ARYNews.tv | Urdu – Har Lamha Bakhabar

Tag: سری نگر:

  • بھارتی وزیراعظم نریندر مودی کا دورہ مقبوضہ کشمیر، وادی سراپا احتجاج بن گئی

    بھارتی وزیراعظم نریندر مودی کا دورہ مقبوضہ کشمیر، وادی سراپا احتجاج بن گئی

    مظفر آباد: بھارتی وزیراعظم نریندر مودی کے دورۂ مقبوضہ کشمیر کے موقع پر وادی سراپا احتجاج بن گئی، بڑی تعداد میں کشمیریوں نے لائن آف کنٹرول کے دونوں طرف ریلیاں نکالیں۔

    تفصیلات کے مطابق مقبوضہ کشمیر میں مودی کے دورے کے موقع پرمکمل ہڑتال رہی، حریت قیادت نے عوام سے سری نگر کے لال چوک تک احتجاجی مارچ کی اپیل کی۔

    بھارتی فورسز نے لال چوک سیل کردیا، بہت بڑی تعداد میں فوجی اور پولیس اہل کار تعینات کردیے گئے، مختلف علاقوں میں غیراعلانیہ کرفیو لگادیا گیا۔ کشمیری میڈیا کے مطابق موبائل اور انٹرنیٹ سروس بھی بند کی گئی۔

    آل پارٹیز حریت کانفرنس نے ڈپلومیٹک انکلیو کے مرکزی دروازے پر احتجاج کیا، مظاہرے کی قیادت کل جماعتی حریت کانفرنس آزاد کشمیر کے کنوینر نے کیا، مظاہرے میں حریت رہنماؤں سمیت سول سوسائٹی نے بڑی تعداد میں شرکت کی، سیاہ پرچم تھامے مظاہرین نے بھارت کے خلاف اور آزادی کے حق میں نعرے لگائے۔

    آل پارٹیز حریت کانفرنس کے کنوینر غلام محمد صفی نے کہا کہ مودی کا دورہ دنیا کی آنکھوں میں دھول جھونکنے کے مترادف ہے، ہم بھارتی حکومت کے کسی چکمے میں آنے والے نہیں۔

    مقبوضہ کشمیر میں بھارتی فورسز کی کارروائی‘ 3 کشمیری نوجوان شہید

    انھوں نے مظاہرے سے خطاب کرتے ہوئے کہا کہ کشمیریوں نے مودی کے دورے کو مسترد کر دیا ہے، 70 سال میں ایک لاکھ سے زائد کشمیری قربانی دے چکے ہیں۔

    دریں اثنا ایل او سی کے دونوں طرف احتجاجی ریلیوں میں سیاسی و مذہبی جماعتوں کےعمائدین اور طلبہ نے بڑی تعداد میں شرکت کی، تاہم مودی کی سری نگر آمد سیکورٹی انتہائی سخت رہی، راستوں اور مختلف مقامات کو سیکورٹی فورسز نے گھیرے رکھا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • مقبوضہ کشمیر میں بھارتی فورسز کی کارروائی‘ 3 کشمیری نوجوان شہید

    مقبوضہ کشمیر میں بھارتی فورسز کی کارروائی‘ 3 کشمیری نوجوان شہید

    سری نگر: مقبوضہ کشمیر میں قابض بھارتی فورسز نے ضلع کپواڑہ میں سرچ آپریشن کے دوران 3 کشمیری نوجوانوں کو شہید کردیا۔

    تفصیلات کے مطابق مقبوضہ کمشیر کے علاقے کپواڑہ میں سرچ آپریشن کے نام پر بھارتی فورسز نے تین کشمیری نوجوانوں کو شہید کردیا۔

    مقبوضہ کشمیر کے علاقے اسلام آباد سمیت دیگر علاقوں میں بھی بھارتی فورسز نے پیلٹ گنز اور آنسوگیس کا بے دریغ استعمال کیا جس کے نتیجے میں متعدد افراد زخمی ہوگئے۔

