Tag: سزائے موت کے خلاف اپیل مسترد

کراچی : ٹارگٹ کلنگ کے جرم میں سزائے موت کے منتظرصولت مرزا نے کہا ہے کہ میں آج نشان عبرت ہوں کل تک میں ایم کیو ایم کا کارکن تھا۔

پھانسی سے چند دن قبل صولت مرزا نے دیئے گئے ویڈیو بیان میں کہا کہ میں دنیا کے سامنے آج نشان عبرت کی طرح ہوں، جو مشہور ہوتا ہے اسے راستے سے ہٹا دیا جاتا ہے، مجھے فیلمی کا ڈر ہے میری فیلمی کا کوئی بھی شخص ایم کیو ایم میں نہیں ہے۔

ان کا کہنا تھا کہ جو کارکن پکڑے جاتے ہیں ان سے لاتعلقی کا اظہار کردیا جاتا ہے، کارکنان سے اپیل ہے کہ اپنی آنکھیں کھولیں، ہوش کریں ورنہ پچھتاوے کے سوا کچھ نہ ہوگا۔

انہوں نے کہا کہ میری پھانسی ملتوی کی جائے اور مجھے میری غلطیوں کے ازلالے کا وقت دیا جائے۔

صولت مرزا کا کہنا ہے کہ ہم سے کام کروایا گیا، الطاف حسین بابرغوری کے ذریعے ہدایت دیا کرتے تھے، بابرغوری کے گھر پرہم چار لوگوں بلایا گیا تھا۔

انہوں نے انکشاف کیا کہ مصطفی کمال کو ذلیل کرواکے نکالا گیا۔ عظیم احمد طارق کو بھی الطاف حسین کے کہنے پرقتل کروایا گیا۔

ان کا کہنا تھا کہ پیپلز پارٹی کی حکومت نے مجھ سے تعاون کیا، جبکہ ایم کیو ایم نے کام نکل جانے کے بعد مجھے ٹیشو پیپر کی طرح پھینک دیا تھا۔

کراچی: صولت مرزا کی اپیل سپریم کورٹ نے بھی مسترد کردی، تہرے قتل کے مجرم کوجمعرات کومچھ جیل پھانسی دی جائےگی، رشتہ داروں سےملاقات کرادی گئی۔

سپریم کورٹ میں صولت مرزا کی سزائے موت کیخلاف نظرثانی کی دوسری اپیل بھی مسترد کرتے ہوئے سزا برقرار رکھا گیا ہے۔

 سینٹرل جیل مچھ میں صولت مرزا کو انیس مارچ کی صبح تختہ دار پرلٹکایاجائےگا،جبکہ صولت مرزا کی بہن نے سندھ ہائیکورٹ میں صولت مرزا کی کراچی منتقلی کی درخواست دائرکی تھی جو منظور نہیں ہوئی اور صولت مرزاکےریڈوارنٹ جاری ہوگئے۔

 بعض ذرائع کے مطابق مچھ جیل میں رشتہ داروں سےملاقات کرادی گئی صولت مرزا کو کے ای ایس سی کےسابق ایم ڈی شاہدحامد سمیت تین افراد کے قتل کے جرم میں پھانسی کی سزاسنائی گئی ہے،مقتول شاہد حامد کی بیوہ نے صولت مرزا کوشناخت کرلیا تھا۔

صولت مرزا کو کل صبح پھانسی دینے کی تیاریاں مکمل ہوچکی ہیں، مچھ جیل میں صولت مرزا کی تازہ ترین تصویر اے آر وائی نیوز نے حاصل کرلی۔