرکٹ کے لیے ایک محفوظ ملک ہے.

    پاکستان سپر لیگ کے آٹھ میچز کراچی میں‌ ہوئے تھے، جن میں‌ انٹرنیشنل کرکٹ کے بڑے ستاروں نے شرکت کی تھی۔

  • ٹی 10 لیگ کی مشکلات میں مزید اضافہ، انگلش اور سری لنکن کرکٹ بورڈز نے بھی تحفظات کا اظہار کر دیا

    ٹی 10 لیگ کی مشکلات میں مزید اضافہ، انگلش اور سری لنکن کرکٹ بورڈز نے بھی تحفظات کا اظہار کر دیا

    لاہور: شارجہ میں ہونے والی ٹی 10 لیگ کی مشکلات میں مزید اضافہ ہو گیا ہے، انگلش اور سری لنکن کرکٹ بورڈز نے بھی اپنے تحفظات کا اظہار کر دیا۔

    تفصیلات کے مطابق انگلش اور سری لنکن کرکٹ بورڈز نے شارجہ میں ہونے والی ٹی ٹین لیگ پر تحفظات ظاہر کر کے لیگ کے لیے ایک اور مشکل کھڑی کر دی۔

    [bs-quote quote=”ٹی ٹین لیگ کے خلاف آئی سی سی میں شکایت کی جائے گی” style=”style-7″ align=”left” color=”#dd3333″][/bs-quote]

    انگلش اور سری لنکن کرکٹ بورڈز نے فیصلہ کیا ہے کہ ٹی ٹین لیگ کے خلاف انٹرنیشنل کرکٹ کونسل (آئی سی سی) میں شکایت درج کی جائے گی۔

    ٹی ٹین لیگ ہر گزرتے دن کے ساتھ مسائل کا گڑھ بنتی جا رہی ہے، لیگ کے مرکزی اسپانسر کے خلاف بھارتی اخبار مشکوک کردار کی خبروں سے بھرے ہیں۔

    خیال رہے کہ لیگ کے مرکزی اسپانسر پر سرمایہ کاروں کے پیسے کھانے کا الزام ہے، اب انگلینڈ اور سری لنکن بورڈز نے بھی تحفظات ظاہر کر دیے ہیں کہ ٹی 10 لیگ کرانے والے کون ہیں اور پیسا کہاں سے آیا۔

    یہ بھی پڑھیں:  ٹی 10 لیگ: چیئرمین پی سی بی کے تحفظات کا اب تک جواب نہیں مل سکا

    احسان مانی کہہ چکے ہیں کہ نہ تو لیگ کے مالک کا پتا ہے، نہ ہی آرگنائزر کاعلم ہے، یہ بھی واضح نہیں کہ پیسا کہاں سے آ رہا ہے، اس تناظر میں ورلڈ کپ سے قبل پاکستانی کھلاڑیوں کو تحفظ دینا ضروری ہے۔ چیئرمین پی سی بی کے تحفظات کا تا حال کوئی جواب نہیں دیا گیا ہے۔

    قومی ٹیم کے سابق کھلاڑیوں نے بھی کہا کہ ٹی ٹین کوئی کرکٹ لیگ نہیں، ایسے فارمیٹ سے وہ مطمئن نہیں، آئی سی سی کو اس قسم کی کرکٹ لیگز پر نظر رکھنی چاہیے، اس قسم کی کرکٹ لیگز سے ورلڈ کلاس لیگز کو نقصان ہوتا ہے۔

  • سری لنکا کی ٹیم پاکستان میں کھیلے گی، بورڈ نے منظوری دے دی

    سری لنکا کی ٹیم پاکستان میں کھیلے گی، بورڈ نے منظوری دے دی

    ابو ظہبی : سری لنکن کرکٹ بورڈ نے ٹیم کے دورہ پاکستان کی منظوری دے دی، ٹیم کا باقاعدہ اعلان 20 اکتوبر کو کیا جائے گا۔

    تفصیلات کے مطابق پاکستانی کرکٹ شائقین کیلئے اچھی خبر آگئی، سری لنکن کرکٹ بورڈ نے لاہور کے قذافی اسٹیڈیم میں تیسرا ٹی 20 میچ کھیلنے کیلئے ٹیم کے دورہ پاکستان کی حتمی منظوری دے دی ہے۔

    پاکستان اور سری لنکا کے درمیان آخری ٹی 20 میچ 29 اکتوبر کو لاہور میں کھیلا جائے گا، سری لنکن ٹیم شیڈول کے مطابق لاہورآئے گی۔

    ٹیم کا باقاعدہ اعلان 20 اکتوبرکو کیا جائے گا، جبکہ پہلا ٹی20 26اکتوبر اور دوسرا میچ 27اکتوبر کو ابو ظہبی میں کھیلا جائے گا۔

    مزید پڑھیں: سری لنکن ٹیم نے پاکستان آنے پرآمادگی ظاہرکردی‘ نجم سیٹھی

    واضح رہے کہ نیوزی لینڈ میں آئی سی سی اجلاس میں شرکت کے بعد وطن واپسی پر چیئرمین پاکستان کرکٹ بورڈ نجم سیٹھی نے کہا تھا کہ سری لنکن بورڈ نے تیسرا ٹی 20 لاہورمیں کھیلنے پر آمادگی ظاہر کی ہے۔

    اس سے دو روز قبل سری لنکن ٹیم کے کھلاڑیوں نے تیسرا ٹی 20 میچ پاکستان میں کھیلنے سے انکار کرتے ہوئے بورڈ کو وینیو تبدیل کرنے کی درخواست کی تھی۔

    مزید پڑھیں: امید کرتا ہوں سری لنکن ٹیم پاکستان آئے گی، سرفرازاحمد

    یاد رہے کہ سال 2009 میں قذافی اسٹیڈیم لاہور میں کھیلنے کے لیے آنے والی سری لنکن ٹیم پر دہشت گردوں کے حملے کے بعد پاکستان میں انٹرنیشنل کرکٹ کا خاتمہ ہو گیا تھا جسے بحال کرنے کے لیے پاکستان بورڈ کے جتن جاری ہیں۔