    کشمیر میں قتل عام رکوانا ہےتو آزادی کی جدوجہد ترک کردو‘بھارتی آرمی چیف

    خیال رہے کہ گزشتہ ہفتے بھارتی فوج کے سربراہ جنرل بپن راوت نے مقبوضہ کشمیر میں نہتے عوام کا قتل عام جاری رکھنے کا اعلان کرتے ہوئے کہا تھا کہ کشمیری بھارتی فوج سے کبھی جیت نہیں سکتے، قتل عام رکوانا ہے تو آزادی کی جدوجہد ترک کردو۔

    مقبوضہ کشمیرمیں بھارتی فورسز کی فائرنگ‘ 14 کشمیری شہید

    یاد رہے کہ رواں ماہ 6 مئی کو مقبوضہ کشمیر میں قابض بھارتی فورسز نے سرچ آپریشن کے نام پر14 کشمیری نوجوانوں کو شہید اور3 صحافیوں سمیت متعدد افراد کو زخمی کردیا تھا۔

    مقبوضہ کشمیرمیں بھارتی فوج کی فائرنگ‘ 20 نوجوان شہید

    واضح رہے کہ گزشتہ ماہ 2 اپریل کو مقبوضہ کشمیر میں قابض بھارتی فورسز نے سرچ آپریشن کے نام پر فائرنگ کرکے20 کشمیری نوجوانوں کو شہید جبکہ 300 سے زائد افراد کو زخمی کردیا تھا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک’پہنچانے کے لیے سوشل میڈیا پر شیئر کریں۔

  • سری نگر: بھارتی فوج نے تین کشمیریوں کو شہید کردیا، انٹرنیٹ سروس بند

    سری نگر: بھارتی فوج نے تین کشمیریوں کو شہید کردیا، انٹرنیٹ سروس بند

    سری نگر : بھارتی فوج نے کشمیر میں مظالم کی انتہا کردی، ایک نوجوان کو گاڑی کے تلے کچل دیا جبکہ دو افراد کو گولیوں سےبھون دیا گیا، سری نگر میں انٹرنیٹ سروس بند کردی گئی۔

    تفصیلات کے مطابق مقبوضہ کشمیر میں بھارتی فورسز کی ریاستی دہشت گردی بدستور جاری ہے، سری نگر میں بھارتی فورسز نے مظالم کیخلاف احتجاج کرنے والے ایک نوجوان کو گاڑی سے کچل کر جبکہ دیگر دو کو فائرنگ کرکے شہید کردیا۔

    احتجاج کو روکنے کے لئے سری نگر میں انٹرنیٹ سروس بند کردی گئی۔ مقبوضہ کشمیر میں بھارتی فورسزکی جارحیت بدستور بے قابو۔ ظلم کیخلاف احتجاج کرنے والے کو بھارتی فوجیوں نے گاڑی سے کچل ڈالا،۔

    کشمیر کے گلی محلوں میں بھارتی فورسز سرچ آپریشن کی آڑ میں ہر روز کشمیری نوجوانوں کو شہید اور گرفتار کررہی ہیں لیکن عالمی طاقتیں اس ظلم کو روکنے کے لئے کچھ نہیں کررہی ہیں۔

    مزید پڑھیں : مقبوضہ کشمیرمیں بھارتی فوج کی فائرنگ‘ 20 نوجوان شہید

    سرینگر سمیت مقبوضہ وادی کے مختلف علاقوں میں انٹرنیٹ اور موبائل سروس بند ہے، شوپیاں، کلگام اور دیگر قصبوں اورشہروں میں بھارتی مظالم کیخلاف ہڑتال ہے، دکانیں، کاروباری مراکز اور تعلیمی ادارے بند ہیں اور ٹرانسپورٹ بھی معطل ہے، حریت رہنما میر واعظ عمر فاروق کا کہنا ہے کہ مقبوضہ کشمیر کو مذبحہ خانے میں تبدیل کردیا گیا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔  

  • مقبوضہ کشمیرمیں بھارتی فوج کی فائرنگ‘ 4 کشمیری شہید

    مقبوضہ کشمیرمیں بھارتی فوج کی فائرنگ‘ 4 کشمیری شہید

    سری نگر: مقبوضہ کشمیر میں قابض بھارتی فورسز نے فائرنگ کرکے 4 کشمیریوں کو شہید کردیا، نوجوانوں کی شہادت کے بعد حالات کشیدہ ہوگئے۔

