Tag: سزائے موت

سعودی عرب میں وزارت داخلہ نے وطن سے غداری اور دہشت گردی پر دو شہریوں پر سزائے موت کا فیصلہ نافذ کردیا۔

سعودی خبر رساں ادارے کی رپورٹ کے مطابق وزارت داخلہ کا کہنا ہے کہ ’سعودی شہری سلطان بن محمد العتیبی اور ترکی بن محمد الحازمی نے دہشت گرد تنظیم سے وابستگی اختیار کرتے ہوئے وطن سے غداری کی‘۔

بیان کے مطابق منحرف فکر کے تحت دونوں شہریوں نے ملک کے استحکام اور رہائشیوں کے امن و امان میں خطرہ بننے کی کوشش کی ہے اور وطن کے خلاف جاسوسی کی۔

’عدالت نے دونوں ملزمان کو فساد پھیلانے اور امانت میں خیانت کی وجہ سے سر قلم کرنے کی سزا سنائی ہے‘۔

وزارت کے مطابق ’دونوں ملزمان کو گرفتار کرکے عدالت میں پیش کیا گیا جہاں شواہد اور ثبوت کی بنا پر انہیں قصور وار قرار دیا گیا‘، اپیل کورٹ نے زریں عدالت کے فیصلے پر تصدیق اور ایوان شاہی نے فیصلہ نافذ کرنے کی منظوری دی ہے۔

اس سے قبل سعودی عرب میں وزارت داخلہ کے بیان کے مطابق ’الجوف ریجن میں منشیات کی سمگلنگ کے جرم میں ایک غیرملکی کو سزائے موت دے گئی۔

سعودی خبر رساں ادارے کا اس حوالے سے کہنا ہے کہ شامی شہری غسان علی مضاوی کو مملکت میں نشہ آور گولیاں سمگل کرنے کے الزام میں حراست میں لیا گیا تھا۔

رپورٹس کے مطابق سیکیورٹی فورس نے اس حوالے سے تمام شواہد اور تفتیش مکمل کرکے مقدمہ عدالت کے حوالے کیا جہاں شامی شہری نے اپنے جرم کا اعتراف کرلیا جس پرعدالت نے موت کی سزا سنائی۔

وزارت داخلہ کے مطابق اپیل کورٹ اور پھر سپریم کورٹ نے ابتدائی عدالتی فیصلے کو برقرار رکھا۔ بالاخر شاہی حکم کے اجرا کے بعد گزشتہ روز ملزم کی سزا پر عملدرآمد کردیا گیا۔

2 طلبا کا قتل ، 3 پولیس اہلکاروں سمیت 4 ملزمان کو سزائے موت کا حکم

وزارت داخلہ کے مطابق مملکت میں منشیات فروشی اور سمگلنگ سنگین جرائم میں شامل ہے اور اس حوالے سے کوئی بھی شخص قانون سے بالاتر نہیں۔

سعودی عرب میں پاکستانی شہری کو ہیروئن اسمگلنگ کے الزام میں موت کی سزا دے دی گئی۔

بین الاقوامی خبر رساں ادارے کی رپورٹ کے مطابق وزارت داخلہ کے بیان میں کہا گیا ہے کہ ندیم شہزاد نامی پاکستانی شہری کو ہیروئن اسمگلنگ کے الزام میں حراست میں لیا گیا تھا۔

وزارت داخلہ کے بیان کے مطابق جرم ثابت ہونے پر مقامی عدالت کی جانب سے موت کی سزا سنائی، جس کو اپیل کورٹ اور سپریم کورٹ نے برقرار رکھا۔

بیان میں کہا گیا کہ مجرم کی سزائے موت پر آج دمام میں عمل درآمد کردیا گیا، اس سزا کا اعلان اس لیے کیا گیا تاکہ مملکت میں منشیات فروشی میں ملوث افراد کو خبردار کیا جاسکے۔

اس سے قبل سعودی عرب میں مملکت سے غداری کرنے پر 3 سعودی شہریوں کو پھانسی پر لٹکا دیا گیا تھا۔

وزارت داخلہ کے جاری کردہ اعلامیہ میں کہا گیا تھا کہ جن شہریوں کو پھانسی کی سزا دی گئی ہے اُن تینوں شہریوں کا تعلق دہشتگرد تنظیموں سے تھا۔

عرب میڈیا کا اس حوالے سے کہنا ہے سزائے موت پانے والے ملزمان میں حنیفیس الھدلی، ماجدی بن محمد بن عطین الکعبی اور ریاض بن عامر بن مطر بن الکعبی شامل ہیں۔

تینوں ملزمان نے دہشتگردوں کی تنظیموں کی سہولت کاری کی اور دہشتگردانہ سوچ اختیار کرتے ہوئے خون ریزی کا حصہ بننے کی کوشش کی۔

کانگو میں امریکی اور برطانویوں سمیت 37 افراد کو سزائے موت

ملزمان پر یہ بھی الزام عائد تھا کہ انہوں نے عوام کو مشتعل کرنے کی کوشش کی، تینوں کو الزامات ثابت ہونے پر پھانسی دیدی گئی۔