    کشمیر میڈیا سروس کے مطابق قابض بھارتی فورسز نے مقبوضہ کشمیر کے ضلع بارامولا میں نام نہاد آپریشن کے دوران 4 کشمیری نوجوانوں کو شہید کردیا۔

    بھارتی فوج اور سینٹرل آرمڈ پولیس فورس نے مشترکہ آپریشن میں بے گناہ کشمیری نوجوانوں کو نشانہ بنایا گیا اور متعدد کشمیری نوجوانوں کو غیرقانونی حراست میں لے لیا۔

    نوجوانوں کی شہادت کے بعد حالات کشیدہ ہوگئے ہیں اور عوام میں شدید غم وغصہ پایا جاتا ہے۔

    بھارتی آرمی چیف مسلم اورکشمیردشمنی میں حدیں پھلانگ رہےہیں‘ یاسین ملک

    کشمیر میڈیا سروس کے اعداد وشمار کے مطابق گزشتہ ماہ بھارتی فورسز کی جانب سے 14 کشمیریوں کو شہید جبکہ 181 کو بدترین تشدد کا نشانہ بنایا گیا۔

    بھارت کی ریاستی دہشت گردی‘ تین کشمیری جوان شہید

    یاد رہے کہ گزشتہ سال 21 نومبر کو کشمیر میڈیا سروس کے مطابق بھارتی فو ج نے مقبوضہ کشمیر کے ضلع کپواڑا میں سرچ آپریشن اور گھر گھر تلاشی کے دوران تین نوجوانوں کو شہید کیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئرکریں۔

  • بھارتی فوج کی فائرنگ سے نابینا ہونیوالی کشیمری لڑکی نے میٹرک کرلیا

    بھارتی فوج کی فائرنگ سے نابینا ہونیوالی کشیمری لڑکی نے میٹرک کرلیا

    سری نگر : بھارتی فوج کی بربریت کے باعث بینائی سے محروم ہونے والی باہمت کشمیری لڑکی نے میٹرک کا امتحان پاس کرلیا، سابق وزرائے اعلیٰ اورحریت رہنماؤں نے انشاء مشتاق کو مبارکباد کا پیغام بھیجا ہے۔

    تفصیلات کے مطابق گزشتہ سال مقبوضہ کشمیر میں جاری کشیدگی کے دوران بھارتی فوج کی جانب سے مظاہرین پر پیلٹ گن سے اندھادھند فائرنگ کی گئی تھی جس کے نتیجے میں درجنوں چَھرے لگنے سے متعدد افراد شہید اورہزاروں زخمی ہوئے تھے۔

    ان میں سے ایک باہمت لڑکی انشاء مشتاق بھی ہیں جنہوں نے چھرّے لگنے سے دونوں آنکھوں سے محرومی کے باوجود صبر و استقامت کا دامن ہاتھ سے نہ چھوڑا۔

    ڈاکٹروں کے جواب دینے کے بعد بینائی سے محروم انشا نے فیصلہ کیا کہ وہ تعلیم کا سفر جاری رکھیں گی اور دسویں جماعت کا امتحان نمایاں نمبروں سے پاس کرکے اپنے والدین کا سر فخر سے بلند کرکے عوام کے دل جیت لئے۔

    برطانوی نشریاتی ادارے بی بی سی کے مطابق انشاء مشتاق کا کہنا ہے کہ میری قسمت میں جو تھا وہی ہوا، لیکن میرے ارادے کمزور نہ تھے، میں مزید پڑھنا چاہتی تھی تو میرے والدین اور دوستوں نے مجھے حوصلہ دیا۔

    انہوں نے مزید کہا کہ آج میں اس کامیابی پر بہت خوش ہوںاور میں چاہتی ہوں کہ نوجوان تعلیم کا سفر کسی بھی قیمت پر جاری رکھیں۔

    باہمت کشمیری لڑکی کی کامیابی پر وزیراعلیٰ محبوبہ مفتی، سابق وزیراعلیٰ عمرعبداللہ اور حریت رہنما میر واعظ عمرفاروق نے انہیں مبارکباد پیش کی ہے۔

    یاد رہے کہ گزشتہ سال 2016 میں کشمیری نوجوان برہان وانی کے ماورائے عدالت قتل کے خلاف احتجاجی مظاہرے کے موقع پر بھارتی فوج نے پیلٹ گنوں سے اندھا دھند فائرنگ کرکے سولہ افراد کو شہید اور سات ہزار کو شدید زخمی کردیا تھا، جن میں سے درجنوں افراد دیکھنے کی صلاحیت سے محروم ہوئے۔

  • مقبوضہ کشمیرمیں بھارتی مظالم کےخلاف ہڑتال

    مقبوضہ کشمیرمیں بھارتی مظالم کےخلاف ہڑتال

    سری نگر: قابض بھارتی فورسز کی جانب سے 3 کشمیریوں کو شہید کیے جانے پر آج مقبوضہ کشمیر میں شٹرڈاؤن ہڑتال ہے۔

    تفصیلات کے مطابق بھارتی فورسز کے مظالم کے خلاف آج مقبوضہ کشمیر میں شٹرڈاؤن ہڑتال ہے، حریت رہنماؤں کی اپیل پرتعلیمی ادارے، کاروباری مراکز، ٹرانسپورٹ بند ہے۔

    مقبوضہ کشمیر میں ہڑتال اور مظاہروں کی کال کے بعد کشمیری حریت رہنما میرواعظ عمرفاروق کو نظربند کردیا گیا۔

    کشمیری میڈیا کے مطابق سری نگرسمیت مقبوضہ کشمیرکے مختلف علاقوں میں غیراعلانیہ کرفیو نافذ کردیا گیا ہے۔

    بھارتی فورسز کی فائرنگ‘3 کشمیری شہید

    خیال رہے کہ گزشتہ روز ضلع شوپیاں میں بھارتی فوج کی فائرنگ سے ایک خاتون سمیت 3 کشمیری شہید جبکہ 12 افراد زخمی ہوگئے تھے۔

    بھارت نہتےکشمیریوں کو بےدردی سےقتل کر رہا ہے‘ مسعودخان

    یاد رہے کہ 16 دسمبر کو بھارتی آرمی نے آپریشن کے دوران ایک ٹیکسی ڈرائیور کو ہلاک کردیا تھا جس کے بعد وادی میں کیشدگی بڑھ گئی ہے۔

    واضح رہے کہ سال 2017 کو مقبوضہ کشمیر کے لیے گزشتہ ایک دہائی کا سب سے خونی سال کہا جا رہا ہے، رواں برس بھارتی فورسز نے کم از کم 210 کشمیریوں کو شہید کیا جو 2010 کے بعد سب سے زیادہ تعداد ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • نوجوان آزاد و خود مختار کشمیر کے لیے قربانیاں دے رہے ہیں، سید علی گیلانی

    نوجوان آزاد و خود مختار کشمیر کے لیے قربانیاں دے رہے ہیں، سید علی گیلانی

    سرینگر : چیئرمین کل جماعتی حریت کانفرنس سید علی گیلانی نے کہا ہے کہ نوجوان کشمیریوں کو غلامی سے نجات دلانے قابض بھارتی افواج کا سامنا کر رہے ہیں.

    وہ سری نگر میں عوام کے اجتماع سے خطاب کر رہے تھے انہوں نے کشمیری نوجوانوں کی قربانیوں کو خراج تحسین پیش کرتے ہوئے کہا کہ حریت پسند نوجوان کشمیریوں کے حق خودارادیت کے حصول کے لیے قربانیاں دے رہے ہیں جسے بھارتی قابض افواج نے صلب کر رکھا ہے.

    سید علی گیلانی کا کہنا تھا کہ جموں کشمیر میں خون خرابہ بھارتی حکمرانوں کی غلط پالیسیوں کی وجہ سے ہورہا ہے جس کی تمام تر ذمہ داری بھارت کے حکرانوں پرعائد ہوتی ہے.

    انہوں نے مزید کہا کہ کہ بھارت نے جموں کشمیر کے لوگوں کے حق آزادی کو جبری طور پر چھین رکھا ہے چنانچہ سرفروش کشمیری قوم کے نوجوان اپنی ماؤں، بہنوں اور بیٹیوں کی عزت کی حفاظت کے لیے جانوں کے نذرانے پیس کررہے ہیں جسے دہشت گردی سے تعبیر کرنا بھارتی پروپیگنڈہ ہے.

    سید علی گیلانی نے مزید کہا کہ ایک ایک کشمیری کی ذمہ داری ہے کہ ان کی قربانیوں کی لاج رکھتے ہوئے حصول مقصد تک جدوجہد کو ہر قیمت پر اور ہر صورت میں جاری وساری رکھا جائے اور اس طرح آزاد و خود مختار کشمیر کا خواب شرمندہ تعبیر ہوگا.

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • مقبوضہ کشمیر میں بھارتی فوج کی فائرنگ ‘ 2 نوجوان شہید

    مقبوضہ کشمیر میں بھارتی فوج کی فائرنگ ‘ 2 نوجوان شہید

    سری نگر: مقبوضہ کشمیر میں قابض بھارتی فوج کی فائرنگ سے2 کشمیری نوجوان شہید گئے۔ بھارتی فوج نے ایک گھر کو بھی دھماکے سے اڑا دیا۔

    تفصیلات کے مطابق مقبوضہ کشمیر کے ضلع بارہ مولا میں بھارتی فوج نے آپریشن کے دوران دو کشمیری نوجوانوں کو شہید کردیا اور ایک گھر کو بھی تباہ کردیا۔

    بھارتی فوج کی فائرنگ سے شہید ہونے والے نوجوانوں کی شناخت نعیم احمد اور عاشق حسین کے نام سے ہوئی ہے۔

    کشمیر میڈیا سروس کے مطابق قابض بھارتی فوج نے بارہ مولا، کپواڑہ اور بانڈی پورا میں انٹرنیٹ اور موبائل سروس بھی معطل کردی ہے۔

    کشمیری نوجوانوں کی شہادت کے بعد اننت ناگ میں بھارتی مظالم کے خلاف ہڑتال کی گئی اور اس دوران تمام تعلیمی ادارے اور کاروباری مراکز بند رہے۔

    سرینگر: نماز عید کے اجتماعات پر بھارتی فوج کی شیلنگ، متعدد زخمی

    واضح رہے کہ دو روز قبل بزدل بھارتی فوج نے مقبوضہ کشمیر میں نماز عید کے اجتماعات پر شیلنگ کر کے متعدد افراد کو زخمی کر دیا تھا۔ بھارتی فورسز نے کلگام میں ایک کشمیری کو شہید کر دیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • جارحیت اورجبر سےمسئلے کا حل ممکن نہیں ‘ میرواعظ عمرفاروق

    جارحیت اورجبر سےمسئلے کا حل ممکن نہیں ‘ میرواعظ عمرفاروق

    سری نگر: کشمیری حریت رہنما میر واعظ کا کہنا ہے کہ بھارتی حکومت کو سمجھ لینا چاہیےکہ جارحیت سے مسئلے کا حل ممکن نہیں ہے۔

    تفصیلات کے مطابق کشمیری حریت رہنما میرواعظ عمرفاروق نے 57 روز کی نظر بندی کےبعد گزشتہ روز جامع مسجد میں خطاب کیا جس میں انہوں نے کہا کہ تشدد کا سلسلہ کب تک جاری رہے گا؟ کتنے مزید لوگ جان سے جائیں گے؟۔

    کشمیری رہنما نے سماجی رابطے کی ویب سائٹ ٹویٹر پر اپنے پیغام میں کہا کہ گذشتہ 70 سال سے کشمیر کی عوام اس حقیقت کو جانتے ہوئے پیدا ہوتی ہے،بڑھتی ہے،جیتی ہے اور مر جاتی ہے کہ کشمیر ایک متنازع علاقہ ہے۔

    میر واعظ عمر فاروق کا اپنے ٹویٹر پیغام میں کہنا ہے کہ کشمیر محض ایک زمین کا ٹکڑا نہیں اور نہ ہی یہ محض دو ملکوں کے درمیان متنازعہ علاقہ ہے بلکہ یہ ایک انسانی المیہ ہے جو اپنے حل ہونے کا منتظر ہے۔

    مقبوضہ کشمیر میں بھارتی فوج کی فائرنگ‘ 3 کشمیری شہید

    کشمیری رہنما نے اپنے ویڈیو پیغام میں کہا کہ میں بھارتی سیاست دانوں اور سیاسی جماعتوں سے اپیل نہیں کرنا چاہتا میں بھارتی عوام سے اپیل کرنا چاہتا ہوں،ان لوگوں سے جو درد اورتکلیف کا احساس کرسکتے ہیں۔

    واضح رہے کہ 11 اگست کو میرواعظ عمرفاروق کا کہنا تھا کہ مسلسل آٹھویں جمعے مجھے جامع مسجد میں خطاب کی اجازت نہیں دی گئی، قیادت کو محدود اور عوام کو قید کرکے ہمیں دھمکایا نہیں جاسکتا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • سری نگر: مقبوضہ کشمیرمیں مکمل ہڑتال، یٰسین ملک گرفتار

    سری نگر: مقبوضہ کشمیرمیں مکمل ہڑتال، یٰسین ملک گرفتار

    سری نگر : مقبوضہ کشمیر میں حریت رہنما یاسین ملک کی اہلیہ مشعال ملک نے کہا ہے کہ بھارتی فورسز کی جانب سے حریت رہنما یٰسین ملک کو گرفتارکرلیا گیا ہے۔ بڈگام میں بھارتی فورسزکی فائرنگ سے نوجوان شہید ہوگیا۔

    تفصیلات کے مطابق بھارتی فوج کی بربریت کیخلاف مقبوضہ وادی میں آج مکمل ہڑتال رہی۔ حریت رہنما یاسین ملک کوایک بار پھر بھارتی فوج نے ان کے ساتھیوں سمیت گرفتارکرلیا، انہیں سرینگر میں احتجاجی مارچ کی قیادت سے روکنے کیلئے گرفتار کیا گیا۔

    مقبوضہ کشمیرمیں بھارتی فورسزکے کشمیریوں پرروز بروز بڑھتے مظالم کے خلاف کشمیری سراپا احتجاج ہیں۔ حریت رہنماؤں میر واعظ عمرفاروق، یاسین ملک اور سید علی گیلانی کی اپیل پر مقبوضہ وادی میں مکمل ہڑتال رہی۔

    اس موقع پر وادی میں ٹریفک، کاروباری مراکز اور تعلیمی ادارے بند رہے۔ سڑکوں پر سناٹا رہا، نہتے کشمیریوں کے احتجاج کو طاقت سے دبانے کے لئے اضافی بھارتی پولیس اہلکار تعینات کیے گئے تھے،مختلف علاقوں میں انٹرنیٹ اورموبائل سروسز بھی بند کردی گئیں۔

    یٰسین ملک کی اہلیہ مشعال ملک نے کہا ہے کہ یاسین ملک کو یواین ملٹری آبزور گروپ کے دفتر تک مارچ کرنے کے دوران گرفتار کیا گیا تھا۔ یٰسین ملک پر گرفتاری کے دوران تشدد بھی کیا گیا، ان کےساتھ متعدد کشمیریوں کو بھی گرفتار کیا گیا ہے۔

    مشعال ملک کا کہنا تھا کہ اقوام متحدہ اورعالمی برادری مقبوضہ کشمیر میں جاری بھارتی فوج کی بربریت پر خاموش تماشائی بننے کے بجائے اس کا نوٹس لے، بھارت مقبوضہ کشمیر میں بری طرح ناکام ہو چکا ہے، بھارت اپنی ناکامی چھپانے کے لیے آئے روز ایل او سی پر معصوم شہریوں کو نشانہ بناتا ہے۔

    انہوں نے کہا کہ بھارتی خفیہ ایجنسی را مقبوضہ کشمیر کی تحریک آزادی کو دہشت گردی کا رنگ دینے کی کوشش کر رہی ہے، کشمیری عوام ہر روز اپنی جان کا نذرانہ دے کر بھارت کی سازش کو ناکام بنا دیتے ہیں۔